အားလုံး သိထားသင့်သော အစိုးရ ရင်ဆိုင်နေရသည့် စွမ်းအင် ပြဿနာ
=============================
=============================
အမျိုးသား ဒီမိုကရေစီ အဖွဲ့ချုပ်သည် ၂၀၁၅ တွင် အာဏာ စတင်ရရှိလာခဲ့သည့် အချိန်တွင် စီးပွားရေး ဖွံ့ဖြိုးတိုးတက်ရေးသည် အဓိက ဦးစားပေး အဖြစ် ထားရှိခဲ့သည့်အပြင် ရေးဆွဲလာသည့် လူမှုရေး နှင့် ပါတ်ဝန်းကျင် ထိမ်းသိမ်းရေး မူဝါဒများသည် လည်း နိူင်ငံခြား ရင်းနှီးမြုပ်နှံသူများ အကြိုက် ဖြစ်ခဲ့ပါတယ်။
သို့သော် အဆိုပါ မူဝါဒများကို လက်တွေ့ အကောင်အထည်ဖေါ်ရင်း နိူင်ငံ၏ စီးပွားရေးကို ၂၁ ရာစု တွင် အမှီလိုက်နိူင်ရန် ကြိုးစားလာသည်နှင့်အမျှ တဆက်တည်း ပေါ်ပေါက်လာမည့် ပြဿနာ အတိမ်အနက်ကိုမူ ကြိုတင်သိမြင်နိူင်စွမ်း မရှိခဲ့ပေ။
ယခုအခါ စွမ်းအင် မလုံလောက်မှုသည် အဓိက ထား ဖြေရှင်းရမယ့် အရေး ဖြစ်လာနေပြီး အစိုးရ အနေနဲ့ မလွှဲသာ မရှောင်သာပဲ ဟိုက်ဒရိုကာဘွန်တွေကို ဦးစားပေးရန် ရှိလာတဲ့ အတွက် ဆန္ဒပြ ကန်ကွက်မှု များ တိုင်းပြည်အနှံ့ ပေါ်ပေါက်လာခဲ့ရပါတယ်။
လျပ်စစ်ဓါတ်အား ပြတ်တောက်နေမှု ရေရှည် ဖြစ်လာသည်နှင့်အမျှ နိူင်ငံခြား ရင်းနှီးမြုပ်နှံသူ များ အနေနဲ့ ၀င်ရောက်လုပ်ကိုင်ဖို့ နောက်တွန့်လာခဲ့ကြတာ တွေ့ရပါတယ်။
ဓါတုကုန်ပစ္စည်းများ ထုတ်လုပ်ရန် မကြာမီက မှ လာရောက်လေ့လာခဲ့တဲ့ ဂျပန် မှ အလယ်အလတ် အဆင့်ရှိ ကုမ္ပဏီကြီး မှလည်း ထိုအကြောင်းများကြောင့် စိတ်ပျက်လက်ပျက် ပြန်သွားခဲ့ပါတယ်။ ၎င်းတို့ အနေနဲ့က လျပ်စစ်ဓါတ်အား မကြာခဏ ပြတ်တောက်ခြင်းကြောင့် ကုန်ထုတ်လုပ်ငန်း များ ထိခိုက်နိူင်ယုံမက ၎င်းတို့ရဲ့ အဖိုးတန် စက်ပစ္စည်းများ ထိခိုက်လာမယ့်အရေးကိုပါ တွက်ဆလာခဲ့ပြန်ပါတယ်။
ဒီနေရာမှာ အရေးပေါ် ဂျင်နရေတာ တွေ တပ်ပြီး လုပ်ငန်းကို စဉ်ဆက်မပြတ် လည်ပါတ်အောင် ပြုလုပ်ကောင်း ပြုလုပ်နိူင်ပေမယ့် အဲ့ ဒီအတွက် ကုန်ကျစရိတ်က လုပ်အားခ ဈေးပေါပေါ နဲ့ ရရှိမယ့် အကျိုးအမြတ် ကို ပြန်ထေမိစေနိူင်တဲ့ အတွက် တွက်ခြေမကိုက်ဖူးလို့ ယူဆခဲ့ကြပါတယ်။ ဒီအတွက် လုပ်အားခ ဈေးပေါတာချင်းတူတဲ့ အခြား အရှေ့တောင်အာရှ နိူင်ငံ များကို ခြေဦးလှည့်ဖို့ စဉ်းစားလာခဲ့ရပါတယ်။
ဒေါ်အောင်ဆန်းစုကြည် အစိုးရ က ပါတ်ဝန်းကျင် ညစ်ညမ်းရေး ကို ကာကွယ်မယ့် မူဝါဒတွေ ချမှတ်ထားပေမယ့် ပါတီ တွင်းရှိ အချို့ခေါင်းဆောင်များက ကျောက်မီးသွေးမှ လျပ်စစ်ဓါတ်အား ထုတ်ဖို့ သာ ရှိတော့တယ်လို့ ပြောဆိုလာနေခဲ့ပြီ ဖြစ်ပါတယ်။
ဒီအတွက် လျပ်စစ် စွမ်းအင် ၀န်ကြီးဌာနရဲ့ အမြဲတမ်း အတွင်းဝန် ဖြစ်သူ ဦးထိန်လွင်က ကျောက်မီးသွေးကနေ လေထု ညစ်ညမ်းမှု မရှိအောင် ထုတ်လုပ်နိူင်မယ့် နည်းပညာ ရရင် လက္ခံ ပြီး လုပ်သွားယုံကလွဲလို့ အခြား နည်းလမ်း မရှိတော့ဖူးလို့ ဆိုပါတယ်။ အဆိုပါ နည်းပညာသည် လွန်စွာ ဈေးကြီးသော်လည်း လျပ်စစ်ကို အမြန် ထုတ်လုပ်နိူင်မယ့် တခုတည်းသော နည်းလမ်း ဖြစ်တယ်လို့ ပါတီ ဗဟိုအလုပ်အမှုဆောင် ဦးဝင်းထိန် က ပြောခဲ့ပြန်ပါတယ်။
ရန်ကုန်တိုင်း ၀န်ကြီးချုပ် ဦးဖြိုးမင်းသိန်းကလည်း ကျောက်မီသွေးမှ လျပ်စစ် ထုတ်လုပ်တဲ့ နည်းပညာ ကို အမှီလိုက်နိူင်ရင် လျပ်စစ်ဓါတ်ကို ဈေးပေါပေါ နဲ့ ထုတ်လုပ်နိူင်မယ်လို့ ဆိုပါတယ်။
အရင်က ပါတ်ဝန်းကျင် ထိမ်းသိမ်းရေး မူဝါဒကို ပါတီက စွဲကိုင်လိုပေမယ့် အခုအခါ စီးပွားရေး တိုးတက်ဖို့ ဦးစားပေးရမယ့် အနေအထားဖက်ကို ယိမ်းယိုင်လာနေပြီ ဖြစ်ပါတယ်။
ယခုအခါ အစိုးရမှ တိုကျို တောင်ဖက် ရှိ ယိုကိုဟာမား အပူစွမ်းအင်သုံး ကျောက်မီးသွေး ဓါတ်အားပေးစက်ရုံကို နမူနာ ကြည့်ဖို့ စိတ်အားထက်သန်လာနေကြပါတယ်။
ပြီးခဲ့တဲ့ ငါးနှစ်အတွင်း နိူင်ငံတွင်း လျပ်စစ်ဓါတ်အား သုံးစွဲမှု ပမာဏသည် နှစ်ဆတိုးတက်လာခဲ့ရပြီး ယခုနှစ်မေလ အတွင်း ၃,၀၇၀ မီဂါဝတ် အထိ စံချိန်တင်လောက်အောင် သုံးစွဲခဲ့တာ တွေ့ရပါတယ်။ ဂျပန် ရှိ JICA အကူအညီ နဲ့ စွမ်းအင်သုံးစွဲမှု ပမာဏ ကို ခန့်မှန်းတွက်ချက်ရာမှာ ၂၀၂၀ တွင် မီဂါဝတ် စုစုပေါင်း ၃,၈၆၀ မှ ၄,၅၃၀ အထိ ရောက်ရှိလာမယ်လို့ ဆိုပါတယ်။ ၂၀၃၀ တွင် ၁၄,၅၄၀ မီဂါဝတ် အထိ ဖြစ်လာမယ့် လို့ ခန့်မှန်းခဲ့ကြပါတယ်။
ထိုကဲ့သို့ တိုးတက် မြင့်မားလာနိူင်သည့် အကြောင်းရင်းများ မှာ မြန်မာသည် ထိုအချိန်လောက်တွင် စက်မှု ထွန်းကား လာနိူင်ပြီး တနိူင်ငံလုံး နီးပါး လျပ်စစ်ဓါတ်အား သုံးစွဲလာနိူင်မှု အပေါ် အခြေခံ တွက်ချက်ခဲ့ခြင်း ဖြစ်ပါတယ်။ ယခုလောလောဆယ်တော့ အိမ်ထောင်စု ပေါင်း ရဲ့ ၃၀% လောက်သာ သုံးစွဲနိူင်သေးတာ တွေ့ရပါတယ်။
ထိုကဲ့သို့ တိုးတက်လာမှု ကို ဖြည့်ဆည်းရန် ရေအား ၊ သဘာဝ ဓါတ်ငွေ့ နဲ့ ကျောက်မီးသွေး တို့မှသာ လျပ်စစ်ဓါတ် ထုတ်လုပ်နိူင်ဖို့ ပဲ ရွေးစရာ ရှိနေပါတယ်။
နိူင်ငံ မြောက်ပိုင်းရှိ တောင်ထူထပ်သော အရပ်ရှိ မြစ်ချောင်းများမှ ရေအား လျပ်စစ်ကို အလျံပါယ် ထုတ်လုပ်နိူင်မှာ ဖြစ်ပေမယ့် ဆည်တွေ တည်ဆောက်မည်ဆိုက ပါတ်ဝန်းကျင် ထိမ်းသိမ်းရေး နဲ့ လူနေမှု စနစ်များ ထိခိုက်မယ့် အရေး များကြောင့် ကန့်ကွက်လာကြအုန်းမှာ ဖြစ်ပါတယ်။ ဒါအပြင် စွမ်းအင်ထုတ်လုပ်နိူင်တဲ့ အဆင့်ရောက်အောင် အနည်းဆုံး ဆယ်နှစ်ခန့် အချိန်ယူ တည်ဆောက်ရဖို့လည်း ရှိနေတဲ့အပြင် တိုင်းရင်းသား လက်နက်ကိုင်များ ထိမ်းချုပ်ရာ ဒေသများအတွင်းမှာ ဖြစ်နေတဲ့ အတွက် ဖြစ်နိူင်ခြေ နည်းပါးနေပြန်ပါတယ်။
သဘာဝ ဓါတ်ငွေ့ကတော့ ကျောက်မီးသွေးထက်စာရင် လေထုညစ်ညမ်းမှု သက်သာ စေပါတယ်။ မြန်မာနိူင်ငံ မှာ သဘာဝဓါတ်ငွေ့တွေ ပေါများ ကြွယ်ဝလှသော်လည်း LNG ထုတ်လုပ်နိူင်တဲ့ အဆင့်ရောက်အောင် ထုတ်လုပ်နိူင်မယ့် အခြေခံ အဆောက်အအုံတွေ တည်ဆောက်ဖို့က ငွေအမြောက်အမြား ရင်းနှီးမြုပ်နှံရမှာ ဖြစ်နေပြန်တဲ့အတွက် အဆိုပါ ကဏ္ဍမှ စွမ်းအင်ထုတ်လုပ်မည်ဆိုက ပြည်ပမှ ပြန်လည် ၀ယ်ယူတင်သွင်းရမှာ ဖြစ်နေပြန်ပါတယ်။
လက်ရှိ နိူင်ငံ၏ ကမ်းလွန်တွင်းများမှ သဘာဝ ဓါတ်ငွေ့ကို တနေ့ကုဗပေ သန်း နှစ် ဘီလံယံ ခန့် ထုတ်လုပ်နိူင်နေပေမယ့် ၂၀% ခန့်ကိုသာ ပြည်တွင်း သုံးစွဲနိူင်ပြီး ကျန်တာကို တရုတ်၊ ထိုင်း နဲ့ အခြားနိူင်ငံများကို တင်ပို့ ရောင်းချနေရပါတယ်။
ကျောက်မီးသွေး မှ ထုတ်လုပ်နိူင်ရန် အတွက်ဆိုက အရည်အသွေး မြင့်မားတဲ့ အပူပေးထားပြီးသား ကျောက်မီးသွေးများကို အင်ဒိုနီရှားမှ တင်သွင်းရမှာ ဖြစ်ပါတယ်။ ဒါမှလည်း အဆင့်မြင့် နည်းပညာများနဲ့ ပါတ်ဝန်းကျင် ထိခိုက်မှု အနည်းဆုံး ဖြစ်အောင် ထုတ်လုပ်နိူင်မှာ ဖြစ်ပါတယ်။ မြန်မာနိူင်ငံ မှ ထွက်ရှိတဲ့ ကျောက်မီးသွေးများက အဆိုပါ နည်းပညာ သုံးဖို့ အရည်အသွေး မမှီတာ တွေ့ရပါတယ်။ ကျောက်မီးသွေးက LNG ထက် စာရင် ဈေးနှုန်း အထိုက်အလျောက် တည်ငြိမ်မှု ရှိတာတွေ့ရပါတယ်။ LNG ကတော့ ကမ္ဘာရေနံ ဈေးကွက် လိုက်ပြီး အတက်အကျ ရှိပါတယ်။
ပြည်ပ နိူင်ငံမှ အမြဲတမ်း ၀ယ်ယူ တင်သွင်း ရမည့် အနေအထားသည် ကုန်သွယ်ရေး လိုငွေ ပြလာနိူင်သည်သာ မက ၎င်းတို့ အပေါ် မှီခိုလာရမယ့် အန္တရာယ် ရှိနေပါတယ်။
ကျောက်မီးသွေး လျပ်စစ်ဓါတ်အားပေး စက်ရုံများ အနားမှာ နေထိုင်ရမယ့် နိူင်ငံသားများရဲ့ အပြင်းအထန် ကန့်ကွက်မှုများကြောင့် တည်ဆောက်ရန် ရှိနေတဲ့ စီမံကိန်း ဆယ်ခု ခန့် ရပ်ဆိုင်းလိုက်ရတဲ့ အနေအထား ကို ရောက်သွားခဲ့ပါတယ်။
မကြာမီ က ပြည်နယ်ဝန်ကြီးချုပ်တဦးက ကျောက်မီးသွေး နဲ့ ပါတ်သက်ပြီး ထင်မြင်ချက် ပေးလာခဲ့ခြင်းက နောက်တကြိမ် လူထုရဲ့ သဘောထားကို စမ်းစပ်မှု သက်သက်သာဖြစ်ပါတယ်။ လူထု ဆန္ဒပြမှုများသည် နိူင်ငံရေး အရ ထည့်သွင်း တွက်ချက်ရမယ့် အန္တရာယ် တခု ဖြစ်နေတာကြောင့် အလောသုံးဆယ် တွန်းတွန်း တိုက်တိုက် ပြုလုပ်လို့ မရသေးတာ တွေ့ရပါတယ်။
နောက်တချက် စိမ်ခေါ်မှုကတော့ လျပ်စစ်ဓါတ်အားခ နှုန်းပဲ ဖြစ်ပါတယ်။ အစိုးရမှ လူထုနဲ့ စီးပွားရေး လုပ်ငန်းများ သက်သက်သာသာ နဲ့ အသုံးပြုနိူင်အောင် ငွေ ကြေး စိုက်ထုတ်ပြီး ဈေးကွက်ပေါက်ဈေး ထက် လျော့ပြီး ရောင်းချပေးခဲ့ပါတယ်။ ထို့အတွက် လျပ်စစ်ကဏ္ဍ အနေနဲ့ ငွေကြေး အကျိူးအမြတ် မရရှိတော့တဲ့ အတွက် လုိအပ်တဲ့ အခြေခံ အဆောက်အအုံများ တိုးချဲ့ဖို့ မသုံးစွဲနိူင်တဲ့ အခြေအနေ ရောက်ရှိခဲ့ရပါတယ်။
အစိုးရအနေနဲ့ ဓါတ်အားခ မြှင့်တင်ဖို့ အကြံအစည် ကို စဉ်းစားနေပေမယ့် ထို ကဲ့သို့ ဈေးနှုန်းကြီးမြင့်မှု ဒဏ်ကို ခါးကော့အောင် ခံရမယ့် လူများက ထုတ်လုပ်နိူင်တဲ့ ဓါတ်အားပမာဏ ရဲ့ တ၀က်ခန့်ကို သုံးစွဲနေတဲ့ အိမ်ထောင်စုများပဲ ဖြစ်နေတာ တွေ့ရပါတယ်။
ဒီလို ငဲ့ညှာရမယ့် အနေအထား များစွာကို ထည့်သွင်း စဉ်းစားနေရတဲ့ အစိုးရ အဖို့ ရှေ့လျောက် ဘယ်လို စီမံဆောင်ရွက် သွားမလဲ ဆိုတာ အချိန်ယူ ဆုံးဖြတ်ရဖို့ ရှိနေပါတယ်။
ကိုးကား ။ ။ "Suu Kyi's dilemma over Myanmar energy mix" from Nikkei Asian Review
.
.
.
.
No comments:
Post a Comment