ဆည်မြောင်းတံတား The Voice Cheif Editor's Article

M Zaw Aung shared Kyaw Min Swe's post.

3 hrs

ဆည်မြောင်းတံတား
နာမည်နဲ့ငွေရဖို့ လုပ်ခဲ့တာတွေ လုပ်နေတာတွေ ပါ။ သဗွိုက်စ် သတင်းစာ အယ်ဒီတာချုပ် ဆိုတော သြဇာအနည်းငယ်ရှိပေမဲ့ သူကိုယ်တိုင် အေ.ဂျီ.တီ.အိုင် အင်/ယာ တဦးပါ။
.
အထပ်မြင့်ဆောက်လုပ်ရေးတွေ မီဒီယာအမြင် တွေလဲရှိပါတယ်။ အင်/ယာတွေ အခွန်ရှောင် သူဌေးဖြစ်တော့ ဘာဥပဒေနဲ့မှ အရေးယူမရပါ။ အဲ..ကွာလတီ ပြသနာတော့ ထောင်ကျ ဘဝပျက်နိုင်တယ်။ အရင်က အိုဗာအက်စတီမိတ်လုပ်ပြီး အင်/ယာတွေ စားဝါးကြတယ်။ အခုခေတ် အိုဗာဆိုက် ဆောက်ပြီး ပစ္စည်ရောင်းသူဆီက ကော်မရှင်စားတယ်။ ကွာလတီ ကောင်းရင် ပြီးတာပါပဲ။ ပေါ်လစီကတော့ အင်/ယာ အလုပ်မဟုတ်.. နိုင်ငံရေးသမား အလုပ်ပါ။

Kyaw Min Swe

July 23 at 7:18pm · Yangon

မနှစ်က ဒီရက်ပိုင်းမှာ ရေးခဲ့တဲ့ ခေါင်းကြီးနဲ့ ခြေဆင်းပါ။ နှစ်တိုင်း ကြုံလာရမယ့် အန္တရာယ်ရှိတဲ့အတွက် မမေ့အောင် ပြန်တင်ပေးလိုက်တယ်။
-----------------

ကျနော့်မွေးဇာတိ ကန့်ဘလူနဲ့ ငယ်ငယ်က အိမ်ဦးနဲ့ ကြမ်းပြင်လို ကူးချည်သန်းချည် သွားခဲ့ဖူးတဲ့ ကောလင်း ဒေသနှစ်ခုစလုံးမှာ ရေကြီးနေတဲ့သတင်းတွေ မြင်ရ၊ ကြားရတာ စိတ်မချမ်းသာဘူး။ ကောလင်းဆိုတာ ရေစီးသန် ရေကျော်လေ့ရှိတဲ့ ဒေါင်းမြူးချောင်းဘေးမှာရှိတဲ့အတွက် ရေကြီးတာ မထူးဆန်းလှပေမယ့်(တကယ်တော့ ဒီနှစ်ရေကြီးတာမျိုးကျ ကောလင်းသမိုင်းမှာ မရှိဖူးပါ) ကန့်ဘလူလို ဘာချောင်း၊ မြစ်မှ မရှိတဲ့အပြင် ဘယ်တုန်းကမှ ဒီလိုအဖြစ်မျိုး မကြားဖူး၊ မကြုံဖူးတဲ့ နေရာမျိုးမှာ ရေကြီး၊ ရေသျှံတာကျ ထူးလည်းထူးဆန်း မေးခွန်းလည်း ထုတ်ရမယ့် အဖြစ်မျိုးပါ။

ပြောပြန်ရင်လည်း ဒီမောင်တွေကိုပဲ အပြစ်တင်ရာရောက်သွားမှာဖြစ်ပေမယ့် မပြောမပြီး၊ မတီးမမြည်ဆိုသလိုပဲ ပြောမှကို ဖြစ်လို့ ရေးရ ပြောရတာလည်းဖြစ်တယ်။ ဒီလောက် ရေးနေ၊ ပြောနေတာတောင် သူတို့လုပ်ချင်တာပဲလုပ်၊ မလုပ်ချင်တာဆို လုံးလုံးမလုပ်တော့လည်း “ကျနော်ကကော ဘာများတတ်နိုင်ဦးမှာနည်း” ဆိုပြီး ဗန်းမော်တင်အောင်လို့ ငြီးရမှာပဲ။

ပြဿနာက ကုန်ခဲ့တဲ့ အနှစ်၂၀ အတွင်းမှာ နိုင်ငံတော်ဘဏ္ဍာတွေကို သုံးပြီး တွေ့တဲ့နေရာတိုင်း၊ လက်ညှိုးထိုးတဲ့နေရာတိုင်း ဆည်တွေ၊ ရေကာတာတွေ၊ တစ်ဖက်ပိတ် တမံတွေဆောက်ပြီး ဇီးသီးဗန်းစီမံကိန်းတွေ အကောင်အထည်ဖော်ခဲ့တာပဲ။ စိုက်ပျိုးရေးအခြေခံတဲ့ နိုင်ငံမို့ ဆည်ဆောက်တာ ကောင်းတာပေါ့လို့ ပြောနိုင်ပေမယ့် ဘယ်လို ပညာရှင်နဲ့ တိုင်ပင်၊ ဘယ်လိုနေရာမှာဆောက်ဖို့ ဘယ်လိုစဉ်းစား တွက်ချက်၊ သုံးသပ်ပြီး ဘယ်လိုဆည်အမျိုးအစား ဆောက်တာလဲ၊ ဆည်ဆောက်လိုက်တဲ့အတွက် ရလာမယ့် အကျိုးကျေးဇူးနဲ့ လတ်တလော ပေးလိုက်ရတဲ့ ဆုံးရှုံးမှု၊ နောင်မှာ ကြုံလာနိုင်တဲ့ အန္တရာယ်တွေကို သေချာ စဉ်းစားချိန်ဆပြီး ဆောက်ခဲ့တာရော ဟုတ်သလား ဆိုတဲ့ မေးခွန်းတွေက ဒီနေရာမှာ အရေးကြီးသွားပြီ။

တကယ်တော့ မြန်မာပြည်မှာ ဆည်အပြင် လိုတဲ့နေရာမှာ မလုပ်ဘဲ မလိုတဲ့နေရာ သွားလုပ်ထားတဲ့ အဲလို စီမံကိန်းတွေ အများကြီး။ မလိုအပ်တဲ့နေရာမှာ လမ်းတွေဖောက်၊ တံတားတွေဆောက်ခဲ့ပြီး တကယ်လိုအပ်တဲ့နေရာတွေကျ အချိန်အထိ ရွှံ့တော၊ ဗွက်တောထဲမှာ ကားကို ကျွဲနဲ့ဆွဲ၊ ဆင်နဲ့ဆွဲ နေရတဲ့ လမ်းတွေ၊ တစ်နေကုန်လို့မှ ကား ဆယ်စီးပြည့်အောင် မဖြတ်တဲ့ တံတားကြီးတချို့တွေ ရှိတယ်။ တခြားမကြည့်နဲ့ အနီးဆုံး ရန်ကုန်မြို့တော် ဧရိယာမှာလိုက်ကြည့်အုံး။ တကယ်လိုအပ်ချက်တွေရှိနေတဲ့ ချင်းပြည်နယ်တို့ ရခိုင်ပြည်နယ်တို့ဆိုတာ အဝေးကြီး။ နိုင်ငံတော်နဲ့ နိုင်ငံသားတွေအတွက်၊ တိုင်းပြည်ရဲ့ စားနပ်ရိက္ခာအတွက်ဆိုတဲ့ အဓိကရည်ရွယ်ချက်နဲ့ စေတနာရှေ့ထားပြီး အကောင်အထည်ဖော်ခဲ့တာက နည်းနည်း၊ ကိုယ့် မိန်းမရှိတဲ့ မြို့၊ ဒေသမို့၊ ကိုယ့်ဇာတိမို့၊ ကိုယ့်ကို ရှယ်ရာပေးပြီး အမြဲဆည်းကပ်နေတဲ့ သူရဲ့ဒေသမို့၊ ကိုယ့်ကို ပုံမှန် ခွဲတမ်းပေးတဲ့ ဝန်ကြီးမို့၊ ကိုယ့်အတွက် အမြဲ ကော်မရှင်ပေးတဲ့ ကုမ္ပဏီမို့၊ ကိုယ့်ကို ရာသက်ပန် နာယကအဖြစ် တင်မြှောက်မယ့် အစိုးရတစ်ပိုင်း အန်ဂျီအိုအမည်ခံအဖွဲ့မို့ စတဲ့ စဉ်းစားမှုတွေနဲ့ အကောင်အထည်ဖော်ခဲ့တဲ့ စီမံကိန်းတွေအများစုက နိုင်ငံတော်နဲ့ ပြည်သူတွေအတွက် အဟောသိကံဖြစ်တာတွေ အများကြီး။

ကုန်ခဲ့တဲ့ အနှစ်၂၀အတွင်း တည်သမျှ စက်ရုံတိုင်းက တရုတ်က ကွန်ပျူတာထိန်းချုပ်စနစ်ကို ပြောင်းတဲ့အတွက် အသုံးမလိုတော့ဘဲ သံရည်ကြိုစက်ပို့ရတော့မယ့် သံကြေးတက် စက်အစုတ်အဟောင်းတွေကို ဖုန်ခါ ဆေးသုတ်ပြီး ဒန်အိုးဒန်ခွက် အဟောင်းဈေးမျိုးနဲ့ ဝယ်၊ အသစ်ဈေးနဲ့ စာချုပ်ချုပ်၊ စာချုပ်ပေါ်က တန်ဖိုးထဲမှာကိုက ဝယ်သူအတွက် ကော်မရှင်ခပါပြီးသား ပုံစံမျိုးတွေနဲ့ တည်ထားတဲ့ စက်ရုံးတွေချည်း။ တချို့ကျ ဗြိတိသျှကိုလိုနီလက်ကျန်ဆိုပေမယ့် နောင်မှာ ကမ္ဘာလှည့်ခရီးသွားတွေကို ဆွဲဆောင်နိုင်မယ့်အပြင် ဒေသတွင်းနိုင်ငံတွေကြားမှာ အစောဆုံး မီးရထားပြေးနိုင်ခဲ့တဲ့ နိုင်ငံတစ်နိုင်ငံအဖြစ် ပြတိုက်၊ ပြခန်းတွေနဲ့ နေ့တိုင်း ပိုက်ဆံဝင်မယ့်လုပ်ငန်းမျိုးမှာ အသုံးတည့်မယ့် အဖိုးတန် ကျောက်မီးသွေးရထားစက်ခေါင်းကြီးတွေကို တစ်ရက်စုပ်- တရုတ်စက် အပေါစား ဒီဇယ်စက်ခေါင်းတွေနဲ့ လဲပစ်တယ်။ ရုတ်တရက်ကြည့်ရင်တော့ အသုံးမကျတော့တဲ့ ရေနွေးငွေ့စက်ခေါင်းကြီးတစ်လုံးနဲ့ ဒီဇယ်စက်ခေါင်း အသစ် လေးငါးဆယ်လုံးရတယ်ဆိုပေမယ့် တန်ဖိုးချင်းက မတူဘူးလေ။ တရုတ်လုပ် ဒီဇယ်စက်ခေါင်းတွေဆိုတာ အရည်အသွေးက သိတဲ့အတိုင်းပဲ။ သူတို့ကတော့ပြောမယ် မြန်မာ့မီးရထားအတွက် ကောင်းစေချင်တဲု့စေတနာနဲ့ လုပ်ခဲ့တယ်လို့။ ဒါဆို ဘာကြောင့် တခြားနိုင်ငံတွေနဲ့ မဆက်သွယ်ဘဲ တရုတ်နဲ့ ဆက်သွယ်ပြီး လုပ်တာလဲ။ ကမ္ဘာပေါ်မှာ မြန်မာနိုင်ငံလို ရထားသံလမ်း အကျယ်မျိုး သုံးတဲ့ နိုင်ငံက တရုတ်တစ်နိုင်ငံပဲ ရှိတာလား။ ကိုယ်ကျိုး မပါဘဲ လုပ်ခဲ့တယ်ဆိုတာ ကျနော်တော့ ယုံကိုမယုံတာ။ ဒါတောင်သူတို့က ပြောအုံးမယ်။ အမေရိကန်နဲ့ ဥရောပက ဆန်ရှင်လုပ်ထားလို့ တရုတ်နဲ့ပဲ ဆက်သွယ်ရတာပါလို့။ သူတို့ ဝယ်ချင်တဲ့ဟာကျ ပွဲစားကြီး စင်ကာပူကိုသုံးပြီး ဝယ်ခဲ့တာတွေကျ မပြောတော့ဘူး။

ပြည်သူအပေါ်တင်မကဘူး သူတို့ခိုင်းသမျှ တရား၏ မတရား၏၊ မှန်၏ မမှန်၏ မစဉ်းစားပဲ လုပ်ပေးခဲ့တဲ့ ဝန်ထမ်းတွေအပေါ်တောင် ရိုးသားခဲ့လို့လား။ ဒီမိုကရေစီနာမည်ခံထားတဲ့ အစိုးရအကူးအပြောင်းလေးတင်မှာကို ကားသွင်းမယ့် ပေါ်လစီတွေ ပြောင်းမယ်ဆိုတာ သိသိချည်းနဲ့ တရုတ်လုပ် ချယ်ရီဝက်ဂွန်ကားတွေ ကစလ တံဆိပ်ပြောင်းတပ်ပြီး သိန်း၂၀ကျော်လောက် တန်တဲ့ကားကို သိန်းငါးဆယ်နဲ့ အကြံအဖန်လုပ်သွားသေးတာ။ ကားပေါ်လစီပြောင်းတော့လည်း လေးဘီးကားစုတ်တွေကို သူတို့လူတွေပဲ လိုက်ဝယ်ပြီး မရှိတဲ့သူတွေအပေါ် ထပ်ပြီး အညွန့်ခူးစားလို့ရအောင် လုပ်ပေးသွားသေးတယ်။ မိတ်ဆွေတစ်ယောက်က အဲဒီလုပ်ရပ်ကို “သူတောင်းစားလက်ထဲက ခွက်ကိုတောင် မသမာတဲ့နည်းနဲ့ လုယူတဲ့လူတွေ” ဆိုပြီး ဥပမာပေးတယ်။ အဲလိုအဖြစ်အပျက်တွေ ပြန်ပြောင်းပြောရရင် မကုန်နိုင်ဘူး။ ပြောပြန်ရင်လည်း သူတို့ကိုပဲ အပြစ်တင်နေတယ် ဖြစ်အုံးမယ်။ လုပ်တာတွေကလည်း အလွဲတွေချည်း။

ခက်တာက သူတို့ကိုယ်သူတို့ အကုန်လုံး တတ်တယ်ထင်နေတာ။ အဲလိုထင်အောင်လည်း သူတို့ကို သင်ကြားလေ့ကျင့်ပေးလိုက်တဲ့နေရာမှာ ဦးနှောက်ဆေးပေးလိုက်သလို ရိုက်ထည့်ပေးလိုက်တာ။ သူတို့အချင်းချင်းကလွဲရင် ကျန်တဲ့သူတွေကို အထင်မကြီး၊ အထင်သေးအောင် လုပ်ပေးလိုက်တာ။ အာဏာရှင်စနစ်အောက်က ပညာရေးစနစ်အလွဲကြောင့် ဆယ်တန်းအမှတ်ပေါင်းစနစ်နဲ့ ခွဲပြီး တက္ကသိုလ်တက်ခိုင်းတဲ့ ပုံစံကြောင့် နယ်ပယ်တိုင်းမှာ သူတို့သာ အတော်ဆုံး၊ သူတို့သာ အထူးချွန်ဆုံးဆိုတဲ့ တစ်လွဲမာနတွေ တလူလူလွင့်ပြီး သူတို့ ပရော်ဖက်ရှင်နယ်လောကအပြင်ကလူတွေအားလုံးကို အထင်သေး အမြင်သေးနဲ့ မြင်တတ်၊ ကြည့်တတ်တဲ့သူတွေ မွေးထုတ်ပေးခဲ့တာ။ ငါတို့ကို မထိနဲ့ မီးပွင့်သွားမယ်ဆိုတဲ့ အုပ်စုစွဲ၊ အဖွဲ့စွဲ၊ ယူနီဖောင်းစွဲတွေဖြစ်ကုန်အောင် ဒီစနစ်ဆိုးကြီးက အရောင်ဆိုးပေးလိုက်တာ။

ဒီနေ့ မြင်နေရတဲ့ သက်ရောက်မှုအလွဲတွေက စနစ်ဆိုးရဲ့ စီမံခန့်ခွဲမှုအလွဲ၊ မလျော်သြဇာသုံးပြီး ကိုယ်ကျိုးရှာခဲ့တဲ့အလွဲတွေကြောင့် ဖြစ်လာတာ။ နောက်ဆုံး ခံကြရတာက အောက်ခြေက ပြည်သူလူထုပေါ့။ တော်ပါသေးတယ်။ ရွေးကောက်ပွဲ မဲဆွယ်ကာလနားနီးနေလို့ သမ္မတနဲ့ တပ်ချုပ်ကိုယ်တိုင်လာပြီး မိုးကာခြုံပေး၊ လိုအပ်တာ လမ်းညွှန်မှာကြားပေး လုပ်သွားလို့။ နို့မို့ဆို အရပ်ဖက်လူ့အဖွဲ့အစည်းတွေနဲ့ ဒေသခံပြည်သူတွေ ကိုယ့်ဘာသာကိုယ် ဖြေရှင်းနေကြရမှာ။ ဒါပေမယ့် ဒီအဖြစ်အပျက်မျိုးက နောင်မှာလည်း လာအုံးမယ်။ အာဏာရှင်ခေတ် တစ်လျှောက် ဆောက်ခဲ့၊တည်ခဲ့တဲ့ ဆည်တွေ၊ တမံတွေ၊ ရေကာတာတွေကို အရည်အသွေးမီ မမီတော့မသိဘူး အဲဒီစီမံကိန်းကို တာဝန်ယူရတဲ့ အဆင့်ဆင့်သော ဆည်မြောင်း အင်ဂျင်နီယာတွေရဲ့မိသားစုတွေကတော့ တော်တော်ကို အဆင့်မီသွားကြတယ်။ သူတို့ကလည်း အထက်အဆင့်ဆင့်ကို ဝေပုံကျ ဆက်သကြရတာဆိုတော့ ဘယ်သူတွေ ဘယ်လို ရခဲ့၊ ယူခဲ့၊ ကဲ့ခဲ့၊ ခိုးခဲ့၊ ဝှက်ခဲ့၊ အလွဲသုံးခဲ့တယ်ဆိုတာ ကိုယ့်ဘာသာ အသိဆုံး။ သူတို့အဲလို လုပ်ခဲ့တဲ့အတွက် သူတို့မိသားစုတွေ အဆင့်မီသွားခဲ့ပေမယ့် ရာသီဥတုဖောက်ပြန်တာရော ဒီအဆင့်မမီ၊ နေရာမမှန် ဆည်တွေ၊ တာတမံတွေကြောင့်ရော ရေလွှမ်း၊ ရေကျော်၊ ရေလျှံတဲ့ဒဏ်ကို နာင်နှစ်ပေါင်းများစွာအထိ မျိုးဆက် အဆင့်ဆင့် အကြီးအကျယ် ခံကြရအုံးမယ်။ တရားရဲ့လား။

နောင်မှာ ဒါမျိုး ထပ်မဖြစ်စေချင်ရင် လက်ရှိဆည်တွေရဲ့ပတ်လည်မှာ၊ ရေအရင်းအမြင်ဖြစ်တဲ့ မြစ်ချောင်းတွေ ဘေးတွေမှာ ရေဝေရေလဲ သစ်ပင်တွေ၊ သစ်တောတွေ ပြန်စိုက်၊ ဆည်ကြမ်းပြင် နုန်းများလာရင် ပြန်တူးဖော် စတဲ့ လုပ်ငန်းတွေ အချိန်မဆိုင်း လုပ်မှရမယ်။ မတတ်သာလို့ ရေဖောက်ချရမယ်ဆိုရင်တောင် အနိမ့်ဆုံးအဆင့် ဒေသခံပြည်သူတွေ လုံလောက်တဲ့ အချိန်ရအောင် ကြိုတင် သတိပေး၊ ထုတ်ပြန်တာ၊ ကူညီရွေ့ပြောင်းပေးတာ လုပ်ရမယ်။ အခုဟာက ဖောက်ချခါနီး နာရီပိုင်းအလိုမှ ပြောတာမျိုး၊ ပြောကိုမပြောပဲ ဒီအတိုင်း ဖောက်ချလိုက်တာမျိုးကြောင့် ပြည်သူတွေရဲ့ အဖိုးတန် အသက်အိုးအိမ်စည်းစိမ်တွေ ဆုံးရှုံးသွားရင် ဒါ ပြစ်မှုမြောက်တဲ့ ကျူးလွန်မှုဖြစ်သွားမယ်ဆိုတာ သိစေချင်တယ်။
လူသာသေချင် သေသွားမယ်၊ အမှုဆိုတာ ဆွေးမသွားဘူးဆိုတဲ့ ဆိုရိုးစကား ရှိတယ်မဟုတ်လား။

ပြီးခဲ့တဲ့ ဇူလိုင်လ ၂၀ရက်နေ့ထုတ် သတင်းစာမှာ ရေးဖြစ်ခဲ့တဲ့ ခေါင်းကြီးကို ဝေဖန်ဖို့၊ လွတ်လပ်စွာ သဘောထားကွဲလွဲဖို့နဲ့ ဆင်ခြင်သတိပြုမိကြဖို့ မျှဝေလိုက်တယ်။
-------------------------------------------------------
ဆည်ဆောက်တမ်း ကစားခြင်း၏ အန္တရာယ်

ယခုနှစ် မိုးရာသီသည် မုတ်သုံမိုး အားကောင်းခြင်းထက် ရာသီဥတု ဖောက်ပြန်ခြင်းကြောင့် ကုန်ခဲ့သည့် အနှစ် ၂၀ ကျော် နောက်ပိုင်း မိုးနည်းပါးလေ့ရှိသည့် မြန်မာနိုင်ငံအလယ်ပိုင်း ဒေသများတွင်ပင် မိုးအဆက်မပြတ် ရွာသွန်းကာ ရေကြီး၊ ရေလျှံမှုများ ဖြစ်ပေါ်လျက်ရှိသည်။

အဆိုပါ နေရာဒေသများကို လေ့လာကြည့်သောအခါ သာမန်မိုးသည်းထန်လွန်း၍ ရေကြီးခြင်းထက် ယင်းဒေသများတွင် တည်ဆောက်ထားသည့် တစ်ဖက်ပိတ်ဆည်များ၊ ရေလှောင်တမံများ ကျိုးပေါက်မည့် အန္တရာယ်ကို မြင်ကာ ရေများဖောက်ချခြင်းကြောင့် ရေလျှံ၊ ရေနစ်ကြခြင်းက အများစု ဖြစ်နေသည်ကို တွေ့ရသည်။

တည်ဆောက်ထားသည့် ဆည်၊ တာတမံများ ပတ်ဝန်းကျင်နှင့် ယင်းဆည်အတွင်းသို့ စီးဝင်သော မြစ်ချောင်းများ ပတ်ဝန်းကျင်တို့တွင် ရေဝေရေလဲ သစ်တောများ မရှိခြင်းကြောင့် နုန်းပို့လာကာ ဆည်ကြမ်းပြင်များ တဖြည်းဖြည်း မြင့်တက်လာခြင်းကိုလည်း လျစ်လျူရှုထားခဲ့သောကြောင့် မိုးဆက်တိုက် ရွာလိုက်သည်နှင့် ဆည်ရေလျှံကာ မထိန်းနိုင်တော့ဘဲ ဖောက်ချခြင်း၊ ကျိုးပေါက်ခြင်းများ ဖြစ်ပေါ်ရပေသည်။

များမကြာမီ အချို့ဆည်၊ တမံများ ကျိုးပေါက်ကာ အကြီးအကျယ် ရေလွှမ်းမိုးမှုများ ဖြစ်ပေါ်လာနိုင်သော အခြေအနေရှိနေရာ ရေဘေးဒုက္ခသင့်ရန် အလားအလာရှိသော နေရာဒေသများတွင် ကြိုတင်သတိပေးချက် ထုတ်ပြန်ခြင်း၊ နေရာရွှေ့ပြောင်းပေးခြင်း၊ ကယ်ဆယ်ရေး၊ ထောက်ပံ့ရေးလုပ်ငန်းများ အတွက် အသင့်ပြင်ဆင်ထားကြရန် လိုပေမည်။

စင်စစ်အားဖြင့် ယင်းကဲ့သို့ လုပ်ငန်းများသည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ မိုးလေဝသနှင့် ဇလဗေဒဦးစီးဌာန၊ မီးသတ်ဦးစီးဌာနတို့နှင့် တိုက်ရိုက်သက်ဆိုင်သော်ငြား မြန်မာနိုင်ငံတွင် ထိုကဲ့သို့သော ဌာနများ၏ အရေးပါမှုကို ၂၀၀၈ နာဂစ်မုန်တိုင်း၏ ဆိုးရွားပြင်းထန်လှသော အတွေ့အကြုံရှိထားသည့်ကြားက စနစ်တကျ ပြင်ဆင်ထားခြင်း မရှိပေ။

ကုန်ခဲ့သည့် အနှစ် ၂၀ ကျော်အတွင်း နိုင်ငံတစ်ဝန်း ဆည်ဆောက်တမ်း ကစားခဲ့ကြသကဲ့သို့ ဆည်စီမံကိန်းများစွာကို အရည်အသွေး ပြည့်မီစွာ၊ လာဘ်စားမှု နည်းပါးစွာ တည်ဆောက်ခဲ့ခြင်း မဟုတ်သဖြင့် ယင်းတို့၏ နောက်ဆက်တွဲ အကျိုးဆက်များအဖြစ် ယနေ့ ဒေသခံပြည်သူများ ခံစားနေရခြင်း ဖြစ်သည်။

အထူးသဖြင့် နိုင်ငံတော်အကြီးအကဲဟု ခေါင်းစဉ်တပ်ထားသည့် တပ်မတော်အစိုးရ ထိပ်ပိုင်းတာဝန်ရှိသူများက ၂၀၀၁ ခုနှစ် တပ်မတော်နေ့အမီ ဖွင့်လှစ်လိုသောကြောင့် အရည်အသွေးပြည့်မီခြင်း ရှိမရှိ၊ ဖွင့်လှစ်ချိန်တန်၊ မတန် ဆင်ခြင်သုံးသပ်မှု မရှိဘဲ အမိန့်အာဏာဖြင့် အချိန်မတိုင်မီ ဖွင့်လှစ်ခဲ့သော ကျီးပင်အက်ဆည် ညအချိန်မတော် ကျိုးပျက်သွားခြင်းကြောင့် ကန့်ဘလူမြို့နယ်၊ ထန်းတပင်(ဇီးကုန်း)နှင့် ညောင်ဇင်ကျေးရွာအကြားရှိ မြောင်ဘောင်ရင်းတံတားတွင် မန္တလေး-မြစ်ကြီးနား ညအမြန်ရထား တစ်စင်းလုံး ချောင်းအတွင်း ပြုတ်ကျကာ လူပေါင်းများစွာ အသက်ဆုံးရှုံးခဲ့ရသည်။

ဆည်မြောင်း၊ တာတမံများစွာ ဆောက်လုပ်ခြင်းဖြင့် ရှေးခေတ်က ဘုန်းကံကြီးသော တိုင်းပြုပြည်ပြု မင်းတရားကြီးများအသွင် အလွန်အကျွံ ချီးမြှောက်လိုသူများနှင့် ယင်းစီမံကိန်းများကို အကြောင်းပြုကာ နိုင်ငံတော်ဘဏ္ဍာ အလွဲသုံးစားပြုလိုသူများကြောင့် မြန်မာနိုင်ငံတစ်ဝန်းတွင် ရလာမည့်အကျိုးနှင့် ကြုံနိုင်သည့်အပြစ် ချိန်ဆစဉ်းစားခြင်း မရှိဘဲ အရည်အသွေးမမီသော ဆည်၊ တာတမံများစွာ တည်ဆောက်ခဲ့ခြင်း၏ နောက်ဆက်တွဲ ပြဿနာများ ဆက်တိုက်တွေ့မြင်လာရတော့မည် ဖြစ်ရာ ဒေသခံ ပြည်သူလူထု၏ အသက်အိုးအိမ် စည်းစိမ်ဥစ္စာများ ကြိုတင်ကာကွယ်နိုင်ရေး အလို့ငှာ အထူးပြင်ဆင်ထားရန်လိုကြောင်း သတိပေးလိုရင်းဖြစ်သည်။
အယ်ဒီတာ (၁၉-၇-၂၀၁၅)