မြန်မာနိုင်ငံ၏ လျှပ်စစ်သုံးစွဲမှုသည် ၂၀၁၅ ခုနှစ်တွင် ၂၄၉၇ မဂ္ဂါဝပ် ၊ ၂၀၁၆ ခုနှစ်တွင် ၂၈၀၂ မဂ္ဂါဝပ်၊ ၂၀၁၇ ခုနှစ်တွင် ၃၀၇၅ မဂ္ဂါဝပ် သုံးစွဲခဲ့ပြီး ၂၀၁၈ ခုနှစ်တွင် ၃၅၈၇ မဂ္ဂါဝပ်၊ ၂၀၁၉ ခုနှစ်တွင် ၄၀၃၂ မဂ္ဂါဝပ်၊ ၂၀၂၀ ခုနှစ်တွင် ၄၅၃၁ မဂ္ဂါဝပ်အထိ တိုးတက်သုံးစွဲမည်ဟု ခန့်မှန်းထားပါကြောင်း၊ ၂၀၁၈ ခုနှစ် ဓာတ်အားလိုအပ်ချက်မှ ၃၅၈၇ မဂ္ဂါဝပ်ဖြစ်ပြီး လက်ရှိထုတ်လုပ်နိုင်သည့် အနေအထားသည် ၃၁၀၀ ရှိသည့်အတွက် ၄၈၇ မဂ္ဂါဝပ်ထပ်မံထုတ်လုပ်ရမည်ဖြစ်ပါကြောင်း၊ သို့သော် Plan အရ ၄၃၉ မဂ္ဂါဝပ် ထုတ်လုပ်နိုင်သည့်အတွက် ၄၈ မဂ္ဂါဝပ်လိုအပ်နေပါကြောင်း၊ ၂၀၁၉ ခုနှစ်တွင် ၄၀၃၂ မဂ္ဂါဝပ် သုံးစွဲမည်ဟု ခန့်မှန်းထားသော်လည်း ၃၅၃၉ မဂ္ဂါဝပ်သာ ထုတ်လုပ်နိုင်မည်ဖြစ်ပါသဖြင့် ၄၉၃ မဂ္ဂါဝပ်ထပ်မံ လိုအပ်မည်ဖြစ်ပါကြောင်း၊ Plan အရ ၇၅၀ မဂ္ဂါဝပ်သာထုတ်လုပ်ပြီး ၂၀၂၀ ခုနှစ်တွင် ၂၆၀ မဂ္ဂါဝပ်၊ ၂၀၂၀ ခုနှစ်တွင် ၉၇၁ မဂ္ဂါဝပ်ထုတ် နိုင်မည်ဟု ရည်မှန်းထားပါကြောင်း၊ ထို့ကြောင့် လျှပ်စစ်ဓာတ်အား ပမာဏအရ ၂၀၁၈ ခုနှစ်တွင် ထုတ်လုပ်မှုမှားသွားပါက ၂၀၁၉ ခုနှစ်တွင် လည်းကောင်း၊ ၂၀၁၉ ခုနှစ်တွင်မပြီးပြတ်ခဲ့ပါက ၂၀၂၀ ခုနှစ်တွင်လည်းကောင်း မိမိတို့ ပြည်သူများ အတွက် မီးအခက်အခဲများရှိနိုင်ပါကြောင်း၊ ထို့ကြောင့် လျှပ်စစ်ဝန်ကြီးဌာန အနေဖြင့်၂၀၁၈ ခုနှစ်တွင် လျှပ်စစ်ဓာတ်အား မည်သို့ထုတ်လုပ်၍ မည်သည့်အချိန်တွင်ပြီးမည်၊ ၂၀၁၉ ခုနှစ်တွင် ၄င်းတို့ Plan အရ မည်ကဲ့သို့ထုတ်လုပ်၍ ဘယ်လောက်ပြီးမည်ကို တိတိကျကျ သိလိုပါကြောင်းနှင့် ၂၀၁၈၊ ၂၀၁၉၊ ၂၀၂၀၊ ၂၀၂၁ အတွက် ပြည်သူလူထု၏လျှပ်စစ်လိုအပ်ချက်ကို မည်ကဲ့သို့စီမံထုတ်လုပ် ဖြည့်စွမ်းပေး မည်ကို သိလိုပါကြောင်း မေးမြန်းပါသည်။
မြန်မာနိုင်ငံ၏ လျှပ်စစ်ဓာတ်အားသုံးစွဲမှုကို ပြန်ပြီးစိစစ်လေ့လာကြည့်မည်ဆိုပါက ၂၀၁၀-၁၁ ခုနှစ်မှ ၂၀၁၆-၁၇ ခုနှစ်အထိ လျှပ်စစ်ဓာတ်အားသုံးစွဲမှု သည် ၁၅ / ၁၆ ရာခိုင်နှုန်းအထိ နှစ်စဉ်တိုးတက် လျက် ရှိသည်ကို တွေ့ရှိရမည်ဖြစ်ပါကြောင်း၊ ၂၀၁၇ ခုနှစ်၊ နိုဝင်ဘာလတွင် တစ်နှစ်လုံးအတွက် အမြင့်ဆုံးဝန်အားသည် ၃၁၈၉ မဂ္ဂါဝပ် အထိ မြင့်တက်လာခဲ့သော်လည်း လျှပ်စစ်နှင့် စွမ်းအင်ဝန်ကြီး ဌာနမှ ဓာတ်အားကို လုံလောက်နိုင်နင်းအောင် ထုတ်လုပ်ပေးနိုင်ခဲ့ပါကြောင်း၊ နှစ်အလိုက် လျှပ်စစ် ဓာတ်အားလိုအပ်ချက်များကို လျှပ်စစ်နှင့်စွမ်းအင်ဝန်ကြီးဌာနမှ အချိန်မီ တိုးတက် ပြည့်မီအောင် ထုတ်လုပ် နိုင်ရန် စီစဉ်လျာထားလျက်ရှိပါကြောင်း၊ လက်ရှိကာလတွင် ဓာတ်အား ထုတ်လုပ်သည့် အရင်းအမြစ်များကို စနစ်တကျထိန်းညှိထုတ်လုပ်ခြင်းနှင့် ကြီးကြပ်ကွပ်ကဲခြင်းများကို ဆောင်ရွက် ခဲ့သည့် အတွက် ၂၀၁၅ ခုနှစ်ထက် ၂၀၁၆ ခုနှစ်တွင်လည်းကောင်း၊ ၂၀၁၆ ခုနှစ်ထက် ၂၀၁၇ ခုနှစ် တွင်လည်းကောင်း၊ ဓာတ်အားပေးစက်ရုံများကို အသစ်တိုးချဲ့တည်ဆောက်နိုင်ခြင်း မရှိ သော်လည်း မဂ္ဂါဝပ် ၄၀၀ မှ ၅၀၀ အထိ နှစ်စဉ်တိုးတက်ထုတ်လုပ်နိုင်အောင် မိမိတို့ကြီးကြပ် ဆောင်ရွက်နိုင်ခဲ့ ပါကြောင်း၊ လျှပ်စစ်ဓာတ်အားထုတ်လုပ်ရေးပိုင်းသာမက ဓာတ်အားစနစ်ပိုမို ကောင်းမွန်ရေး အတွက် ၅၀၀ ကေဗွီလိုင်းနှင့် ခွဲရုံများကို ဆက်စပ်အကောင်အထည်ဖော်လျက်ရှိပါကြောင်း၊
လာမည့်(၂၀၁၈၊ ၂၀၁၉၊ ၂၀၂၀၊ ၂၀၂၁) ကာလတွင် လျှပ်စစ်ဓာတ်အား ပြည့်မီနိုင်အောင်အတွက် လက်ရှိအကောင်အထည်ဖော်ဆောင်ရွက်နေသည့် ဓာတ်အားပေးစက်ရုံစီမံကိန်းများမှာ ရာဇဂြိုလ် ၄ မဂ္ဂါဝပ် ရေအားလျှပ်စစ်စီမံကိန်း၊ မင်းဘူးနေရောင် ခြည်သုံး ၄၀ မဂ္ဂါဝပ် ဓာတ်အားပေးစက်ရုံစီမံကိန်း၊ သထုံ ၁၁၈.၉ မဂ္ဂါဝပ် သဘာဝဓာတ်ငွေ့သုံး ဓာတ်အားပေးစက်ရုံစီမံကိန်း၊ သာကေတ(UREC) ၁၀၆ မဂ္ဂါဝပ် သဘာဝဓာတ်ငွေ့သုံးဓာတ်အားပေး စက်ရုံစီမံကိန်း၊ မြင်းခြံ ၂၂၅ မဂ္ဂါဝပ် သဘာဝဓာတ်ငွေ့ သုံးဓာတ်အားပေးစက်ရုံစီမံကိန်းတို့ကို ၂၀၁၈-၁၉ ဘဏ္ဍာရေးနှစ်တွင် ပြီးစီးအောင် စီမံ ဆောင်ရွက် လျက် ရှိပါကြောင်း၊
၂၀၁၉-၂၀ ခုနှစ်မှ ၂၀၂၁-၂၂ ကာလအတွင်း အထက်ကျိုင်းတောင်း ၅၁ မဂ္ဂါဝပ် ရေအားလျှပ်စစ် စီမံကိန်း၊ အထက်ရဲရွာ ၂၈၀ မဂ္ဂါဝပ် ရေအား လျှပ်စစ်စီမံကိန်း၊ ကျောက်ဖြူ ၁၃၅ မဂ္ဂါဝပ် သဘာဝ ဓာတ်ငွေ့သုံးဓာတ်အားပေးစက်ရုံစီမံကိန်း၊ အလုံ ၃၅၆ မဂ္ဂါဝပ် သဘာဝဓာတ်ငွေ့သုံး ဓာတ်အားပေး စက်ရုံစီမံကိန်း၊ ကန်ပေါက် ပထမအဆင့် ၆၁၅ မဂ္ဂါဝပ် သဘာဝဓာတ်ငွေ့သုံး ဓာတ်အားပေးစက်ရုံ စီမံကိန်း၊ ရွာမ ၁၅၀ မဂ္ဂါဝပ် သဘာဝဓာတ်ငွေ့သုံး ဓာတ်အားပေးစက်ရုံစီမံကိန်း၊ ပုထိုးလုံ ၁၂ မဂ္ဂါဝပ် သဘာဝဓာတ်ငွေ့ သုံးဓာတ်အားပေးစက်ရုံစီမံကိန်း၊ မြန်အောင် ၂၀ မဂ္ဂါဝပ် သဘာဝဓာတ်ငွေ့သုံးဓာတ် အားပေးစက်ရုံစီမံကိန်း၊ သီလဝါ ၁၀၈ မဂ္ဂါဝပ် ဓာတ်အားပေးစက်ရုံစီမံကိန်းနှင့် ဧရာဝတီတိုင်း ဒေသ ကြီး၊ မီးလောင်ချိုင့်မှာတည်ဆောက်မည့် ၁၃၉၀ မဂ္ဂါဝပ် သဘာဝဓာတ်ငွေ့သုံးဓာတ်အားပေး စက်ရုံ စီမံကိန်းတို့ဖြစ်ပြီး စုစုပေါင်း ၃၆၁၀ မဂ္ဂါဝပ်ခန့် ဓာတ်အားထုတ်လုပ်နိုင်အောင် စီမံဆောင်ရွက်လျက် ရှိပါကြောင်း၊ လာမည့်လေးနှစ်တွင် လျှပ်စစ်ဓာတ်အား လုံလောက်ကောင်းမွန်အောင် ဓာတ်အား ထုတ်လုပ်ပေးနိုင်ရေးအတွက် ဆောင်ရွက်လျက်ရှိသည့်စီမံကိန်းများကို နိုင်ငံတော်၏ ဘတ်ဂျက်ကို အသုံးပြု၍ လည်းကောင်း၊ နိုင်ငံတကာချေးငွေအသုံးပြု၍လည်းကောင်း၊ ပုဂ္ဂလိကရင်းနှီးမြှုပ်နှံမှုများ ပါဝင် ဆောင်ရွက်၍ လည်းကောင်း သတ်မှတ်ကာလတွင် အချိန်မီ ပြီးစီးအောင် ကြိုးစားဆောင်ရွက် လျက်ရှိပြီး လက်ရှိ တည်ဆောက်ပြီးစီးထားသည့် ဓာတ်အားပေး စက်ရုံများအနက် သက်တမ်းကြာမြင့် နေသည့် ဓာတ်အားပေးစက်ရုံများကိုလည်း သက်တမ်းပိုပြီး Extension လုပ်နိုင်အောင် လိုအပ်သည့် ပြုပြင်မွမ်းမံ ဆောင်ရွက်မှုများ စက်စွမ်းအားပြည့် လည်ပတ်နိုင်ရေးတို့ကို စီမံဆောင်ရွက်လျက်ရှိပါ ကြောင်း ပြန်လည်ဖြေကြားပါသည်။
လျှပ်စစ်နှင့် စွမ်းအင်ဝန်ကြီးဌာန၊ ဒုတိယဝန်ကြီးဒေါက်တာထွန်းနိုင်
လျှပ်စစ်နှင့်စွမ်းအင်
.
.
မှတ်ချက်..
ဝန်ကြီးက လုံလောက်ပါကြောင်း ဖြေကြားချက်သည် အံ့သြစရာဖြစ်သည်။ ဗို့အားမပြည့် ..တုန်ခါနေသော ဗို့အားမြှင့်စက်များသည် တနိုင်ငံလုံး လျှပ်စစ်ပစ္စည်းများ၊ ကွန်ပြူတာများ အားသွင်းစက်များကို ပျက်စီးစေသည်မှာ .. မလုံလောက်သော ဓါတ်အားဖြစ်သည်။
.
.
မှတ်ချက်..
ဝန်ကြီးက လုံလောက်ပါကြောင်း ဖြေကြားချက်သည် အံ့သြစရာဖြစ်သည်။ ဗို့အားမပြည့် ..တုန်ခါနေသော ဗို့အားမြှင့်စက်များသည် တနိုင်ငံလုံး လျှပ်စစ်ပစ္စည်းများ၊ ကွန်ပြူတာများ အားသွင်းစက်များကို ပျက်စီးစေသည်မှာ .. မလုံလောက်သော ဓါတ်အားဖြစ်သည်။
တနိုင်းဒေသရှိ တိုင်းရင်းသားပြည်သူများ၏ လူနေမှုဘဝဖွံ့ဖြိုးတိုးတက်ရေးအတွက် မဟာဓာတ်အား လိုင်းမှ (၂၄)နာရီ မီးရရှိနိုင်ရေးအတွက် အမြန်ဆုံးလိုအပ်လျက်ရှိနေပါကြောင်း၊ မိမိတို့အနေဖြင့်လည်း ယခုသိရှိထားသည်မှာ ကာမိုင်း-တနိုင်း ၆၆ ကေဗွီဓာတ်အား လိုင်း ၇၅ မိုင် စီမံကိန်းကို အကောင်အထည်ဖော် ဆောင်ရွက်နေကြောင်းကို သိရှိထားပါကြောင်း၊ ထို့ကြောင့် ၂၀၁၉-၂၀၂၀ ဘဏ္ဍာရေးနှစ်အတွင်း ကချင်ပြည်နယ်၊ တနိုင်းဒေသသို့ မဟာဓာတ်အားလိုင်းမှ (၂၄)နာရီ မီးလင်းနိုင်ရေးအတွက် ဆောင်ရွက်ပေးနိုင်ပါရန်နှင့် ၂၀၁၈-၂၀၁၉ ဘဏ္ဍာရေးနှစ်တွင် တနိုင်းမြို့တွင် ကာမိုင်း၊ တနိုင်း ၆၆ ကေဗွီဓာတ်အားလိုင်းအတွက် လိုအပ်လျက်ရှိနေသော ဓာတ်အားခွဲရုံ တည်ဆောက်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။
ကချင်ပြည်နယ်ဖွံ့ဖြိုး တိုးတက်စေရန်အတွက် တနိုင်းဒေသကို ဓာတ်အားစနစ်မှ ဓာတ်အားဖြန့်ဖြူးပေးနိုင်ရန် ကာမိုင်း-တနိုင်း ၆၆ ကေဗွီဓာတ်အားလိုင်း (၇၅)မိုင်၊ ၆၆/၁၁ကေဗွီ၊ ၅ အမ်ဗွီအေ ကာမိုင်းဓာတ်အားခွဲရုံနှင့် ၆၆/၁၁ကေဗွီ၊ ၅ အမ်ဗွီအေ တနိုင်းဓာတ်အားခွဲရုံတို့ကို အကောင်အထည်ဖော်ဆောင်ရွက်သွားရမည် ဖြစ်ပါကြောင်း၊ အဆိုပါ စီမံကိန်းတစ်ခုလုံး၏ စီမံကိန်း ခန့်မှန်းကုန်ကျစရိတ် ကျပ်သန်းပေါင်း ၁၂၃၃၀ ရှိပြီးဖြစ်ပါကြောင်း၊ အဆိုပါလုပ်ငန်းတစ်ခုလုံးကို ဆောင်ရွက်ရန်အတွက် ဝန်ကြီးဌာနက နှစ်အလိုက် ခွဲဝေရရှိသည့် ဘတ်ဂျက်အရ ဆောင်ရွက်လျက်ရှိရာ ဓာတ်အားလိုင်းတည်ဆောက်ခြင်း လုပ်ငန်းအတွက် လိုအပ်သည့် ကြွေသီးများ ဝယ်ယူခြင်း လုပ်ငန်းအတွက် ကျပ် ၄၆၃ သန်းခန့်ကို ပေးချေဆောင်ရွက် ထားပြီးဖြစ်ပါကြောင်း၊ ၂၀၁၈ ခုနှစ် အောက်တိုဘာလမှ ၂၀၁၉ ခုနှစ် စက်တင်ဘာလအတွင်း ဘတ်ဂျက်နှစ်အတွင်း နောက်ထပ် ကျပ်သန်း ၂၂၈၀ ခန့်ကို ထည့်သွင်းလျာထားမည်ဖြစ်ပြီး ဆက်လက်လိုအပ်လျက်ရှိသည့် ဘတ်ဂျက်ရန်ပုံငွေများကို လာမည့်ဘဏ္ဍာရေးနှစ်များအလိုက် ဆက်လက်တောင်းခံသွားပြီး အဆိုပါ စီမံကိန်းကို အကောင်အထည်ဖော် ဆောင်ရွက်ပေးသွားမည် ဖြစ်ပါကြောင်း ရှင်းလင်းဖြေကြားပါသည်။
ဦးလင်းလင်းဦး (တနိုင်းမဲဆန္ဒနယ်) က ဆက်စပ်မေးခွန်း မေးမြန်းပါသည်။
မိမိဘက်မှ ကချင်ပြည်နယ်အစိုးရအဖွဲ့ရုံးတွင် ၁၃-၁၀-၂၀၁၇ ရက်နေ့ ပြည်နယ်အစိုးရအဖွဲ့ဝင်နှစ်ဦးနှင့် တွေ့ဆုံပေါင်းစပ် ညှိနှိုင်းဆွေးနွေးခဲ့ပါကြောင်း၊ ယခုလိုဆွေးနွေးသည့် အချိန်တွင် ကာမိုင်း၊ တနိုင်းစီမံကိန်းက ပြည်ထောင်စုက ကိုင်တွယ်သည့် ကိစ္စရပ်ဖြစ်ပါကြောင်း၊ ထိုသို့ဆွေးနွေးသည့် အချိန်တွင် ပြည်နယ်မှ ပြည်နယ်အစိုးရအဖွဲ့ကလည်း တနိုင်းဒေသကို လျှပ်စစ်မီးရရှိနိုင်ရေးအတွက် အားကြိုးမာန်တက် ဆောင်ရွက်လျက် ရှိနေပါကြောင်း၊ ၎င်းတို့ ပြည်နယ် ရန်ပုံငွေ တစ်စိတ်တစ်ဒေသကို ကာမိုင်း၊ တနိုင်း ၇၅ မိုင် စီမံကိန်းတွင် ထည့်သွင်းကူညီပြီး ပေါင်းစပ် ညှိနှိုင်းဆောင်ရွက်ခွင့် ရမည်ဆိုပါက မဲဆန္ဒနယ်က ၂၀၁၉-၂၀ ဘဏ္ဍာရေးနှစ်အတွင်း မီးရရှိနိုင်သည်ဆိုပြီး ဆွေးနွေးညှိနှိုင်း ထားခြင်းများရှိပါကြောင်း၊ ထို့ကြောင့် ၎င်းဝန်ကြီးဌာနကို မေးခွန်းမေးမြန်းလိုသည်မှာ ၂၀၁၉-၂၀ ဘဏ္ဍာရေးနှစ်အတွင်း ကချင်ပြည်နယ်၊ တနိုင်းဒေသကို (၂၄) နာရီ မီးလင်းနိုင်ရေးအတွက် လျှပ်စစ်နှင့်စွမ်းအင် ဝန်ကြီးဌာနအနေဖြင့် တနိုင်းဒေသက တိုင်းရင်းသား ပြည်သူများ၏ အကျိုးကိုရှေ့ရှုသောအားဖြင့် ကချင်ပြည်နယ်အစိုးရအဖွဲ့နှင့် ပေါင်းစပ်ညှိနှိုင်းပြီး ဆောင်ရွက်ပေးနိုင်ရန် အစီအစဉ်ရှိ/မရှိသိရှိလိုပါကြောင်း ဆက်စပ်မေးခွန်း မေးမြန်းပါသည်။
လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
စီမံကိန်းတစ်ခုလုံး၏ ကုန်ကျစရိတ်သည် ကျပ်သန်းပေါင်း ၁၂၃၃၀ လိုအပ်ခြင်း ဖြစ်ပါကြောင်း၊ လက်ရှိဝန်ကြီးဌာန၏ ဘတ်ဂျက်ဖြင့် သုံးစွဲပေးသည့် ငွေက ၄၆၃ သန်းခန့်ရှိခြင်း ဖြစ်ပါကြောင်း၊ ၎င်းအတွက် ထပ်မံလိုအပ်မည့် ဘတ်ဂျက်ငွေက ကျပ်သန်းပေါင်း ၁၁၉၀၀ ခန့် ဆက်လက်လိုအပ် နေမည်ဖြစ်ပါကြောင်း၊ ထို့ကြောင့် လိုအပ်သည့် ကျပ်သန်းပေါင်း ၁၁၉၀၀ ခန့်ကို ပြည်နယ်အစိုးရ၏ ဘတ်ဂျက်တွင် ထည့်သွင်းပြီး ထိုစီမံကိန်းကို လျင်လျင်မြန်မြန်ပြီးအောင် ဆောင်ရွက်လိုပါက မိမိတို့ဝန်ကြီးဌာနအနေဖြင့် လက်သင့်ခံနိုင်ပါကြောင်း၊ သို့ရာတွင် ဖွဲ့စည်းပုံအခြေခံ ဥပဒေအရလည်းကောင်း၊ နည်းပညာပိုင်းဆိုင်ရာ အရလည်းကောင်း ဓာတ်အားလိုင်းများ၏ အားနည်းချက် ဖြစ်ပေါ်လာပါက ဓာတ်အားစနစ်ကြီးတစ်ခုလုံး တစ်နိုင်ငံလုံး မီးအမှောင်ကျသွားသည်အထိ ဖြစ်ပေါ်တတ်ပါကြောင်း၊ ထို့အတွက်ကြောင့် ပြည်နယ်အစိုးရ၏ ဘတ်ဂျက်နှင့် လျာထားမည်ဆိုလျှင် နည်းပညာပိုင်းဆိုင်ရာအရ Technical Specification များကို တင်ဒါခေါ်ယူ ဆောင်ရွက်ရာတွင် လိုအပ်ချက်များ ဖြစ်ပေါ်လာနိုင်ခြင်းဖြစ်သည့် အတွက်ကြောင့် မိမိတို့ပြည်ထောင်စုဝန်ကြီးဌာနများက အဆောက်အအုံ ဆောက်လုပ်ရေး လုပ်ငန်းများကို ဘတ်ဂျက်ထည့်သွင်းလျာထားခဲ့ပါက အဆိုပါဘတ်ဂျက်များကို တိုင်းဒေသကြီးနှင့်ပြည်နယ် အစိုးရများထံ လုပ်ငန်းအပ်နှံ ဆောင်ရွက်ရသကဲ့သို့ ယခု ၆၆ ကေဗွီဓာတ်အားလိုင်းနှင့် ခွဲရုံလုပ်ငန်းများ ကိုလည်း ပြည်နယ်အစိုးရမှ ဘတ်ဂျက်ထည့်သွင်းပြီး ဆောင်ရွက်မည်ဆိုပါက အဆိုပါဘတ်ဂျက် များကို မိမိတို့ပြည်ထောင်စုဝန်ကြီးဌာနထံကို လုပ်ငန်းအပ်နှံဆောင်ရွက်သွားရန် လိုအပ်ပါကြောင်း ရှင်းလင်းဖြေကြားပါသည်။
လျှပ်စစ်နှင့် စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
No comments:
Post a Comment