ဆက်သွယ်ရေးဥပဒေပုဒ်မ ပုဒ်မ ၆၆ (ဃ) ကိုလုံးဝပယ်ဖျက်ရန်သင့်ကြောင်း အမျိုးသား လွှတ်တော် ဆွေးနွေး

ကိုဆွေဝင်း ဖမ်းဆီးခံရ၊ အာမခံရရှိ

30 July 2017

ဆက်သွယ်ရေးဥပဒေပုဒ်မ ၆၆ (ဃ) နဲ့ တရားစွဲဆိုခံထားရတဲ့ Myanmar Now အယ်ဒီတာချုပ် ကိုဆွေဝင်းကို မင်္ဂလာဒုံမြို့နယ်ရဲစခန်းက ဒီနေ့ ရန်ကုန် အပြည်ပြည်ဆိုင်ရာ လေဆိပ်မှာ ဖမ်းဆီးလိုက်ပါတယ်။

လာမယ့် သြဂုတ်လ ၃ ရက်နေ့မှာ အဖမ်းခံမှာဖြစ်ကြောင်း ရဲစခန်းထံ အကြောင်းကြားပြီးချိန်မှာ ကိုဆွေဝင်းဟာ ဘန်ကောက်မှာရှိတဲ့ Myanmar Now ရုံးခွဲထံ သွားဖို့ ဒီနေ့ လေဆိပ်ရောက်ရှိချိန်မှာ ဖမ်းခံရတာဖြစ်တယ်လို့ သိရပါတယ်။ လက်ရှိမှာ မင်္ဂလာဒုံမြို့နယ် ရဲစခန်းမှာ ကိုဆွေဝင်းကို ဖမ်းဆီး ထိန်းသိမ်းထားတယ်လို့ သိရပါတယ်။

Myanmar Now အယ်ဒီတာချုပ် ကိုဆွေဝင်းဟာ မဘသ ဆရာတော် ဦးဝီရသူကို ပါရဇိက ကျသွားပြီလို့ မန္တလေးက ရဟန်းတော်တစ်ပါးက မိန့်ကြားထားချက်ကို ကိုးကားပြီး "အခြေခံ ဥပဒေပြင်လိုသူတွေကို မဘသ သတိပေး" ဆိုတဲ့ ခေါင်းစဉ်နဲ့ သတင်းကို ဖေဖော်ဝါရီလ ၂၇ နဲ့ ၂၈ ရက်နေ့တွေက သူရဲ့လူမှုကွန်ရက် စာမျက်နှာမှာ ဝေမျှ ခဲ့ပါတယ်။ အဲဒီလိုဝေမျှမှုကြောင့် ဦးဝီရသူရဲ့ တပည့်ဖြစ်သူ ကိုကျော်မျိုးရွှေက မန္တလေးမြို့အမှတ် ၇ ရဲစခန်းမှာ မတ်လ ၇ ရက်နေ့က ပုဒ်မ ၆၆(ဃ) နဲ့ အမှုဖွင့်တိုင်ကြားခဲ့တာဖြစ်ပါတယ်။

RFA Burmese

The Voice အယ်ဒီတာချုပ် အဖမ်းခံရ

ပီးခဲ့တဲ့ မတ်လ ၂၆ ရက်နေ့ နေ့စွဲနဲ့ ထုတ်ဝေတဲ့ The Voice သတင်းစာမှာ တပ်မတော်ကရိုက်ကူးတဲ့ "ပြည်ထောင်စုသစ္စာ" ရုပ်ရှင်ဇာတ်ကားကို "ကျည်ထောင်စုသစ္စာ" ဆိုပြီး သရော်စာ ရေးသားဖော်ပြခဲ့တာဖြစ်ပါတယ်။ ဒီကိစ္စနဲ့ ပတ်သက်ပြီး ဖြေရှင်းပေးဖို့ တပ်မတော်က မြန်မာနိုင်ငံ စာနယ်ဇင်းကောင်စီကို ဧပြီလ ၂၅ ရက်နေ့က တိုင်ကြားခဲ့ပြီး မေလ ၁၇ ရက်နေ့က ပုဒ်မ ၆၆-ဃ နဲ့ အမှုဖွင့်လိုက် တရားစွဲဆိုခဲ့တာဖြစ်ပါတယ် ။

Eleven Broadcasting

June 16

သရော်စာရေးသားဖော်ပြမှုကြောင့် ပုဒ်မ ၆၆ဃဖြင့်တရားစွဲခံထားရသည့် ဗြိတိသျှကိုကိုမောင်ကို တရားသေလွှတ်ပေးပြီး ကိုကျော်မင်းဆွေ အာမခံလျောက်ထားမှုကို ပယ်ချ (ရုပ်သံ)

ကျည်ထောင်စုသစ္စာသရော်စာကို ရေးသားဖော်ပြခဲ့တာကြောင့် ဆက်သွယ်ရေးဥပဒေပုဒ်မ ၆၆ဃနဲ့တရားစွဲခံထားရတဲ့ ဗြိတိသျှကိုကိုမောင်နဲ့ The Voice သတင်းစာအယ်ဒီတာချုပ်ကို ကျော်မင်းဆွေတို့ အမှုမှာသရော်စာရေးသားသူ ဗြိတိသျှ ကိုကိုမောင်ကိုတရားသေလွှတ်ပေးခဲ့ပြီး ကိုကျော်မင်းဆွေရဲ့ ဒုတိယအကြိမ် အာမခံတင်ထားမှုကိုတော့ ပယ်ချခဲ့ တယ်လို့ သိရပါတယ်။

 ပုဒ်မ ၆၆ (ဃ) ကိုလုံးဝပယ်ဖျက်ရန်သင့်ကြောင်း အမျိုးသား လွှတ်တော် ဆွေးနွေး

အိချယ်ရီအောင် (Myanmar Now)

ရန်ကုန်၊ ဇူလိုင် ၂၅

အငြင်းပွားဖွယ်ရာ ဆက်သွယ်ရေး ဥပဒေ ပုဒ်မ ၆၆ (ဃ) ကိုလုံးဝပယ်ဖျက်ရန်သင့်ကြောင်း အမျိုးသား လွှတ်တော် ကိုယ်စားလှယ် အများစုက ယနေ့ကျင်းပသည့် အမျိုးသားလွှတ်တော်အစည်းအဝေးတွင် တင်ပြဆွေးနွေးသည်။

နိုင်ငံတော်သမ္မတထံမှ ပေးပို့လာသော ‘ဆက်သွယ်ရေးဥပဒေကို ပြင်ဆင်သည့် ဥပဒေကြမ်း’နှင့် စပ်လျဉ်း၍ ယနေ့ ကျင်းပသည့် အမျိုးသားလွှတ်တော် အစည်းအဝေးတွင် ထိုသို့ဆွေးနွေးကြခြင်းဖြစ်သည်။

“ဒီမိုကရေစံချိန် စံညွှန်းနဲ့ လည်းမညီ၊ လူ့ အခွင့်အရေးနဲ့ လည်း မညီတဲ့အတွက် ပြည်သူလူထုကို ခြိမ်းခြောက်နေတဲ့ ဥပဒေဖြစ်တဲ့အတွက် သူခိုးကို သူခိုးမှန်း ရဲရဲဝံ့ဝံ့ပြောနိုင်ဖို့ အတွက် ပယ်ဖျက်သင့်ပါတယ်” ဟု တနင်္သာရီတိုင်းဒေသကြီး မဲဆန္ဒနယ်အမှတ် (၈) မှ အမျိုးသားလွှတ်တော်ကိုယ်စားလှယ် ဦးဥက္ကာမင်းက ဆွေးနွေးသည်။

ထိုပြင်ဆင်သည့်ဥပဒေကြမ်းနှင့်ပတ်သက်၍ ယနေ့ ဆွေးနွေးသူ ၁၄ ဦးရှိခဲ့ရာ ပုဒ်မ ၆၆(ဃ)ကို လုံးဝ ပယ်ဖျက်သင့်သည်ဟု အကြုံပြုဆွေးနွေးသည့် လွှတ်တော်ကိုယ်စားလှယ် ခုနစ်ဦးရှိခဲ့ပြီး ခြောက်ဦးမှာ အမျိုးသားဒီမိုကရေစီအဖွဲ့ချုပ်မှ ဖြစ်သည်။

စစ်ကိုင်းတိုင်းဒေသကြီး မဲဆန္ဒနယ် အမှတ် (၅)မှ အမျိုးသားလွှတ်တော်ကိုယ်စားလှယ် ဦးရဲထွဋ်ကလည်း ဆက်သွယ်ရေး ဥပဒေပုဒ်မ ၆၆ (ဃ) သည် ဥပဒေ အရ၊ နိုင်ငံရေး အရ၊ လူမှုရေးအရ လုံးဝမရှိသင့်ဟု ယူဆခြင်းကြောင့် ယင်းဥပဒေကို လုံးဝပယ်ဖျက်ရန် သင့်ကြောင်း၊ စစ်ကိုင်းတိုင်းဒေသကြီး မဲဆန္ဒနယ် အမှတ် (၆) မှ အမျိုးသားလွှတ်တော်ကိုယ်စားလှယ် ဦးဇော်မင်းက ၆၆ (ဃ) တွင် ပါရှိသည့် “အသရေဖျက်မှု”ဆိုသည့် အငြင်းပွားဖွယ် စကားရပ်ကို ပြင်ဆင်ရန်လိုသည့်အပြင် ထိုပုဒ်မအပေါ်တွင် အာမခံပေးသင့်ကြောင်း အသီးသီး ဆွေးနွေးကြသည်။

ဗိုလ်မှူးသက်မင်းဦး

ဆက်သွယ်ရေးဥပဒေကိုပြင်ဆင်သည့် ဥပဒေကြမ်းပါ “ပုဒ်မ ၆၅၊ ပုဒ်မ ၆၆ (က)၊ (ခ) နှင့် (ဃ) တို့ပါ ပြစ်မှုများကို အာမခံပေးနိုင်သည်” ဆိုသည့် အဆိုပြုစကားရပ်အား နိုင်ငံတော်အကျိုးစီးပွားကို ကာကွယ်ရန်အတွက် ထည့်သွင်း ပြဋ္ဌာန်းရန်မသင့်ကြောင်းနှင့် ဆက်သွယ်ရေး ဥပဒေပုဒ်မ ၆၆ ပုဒ်မခွဲ(က)သည် ဆက်သွယ်ရေးဆိုင်ရာ လုံခြုံရေးများနှင့် ပတ်သက်၍ တားဆီးအရေးယူနိုင်ရန်အတွက် ပြဋ္ဌာန်းထားခြင်းဖြစ်ကြောင်း ဝင်ရောက်ဆွေးနွေးခဲ့သည့် တစ်ဦးတည်းသော တပ်မတော်သားလွှတ်တော်ကိုယ်စားလှယ် ဗိုလ်မှူး သက်မင်းဦးက ပြောသည်။

“၀န်ကြီးဌာနအချင်းချင်း ဆက်သွယ်တဲ့ network (ကွန်ရက်) များကို ၀င်ရောက်နှောင့်ယှက်သူအား မဖြစ်မနေအရေး ယူဆောင်ရွက်ရမှာဖြစ်ပါတယ်။ eGovernment system (နည်းပညာအခြေပြု အစိုးရ ယန္တရား) များ နှောင့်ယှက်ဖျက်စီးခြင်းခံရပါက နိုင်ငံတော်အစိုးရ၏ ကြီးကြပ်ကွပ်ကဲမှု လုပ်ငန်းစဉ်များ နှောင့်နှေးသွားမှာဖြစ်ပါတယ်။ အုပ်ချုပ်မှု ယန္တရားအား များစွာထိခိုက်နိုင်တာကြောင့် နိုင်ငံတော်အတွက်လည်း ကြီးမားသောဆုံးရှုံးမှု ဖြစ်စေနိုင်ပါတယ်” ဟု ၎င်းကပြောသည်။

ဆက်သွယ်ရေးရာဇ၀တ်မှု ကျူးလွန်သူတစ်စုံတစ်ဦး သို့ မဟုတ် အဖွဲ့ အစည်းတစ်ရပ်အား အာမခံ ပေးထားခြင်းသည် သင့်လျော်မှုမရှိဟု ၎င်းကပြောသည်။

ဆက်သွယ်ရေး ဥပဒေပုဒ်မ ၆၅၊ ၆၆ (က)၊ (ခ) နှင့် (ဃ) တို့အား အာမခံပေးနိုင်သည်ဟု ပြင်ဆင်ရန် ထည့်သွင်းထားခြင်းသည် ဥပဒေပြုရေး မဏ္ဍိုင်နှင့် တရားစီရင်ရေး မဏ္ဍိုင်အပေါ် လွှမ်းမိုးဆောင်ရွက်သကဲ့သို့ ဖြစ်နေခြင်းကြောင့် ပြန်လည်သုံးသပ်သင့်ပါကြောင်း ဗိုလ်မှူးသက်မင်းဦးကပြောသည်။

“လူ့ အခွင့်အရေး ကာကွယ်မှုတစ်ခုတည်းသာမရှုမြင်ဘဲ နိုင်ငံတော်လုံခြုံရေး ၊ နိုင်ငံရေး ၊ စီးပွားရေး ၊ အုပ်ချုပ်ရေး အမြင်များဖြစ်သုံးသပ်သင့်ပါတယ်” ဟု ၎င်းကပြောသည်။

၂၀၁၃ ခုနှစ် ဆက်သွယ်ရေးဥပဒေ ပုဒ်မ ၆၆ (ဃ) အရ မည်သူမဆို ဆက်သွယ်ရေး ကွန်ရက်တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့် တောင်းယူခြင်း ၊ အနိုင်အထက်ပြုခြင်း ၊ မတရားတားဆီး ကန့်ကွက်ခြင်း ၊ အသရေဖျက်ခြင်း ၊ နှောက်ယှက်ခြင်း ၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း … တစ်ရပ်ရပ်ကို ကျူးလွန်ကြောင်း ပြစ်မှုထင်ရှား စီရင်ခြင်းခံရပါလျှင် ထိုသူအား သုံးနှစ် ထက်မပိုသော ထောင်ဒဏ်ဖြစ်စေ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်ဟု ပြဋ္ဌာန်းထားသည်။

အဆိုပါ ဥပဒေပုဒ်မကို ပြင်ဆင် သို့မဟုတ် ပယ်ဖျက်ပေးဖို့ အတွက် အရပ်ဘက်အဖွဲ့ အစည်းများက တောင်းဆိုမှုလျက်ရှိသည်။

ယခင်အစိုးရလက်ထက်တွင် ၆၆ (ဃ) ဖြင့် တရားစွဲခံရမှု ခုနစ်မှုရှိခဲ့ပြီး ပြစ်ဒဏ်ချမှတ်ခံရမှု ငါးမှု ရှိခဲ့ကြောင်း လက်ရှိအစိုးရလက်ထက်တွင် ရုံးတင်တရားစွဲဆိုခံရသည့် အမှုပေါင်း ၆၉ မှုရှိပြီး ပြစ်ဒဏ်ချမှတ်ပြီးအမှု ၁၁ မှု၊ လတ်တလောအာမခံမရရှိဘဲ အချုပ်ကျနေသော အမှုကိုးမှု ရှိကြောင်း ဆက်သွယ်ရေးဥပဒေ ဆိုင်ရာသုတေသနအဖွဲ့ (Research Team For Telecommunications Law) အဖွဲ့၏ ဇူလိုင်လ ၂၃ ရက်နေ ထုတ်ပြန်ချက်များ အရသိရသည်။

ထိုအမှုများထဲတွင် 

တပ်မတော်ကတရားစွဲခဲ့သောအမှုခုနစ်မှု၊ အမျိုးသားဒီမိုကရေစီအဖွဲ့ချုပ်က တရားစွဲခဲ့သောအမှုခြောက်မှု နှင့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် နှင့်ပတ်သက်၍ ကြားလူများက တရားစွဲခဲ့သောအမှု ရှစ်မှုရှိကြောင်း သိရသည်။

ထို့ ပြင် သတင်းမီဒီယာသမားများအပေါ် အရေးယူထားသောအမှု ၁၀ မှု အထိရှိနေပြီး သတင်းသမား ၁၈ ဦး တရားရင်ဆိုင်နေရကြောင်း ထုတ်ပြန်ချက်တွင် ပါရှိချက်များအရသိရသည်။

၂ဝ၁၇ခုနှစ်၊ ဇူလိုင်လ ၂၃ ရက်နေ့အထိကောက်ခံရရှိသော စာရင်းများအရ ဆက်သွယ်ရေး ဥပဒေ ပုဒ်မ ၆၆(ဃ) ဖြင့် ရုံးတင်ပြီးတရားစွဲဆိုမှု စုစုပေါင်း ၇၆ မှု ရှိပြီဖြစ်ကြောင်းနှင့် အဆိုပါ တွက်ချက်မှုများတွင် တိုင်ကြားသူရှိပြီး တရားခံမဖော်ထုတ်နိုင်သေးသောအမှုများနှင့် ရဲစခန်းမှာတွင်ပင် ပိတ်သိမ်းသွားသည့် အမှုများကို ထည့်သွင်းတွက်ချက်ထားခြင်းမရှိကြောင်း ယင်းအဖွဲ့ဝင် ကဗျာဆရာမောင်ဆောင်းခက ပြောသည်။

မောင်ဆောင်းခ ကိုယ်တိုင်က ၆၆(ဃ)ဖြင့် ထောင်ဒဏ် ခြောက်လ ကျခံခဲ့ရသူဖြစ်သည်။

ပုဒ်မ ၆၆ဃ ပြင်ဆင်မှုနှင့်ပတ်သက်၍ လွှတ်တော်နှင့် ဆက်သွယ်ရေးဝန်ကြီး ဌာနတို့တွင် အဓိက တာဝန်ရှိကြောင်း၊ ပြင်သည်ဆိုရာတွင်လည်း အာမခံပေးနိုင်သည်ဟု ပြင်ဆင်ရုံဖြင့် တရားမျှတမှု ပိုရှိမလာနိုင်ကြောင်း ၎င်းက ပြောသည်။

"လူတစ်ယောက်ကို အချိန်မရွေး လုပ်ကြံဖန်တီးပြီးတော့ တရားစွဲလို့ရတာရှိတယ်။ အသရေဖျက်မှု မြောက်မမြောက်ဆိုတဲ့ အဓိပ္ပာယ်သတ်မှတ်ချက်တွေက ဝေဝါးတယ်လေ။ လူတစ်ယောက်က ဝေဖန်တယ်။ ဒါကို တစ်ဖက်သက် ‘ငါ့ကို အသေရေဖျက်ပါတယ်’ ဆိုပြီး တရားစွဲရင်လည်း ဒီဥပဒေအရ ခွင့်ပြုနေရပြန်ရော။ အဲ့ဒီလို အခြေအနေမျိုးမှာ အာဏာရှိတဲ့သူတွေ၊ သြဇာရှိတဲ့သူတွေက ဒီဥပဒေကို အသုံးချလာတဲ့ အခါ စွပ်စွဲခံရတဲ့သူက ပိုပြီးတော့ လွတ်မြောက်နိုင်ခြေ နည်းသွားတာပေါ့။ အာမခံပေးရုံနဲ့ကတော့ လုံးဝ အဖြေ ဖြစ်မလာနိုင်ဘူး။ ဒီလိုအမှုတွေက လျော့သွားမှာမဟုတ်ဘူး။ ဒီအမှုနဲ့မတရား ဖမ်းဆီး ထောင်ချခံရခြင်းကလည်း လွတ်နိုင်မှာ မဟုတ်ဘူးလို့ ယုံကြည်ပါတယ်" ဟု မောင်ဆောင်းခကဆိုသည်။
.
.
ထိုပြင်ဆင်သော ၆၆(ဃ) အတည်ဖြစ်လျှင် ဖမ်းခံရလျှင်လဲ အာမခံရမည်ဖြစ်သည်။
။။။။။။။။။။။။။။။။။။။။။။။။။။။။။။။။။။