၂၀၁၂ မြန်မာအဖွဲ့ ပိုလန်နိုင်ငံတွင် သင်တန်းတက်ကြခြင်း

ရုပ်သေးရုပ် သမ္မတကြီး၊ စီမံခန့်ခွဲမှု ညံ့ဖျင်းခြင်း၊ အာဏာအလွဲသုံးစားမှု များနှင့် နုိုင်ငံတော် ကျဆုံးခြင်း

( By သာလွန်ဇောင်းထက်)

၂၀၁၂ ခုနှစ်မှာ ဒေါ်အောင်ဆန်းစုကြည်ရဲ့ တုိုက်ရုိုက် ရွေးချယ်မှုနဲ့ ကျနော် သာလွန်ဇောင်းထက် ၊ ကုမုဒြာက သတင်းထောက် နန်းလွင်၊ ဒီဗွီဘီသတင်းထောက် ကုိုမောပြေတုို့ ပုိုလန်နုိုငံ National School of Public Administration က ပို့ချတဲ့ Strategic Economic Needs and Security Exercise ကို သွားရောက် သင်ယူခဲ့ရ ပါတယ်။

NLD ပါတီက ဗဟုိုအလုပ်အမှုဆောင် ဦးဟံသာမြင့်၊ ဦးမောင်မောင်ဦး( ယခု အင်းစိန် လွှတ်တော်အမတ်နှင့် ပါတီစည်းကမ်းထိန်းသိမ်းရေး)၊ ကုိုမျိုးရန်နောင်သိမ်း(ဗေဒါကျောင်း) ၊ ဒေါက်တာ ခင်ဇော်ဝင်း၊ ဒေါက်တာဖုန်းဝင်း(မင်္ဂလာမြန်မာ) ၊ ဒေါ်ယူဇာမော်ထွန်း(မင်္ဂလာမြန်မာ) ၊ ဒေါ်နေရီဗဆွေ၊ အနဂ္ဂ(အဆုိုတော်) ၊ အဆုိုတော်သံသာဝင်း အပါအ၀င် ပါတီစုံက လူ ၅၂ ဦး ပါဝင်ပါတယ်။

သင်တန်းက စက်တင်ဘာလ ၃ ရက်နေ့ကနေပြီး ၇ ရက်နေ့အထိ ၀ါဆောမြို့၊ KRAJOWA SZKOLA ADMINISTRACJI PUBLICZNEJ မှာ ပြုလုပ်တာပါ။

သမ္မတဒေါက်တာခင်ဇော်ဝင်းကို မကြိုက်ဘူး
===========================

ပိုလန်ရောက်တာနဲ့ ကျနော်တုို့ကို အခရုိုနာ အစုိုးရ တစ်ရပ်ဖွဲ့စည်းပေးပြီး အစုိုးရ တစ်ရပ်ရဲ့ လုပ်ငန်းဆောင်တာတွေကို လုပ်ဆောင်စေပါတယ်။ ကွန်ပျူတာတွေမှာ ၀န်ကြီးတွေ စီမံခန့်ခွဲရတဲ့ တုိုင်းပြည် ဘဏ္ဍာရေးဆုိုင်ရာ အပါအ၀င် အစုိုးရ တစ်ရပ် လုပ်ဆောင်ရမယ့် လုပ်ငန်းဆောင်တာတွေကို Software နဲ့ သွင်းထားပါတယ်။

ပထမဆုံး အခရုိုနာအစုိုးရ(စိတ်ကူးယဉ်နုိုင်ငံ) ရဲ့ သမ္မတ ဒေါက်တာခင်ဇော်ဝင်းကို ခန့်အပ်ပါတယ်။ အဲဒီမှာ ပွဲဆူတော့တာပါပဲ။ ဒေါက်တာခင်ဇော်ဝင်းကို သမ္မတ အဖြစ်က ပြောင်းပေးပါ။ သူ့အောက်မှာတော့ မလုပ်ချင်ဘူးဆုိုတဲ့ တောင်းဆုိုမှုတွေ နုိုင်ငံရေးပါတီက လူတွေဆီက စထွက်လာပါတယ်။

သင်တန်းတာဝန်ရှိသူတွေကုို စပြီး စောဒက တက်ကြပေမယ့် သင်တန်းတာဝန်ရှိသူတွေက သမ္မတ ပြောင်းမပေးနုိုင်ကြောင်းနဲ့ အဆင်ပြေအောင် လုပ်ကြဖို့ မှာလုိုက် ပါတယ်။

စိတ်ကူးယဉ်အစုိုးရမှာတောင် ကိုယ်မကြိုက်တဲ့လူပါရင် ချက်ချင်းတုံ့ပြန်တတ်တဲ့ မြန်မာတွေ အကျင့်ကို ပိုလန်တွေ က သိပ်ပြီး သဘောမကျတဲ့ပုံစံ တွေ့ရပါတယ်။

ဝန်ကြီးဌာနတွေ အချင်းချင်း ရန်ဖြစ်ကြ
=======================

အစိုးရ ၀န်ကြီးအဖွဲ့ ဖွဲ့စည်းတော့ သမ္မတဒေါက်တာခင်ဇော်ဝင်း၊ ဘဏ္ဍာရေးဝန်ကြီး ဦးမျိုးရန်နောင်သိန်း၊ စီးပွားကူးသန်းဝန်ကြီးဒေါ်ယူဇာမော်ထွန်း၊ ပြည်ထဲရေးဝန်ကြီး ဒေါ်အိမ့်သီရိ၊ ပညာရေးဝန်ကြီး အမျိုးသမီး တစ်ဦး ၊ သယ်ယူပို့ဆောင်ရေးဝန်ကြီးကျနော် သာလွန်ဇောင်းထက်၊ သဘာဝပတ်ဝန်းကျင် ထိန်းသိမ်းရေး ၀န်ကြီး ဒေါ်နေရီဗဆွေ၊ ကျန်းမာရေးဝန်ကြီး NLD ဦးမျိုးညွှန့် ( ယခု ကွယ်လွန်) တုို့ပါဝင်ပါတယ်။

အခြားသော နုိုင်ငံရေးပါတီတွေက လူတွေကတော့ အရပ်ဘက် အဖွဲ့အစည်းတွေ ၊ UN ၊ ကမ္ဘာ့ဘဏ်၊ စတဲ့ နုိုင်ငံတကာ အဖွဲ့အစည်းတွေရဲ့ ဥက္ကဋ္ဌ တွေအဖြစ် သရုပ်ဆောင်ခွင့်ရကြပါတယ်။

အစုိုးရ တစ်ရပ် စတင်ပြီဆုိုတာနဲ့ သမ္မတကြီး ဒေါက်တာခင်ဇော်ဝင်းက အစည်းအဝေးခေါ်ပါတယ်။ စိတ်ကူးယဉ် အစုိုးရပေမယ့် သူနဲ့ အဆင်မပြေသူတွေကတော့ သမ္မတ ဒေါက်တာခင်ဇော်ဝင်းစကား သိပ်ပြီးတော့ နားမထောင်လှဘူး။ ပိုလန်တွေရဲ့ သုံးသပ်မှုအရတော့ ကျနော်တုို့ အစုိုးရဟာ စကတည်းက ပူးပေါင်းမှု အားနည်းခဲ့ကြပါတယ်။

ကျန်းမာရေးနဲ့ ဘဏ္ဍာရေး ရန်ဖြစ်ကြ ၊ ချကြ
===========================

ပွဲဦးထွက်မှာကတည်းက သမ္မတ ဒေါက်တာခင်ဇော်ဝင်း စကားကို ၀န်ကြီးတွေက နားမထောင်ကြဘဲ ကိုယ်လုပ်ချင်ရာ စလုပ်ကြပါတယ်။

အရင်ဆုံးကတော့ စပြီး ရှုးရှုးရှဲရှဲ ရန်စဖြစ်တာကတော့ ကျန်းမာရေးဝန်ကြီး NLD လူငယ် ကိုမျိုးညွှန့်ပါပဲ။ သမ္မတက စလို့ ၀န်ကြီးတွေ အားလုံး ကိုင်တဲ့ ကွန်ပျူတာတွေက ချိတ်ဆက်ထားပြီး အစုိုးရ တစ်ရပ် လုပ်ငန်းစဉ်တွေအားလုံးကို ကွန်ပျူတာက စေခိုင်း လုပ်ဆောင်လုို့ရပါတယ်။ ဘဏ္ဍာရေးဝန်ကြီး ကိုမျိုးရန်နောင်သိမ်းက ကျန်းမာရေး ဘတ်ဂျက် ပုိုချမပေးပါဘူး။

"ကျနော့်ကို ဘတ်ဂျက် ချမပေးဘူး။ လူတွေ တစ်ယောက်ပြီး တစ်ယောက်သေနေပြီ။ ဘတ်ဂျက်ဘာလုို့ ချမပေးတာလဲ " ဆုိုပြီး ကျန်းမာရေးဝန်ကြီး ကုိုမျိုးညွှန့်က ကိုမျိုးရန်နောင်သိမ်းကို ပြောပါတယ်။ ကိုမျိုးရန်နောင်သိမ်းကလည်း ၀န်ကြီးဌာနတွေ အားလုံး အညီအမျှ ချပေးတာမုို့ ပိုပေးလို့မရဘူးဆုိုပြီး ပြန်ပြောပါတယ်။

ကျန်းမာရေးဝန်ကြီးလည်း မျက်နှာကြီး နီရဲပြီး သမ္မတ ဒေါက်တာခင်ဇော်ဝင်းဆီ သွားပါတယ်။ သို့သော်လည်း သမ္မတကို ဖြုတ်လို့မရသလုို သမ္မတကလည်း ၀န်ကြီးတွေကို စကားနားမထောင်ဘူးဆုိုပြီး ဖြုတ်ခွင့်မရှိတော့ ဒေါက်တာခင်ဇော်ဝင်းလည်း ဘဏ္ဍာရေးဝန်ကြီးကို ဘာမှ မပြောနုိုင်ခဲ့ပါဘူး။

သယ်ယူပုို့ဆောင်ရေးဝန်ကြီး ကျနော့် အခက်အခဲ
====================================

သယ်ယူပို့ဆောင်ရေး ၀န်ကြီး ဖြစ်တဲ့ ကျနော်အနေနဲ့ အခရုိုနာ နုိုင်ငံတော်က မဖွံ့ဖြိုးသေးတော့ ကျနော် လမ်းတွေ၊ တံတားတွေ မြောက်မြားစွာ စဆောက်ပါတယ်။

လမ်းတံတားတွေ စဆောက်တာနဲ့ လူတွေအလုပ်အကုိုင်ရရှိမှုနှုန်းတွေ တက်လာပြီး ရွှေ့ပြောင်းလုပ်သားတွေ တဖြည်းဖြည်းများလာပါတယ်။ နုိုင်ငံရဲ့ အစုိုးရ ဘတ်ဂျက်ကလည်း ကြီးမားလာပါတယ်။ နုိုင်ငံဟာ ဖွံ့ဖြိုးမှု လမ်းကြောင်းပေါ်ကုို စရောက် လာပါတယ်။ ဒါပေမယ့် အကြွေးတွေကလည်းများ ရွှေ့ပြောင်းလုပ်သားတွေလည်း များလာ စတဲ့ ဒုက္ခတွေက တနင့်တပုိုးပါပဲ။

ဒါပေမယ့် ကမ္ဘာ့ဘဏ် နဲ့ နုိုင်ငံတကာဘဏ်တွေက နုိုင်ငံရဲ့ Infrastructure အတွက်တော့ ငွေချေးချင်ကြပါတယ်။ ကျနော်လည်း ရသလောက် ချေးငွေကို ရယူပါတယ်။

အဲဒီမှာ ကွန်ပျူတာမှာ အစုိုးရ အသုံးစရိတ် အဖြစ် ၁ ဘီလီယံ နုိုင်ငံတကာအဖွဲ့အစည်းတစ်ခုက ချေးဖို့ရှိတယ်လုို့ ဖိတ်ကြားလွှာ တစ်စောင် တက်လာတာကို ကျနော်က ဘုမသိ ဘမသိနဲ့ လက်ခံလုိုက်မိပါတယ်။

တကယ်တော့ အတုိုးနှုန်းအရမ်းကြီးတဲ့ ချေးငွေ ဖြစ်လို့ လက်မခံသင့်တဲ့ ချေးငွေပါ။

အဲဒီ ဒေါ်လာ ၁ဘီလီယံကို ကျနော်က မှားနှိပ် လက်ခံမိတာနဲ့ ပုိုလန်ဆရာ ၁ ဦး ဒရောသောပါး အစုိုးရရုံးကို ပြေးဝင်လာပါတယ်။ ဘယ်ဝန်ကြီးက ၁ ဘီလီယံ ချေးငွေကို လက်ခံတာပါလဲ။ အတုိုးနှုန်း အရမ်းများတာ လက်မခံရဘူး၊ အစုိုးရက တကယ်ချေးတာလား၊ မှားနှိပ်မိတာလား မေးပါတယ်။ အစုိုးရက ဆုံးဖြတ်ပြီး ချေးတာလားပေါ့ သေချာအောင် လာမေးပါတယ်။

ကျနော်မှားနှိပ်ပေမယ့် အားလုံး မင်သက်နေချိန်မုို့ ကျနော် ရှင်းပြဖို့ ကြိုးစားချိန်မှာပဲ ပိုလန်ဆရာက မှားနှိပ်မိတယ်လုို့ ယူဆသွားပြီး ၁ ဘီလီယံ ချေးယူမှုကို သူ့ Main Server ကွန်ပျူတာကနေ ပြန်လည် ပယ်ဖျက်ပေးလုိုက်ပါတယ်။ နောက်တစ်ကြိမ် မမှားဖုို့လည်း သတိပေးသွားပါတယ်။

သဘာဝပတ်ဝန်းကျင် ၀န်ကြီးနဲ့ ရန်ဖြစ်ရတဲ့ ကျနော်
=============================

ကျနော်က လမ်းတံတားတွေ အရမ်းဆောက်တော့ တောတွေ တောင်တွေ ပြုန်းကုန်ပါတယ်။ အဲဒီမှာ သစ်တောတွေ အရမ်းပြုန်းလာပြီး လူတွေ သေနှုန်းလည်း မြင့်လာပါတယ်။

သစ်တောတွေ ပြုန်းတော့ သဘာဝပတ်ဝန်းကျင် ၀န်ကြီး ဒေါ်နေရီဗဆွေက သူ့ သစ်တောတွေ ပြုန်းကုန်လို့ သမ္မတကြီး ဒေါက်တာခင်ဇော်ဝင်းကုို တင်ပြပြီး အချိန်မီ ရပ်တန့်ပေးဖုို့ ပြောပါတယ်။ ဒါပေမယ့် သမ္မတကြီးက လက်မှိုင်ချပြီး ဟုိုအော်၊ ဒီပြောနဲ့ အချိန်ကုန်သွားပါတယ်။

ကျန်းမာရေးဝန်ကြီးကလည်း လူတွေ ရွှေ့ပြောင်းမှု များလာလေ၊ သစ်တောပြုန်းလေ လေ လူသေနှုန်းက မြင့်လေလေ ဖြစ်နေတာကို ဒေါသဖြစ်နေပါတယ်။ဘဏ္ဍာရေးဝန်ကြီး ကိုမျိုးရန်နောင်သိမ်းဆီက ဘတ်ဂျက်ကလည်း ပိုမရတော့ ကျန်းမာရေးဝန်ကြီးကုိုမျိုးညွှန့် တောက်တခေါက်ခေါက်နဲ့ ဖြစ်နေပါတယ်။

ပြည်ထဲရေးဝန်ကြီးလည်း အော်ရုံသာ တက်နုိုင်
=============================

လမ်းတံတားတည်ဆောက်မှုများလာတာကြောင့် လူတွေ အလုပ်အကုိုင် ရရှိနှုန်း မြင့်လာပေမယ့် ရွှေ့ပြောင်း သူတွေ တအားများလာပါတယ်။ အဲဒီရဲ့ ဒဏ်ကြောင့် မှုခင်းတွေ တအားများလာပါတယ်။ သူလည်း အသံတောင် မထွက်ပါဘူး။ မှုခင်းဖြစ်ပွားတွေကို သူနုိုင်သလောက် လုိုက်ရှင်းပေမယ့် မနုိုင်လှပါဘူး။

စီးပွားရေးဝန်ကြီး အတော်ဆုံး
==================

စီးပွားရေးနဲ့ ကူးသန်းရောင်းဝယ်ရေး ၀န်ကြီးဒေါ်ယူဇာမော်ထွန်းကတော့ အခရိုနာ နုိုင်ငံရဲ့ ထုတ်ကုန်တွေ နုိုင်ငံတကာဈေးကွက် ပေါက်ဈေးတွေ ကြည့်ပြီး သင့်တင့်မျှတဲ့ နှုန်းထားတွေနဲ့ ထုတ်ရောင်းပါတယ်။ သူထုတ်ရောင်းမှုက အစုိုးရအတွက် ၀င်ငွေများလာပေမယ့် အစုိုးရ အသုံးစရိတ်က များနေတာမုို့ အဆင်မပြေလှပါဘူး။

ဒါပေမယ့် သူရဲ့ထုတ်ရောင်းမှုတွေက အစုိုးရကုို အထောက်အကူပြုခဲ့ပါတယ်။ စီးပွားရေးဆုိုင်ရာ ပြုပြင်ပြောင်းလဲမှုတွေကုိုလည်း ဒေါ်ယူဇာမော်ထွန်းက လိုအပ်သလို ပြုပြင်ပြောင်းလဲခဲ့လုို့ စီးပွားရေး ၀န်ကြီး တော်တယ်လုို့ ပိုလန်ဆရာတွေက ချီးကျူးပါတယ်။ စီးပွားရေးဆုိုင်ရာ ပေါ်လစီတွေကိုလည်း သူက လုပ်သာကုိုင်သာ ရှိအောင် ပြုပြင်ပြောင်းလဲမှုကလည်း သူ့ကုို ချီးကျူးစေတဲ့ အချက်တစ်ခုပါပဲ။

ရလဒ်မကောင်းတဲ့ အစုိုးရ
================

စိတ်ကူးယဉ် နုိုင်ငံတော် အစုိုးရ ဂိမ်းကို ၄ ရက်တိတိ ကစားခဲ့ရပြီး နောက်ဆုံး ပြန်လည်သုံးသပ်ချက်အရတော့ ကျနော်တုို့ အစုိုးရက သိပ်ပြီး မဟန်တဲ့ အစုိုးရပါ။ ပူးပေါင်းဆောင်ရွက်မှု အားနည်းခဲ့တယ်လို့ သုံးသပ်ချက်ထွက်ပါတယ်။ သမ္မတကြီး ဒေါက်တာခင်ဇော်ဝင်းလည်း ဘာမှ သိပ်မပြောပါဘူး။ အယူအဆမတူတဲ့ နုိုင်ငံရေးပါတီက လူတွေကို ခေါ်ပြီး အစုိုးရ ဂိမ်းကစားခိုင်းတာတောင်မှ ပူးပေါင်းမှု မရှိခဲ့တာ၊ အစုိုးရ တစ်ရပ် အဖြစ် ကျရှုံးခဲ့တာကတော့ ကြီးမားတဲ့ သင်ခန်းစာ ကျနော်တုို့ အတွက် ရခဲ့ပါတယ်။

သုံးသပ်ချက်
=======

စိတ်ကူးယဉ် အစုိုးရ အဖွဲ့မှာတောင် ကျနော်တုို့ မြန်မာနုိုင်ငံသားတွေ ပူးပေါင်း မှု မရှိခဲ့လို့ ကျရှုံးခဲ့ရပါတယ်။ ၀န်ကြီးဌာနတွေ အချင်းချင်း ပူးပေါင်းမှုမရှိဘူး။ သမ္မတ စကားကုို နားမထောင်ကြ။ ကုိုယ်လုပ်ချင်ရာ လုပ်ကြပါတယ်။ ရလဒ်ကတော့ တုိုင်းပြည်က မတုိုးတက်ဘဲ ဟုိုမရောက် ဒီမရောက် အကြွေးများနဲ့ နုိုင်ငံတော် ဖြစ်ခဲ့ရပါတယ်။

ပိုလန်မှာကစားခဲ့တဲ့ အစုိုးရ ဂိမ်းမှာ ရတဲ့ သင်ခန်းစာတွေက လက်တွေ့မှာ အသုံးဝင်လှပါတယ်။ ကျနော်တုို့ အားလုံး နုိုင်ငံအတွက် ဆုိုတာ မေ့ခဲ့ကြပြီး အစုိုးရဂိမ်းမှာ လုပ်ချင်ရာ လုပ်ခဲ့ကြတယ်။ တုိုင်ပင်မှု နည်းခဲ့ကြတယ်။ ပရမ်းပတာ အစုိုးရ တစ်ရပ်ဖြစ်ပေါ်ခဲ့ရပါတယ်။

အစုိုးရပဲဖြစ်ဖြစ်၊ နုိုင်ငံရေးအင်အားစုပဲဖြစ်ဖြစ် သူတလူ ငါတမင်း မလုပ်ဘဲ နုိုင်ငံအတွက် ပူးပေါင်းဆောင်ရွက်ဖုို့ လိုပါတယ်။ အစုိုးရ ၀န်ကြီးဌာနတွေမှာလည်း ဌာန အချင်းချင်း စကားပြောပြီး ပူးပေါင်းဆောင်ရွက်ကြဖို့လိုပါတယ်။ နုိုင်ငံရေး အင်အားစုတွေ အချင်းချင်းလည်း နုိုင်ငံအတွက် ပူးပေါင်းဆောင်ရွက်ကြဖို့ လိုပါတယ်။

ပူးပေါင်းဆောင်ရွက်မှု မရှိရင် နုိုင်ငံတော်ဟာ ကျရှုံးတယ်ဆုိုတဲ့ သင်ခန်းစာ တစ်ရပ် ပိုလန်နုိုင်ငံက ပေးခဲ့ပါတယ်။

အခရုိုနာ(စိတ်ကူးယဉ်နုိုင်ငံ) နုိုင်ငံ ဆုိုတာ
=========================
အခရုိုနာ နုိုင်ငံတော်ဆုိုတာ တောင်တန်းနဲ့ မြေပြန့်ဒေသ တွဲလျက်ရှိနေတဲ့ နုိုင်ငံတော်၊ ပြည်တွင်း စစ်ဖြစ်နေတဲ့ လူဦးရေများပြားတဲ့ နုိုင်ငံတော်ပါ။ မြန်မာနုိုင်ငံပုံစံ မျိုးနဲ့ အတော်ကုို ဆင်တူပါတယ်။ ဆင်တူအောင်လည်း ပုံစံတု ပြုလုပ်ထားတာပါ။ ဖွံ့ဖြိုးမှု မရှိသေးတဲ့ ကမ္ဘာ့ အဆင်းရဲဆုံးနုိုင်ငံ၊ တုိုင်းရင်းသား လူမျိုးပေါင်းစုံ နေထုိုင်တဲ့ နုိုင်ငံတော်ပါ။ပြည်တွင်းစစ်ကလည်း အကြီးအကျယ်ဖြစ်နေတာမုို့ ငြိမ်းချမ်းရေးလုပ်ဖုို့ကလည်း အရေးပေါ် လိုအပ်နေတဲ့အချိန်ဖြစ်ပါတယ်။

အစုိုးရဂိမ်းအတွက် တာဝန်များခွဲဝေပေးခြင်း
=========================
ပိုလန်ဆရာတွေက မြန်မာနုိုင်ငံက လာရောက်တဲ့ နုိုင်ငံရေးပါတီပေါင်းစုံက အဖွဲ့ဝင် ၅၂ ဦးကို သက်ဆုိုင်ရာ ကဏ္ဍတွေမှာ တာဝန်ခွဲပေးထားပါတယ်။ အခရုိုနာ အစုိုးရ အဖွဲ့၊ ငြိမ်းချမ်းရေး အဖွဲ့ ၊ သူပုန်လက်နက်ကိုင်အဖွဲ့ တွေ၊ NGOတွေ ၊ ကုလသမဂ္ဂ၊ ဘဏ်အဖွဲ့အစည်းတွေ၊ လူမှု အဖွဲ့အစည်းတွေအဖြစ်ပါ ဖွဲ့စည်းပေးလုိုက်ပါတယ်။

ရုပ်သေးရုပ် သမ္မတကြီး
==============
ဒေါက်တာခင်ဇော်ဝင်းက နုိုင်ငံရေးအကျဉ်းသားဟောင်းတဦးဖြစ်ပါတယ်။ ပိုလန်ကို လာရောက်တဲ့ မြန်မာ ကိုယ်စားလှယ်အဖွဲ့ထဲမှာ ပေါင်းရ သင်းရ လွယ်ကူပြီး လူငယ်တွေနဲ့ ပြောနုိုင် ဆုိုနုိုင်တဲ့ လူကြီးလူကောင်းတဦးဖြစ်ပါတယ်။

သူ့ကုို ပိုလန်ဆရာတွေက သမ္မတကြီးအဖြစ် တင်မြှောက်မယ်လုို့ ဒေါက်တာခင်ဇော်ဝင်း ကြို မသိထားသလို တင်မြှောက်လိုက်ချိန်မှာလည်း ဘယ်က ဘယ်လို စပြီး အလုပ်လုပ်ရမယ်ဆုိုတာ စဉ်းစားထားပုံမရပါဘူး။

ဒေါက်တာခင်ဇော်ဝင်းကို သမ္မတကြီးနေရာ လဲပေးဖုို့ ပြောခဲ့ကြတာကလည်း အစုိုးရ၀န်ကြီးအဖွဲ့တွေပဲ ဖြစ်ပြီး သူတို့ ဘာကြောင့် ဒေါက်တာခင်ဇော်ဝင်းကို အစိုးရဂိမ်းမှာ သမ္မတကြီးနေရာမှာ မထားလိုသလဲဆုိုတာလည်း ကျနော် တကယ် နားမလည်ခဲ့ပါဘူး။

ပိုလန်ဆရာတွေက သမ္မတကြီးကုိုလည်း လဲပေးလို့မရသလို ဘယ်သူ့ကုိုမှလည်း ဂိမ်းထဲကနေ ထုတ်ပေးဖို့ ရာထူးပြောင်းပေးဖုို့ တောင်းဆုိုခွင့်မရှိဘူးလို့ ပြောဆုိုပါတယ်။

ဒီဂိမ်းရဲ့ ရည်ရွယ်ချက်မှာကိုက ရွေးချယ်ခွင့်မရှိတဲ့အခါမှာ ဘယ်လုိုပဲဖြစ်ဖြစ် ပူးပေါင်း ဆောင်ရွက်ဖုို့ ကြိုးစားစေချင်တဲ့ ရည်ရွယ်ချက်ပါနေတာ အစပိုင်းမှာ မသိခဲ့ပါဘူး။ အဲဒီလို မသိရှိခဲ့လို့လည်း နုိုင်ငံတော်ဟာ အစုိုးရသစ် တက်လာကတည်းက ကျဆုံးခန်းကို ဦးတည်ခဲ့ရတာပါ။

ပေါ်လစီ မရှိတဲ့ အစုိုးရ
=============
အစုိုးရဂိမ်းအတွက် သမ္မတကြီးဒေါက်တာခင်ဇော်ဝင်းနဲ့ အစုိုးရ၀န်ကြီးတွေကို ရွေးကောက်တင်မြှောက်လိုက်တာနဲ့ သမ္မတကြီးက အစည်းအဝေး ခေါ်ပါတယ်။ ကျနော်တုို့ ဘာလုပ်ကြမလဲ။ လုပ်သင့်လုပ်ထုိုက်တာ လုပ်ကြ ဆုိုတဲ့ ပုံစံ မျိုး အစည်းအဝေး တစ်ရပ်ပဲဖြစ်ခဲ့ပါတယ်။ သာမန် မိတ်ဆက်တဲ့ အစည်းအဝေးဖြစ်ခဲ့ရပါတယ်။

သမ္မတကြီးဘက်က ဘယ်လုို ပေါ်လစီနဲ့ တုိုင်းပြည်ကို ဦးဆောင်မလဲဆုိုတာကို ချမပြသလို အစုိုးရ၀န်ကြီးတွေကလည်း ဘာလို ပေါ်လစီ လုပ်သင့်တယ်ဆုိုတာ မတင်ပြကြပါဘူး။ နုိုင်ငံတော်ဟာ အစုိုးရသစ်အဖွဲ့အစည်းအဝေးမှာကတည်း ပေါ်လစီ မရှိဘဲ စတင်ခဲ့ပါတယ်။

အာဏာနှင့် ခြစားမှု
============
ကျနော့်ကို သယ်ယူပုို့ဆောင်ရေး ၀န်ကြီး အဖြစ် တင်မြှောက်တယ်ဆုိုတော့ စိတ်ထဲမှာ အတော်ကို ကျေနပ်မိပါတယ်။ လက်တွေ့ ၀န်ကြီးဘ၀တော့ ဘယ်လို နေမယ် မသိပေမယ့် အစုိုးရဂိမ်းမှာ ၀န်ကြီးဖြစ်တာတောင် အတော်ကုို ပီတိဖြစ်ရပါတယ်။

မြန်မာနုိုင်ငံမှာ သတင်းထောက်လေးတဦး ပိုလန်ရောက်မှ အစုိုးရ ၀န်ကြီးဖြစ်သွားတော့ ကျေနပ် ပီတိ ဂွမ်းဆီထိ ဖြစ်ရပါတယ်။ ကျနော်ထုိုင်ရမယ့် ကုလားထုိုင်မှာ တပ်ဆင်ထားတဲ့ ကွန်ပျူတာမှာ ၀န်ကြီးတစ်ဦးအနေနဲ့ နုိုင်ငံကို စီမံခန့်ခွဲနုိုင်တဲ့ အာဏာတွေ ရှိနေပါတယ်။ ကျနော်က အစုိုးရဂိမ်းဇတ်ထဲမှာ ၀န်ကြီး၊ ဇတ်ထဲက ၀န်ကြီးဖြစ်ခဲ့ရပါပြီ။

အစုိုးရဂိမ်း ၅ ရက် ကစားခဲ့ပြီး ပထမရက်နဲ့ ဒုတိယရက်က ကွန်ပျူတာမှာရှိတဲ့ လုပ်ပုိုင်ခွင့် အာဏာတွေကို စမ်းသပ်တာမျိုးပဲဖြစ်ခဲ့ပါတယ်။

ကျနော် တံတားတစ်ခု တည်ဆောက်တုိုင်း၊ လမ်းတစ်ခုဖောက်တုိုင်း တုိုင်းပြည် ဘတ်ဂျက်၊ လူမှုဝင်မှု ကြီးကြပ်ရေး ၊ စီးပွားရေး၊ ကျန်းမာရေး၊ ပညာရေး ၊ သဘာဝ ပတ်ဝန်းကျင်၊ မှုခင်းဖြစ်ပွားမှု ၊ ရွှေ့ပြောင်း လုပ်သား စတဲ့ တုိုင်းပြည်အတွက် အရေးကြီးတဲ့ ဇယားတွေ အကုန်လုံး ပြောင်းလဲကုန်ပါတယ်။ အဲဒီ ဇယားတွေကို ကြည့်ပြီး ကျနော် အတော်ကို ကျေနပ်မိပါတယ်။

ကျနော်အနေနဲ့ ၀န်ကြီးတဦးအနေနဲ့ လုပ်ပိုင်ခွင့်အာဏာ ရှိလာတာကို အတော် သဘောကျမိပါတယ်။ ဘဏ္ဍာရေး ၀န်ကြီးဖြစ်တဲ့ ဗေဒါကျောင်းက ကိုမျိုးရန်နောင် သိမ်းက လည်း ကျနော်နဲ့ ရင်းနှီးတော့ ကျနော့်အတွက် ဘတ်ဂျက်လုိုရင် သူ့ကုို တုိုးတုိုး တိတ်တိတ်သွားတောင်းမယ်ဆုိုတဲ့ စိတ်ကူးကလည်း ရှိနေပါပြီ။

အာဏာကို သိလာပြီ။ ရင်းနှီးမှုကို အခြေခံပြီး ကုိုယ့်ဝန်ကြီးဌာနအတွက် ငွေရဖို့ တနည်းအားဖြင့် ကုိုယ်ကျိုးမပါတဲ့ ခြစာမှုး လုပ်ဖုို့ ကျနော် စတွေးနေပါပြီ။

အစုိုးရ၀န်ကြီးတဦးဖြစ်တဲ့ ကျနော်အနေနဲ့ သယ်ယူပုို့ဆောင်ရေး မူဝါဒနဲ့ အစုိုးရအဖွဲ့မှာ တုိုင်းပြည်ဖွံ့ဖြိုးဖုို့ သွားသင့်တဲ့ မူဝါဒတခု ရှိသင့်တယ်ဆုိုတာ တင်ပြသင့်ပေမယ့် အဲဒါကုို မတင်ပြဘဲ အာဏာအပေါ် သာယာပြီး ခြစားဖုို့ စစဉ်းစားခဲ့လို့ နုိုင်ငံတော်ဟာ အရှုံးနဲ့ စတွေ့ရပြီလုို့ ဆုိုရမှာပါ။

ဘဏ္ဍာရေးနှစ်
=========
အစုိုးရဂိမ်းမှာ ဘဏ္ဍာရေး ၁ နှစ်ကို ၁ နာရီ ကျော်ကြာ ကြာမြင့်ပါတယ်။ ဘဏ္ဍာရေးနှစ်တွေဟာ သိပ်မကြာလှသလို မိနစ်ပိုင်းအတွင်း ဆုံးဖြတ်တဲ့ အစုိုးရအဖွဲ့ရဲ့လုပ်ဆောင်ချက်တွေကြောင့် တုိုင်းပြည် ပြည်သူသားတွေရဲ့ လူမှုရေး၊ စားဝတ်နေရေး၊ စီးပွားရေး၊ သဘာဝ ပတ်ဝန်းကျင်အပေါ် သက်ရောက်တဲ့ ကိန်းဂဏန်းက ခပ်မြန်မြန် ကို ထွက်လာပါတယ်။

သယ်ယူပုို့ဆောင်ရေး တစ်ခေတ်ပြောင်းဖို့ စဉ်းစားပြီ
===============================
ကျနော်ရဲ့ နုိုင်ငံဖြစ်တဲ့ အခရုိုနာ နုိုင်ငံတော်ကုို ကြည့်လုိုက်တော့ တောင်တန်းတွေ၊ မြေပြန့်တွေနဲ့ ရောနှောပြီး မဖွံ့ဖြိုးတဲ့ နုိုင်ငံဆုိုတာ သိလို့ ကျနော် လမ်းတံတားတွေ မဖြစ်မနေ ဆောက်ဖုို့ လိုတယ်ဆုိုတာ ကျနော် သိပါတယ်။

ပထမဆုံးအကြိမ် နုိုင်ငံရဲ့ အရေးကြီးတဲ့ အဝေးပြေးလမ်းနဲ့ တံတားလေးတွေ ကျနော်ရတဲ့ အစုိုးရ ဘတ်ဂျက်ထဲက သုံးပြီး ဆောက်လုိုက်ပါတယ်။ အဲဒီမှာ နုိုင်ငံတော်ဟာ လမ်းပန်း ဆက်သွယ်ရေး စတင်ဖွံ့ဖြိုးလာပြီး စီးပွားရေး၊ အလုပ်အကိုင်ရရှိမှု၊ ဖွံ့ဖြိုးမှု ကိန်းဂဏန်းလေး နည်းနည်းတက်လာပါတယ်။ ကျနော် အရမ်းဝမ်းသာသွားပါတယ်။ ကျနော်ရဲ့လုပ်ပိုင်ခွင့် အာဏာက ထိရောက်ပါလားဆုိုပြီး တွေးလာပါတယ်။

လမ်းဖောက်ဖို့ ကျနော် သမ္မတကိုလည်း မတုိုင်ပင်ခဲ့သလုို အစုိုးရ၀န်ကြီးအဖွဲ့တွေနဲ့လည်း မဆွေးနွေးခဲ့ပါဘူး။ အခြားသော ၀န်ကြီးဌာနတွေလည်း ကျနော့်လိုပါပဲ ကောင်းနုိုးရာရာ လုပ်ခဲ့ကြပါတယ်။

သမ္မတကြီးဒေါက်တာခင်ဇော်ဝင်းကလည်း ဘာမှ မညွှန်ကြားနုိုင်ပါဘူး။ သူ့ မှာ ၀န်ကြီးတွေကို ဖြုတ်နုိုင်တဲ့ ပါဝါ မရှိတာမုို့ ၀န်ကြီးတွေ လုပ်သမျှကို လုိုက်လံ ညှိနှိုင်းပေးတာလောက်ပဲ လုပ်နုိုင်ပါတယ်။

ကျနော်အနေနဲ့ကတော့ အခရုိုနာ နုိုင်ငံကို လမ်းပန်းဆက်သွယ်ရေး ကောင်းမွန်တဲ့ နုိုင်ငံကြီးအဖြစ် အသွင်ပြောင်းဖို့ ရူးရူးမုိုက်မုိုက် စဉ်းစားလုိုက်ပါတယ်။ ကျနော့်မှာ ပေါ်လစီ မရှိပါဘူး။ မြစ်မြင်ရင် တံတားဆောက်မယ်။ တောင်မြင်ရင် ဖြိုပြီး လမ်းဖောက်တယ်။ ကျနော့် အတွေးမှာ လမ်းပန်း ဆက်သွယ်ရေး ကောင်းမွန်ဖုို့ပဲ သိပါတယ်။

ကျနော့် ၀န်ကြီးဌာနက တုိုင်းပြည်အတွက် အလုပ်လုပ်တဲ့ ၀န်ကြီးဌာန၊ အရမ်းတော်တဲ့ ၀န်ကြီးဌာနဖြစ်ချင်ပါတယ်။အခရုိုနာ နုိုင်ငံတော်ဟာ တဇောက်ကန်း အစုိုးရ၀န်ကြီးတွေ ရရှိထားပါပြီ။ အချိန်မီ ထိန်းသိမ်းနုိုင်တဲ့ သမ္မတမှာလည်း အာဏာမရှိပါဘူး။ နုိုင်ငံတော်အတွက် ရင်လေးစရာပါပဲ။

ခြစားပြီ
======
သယ်ယူပုို့ဆောင်ရေး ၀န်ကြီးဖြစ်တဲ့ ကျနော့်အတွက် လမ်းတွေ ဖောက်ဖုို့ ဘတ်ဂျက်လိုပါတယ်။ ကိစ္စမရှိပါဘူး ။ ဘဏ္ဍာရေးဝန်ကြီး ကုိုမျိုးရန်နောင်သိမ်းကုို ကျနော့်ကို ဘတ်ဂျက်ပိုပေးဖုို့ ခပ်တုိုးတုိုး သွားပြီး တောင်းဆိုပါတယ်။ ရင်းနှီးမှုရှိတော့ သိပ်ပြသနာမရှိ။ ကျနော့် ၀န်ကြီးဌာနက သူများ ၀န်ကြီးဌာနတွေထက် ဘတ်ဂျက် နည်းနည်း လေး မသိမသာရော ၊ သိသိသာသာရော ပိုရပါတယ်။

ကျနော် လမ်းတွေ တံတားတွေ ဆက်ဆောက်တယ်။ လမ်းတွေ ထပ်ဖောက်တယ်။ နုိုင်ငံတ၀န်းလုံးကုို လွှမ်းခြုံနုိုင်မယ့် လမ်းကွန်ရက်ကြီး ဖောက်ဖုို့ စဉ်းစားလုိုက်တယ်။ ဘဏ္ဍာရေးဝန်ကြီးဆီက ဘတ်ဂျက် ပုိုရပေမယ့် ကျနော်လုပ်ချင်တဲ့ လမ်းကွန်ရက်အတွက် ငွေလိုပါတယ်။ ကျနော် ဘာဆက်လုပ်မလဲ စဉ်းစားပြီး ဟုိုဘက်ခန်းမှာ ရှိတဲ့ နုိုင်ငံတကာ ချေးငွေပေးတဲ့ အဖွဲ့အစည်းတွေကို စပြီး ဆက်သွယ်ပါတယ်။

သူတို့တွေကလည်း ငွေချေးချင်လုို့ ကျနော့်ဆီကုို မကြာခဏ လာကြပါတယ်။ နုိုင်ငံတကာအဖွဲ့တွေဆီက ငွေချေးမယ်ဆုိုတာ သမ္မတကိုလည်း အသိပေးရုံပဲပြောတယ်။ သမ္မတကို ချေးငွေ ခေျးဖို့ လုိုအပ်တယ်ဆုိုတာလောက်ပဲ ကျနော်ပြောပါတယ်။ အတုိုးဘယ်လောက်၊ ဘယ်နှစ်ကြာရင် ဆပ်ရမယ်ဆုိုတာမျိုး အသေးစိတ် အသိမပေးပါဘူး။ နုိုင်ငံအတွက် လိုအပ်တယ် ဆုိုတာလောက်ပဲ ပြောပါတယ်။

သမ္မတကြီးက ရုိုးရှာပါတယ်။ အေးအေး လုပ်လုိုက်၊ လုပ်လုိုက်ပေါ့။ ရသမျှ ငွေကြေး မှန်သမျှ ကျနော်ချေးပါတယ်။ တံတားတွေ ဆောက်တယ်၊ လမ်းတွေ ဆက်ဖောက်ပါတယ်။

ကျနော်တဦးတည်း ဒီလုိုလုပ်နေတယ်လုို့ မထင်ပါနဲ့ ၀န်ကြီးတုိုင်း အဲဒီလိုတွေချည်းပါပဲ။ ၀န်ကြီးတုိုင်း ကုိုယ်ကျိုးမပါဘဲ လုပ်ချင်ရာလုပ် အချင်းချင်းတုိုင်ပင်တာရှိသလို မတုိုင်ပင်ဘဲ တုိုင်းပြည် ဘတ်ဂျက်ကို ၀န်ကြီးဌာနကောင်းစားရေး ခြစားကြပါတယ်။

ရုိုးတဲ့ဝန်ကြီးတွေ
===========
အခရုိုနာ အစုိုးရအဖွဲ့မှာ အရမ်းရုိုးတဲ့ ၀န်ကြီး ၂ ဦး ပါပါတယ်။ သူတို့တွေက ကျန်းမာရေးဝန်ကြီး ကိုမျိုးညွှန့်နဲ့ သဘာဝ ပတ်ဝန်းကျင် ၀န်ကြီး ဒေါ်နေရီဗဆွေတို့ပဲဖြစ်ပါတယ်။

"ဟ လုပ်ကြပါဦးဟ။ ငါ့လူတွေ တစ်နေ့ပြီး တစ်နေ့ သေနေပြီ။ ဘတ်ဂျက်ပေးဦးဟ။ ဟာ သေပြန်ပြီဟ" ဆုိုပြီး အမြဲ ဒေါသထွက်နေတဲ့ ကျန်းမာရေး ၀န်ကြီး ကိုမျိုးညွှန့်က အတော်ချစ်ဖုို့ကောင်းပါတယ်။ သူ့ ကျန်းမာရေး ဘတ်ဂျက်ရဖို့ ဘဏ္ဍာရေးဝန်ကြီး ကုိုမျိုးရန်နောင်သိမ်းကို ရှုးရှုးရှဲရှဲလည်း ရန်သွားတွေ့ပါတယ်။

ဘတ်ဂျက်မရရင် သူ့မျက်နှာကြီး နီရဲနေတာပါပဲ။ ပြည်သူတွေ မသေစေချင်တဲ့ သူက ကျန်မားရေး ၀န်ကြီး ကောင်းတဦးဖြစ်ပါတယ်။ ဒါပေမယ့် သူ့မှာလည်း ပေါ်လစီ မရှိသလို ဘာတွေ လုပ်ရမယ်ဆုိုတာ သူလည်း ကျနော်တုို့လိုပဲ မသိပါဘူး။ ကောင်းနုိုးရာရာ လျှောက်လုပ်နေရပါတယ်။

နောက်ဝန်ကြီးတဦးကတော့ သဘာဝပတ်ဝန်းကျင် ၀န်ကြီး ဒေါ်နေရီဗဆွေပါပဲ။ အရမ်းအေးပြီး စကားကုို အေးအေးလေး ပြောတတ်တဲ့ ၀န်ကြီးပါ။ သူရဲ့ ဖခင်က တကယ့် မြန်မာပြည်ရဲ့ ၀န်ကြီးချုပ် လုပ်ခဲ့ဖူးတဲ့ ဦးဘဆွေဖြစ်ပါတယ်။

ကျနော် လမ်းတံတားတွေ ဖောက်တာ၊ သစ်တရားမ၀င် ခုတ်မှုတွေ ရှိနေတာ တွေကြောင့် သစ်တောတွေ ပြုန်းပြီး သဘာဝ ပတ်ဝန်းကျင် ပျက်စီးလာပါတယ်။ သူ့မှာ ကွန်ပျူတာမှာလည်း သဘာဝပတ်ဝန်းကျင် ပျက်စီးတဲ့ ကိန်းဂဏန်းတွေ တက်လာတော့ သူ့ခမျာလည်း ဘာလုပ်ရမှန်းမသိပါဘူး။

"သား အန်တီ သစ်တောတွေ ကုန်ပြီ။ မြစ်တွေလည်း ပျက်ကုန်ပြီ။ တံတားတွေ လမ်းတွေ ဆက်မဖောက်ပါနဲ့တော့လား"ဆုိုပြီး ခပ်အေးအေး လေသံနဲ့ ချစ်စဖွယ် ပြောပါတယ်။ သူလာပြောရင် ကျနော် ခဏရပ်ထားလုိုက်ပါတယ်။ ပြီးရင် ဆက်ဆောက်ပါတယ်။

အစုိုးရအဖွဲ့မှာ စေတနာကောင်းပေမယ့် လည်တဲ့ ၀န်ကြီးတွေ၊ ရုိုးတဲ့ ၀န်ကြီးတွေ ပါနေတာ အကြောင်းမဟုတ်ပေမယ့် အခုအချိန်အထိ ပေါ်လစီကုို သေသေချာချာ မချနုိုင်ကြသေးတာကြောင့် နုိုင်ငံတော် ဟာ အီလည်လည်ကြီးဖြစ်နေပါပြီ။ အစုိုးရဘတ်ဂျက်က တဖြည်းဖြည်းကြီးလာနေတယ်။

နုိုင်ငံတော် ဖွံ့ဖြိုးသလို၊ မဖွံ့ဖြိုးသလို စီးပွားရေး ကောင်းသလုိုလုို မကောင်းသလုိုလုို ရလဒ်မရှိဘဲ အကြွေးတွေကတော့ တရစ်ရစ်တင်လာပါတယ်။

ငြိမ်းချမ်းရေး စိတ်မ၀င်စားခဲ့၊ ငြိမ်းချမ်းရေးလည်း ကျရှုံးခဲ့
=================================
အခရိုနာ နုိုင်ငံတော်မှာ သူပုန်တွေ ရှိပါတယ်။ ငြိမ်းချမ်းရေးအဖွဲ့လည်း ရှိပါတယ်။ အခရုိုနာ သမ္မတကြီးနဲ့ အစုိုးရက ငြိမ်းချမ်းရေးအတွက်တစ်ခါမှ အစည်းအဝေး မခေါ်ခဲ့သလုို ကျနော်တုို့ ၀န်ကြီးတွေကလည်း စိတ်မ၀င်စားခဲ့ပါဘူး။ ငြိမ်းချမ်းရေးအဖွဲ့တွေနဲ့သူပုန် အဖွဲ့ တွေကုိုလည်း ငြိမ်းချမ်းရေး ဆွေးနွေးပွဲတွေပုိုလန် ဆရာတွေက ကျင်းပပေးပြီး ညှိနှိုင်းခုိုင်းပါတယ်။

ဘယ်လောက် ငြိမ်းချမ်းရေး အစည်းအဝေး အောင်မြင်တယ်၊ မအောင်မြင်တယ် မသိပေမယ့် ငြိမ်းချမ်းရေးအဖွဲ့က ကောင်မလေး တစ်ယောက် သူပုန်တွေနဲ့ ညှိနှိုင်းရင်း ထုိုင်ငိုသွားတဲ့အထိပါပဲ။ ငြိမ်းချမ်းရေးနဲ့ သူပုန်အဖွဲ့တွေ အပြင်မှာ မခေါ် မပြောနုိုင်တဲ့ အထိ ဖြစ်ကုန်တယ်လုို့လည်း ပြန်ကြားရပါတယ်။ ကျနော်တုို့ အစုိုးရမှာ ငြိမ်းချမ်းရေး အောင်မြင်ဖုို့ တာဝန်ရှိတယ်ဆိုတာ ကျနော်တုို့ လုံးဝကို မေ့ခဲ့ပါတယ်။

အစုိုးရအဖွဲ့ လုပ်ငန်းတွေနဲ့ပဲ နစ်ပြီး ငြိမ်းချမ်းရေးဘက်ကုို အစုိုးရတစ်ဖွဲ့လုံး ခြေလှမ်း မပြင်ခဲ့ပါဘူး။ အဆုံးစွန် ငြိမ်းချမ်းရေး အဖွဲ့ လုပ်နေတဲ့ သူတွေ ဘယ်သူတွေဆုိုတာ တောင် မသိခဲ့ရတဲ့အထိ မေ့ခဲ့ပါတယ်။

နုိုင်ငံတော်ဟာ ကျနော်တို့ အစုိုးရလက်ထက်မှာ မငြိမ်းချမ်းခဲ့ပါဘူး။

မူဝါဒ မရှိတဲ့ စီးပွားရေး
==============
စီးပွားရေး ၀န်ကြီး ဒေါ် ယူဇာမော်ထွန်းက ဆောင်ရွက်ပြီး နုိုင်ငံတကာ ပေါက်ဈေးတွေ ထုတ်ကုန်ဈေးနှုန်းတွေ ကြည့်ပြီး နုိုင်ငံတော်ရဲ့ ထုတ်ကုန်တွေ ဈေးနှုန်းပြင်ဆင် ရောင်းချတာတွေ သူလုပ်ပါတယ်။

အရှုံးပေါ်နေတဲ့ အစိုးရပုိုင်လုပ်ငန်းတွေကို ရောင်းချတာတွေလည်း လုပ်ပါတယ်။ အစုိုးရ ၀န်ကြီးအဖွဲ့မှာ သူအတော်ဆုံးလုို့ ချီးကျူးခံရပါတယ်။ ဒါပေမယ့် ကျနော်တုို့နဲ့ စီးပွားရေး မူဝါဒ တုိုင်ပင် ဆွေးနွေးခဲ့တာမျိုး မရှိခဲ့သလုို ကျနော်တုို့ကလည်း စီးပွားရေး မူဝါဒ ဘာလဲဆုိုတာ မသိခဲ့ပါဘူး။ သူ့သဘောအတုိုင်း သူလုပ်ပုိုင်ခွင့် ဆုိုပြီး ခပ်ဆိတ်ဆိတ်နေခဲ့ပါတယ်။

မူဝါဒ မရှိတဲ့အခါ လူကောင်းသူကောင်းရရင် တော်ရဲ့ ။ ကျနော်တုို့လို တဇောက်ကန်း ၀န်ကြီး လူဆိုးတွေ ရရင် နုိုင်ငံတော်ဟာ ထိခိုက်တယ်ဆုိုတာ နားလည်ရပါတယ်။

လူဆုိုး ၀န်ကြီးတွေ
===========
အခရုိုနာ အစုိုးရ ရဲ့ လုပ်ဆောင်ချက်နဲ့ပတ်သက်တဲ့ သုံးသပ်ချက်တွေကုို နောက်ဆုံး သင်ခန်းစာမှာ ပုိုလန် ဆရာတွေက ပြန်လည် သုံးသပ်ပြောဆုိုပါတယ်။

ဝန်ကြီးတချုို့ ချီကျူးမခံရတောင် အသိအမှတ်ပြုခံရပါတယ်။ ကျနော့်နဲ့ ၀န်ကြီးတချို့ကိုတော့ ပုိုလန်ဆရာတွေ စကားထဲမှာကို ထည့်မပြောခဲ့ပါဘူး။ကျနော်တုို့ကို လူဆိုးဝန်ကြီးတွေ အဖြစ် သတ်မှတ်ခဲ့ပုံရပါတယ်။

သုံးသပ်ချက်
========
အခရုိုနာ အစုိုးရ သင်ခန်းစာ ပြီးဆုံးသွားပါပြီ။ ကျနော်တုို့ အစုိုးရ အဖွဲ့ ဟာ မနုိုင်မနင်း အစုိုးရအဖွဲ့ ဖြစ်သလို နုိုင်ငံတော်ဟာလည်း Failed State ဖြစ်ခဲ့ရပါတယ်။ ကျနော်တုို့ အစုိုးရအဖွဲ့မှာ ဘာတွေ မှားခဲ့ပါသလဲ။ အမှားတွေကုို ကျနော် သယ်ယူပုို့ဆောင်ရေးဝန်ကြီးအနေနဲ့ မှတ်မိသလောက် ပြန်လည် ချရေးလိုက်ပါတယ်။

အခရုိုနာနုိုင်ငံတော်ဟာ ဘာကြောင့် ကျဆုံးခဲ့ပါသလဲ။

၁- မူဝါဒ မရှိခဲ့ဘူး။ သမ္မတဟာ အာဏာ စရကတည်းက ငါတုို့ ဘယ်လုို လမ်းကြောင်းသွားမလဲဆုိုတာ ချမပြခဲ့ပါဘူး။ နိုင်ငံတော် အခြေပြမိန့်ခွန်း မပြောခဲ့ဘူး၊ ချမပြဘူး၊

၂-ပြည်သူတွေဆိုတာ ကျနော်တုို့ မစဉ်းစားခဲ့ဘူး။ အခရိုနာ ပြည်သူတွေ ဆုိုတာ ကျနော်တုို့ မစဉ်းစားခဲ့ဘဲ အစုိုးရ လုပ်ငန်းစဉ်တွေမှာပဲ အချိန်ကုန်ခဲ့တယ်။

၃- ငြိမ်းချမ်းရေးအတွက် ဘာမှ မလုပ်နုိုင်ခဲ့ဘူး။

၅- အချင်းချင်း လေးစားမှု မရှိသလို ကုိုယ့်ဝန်ကြီးဌာနအတွက်ဆုိုတဲ့ အတ္တတွေကို ရှေ့တန်းတင်ခဲ့ပါတယ်။

၆- တုိုင်းပြည် ဘတ်ဂျက် ကြီးလာပြီး အကြွေးတင်လာတဲ့ အချိန်အထိ အသင်းအဖွဲ့ စိတ်ဓာတ် ပျောက်ဆုံးနေခဲ့ပါတယ်။

၇-ပြည်သူတွေရဲ့ ပညာရေးကို မစဉ်းစားခဲ့ဘူး။ ပညာရေးအတွက် ဘတ်ဂျက်ပုိုပေးမယ်ဆုိုပြီး မတွေးခဲ့ဘူး။

၈-ပြည်သူတွေရဲ့ ကျန်းမာရေးကို မစဉ်းစားခဲ့ဘူး။ ကျန်းမာရေးအတွက် ဘာလုပ်ပေးရမလဲဆုိုပြီး မမေးခဲ့ဘူး။

၉ -၀န်ကြီးဌာနအချင်းချင်း လုံးဝ (လုံးဝ) ပူးပေါင်းဆောင်ရွက်မှု မရှိဘူး။ အာဏာ အလွဲသုံးစားမှု၊ ခြစားမှုတွေ ရှိခဲ့တယ်။

၁၀- စုိုင်ကော်လုို့ ခြုံပေါ် ရောက် ၀န်ကြီးဖြစ်လာပေမယ့် ၀န်ကြီးတစ်ဦး လုပ်ရမယ့် အသိပညာမရှိခဲ့သလုို တစ်ပါးသူ အကြံဥာဏ်မယူခဲ့ဘူး။ ကုိုယ်လုပ်ရင် ဖြစ်ရမယ်ဆုိုတဲ့ စိတ်ဓာတ်တွေရှိခဲ့ကြတယ်။

၁၁- စီးပွားရေး မူဝါဒ မရှိခဲ့ဘူး။ နုိုင်ငံခြားရေး မူဝါဒ မရှိခဲ့ဘူး။

၁၂- တုိုင်းသူပြည်သားတွေရဲ့ ပျော်ရွှင်မှုဆုိုတာ ဘာမှန်းမသိလောက်အထိ လျစ်လျူ ရှုခဲ့တယ်။

၁၃- အခွန်အခ ပိုင်းဆုိုင်ရာ ဘယ်လိုဆုိုတာ မလေ့လာခဲ့ဘူး။

၁၄- တဇောက်ကန်း စိတ်များတဲ့ လူဆိုးဝန်ကြီးတွေ များလွန်းခြင်းပါ။

၁၅- အစုိုးရ ကုို ထိန်းကျောင်းမယ့် လွှတ်တော်ဆုိုတာ အစုိုးရဂိမ်းမှာ ပါမလာလို့ အစုိုးရအဖွဲ့ ထင်ရာစုိုင်းခဲ့ခြင်း တွေဖြစ်ပါတယ်။

ဒီဆောင်းပါးကုို ဖတ်ပြီး ဘာကြောင့် အခရုိုနာ နုိုင်ငံတော် ကျဆုံးခဲ့သလဲဆိုတာ သင်စဉ်းစားမိတဲ့ အချက်တွေရှိရင်လည်း ပြန်လည် မျှဝေနုိုင်ပါတယ်။

လေးစားလျက်
သာလွန်ဇောင်းထက်