နွားနို့နဲ့အရက်၊အချိုရည် (၁)
DASSK နေပြည်တော်က CP နွားခြံသွား ကြည့်တော့ .ကိုဝင်းထိန် က ပို့စ် တင်ပါတယ်။ ငွေစင်ပုလဲ နွားနို့ထုတ်လုပ်နေသူ ဦးတင်ဝင်း က အားရ၀မ်းသာ ကြိုဆိုပါတယ်။ ရေးထားချက် တစ်ခုကတော့ .. " နိုင်ငံခြားသား လုပ်ငန်းရှင်ကို သာစားပေးတယ် ဆိုပြီး ဖောင်းထုတဲ့ comment အချို့ကိုလည်း တွေ့ရပါတယ်။ ဘယ်နိုင်ငံခြားသား ပိုင်တဲ့ခြံဖြစ်ဖြစ် မြန်မာပြည်အတွက် အကျိုးမယုတ်ပါဘူး။ မဟုတ်လဲ ထိုင်းနဲ့ တရုတ်ဆီက နို့ဗူးတွေ တင်သွင်းနေရ တာပဲဥစ္စာ။ အဓိကက ပညာသားပါပါ စီမံခန့်ခွဲနိုင်ရင် ပြည်တွင်းလုပ်ငန်းရှင် တွေအတွက်လည်း Win-Win ဖြစ်လာနိုင်ပါတယ်။ Myanmar SMP လုပ်တဲ့အခါ.. ဒေသထုတ် နို့ကိုပဲ ဦးစားပေး ဝယ်မယ်ဆိုရင်.. ဒေသတိုင်းမှာ Milk industry တွေ ပေါ်လာနိုင်ပါတယ် ".. စသဖြင့် ရေးထားပါတယ်။
.
ဒေါ်အောင်ဆန်းစုကြည် သွားရောက် ကြည့်ရှုတဲ့ CP နွားနဲ့ကြက် မွေးမြူရေး (နေပြည်တော်) ကတော့ ရင်းနှီးမြှတ်နှံမှု ကျပ်သန်း ၂၀၀၀၀ (US$ 1.5 million) ပဲ ရှိပါတယ်။ စနစ်တကျ မွေးမြူထားပြီး စီးပွား တွက်သား ကိုက်မကိုက် တော့ မသိနိုင်ပါဘူး။ ထိုင်းနိုင်ငံ နဲ့ ယှဉ်ကြည့်ရင်တော့ ကုမဏီ အသေး လေးလို့ ပြောနိုင်ပါတယ်။
.
ယခင်က ရေးခဲ့တဲ့ ၂၀၁၈ မှာလဲ ခေတ်မီနေဆဲ ဆောင်းပါးကို ပြန်လည် တင်ပြပါတယ်။
.
.
.....///. နွားနို့နဲ့အရက်၊အချိုရည် (၁) .../// .....
..
သမ္မတဦးသိန်းစိန်က ဇန္နဝါရီလ ၂၀၁၄ နှစ်သစ်မိန့်ခွန်းတွင် နွားနို့သောက်ကြပါရန်။ အရက်ကို မသောက်ကြရန် ပြောသွားသောအခါ တစ်နိုင်ငံလုံး အသံဖလံများ ဆူညံသွားလေတောသည်။ ကာတွန်းများ၊ သရော်စာများဖြင့် သရော်စာကိုဖတ်မိသောအခါ ကျွန်တော်လည်း အနည်းငယ်ရေးလိုပါသည်။ တကယ်တော့ အချိုရည်၊ ဘီယာ၊ အရက်စက်ရုံများလောက် အမြတ်အစွန်းမြောက်များစွာ မရသော်လည်း နွားနို့လုပ်ငန်းသည် ကုသိုလ်လဲရ၊ ဝမ်းလည်းဝသော သမ္မာအာဇီဝ လုပ်ငန်းဖြစ်သည်။ သမ္မတကြီးက အားပေးခြင်းသည် အလွန်ကောင်းသည်။ သို့သော် ထိုလုပ်ငန်းလုပ်သူများ ယိုင်လဲနေခြင်းကို မြန်မာနိုင်ငံတော်အစိုးရက ဘာမှမတတ်နိုင်။ အရက်ဘီယာနှင့်အချိုရည်များကိုသာ စွဲစွဲလမ်းလမ်း သောက်သုံးနေကြသော ကမ္ဘာလောကသားများ ဖြစ်ပေသည်။
ကျွန်ုပ်ငယ်စဉ်က ၁၉၈၅ခုလောက်တွင် ပျဉ်းမပင်နို့ချက်စက်ရုံတွင် တိမွေးကုသူငယ်ချင်းများနှင့် အတူ နွားနို့တနိုင်မွေးမြူသူများထံမှ အစိုးရက နွားနို့ဝယ်ယူသည့်လုပ်ငန်းများ၊ နို့ဆီချက်လုပ်ခြင်းလုပ်ငန်းများကို လေ့လာခဲ့ဖူးပါသည်။ အဆင့်နိုမ့်နည်းပညာ စက်ရုံဖြစ်သော်လည်း ယခုအခါ၊ နိုင်ငံတိုင်းတွင် နွားနို့၊ နို့ဆီ၊ နို့မှုန့်လုပ်ငန်းများကို အထူးစက်မှုလုပ်ငန်းအဖြစ် သတ်မှတ်ထားသည်။ တရုပ်ပြည်မှ ထုတ်လုပ်သော နို့မှုန့်များကြောင့် ကလေးများစွာ ဝမ်းလျော၊ သေကျေကြသော ဖြစ်ရပ်များကြောင့် ပိုမိုစည်းကမ်းတင်းကြပ်ပါသည်။ ၂၀၁၁ ဗီယက်နမ်နိုင်ငံ VINAMILK နွားနို့၊ နို့မှုန့်စက်ရုံများကို တည်ဆောက်ခဲ့ဖူးသောကြောင့် နွားနို့လုပ်ငန်းသည် ကုသိုလ်လဲရ၊ ဝမ်းလည်းဝ၊ အမြတ်အစွန်းလည်း ကောင်းသောလုပ်ငန်းဖြစ်ကြောင်း လူတိုင်းသိပါသည်။ သို့သော် လူတွေ ဘာကြောင့် အရက်ကိုသောက်ပြီး၊ အရက်ဆိုင်များက စီးပွားပိုကောင်းသနည်း..ဆိုသည့်မေးခွန်းအဖြေမှာ ..အရသာရှိသောကြောင့်.. ဖြစ်ပါသည်။ မူးရစ်ဆေးဝါးဖြစ်သောကြောင့် ထိုအရသာသည် စွဲလမ်းစေပါသည်။ နွားနို့စွဲလမ်းနေသူကို မတွေ့ဖူးပါ။ တနေ့မသောက်ရလဲ ကိစ္စမရှိပါ။၊ ကျွန်ုပ်၏ စက်မှုတက္ကသိုလ်ကျောင်းနေဖက်သူငယ်ချင်း စင်ကာပူ F&N အချိုရည်၊ နွားနို့နှင့်ယမကာစက်ရုံကြီး၏ အင်ဂျင်နီယာချုပ် အလုပ် လုပ်ကိုင်နေသူကလည်း မြန်မာပြည်နွားနို့ကုန်ထုတ်လုပ်ငန်းတွင်စိတ်ဝင်စားပါသည်။ ယခင်အပတ် 7Day ဂျာနယ်တွင် ထိုင်းနိုင်ငံ၊ ကြက်ကြော်ရောင်းလုပ်ငန်းလုပ်ကိုင်သူနှင့်အင်တာဗျူးသတင်းရေးထားသည်။ ထိုသူပင် မြန်မာပြည်ပြန်လာရန် မဖြစ်နိုင်သဖြင့် ပညာတတ်များအတွက် ခက်ခဲမည်ဟု ရေးထားသော်လည်း ပညာတတ်လူငယ်များ ပြန်လာနေကြသည်ကို တွေ့ရသည်။ အသေးစားနှင့်အလတ်စား လုပ်ငန်းများကို လက်ဝါးအုပ်မှု ပပျောက်စေရန်၊ Import/Export လက်ဝါးအုပ်စီပွားစနစ်များကို ဖြေလျှော့ပေးရမည် ဖြစ်သည်။
တစ်နေ့တွင် မန္တလေးရှိ Myanmar Diary Industry Ltd နွားနို့၊ နို့ဆီ၊ နို့မှုန့် စက်ရုံသို့ နိုင်ငံတော်သမ္မတကြီး ခေတ္တခဏ၊ ၁၅မိနစ်ခန့် လေ့လာရန် ရောက်လာပါသည်။ အစီအစဉ်မရှိသော်လည်း မန္တလေးမြို့တွင် အနောက်နိုင်ငံ၊ ဒိန်းမတ်နည်းပညာများဖြင့် မြန်မာပညာရှင်များ တည်ဆောက်ထားသော စက်ရုံဖြစ်သောကြောင့်၊ စိတ်ဝင်စားရခြင်းဖြစ်သည်။ သမ္မတကြီးက တော်တော် သဘောကျသွားသည်။ စိတ်ဝင်စားစွာဖြင့် ၂နာရီကြာအောင် လေ့လာ၊ မေးမြန်းသွားသဖြင့် ရန်ကုန်ပြန်မည့် သမ္မတကြီးလေယာဉ်ပင် စောင့်ဆိုင်း နေရသည်။ ပြည်ထောင်စုဝန်ကြီးများ ၁၀ဦးကျော် အတူပါလာပြီး၊ ကာကွယ်ရေးဦးစီးချုပ်အပါအဝင် စိတ်ဝင်စားစွာ မေးမြန်းလေ့လာသွားသည်။ နိုင်ငံတော်သမ္မတကြီးသည် ကလေးသူငယ်များ အဟာရဖြစ်ရေးအတွက်၊ အနာဂါတ်မြန်မာ့မျိုးဆက်များကို အထူးအားပေးသည်။ ထို့ကြောင့် ငယ်စဉ်ကတည်းက နွားနို့သောက်ပေးခြင်းဖြင့်၊ ကျန်းမာသန်စွမ်းသော လူငယ်များဖြင့် နိုင်ငံတိုးတက်မည်ဟူသော အမြင်ကို အထူးနှစ်ခြိုက်၊ အကောင်ထည်ဖေါ်လိုသည်။ ဟုတ်ပါသည်။ ငယ်စဉ်က နွားနို့သောက်သုံးရသော ကလေးသည် အရွယ်ရောက်လာသောအခါ အခြားသူများထက် သန်စွမ်းမှုအရာတစ်ပန်းသာနေပါသည်။ ကိုယ်ခန္တာနှင့်စိတ်ဓါတ်အင်အား ပိုသန်စွမ်းကြောင်း ဆေးပညာကဆိုသည်။ ကျွန်ုပ်ငယ်စဉ်က မိခင်ဖြစ်သူ မိခင်ကလေးစောင့်ရှောက်ရေးမှာ သူနာပြု၊သားဖွားဆရာမဖြစ်သည်။ မိခင်တို့ ဌာနက ယူနက်စကိုမှာ နို့မှုန့်များစွာကို မုံရွာမြို့ ကျောင်းများစွာသို့ အပတ်စဉ်ပို့ပေးက၊ ကလေးများကို ဖျော်တိုက်သည်။ ဝေငှသည်။ ကျွန်တော်တို့မိသားစုမှာ ထုံးစံအတိုင်း ယူနက်စကိုနို့မှုန့်ကို အမြဲသောက်ရသည်။ ဈေးထံမှနိုင်ငံခြားဖြစ် နှို့မှုန်က ပိုမိုမွှေးကြိုင်၊ ချိုဆိပ်သော်လည်း မဝယ်စားနိုင်ပါ။ ယူနက်စကိုနှို့မှုန့်ကို ထမင်းနှင့်နယ်ပြီးစား၊ ဖျော်သောက်ခဲ့ရသောကြောင့် ကျွန်တော်တို့ မောင်နှမများသည် ပိုမိုကျန်းမာကြခဲ့ပါသည်။ ထို့ကြောင့် ယူနက်စကိုကဲ့သို့ ကလေးများဖွံ့ဖြိုးရေးလုပ်ဆောင်ရာတွင် ကျောင်းများထိ နွားနို့ဖျော်တိုက်ခြင်းများ လုပ်ဆောင်ပေးခြင်းဖြစ်သည်။
သမ္မတကြီးက ခေတ္တလာရောက်သော နွားနို့စက်ရုံကြီးသည်၊ ၁၉၉၄ခုနှစ်ကတည်းက စတင်ခဲ့ပြီး အောက်ပါ နွားနို့ထုတ်ကုန်များကို ထုတ်လုပ်ခဲ့သည်။
SWEETEN CONDENSED MILK
– 2000 CARTOONS PER DAY (FROM 100% FRESH MILK)
– 2500 CARTOONS PER DAY (FROM SMP COMBINED PROCESS)
COMBINED EVAPORATED MILK
– 700 CARTOONS PER DAY (RETORT STERILIZATION PROCESS)
– 1200 CARTOONS PER DAY (UHT STERILIZATION PROCESS)
UHT/PASTUERIZED MILK & FLAVOURED MILK
ICE CREAM
MILK POWDERS
– 1500 KG PER DAY (MEANT FOR DEDICATED POWDER)
– 8000 KG PER DAY (GENERAL PURPOSE PLANT)
BUTTER FAT , 1000 KG PER DAY
အဆိုပါစက်ရုံသည် စီးပွားရေးအောင်မြင်ခဲ့ပြီး မြန်မာပြည်တွင်းထုတ်၊ အရည်အသွေးမြင့် နွားနို့စက်ရုံဖြစ်လာသည်။ ရန်ကုန်၊ မန္တလေးနှင့် နေပြည်တော်များတွင် စက်ရုံ (၃)ခုဖြင့် လည်ပတ်၊ ကုန်ထုတ်လုပ်နိုင်ခဲ့သည်။ သို့သော် ၂၀၁၁ မြန်မာအစိုးရသစ် တက်လာပြီးသည့်နောက်ပိုင်း၊ အသေးစား၊ အလတ်စား စက်ရုံများ ကုန်ထုတ်လုပ်စရိတ် မတတ်နိုင်ခြင်း၊ ပြည်ပမှ ဝင်ရောက်လာသော နွားနို့ထွက်ကုန်များကို လုံးဝမယှဉ်နိုင်ခြင်းကြောင့် စီးပွားပျက်ခဲ့ရသည်။ စက်ရုံအချို့ကို လုပ်ငန်းလျှော့ချလိုက်ရသည်။
သမ္မတကြီးကလည်း နွားနို့လုပ်ငန်း၊ ဒိန်ခဲ၊ နို့မှုန့် စသည်တို့တွင် နာမည်ကြီးသော ဒိန်းမတ်၊ ဆွီဒင်၊ နော်ဝေး နိုင်ငံများမှ ကုမ္ပဏီများ၊ နယူးဇီလန်၊ သြစတြေးလျှားတို့မှ လာရောက်ရင်းနှီးမြှတ်နှံ နွားနို့လုပ်ငန်း ထုတ်လုပ်ဖို့ ဖိတ်ခေါ်သောကြောင့် ကုမ္ပဏီးကြီးများ လာရောက်အခြေအနေကြည့်ပြီး ပြန်သွားကြသည်။ မလုပ်နိုင်သေးပါ။
ပြည်တွင်း နွားနို့၊ နို့ချက်စက်ရုံလေးများကို အားကိုးရုံသာရှိသည်။ သမ္မတကြီးစိတ်ဝင်စားသော မြန်မာ့အနာဂတ် လူသားအရင်းမြစ် ကျန်းမာကြံ့ခိုင်ရေး စီမံကိန်းဖြစ်သောကြောင့် အားလုံးက စိတ်ဝင်စားစွာ လေ့လာကြသည်။ နောက်ပိုင်း Follow up နောက်ဆက်တွဲ တာဝန်ပေးချက်များဖြင့် ဝန်ကြီးများက အဖွဲ့များဖြင့်၊ ထိုကဲ့သို့ စက်ရုံများ မြန်မာပြည်တွင် ရေရှည် ပြည်တွင်းနည်းပညာဖြင့်လုပ်ကိုင်နိုင်ဖို့ စက်ရုံသို့ လာရောက်၊ နည်းနာခံယူကြသည်။ ဝန်ကြီးများ သိလိုသည်များကို လုပ်ပေး၊ ဆောင်ရွက်ပေးရသည်မှာ စရိတ်ထောင်းသည်။ အစိုးရက ထောက်ပံ့ငွေ၊ ဈေးကွက်များကို မရပဲ၊ အစိုးရဝန်ကြီးများ နာလည်ချင်ဇောနှင့် လေ့လာမှုမှာ အားရစရာကောင်းလှသည်။ လအနည်းငယ် ကြာသွားသောအခါ ဝန်ကြီးများ မလာနိုင်တော့။ ထုံးစံအတိုင်း အေးသွားသည်။ စက်ရုံမှာလည်း နိုင်ငံခြားမှ ဝင်လာသော ဒိန်းမတ်၊ နယူးဇီလန်၊ သြစတြေးလျှားမှ ဝင်လာသည့် အခွန်မဲ့၊ နွားနို့၊ နို့ဆီ၊ နို့မှုန့်များကို ဘယ်လိုမှ မယှဉ်နိုင်ပါ။ များများလည်ပတ်လျှင် များများရှုံးမည်ဖြစ်သောကြောင့် အသက်ငင်ပြီး၊ လည်တယ်ဆိုရုံလောက်သာ လည်ပတ်နိုင်တော့သည်။ မြန်မာအစိုးရ ပြည်တွင်းကုန်ထုတ်မှု အားပေးသော သွင်းကုန်အခွန်စနစ် မှန်ကန်စွာကျင့်သုံးလာနေသောကြောင့် မကြာမီ စီးပွားကောင်းလာတော့မည်ဖြစ်သည်။
စက်ရုံလည်ပတ်ရာတွင် နွားနို့ကုန်ကြမ်းတစ်ခုတည်း အရင်းနှီးမဟုတ်ပါ။ ပစ္စည်းရောင်းရဖို့က ပိုပြီးအရေးကြီးပါသည်။ ပြည်တွင်းပညာရှင်များနှင့် တပ်ဆင်ထားသော စက်ရုံဆိုသော်လည်း နွားနို့စက်ရုံအတွက် သံမဏီထည်များ၊ စက်ပစ္စည်းများ၊ လျှပ်စစ်မိုတာ၊ UHT, Pasteurize, Condense, Packing, Bottle စက်နှင့်အပိုပစ္စည်းအများစုမှာ နိုင်ငံခြားမှ ဝယ်ယူတင်သွင်းရသည်။ အရေးကြီးဆုံး ဝယ်လိုအား ပြည်တွင်းစားသုံးသူများ မဝယ်တော့ခြင်းကြောင့်ဖြစ်သည်။ ပြည်တွင်းစားသုံးသူများကလည်း ဒိန်းမတ်၊ နယူးဇီလန်မှာ နွားနို့၊ နို့ဆီ၊ နို့မှုန့်များက ပိုပြီးဈေးချိုသောအခါ ပြည်တွင်းဖြစ်ကို အားပေးချင်သော်လည်း ပြည်တွင်းဖြစ်ကို ဘိုင်ဘိုင် လုပ်လိုက်ရသည်။ နို့မှုန့်သည် နိုင်ငံခြားအရက်၊ ဆေးလိပ်ကဲ့သို့ ကန့်သတ်သတ်ကုန်ဖြစ်သည်။ တင်သွင်းရန် လိုင်စင်လိုသည်။ သို့သော် မြန်မာပြည် ကျေးရွာအနှံ့ကုန်စုံဆိုင်များတွင် နိုင်ငံခြားဖြစ် အရက်၊ ဆေးလိပ်များကို တွေ့နိုင်သော်လည်း၊ ပုပ်သိုးသွားနိုင်သော နွားနို့စက္ကူပါကင်ဗူး အကြီးအငယ်များ၊ နို့ဆီ၊ နို့မှုန့်များ နေရာတကာ ရောက်နေခြင်းမှာ၊ ပြည်တွင်းနွားနို့ကုန်ထုတ်၊ စက်မှုလုပ်ငန်းကို ရိုက်ချိုးလိုက်ခြင်းဖြစ်သည်။
ကုန်ကျစရိတ်များတွင် နိုင်ငံခြားမှ ကုန်ကြမ်းဓါတုပစ္စည်းများ၊ စက်အပိုပစ္စည်းများ ဈေးကြီးလာခြင်း၊ လျှပ်စစ်နှင့်လောင်စာဆီများ ဈေးကြီခြင်းတို့ကို ကြံ့ကြံ့ခံနိုင်သော်လည်း၊ အခွန်မဲ့နီးပါး ဝင်ရောက်လာသော နိုင်ငံခြားနွားနို့ထုတ်ကုန်များကို မယှဉ်နိုင်ခြင်းသည် အဓိကဖြစ်လေတော့သည်။
နွားနို့ထုတ်လုပ်မှုအတွက် ဆွေးနွေးမည့်အချက်များတွင်
၁။ ဘာကြောင့်ဝယ်မသောက်ကြသလဲ
၂။ နွားနို့ကို လူတွေသောက်ချင်ကြပါသည်။
၃။ နွားနို့လုပ်ငန်း ဘာကြောင့်မလုပ်ကြပါသလဲ။
၎။ နွားနို့ကို အမျိုးသားထုတ်ကုန်အဖြစ် လုပ်သင့်ပါသလား ဟူသော ကဏ္ဍများဖြင့် စဉ်းစားမိပါသည်။
၁။ ဘာကြောင့်နွားနို့ဝယ်မသောက်သနည်း.. မေးခွန်းမှာ မြန်မာများအတွက် ရှင်းနေပါသည်။ ဈေးမတတ်နိုင်သည့်အပြင်၊ နွားနို့ကြိုက်သူမြန် မာများ နည်းပါးလှသည်။ ကလေးများကတော့ ကြိုက်ကြသော်လည်း မိဘများက ငွေမတတ်နိုင်ပါ။ ကျွန်ုပ်ငယ်စဉ်က မိခင်နို့ရည် သောက်သုံးခဲ့သော ကလေးဖြစ်ပြီး၊ ယူနီဆက်မှ ပေးဝေသော နို့မှုန့်များကို ပုံမှန်ဖျော်သောက်နိုင်ပါသည်။ ကျွန်တော်တို့ မူလတန်းဘဝ ၁၉၇၀၊ ၁၉၈၀ ခုနှစ်လောက်က ယူနီဆက်မှ နွားနို့များစွာ မူလတန်းကျောင်းများတွင် သောက်သုံးခဲ့ရသည်။ ယခုအခါ ထိုကဲ့သို့မရှိတော့ပါ။ အကျင့်ပျက်များလာသောကြောင့် ယူနီဆက်ကလဲ မပေးတော့သလား မသိ။
၂။ နွားနို့ကို လူကြီးများမသောက်ကြသော်လည်း၊ မိမိ သားသမီးများကို တိုက်ကျွေးချင်ပါသည်။ အသက်၁၀နှစ်ပတ်ဝန်းကျင် မြန်မာက လေးများကို မေးကြည့်ပါ။ အားလုံးနွားနို့ကြိုက်ပါသည်။ မိဘချမ်းသာသော ကလေးများက ချေးများပြီး၊ မသောက်ချင်တာ ချွင်းချက်ဖြစ်သည်။ နွားနို့သောက်ချင်ရခြင်းမှာ နွားနို့သည် ဈေးကြီးသောကြောင့်၊ လူတိုင်းမသောက်နိုင်ပါ။ နွားနို့သည် လူဆင်းရဲသားများအတွက် မတတ်နိုင်သောအစားအစာ ဖြစ်သောကြောင့်၊ ကလေးများ နွားနို့သောက်ချင်ပါသည်။ လူကြီးများလည်း နေမကောင်းချိန်၊ နလံထချိန် နွားနို့သောက်သည်။
၃။ နွားနို့လုပ်ငန်းကို လူတွေမလုပ်ကြခြင်းမှာ နွားမွေးမြူခြင်းသည် ရင်းနှီးမှုကြီးပါသည်။ ကရိကထလည်း များသောကြောင့်ဖြစ်သည်။ နွားမမွေးပြီး နွားနို့ညစ်ရောင်းခြင်းသည် တောရွာများတွင် စီးပွားရေးမဟုတ်ပဲ၊ လယ်သမားများ၏ ခိုင်းနွားအမများ သားမွေးသောအခါ အပိုဝင်ငွေတစ်ခု ဖြစ်လာသည်။ နို့စားနွားမ မွေးမှ အမြတ်အစွန်းရမည်ဖြစ်သည်။
၎။ နွားနို့ကို အမျိုးသားထုတ်ကုန်အဖြစ် လုပ်သင့်သော်လည်း၊ လယ်ယာလုပ်ငန်းတွင် ဆန်စပါးစိုက်ပျိုးခြင်းကိုပင် အစိုးရက ပံ့ပိုးမပေးနိုင်သေး ပါ။ ကျေးရွာများတွင် နွားမွေးနိုင်သူများကို ငွေချေး၊ နွားပေး၊ နို့စားနွားမ နွားနို့လုပ်ငန်း လုပ်ကိုင်စေပါက လူတိုင်းလုပ်မည် ဖြစ်သည်။ ဥပမာ .. နွားနို့စက်ရုံတစ်ခု တည်ဆောက်ပြီးပါက ကုမ္ပဏီသည် အနီးနား၊ ကျေးရွာများတွင် နွားမွေးမြူအောင် ပံ့ပိုး၊ ငွေချေး၊ လုပ်ငန်းမတည်ပေးရ တော့မည်ဖြစ်သည်။ သို့မှသာ ကုန်ကြမ်း နွားနို့ရရှိမည်။ နွားမွေးသူများအဖို့လည်း နွားနို့ဝယ်မည့်သူ အဆင်သင့်ရှိနေသောကြောင့် ပိုမိအဆင် ပြေမည်ဖြစ်သည်။
ထိုမျှကောင်းမွန်သော လုပ်ငန်းဖြစ်သော်လည်း တနိုင်လုပ်ငန်းလည်း မလုပ်နိုင်၊ စက်ရုံအဖြစ်လဲ မလုပ်နိုင်၊ အရက်နှင့်ဆေးလိပ်လုပ်ငန်းများသာ တစ်နိုင်လုပ်ငန်း၊ စက်ရုံလုပ်ငန်းများ ဖြစ်ထွန်းအောင်မြင်နေကြပါသည်။ မြန်မာနိုင်ငံရင်းနှီးမြှတ်နှံမှု ကော်မရှင်က လိုင်စင်ချပေးလိုက်သော ပြည်ပရင်းနှီးမြှတ်နှံမှုများတွင် နွားနို့၊ နို့ဆီ စက်ရုံ ရင်းနှီးမြှတ်နှံမှု ရှိမည်မထင်ပါ။ အရက်၊ဘီယာနှင့်ဆေးလိပ်စက်ရုံ မြောက်များစွာ လိုင်စင်ချပေးလိုက်သောကြောင့် ရင်းနှီးမြှတ်နှံကော်မရှင်ကိုပင် အသစ်ပြင်ဆင် ဖွဲ့စည်းလိုက်ရရှာသည်။ မဟုတ်တာ အတောမသတ် ဆက်ကာ၊ ဆက်ကာလုပ်နေသူများကို လိုက်တားဆီးနေရခြင်းကလည်း အစိုးရသစ်အတွက် အလုပ်ကြီးတခု ဖြစ်နေသည်။
ထိုသို့ ကျယ်ပြန့်လာသည့် ဒီဘိတ်နှင့် ပတ်သက်၍ မြန်မာနိုင်ငံတွင် အရက်နှင့်ပတ်သက်၍ ကျမ်းပြု ပညာရှင်ဖြစ်သူ ဆရာမူးရစ်ညွန့်(ကောက်ညှင်းမြေ) ဆွေးမြေ့စွာ “လူသားဆန်မှုနဲ့ ကိုယ်ချင်းစာတရားကို ဟောဒီမြန်မာနိုင်ငံမှာ ကျွန်တော် ဘယ်တော့မှ မရှာဖွေတော့ဘူး” ဟု ပြောကြားခဲ့သည်။ ကျွန်တော်က အရက်လည်းမသောက်ရန်၊ နွားနို့သောက်ရန်ကို ထောက်ခံရေးသားပါသည်။ အားမလျှော့ပါ။ မိထ္ထီလာ၊ပျော်ဘွယ်၊ ပျဉ်းမပင် စသည့်ဒေသများစွာမှ မလိုင်မုန့်လုပ်ငန်း၊ ပြည်တွင်းမှ လဘက်ရည်ဆိုင်များအတွက် ဒေသချက်နို့ဆီများကတော့ ဆက်လက်ရှင်သန်နေဦးမည်။ မကြာမီ အခွန်ကောက်ခြင်း စနစ်ကောင်းများကြောင့် ပြည်ပမှ ပြည်တွင်းအရည်သွေးကို မမှီသော နွားနို့ထုတ်ကုန်များ တင်သွင်းမှုရပ်သွားမည်။ လယ်ယာထွက်ကုန်စက်မှုလုပ်ငန်း စက်ပစ္စည်းများ အခွန်မဲ့၊ လွယ်ကူစွာတင်သွင်းခွင့်ရလာမည့်နေ့သည် သိပ်မဝေးတော့ပါ။ ပြည်တွင်လယ်ယာ ကုန်ချော၊ ကုန်ထုတ်လုပ်ငန်းများ အရှိန်အဟုန်မြင့်မားစွာ ပေါ်လာတော့မည်ဟု မျှော်လင့်နေပါသည်။ လက်ရှိအခြေအနေတွင် အသက်ငင်နေသော ပုဂ္ဂလိကစက်ရုံ အသေး၊ အလတ်များစွာ ခက်ခဲစွာ ဆက်လက်လည်ပတ်နေပါဦးမည်။ လယ်ယာ ကုန်ထုတ်လုပ်ငန်းများကို တရုပ်၊ ဗီယက်နမ်၊ ထိုင်းနိုင်ငံများကဲ့သို့ ဗဟိုအစိုးရ၊ ပြည်နယ်အစိုးရများက ထောက်ပံ့ငွေပေးရန် မျှော်လင့်နေဆဲ ဖြစ်သည်။
ထို့ကြောင့် မြန်မာအနာဂါတ် ကလေးများအဟာရ ဖြည့်ဆည်းလိုပါက။ အလှုရှင်များ ကိုယ်တိုင် နို့မှုန်ဖျော်ပြီး ကျောင်းများရှိကလေးသူငယ်များကို အလှုဒါန၊ တိုက်ကျွေးခြင်းသည် ခေတ်စားနေပါသည်။ လက်ရှိအချိန်တွင် မြန်မာ့အစိုးရကလည်း စာသင်ကျောင်းများကို ယူနက်စကိုမှ နွားနို့များ ဈေးနှုန်းချိုသာစွာ (အခမဲ့ဖြစ်စေ) ကြိုးစားရယူပြီး၊ ဆရာမများကိုယ်တိုင် ဖျော်တိုက်ကျွေးခြင်းနည်းလမ်းသာ အကောင်းဆုံးဖြစ်ပါတော့သည်။
.
.....///. End of ... နွားနို့နဲ့အရက်၊အချိုရည် (၁) .../// .....
.
.
မြန်မာ့ နွားနို့လုပ်ငန်း သုံးသပ်ချက်
ဦးဝင်ထိန် ဆောင်းပါးက တော့ ထိုင်းနိုင်ငံက မြန်မာနိုင်ငံကို ငယ်နိုင်လို ဖြစ်နေတယ်။ ဘောပွဲ ကစားသမျှ လူအလုံးထည်၊ ပညာတွေမှာ နွားနို့သောက်နိုင်တဲ့ ထိုင်းလူငယ်တွေကို မယှဉ်နိုင်လို့ အမျိုးသားစီမံကိန်း နဲ့ မြန်မာ ကျောင်းများက ကလေးများကို နွားနို့တိုက်ဖို့ ထိုင်းနိုင်ငံ စံနမူနာပြ ရေးသားသွားပါတယ်။
.
ဦးသိန်းစိန် ခေတ်က ရှောင်တခင် ၀င်ကြည့်ရင်း စိတ်ဝင်စွားသွားခဲ့တဲ့ မြန်မာပိုင် ဒီဆောင်းပါးက နွားနို့စက်ရုံလည်း အခု ဘယ်လိုအခြေအနေ ရောက်မှန်း မသိတော့ပါဘူး။ အဲဒီ ၂၀၁၄ တုန်းက ဒိန်းမတ်က နို့မှုန့်တွေ လာပေးပြီး၊ သူတို့နို့မှုန့်တွေ ရောင်းဖို့၊ စက်ရုံတည်ဖို့ လာတွေ့တယ်။ ဦးသိန်းစိန်က နွားနို့နဲ့အရက် ဆိုပြီး ပြောလိုက်လို့ တတိုင်းပြည်လုံး နွားနို့ရောဂါ ထခဲ့ကြတယ်။
.
ကျနော်တို့လည်း စင်ကာပူမှာ နေပြီး ၀ါဂူး နွားတွေ ကချင်တောင်သူတွေနဲ့ မွေးဖို့ စဉ်းစားတော့ ဂျပန် ၀ါဂူးနွား မျိုးတွေ ညာရောင်းမဲ့ ပုဂိုလ်တွေနဲ့ပေါင်းရိတ်စား ချင်တဲ့ ဗမာ တွေနဲ့ တွေ့ပြီး စိတ်ပျက်ရတယ်။ .. 'ဒိန်းမတ် အာထရာပက် ကုမီဏီကလည်း စက်ရုံ ရောင်းစားဖို့ ကြိုးစားတယ်.. ၀ယ်တဲ့ မြန်မာတွေတော့ ၀ယ်သွားတာ တွေ့ရတယ်။ ဒါပေမဲ့ ကိုဝင်းထိန် ရေးသလို လူကြီးတွေ က ဈေးကြီးတဲ့ နွားနို့ ထက် ၀ိုင်နဲ့Grand Royal ကို ပိုစိတ်ဝင်စား သလို၊ ကလေးတွေကလဲ ဈေးကြီးတဲ့ နွားနို့ထက် Coca, Papxi, Max အချိုရည်တွေ ပိုသောက်ချင်ကြတဲ့ မိုင်းဆက် Mindset ပြသနာက ရှိတယ်။
.
ကျပမ်းအလုပ်တွေချည်း မြန်မာပြည်မှာ ခေတ်စားနေတယ်။ အတည်အတန့် အလုပ်မရှိတော့ ပြည်သူတွေ ၀င်ငွေ မကောင်း၊ ၀င်ငွေ မကောင်းတော့ အဟာရပြက် နေကြတာ .. မြန်မာတနိုင်ငံလုံးပါ။ ကျနော်တို့ ကချင် စစ်ရှောင် ကလေးတွေကမှ ၀ဖြိုးသေးတယ်။ ငြိမ်းချမ်းတဲ့ ဒေသက ကလေးတွေ က ပုသေး၊ ပိန်လှီ .. လူတစ်စုပဲ စားသောက်ကောင်းနဲ့ သူတို့ပဲ ငွေ-အာဏာ ကို အပိုင်ကိုင်တွယ် ဖို့ ကြိုးစားနေတာ ကျနော်တို့ DASSK ကို အပြက် ထောက်ခံ မှာ ဖြစ်မယ် .. ဆောင်းပါးဟောင်းတွေ ပြန်ပို့စ် လုပ်ရဦးမယ်ဗျာ...
.
နွားနို့နဲ့အရက်၊အချိုရည် (၂) ၊ ၀ါဂူးနွားမွေးဖို့ အရူးထ ခဲ့ကြပုံများ ထပ်မံ ပို့စ် လုပ်ပါဦးမယ်။
.
ဖတ်ရှုသူ အားလုံးကို ကျေးဇူးတင်လျှက်။
.
ဇော်အောင် (မုံရွာ)
၁. သြဂုတ်. ၂၀၁၈
Ref Links..
* ဦးဝင်းထိန် (Win Htein) ဖိုးသီးချို လျှပ်စစ်ဝန်ဆောင်မှုကုမ္ပဏီ၊ ကော့သောင်
https://goo.gl/q7r8LP* Myanmar State Counsellor Office နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နေပြည်တော် နို့စားနွားမွေးမြူရေးခြံ၊ နို့ပေါင်းစက်ရုံနှင့် ပေတော ခေတ်မီဥစားကြက်ခြံ စီမံကိန်းသို့ သွားရောက်ကြည့်ရှုလေ့လာ ဇူလိုင် ၃၁...
https://goo.gl/Z39uUf
နွားနို့နဲ့အရက်၊အချိုရည် (၂)
နေပြည်တော်က CP နွားမွေးမြူရေး လုပ်ငန်းကို ဒေါ်အောင်ဆန်းစုကြည် သွား ကြည့်တဲ့ သတင်းကြောင့် နွားနို့လုပ်ငန်းရှင်တွေ အားတက်ရပါတယ်။ CP နွားနဲ့ကြက် မွေးမြူရေး (နေပြည်တော်) ကတော့ ရင်းနှီးမြှတ်နှံမှု ကျပ်သန်း ၂၀၀၀၀ (US$ 1.5 million) ပဲ ရှိလို့ နိုင်ငံတကာ စံနဲ့ ယှဉ်ကြည့်ရင်တော့ ကုမဏီ အသေး လေးလို့ ပြောနိုင်ပါတယ်။ သို့သော်လည်း မြန်မာနိုင်ငံမှာ ကုန်ထုတ်လုပ်ငန်း တွေ ယိုင်လဲ၊ တွက်သားမကိုက် ဖြစ်နေပြီး၊ အိမ်နီးချင်း ထိုင်းနိုင်ငံက ၀ယ်ယူတင်သွင်းပြီး ရောင်းချတဲ့ ခေတ်ဖြစ်နေချိန် အဲဒီလို နွား၊ ကြက် မွေးမြူရေး ကို နိုင်ငံအကြီးကဲ က အားပေးကြည့်ရှု ခြင်းက SME မွေးမြူရေး လုပ်ငန်းငယ် လေးများအတွက် စိတ်အား တက်ရပါတယ်။
.
ယခင်က ရေးခဲ့တဲ့ ၂၀၁၈ မှာလဲ ခေတ်မီနေဆဲ ဆောင်းပါး အမှတ်(၂) ကို ပြန်လည် တင်ပြပါတယ်။ .
.
.
.....///. နွားနို့နဲ့အရက်၊အချိုရည် (၁) .../// .....
အပိုင်း(၁)တွင် သမ္မတဦးသိန်းစိန်က မြန်မာနိုင်ငံကလေးငယ်များ နွားနို့သောက်၊ အဟာရပြည့်ဝစေပြီး အနာဂါတ်မြန်မာများ သန်မာထွားကျိုင်းစေလိုသည် စေတနာဖြင့်ကြိုးစားချက်များကို ရေးသားခဲ့ပါသည်။ ခါချဉ်ကောင်ကြီး ခါးကမသန်ကြောင်း၊ နိုင်ငံခြားမှ နွားနို့၊ နို့ထွက်ပစ္စည်းနှင့် နို့မှုန့်များ အခွန်မဲ့ ဒလဟော သွင်းလာသောကြောင့် ပြည်တွင်းနွားနို့ကုန်ထုတ်လုပ်ငန်း ပျက်စီးသွားကြောင်း၊ သွင်းကုန်လုပ်ငန်းကို SME small & medium enterprise များလုပ်ရမည့်အစား ခရိုနီနှင့် ဦးပိုင်၊ အစိုးရလုပ်ငန်းများကသာ အခွန်မဲ့၊ ကုန်သေတ္တာမြောက်များစွာ အလွယ်တကူသွင်း၊ ထုတ်နိုင်သဖြင့် တနိုင်တပိုင်လုပ်ငန်းကို ဦးစားပေးသည့် နွားမွေးမြူရေးလုပ်ငန်းမှာ မလိုင်မုန့်လုပ်ငန်းလောက်သာ လုပ်နိုင်ကြောင်း လက်ရှိမြန်မာနိုင်ငံအခြေအနေကို ဖေါ်ပြခဲ့သည်။ ရင်းနှီးမြှတ်နှံမှု အခက်ခဲကြောင့် ၁၅နှစ် လည်ပတ်အောင်မြင်ခဲ့သော ပြည်တွင်းနွားနို့၊ နို့မှုန့်စက်ရုံကြီးပင် လုပ်ငန်းမရပ်အောင် အပြင်းထန်ကြိုးစားနေရသည်။
.
● စင်ကာပူနိုင်ငံရှိ နွားနို့စက်ရုံတစ်ခု
Malaysia Diary Farm စက်ရုံတစ်ခုသို့ သွားရောက်လေ့လာခဲ့သည်။ သြစတြေးလျှားမှ 100kg နို့မှုန့်ထုပ်များကို ဝယ်ယူပြီး၊ စင်ကာပူတွင် 25kg အထုပ်ကလေးများ ပြန်ခွဲထုတ်ကာ၊ export ပြည်ပသို့ စင်ကာပူကုန်တံဆိပ်ကပ်က ပြန်ရောင်းချသည်။ မူလသြစတြေးလျှား ဘိလပ်မြေအိတ်ကဲ့သို့သော အိပ်များမှ တံဆိပ်ကိုခွာ၊ စင်ကာပူမှ Diary Milk, Manufactured in Singapore တံဆိပ်ကပ်ထားသော စက္ကူပုံးများထဲသို့ ပြောင်းပြီး ထုတ်ပိုး၊ ပြည်ပသို့တင်ပို့ရောင်းချသည်။ စင်ကာပူဆိုလျှင် ဝယ်သူများက ပိုပြီး ယုံကြည်စိတ်ချသောကြောင့် သြစတြေးလျှားမှ တင်သွင်းလာသော နို့မှုန့်အထုတ်ကြီးများ၏ ၅၀% ကို ပြည်ပသို့ ပြန်ပို့သည်။ စင်ကာပူနိုင်ငံတွင်းရှိ အချို့နို့မှုန့်သုံးသည် မုန့်လုပ်ငန်းများကို နွားနို့အမှုန့်ထုတ်များ ရောင်းချသည်။
အများစုသော နို့မှုန့်များကို စက်ရုံတွင်ဖျော်ပြီး နွားနို့ပြန်ထုတ်သည်။
.
HL တံဆိပ်ဖြင့် နွားနို့များကို ယခင်က နွားနို့လပ်လပ်ဆတ်ဆတ်သုံးပြီး ထုတ်ထားသည်ဟု ထင်ခဲ့သည်။ စက်ရုံရောက်မှပဲ သြော်..လက်စသတ်တော့ သြစတြေးလျားက နို့မှုန့်တွေကို ဖျော်ပြီး အမွှေး၊ အနံ့လပ်ဆတ်အောင် ထုတ်လုပ်ရောင်းချမှန်းသိလိုက်ရသည်။ နောက်ဆိုလျှင် HL နွားနို့ကို မသောက်တော့ဟု ဆုံးဖြတ်လိုက်သည်။ ထိုစက်ရုံမှပင် ကလေးများအလွန်သောက်သော Vitagen (less sugar) များကို ထုတ်လုပ်နေပြီး၊ HL, Vitagen ထရပ်ကားပေါင်း တစ်ရာခန့် စက်ရုံပတ်ပတ်လည်တွင် ရပ်ပြီး၊ ကုန်လာထုတ်နေသည်ကို တွေ့ရသည်။ နို့နှင့်ပတ်သက်သော ဖျော်ရည်များကို ထုတ်လုပ်၊ စီးပွားဖြစ်နေသော ကုမ္ပဏီကြီးဖြစ်ပြီး ၂၄နာရီ အဆက်မပြတ် လည်ပတ်နေသည်ကို တွေ့ရသည်။
.
နောက်တစ်ခုမှ F&N ကုမ္ပဏီကြီးဖြစ်သည်။ ထိုင်းနိုင်ငံဘီယာကုမ္ပဏီကြီးက စင်ကာပူဖျော်ရည်နှင့်ဘီယာလုပ်ငန်းကြီး F&N ကိုဝယ်လိုက်ပြီ ဟုသိရသည်။ F&N သည် ဘီလျှံဒေါ်လာ ကုမ္ပဏီကြီး ဖြစ်ပြီး၊ တိုက်ဂါးဘီယာနှင့် အခြားဘီယာ၊ ကိုကာကိုလာ၊ ပက်စိကိုလာ စသည့်နာမည်ကြီးဖျော်ရည်များကို ထုတ်လုပ်ပေးသောကုမ္ပဏီကြီးဖြစ်သည်။ Pandan , Singapore တွင်ရှိသော စက်ရုံတွင် သူငယ်ချင်းမြန်မာ အင်ဂျင်နီယာချုပ် အလုပ်လုပ်သောကြောင့် သွားရောက်လေ့လာရာ၊ အချိုရည်များ ထုတ်ပိုးသော စက်ရုံဖြစ်သည်။ နိုင်ငံခြားမှ လိမ္မော်၊ ပန်းသီး စသည့်သစ်သီးဖျော်ရည်များကို ဗူးသွတ်၊ ပုလင်းသွန် လုပ်ငန်း၊ နွားနို့များကို ကွန်တိန်နာတိုင်ကီများဖြင့် သြစတြေးလျာမှ စင်ကာပူတို့တင်ပို့ပြီး၊ ထိုနွားနို့များကို ပုလင်းသွင်း၊ ဗူးသွင်း ပြန်လုပ်သည့် စက်ရုံဖြစ်သည်။ F&N မှ ထုတ်လုပ်သော နွားနို့များသည် အမှန်အကန်နွားနို့်ဖြစ်သည်။
.
စင်ကာပူ၊ မလေးရှားတွင် နွားမွေးမြူရေးလုပ်ငန်းများမှ နွားနို့များကို ညှစ်ပြီး၊ ဗူးသွင်းရောင်းသည် Organic Milk များလည်း ရှိသည်။ ထိုနေရာများတွင် နို့စားနွားမကြီးများကို မွေးမြူပြီး၊ နွားနို့ညစ်ရောင်း၊ စီးပွားရေးလုပ်ငန်းကို ယခုရေးလိုသည်။ အသားနှင့်နို့ အကောင်းဆုံးထွက်သော နွားအမျိုးတစ်ခုမှာ ဂျပန်နိုင်ငံတွင် ဂျင်နတစ်ပညာဖြင့် ထုတ်လုပ်သော WAGYU ဝါဂူး ဟုခေါ်သော ဂျပန်နွားအကြောင်း အနည်းငယ် ရေးပါမည်။
.
.
WAGYU ဝါဂူးဟုခေါ်သော ဂျပန်နွား
ဂျပန်နိုင်ငံမှာ ဂျင်နေးတစ်ပညာဖြင့် မျိုးစပ်ပြီး သန္ဓေသား Embryos အဖြစ်၎င်း၊ သုတ်ပိုး Seaman အဖြစ်၎င်း ရောင်းချသည်။ သန္ဓေသားတစ်ခုကို ဒေါ်လာ၆၅၀ဖြင့် အမေရိကန်နိုင်ငံတွင် ရောင်းချသည်။ အမျိုးပေါင်းများစွာရှိသောကြောင့် နွားအမျိုးအစားပေါ်မူတည်ပြီး သန္ဓေသား တန်ဖိုးခြားနားမှု ရှိမည်။ ထိုနည်းပညာကို ဂျပန်များက သူတို့နိုင်ငံတွင်း သိမ်းဆည်းထားသည်။ ဂျပန်များက မျိုးရိုးဗေဒ ပညာတွင် စီးပွားဖြစ်ထုတ်လုပ်သော ပုလဲမုတ်ကောင်များ၊ ငါးပုဇွန်မွေးမြူခြင်း၊ ကြက်၊ဝက်၊ ဆိတ်၊နွား စသည့် စားသောက်ကုန်တိရိစ္ဆာန်များကို စီးပွားကိုက်အောင်၊ အရည်သွေးမြင့်မားသော သားငါးများထုတ်လုပ်သည့် နည်းပညာကို ပိုင်ဆိုင်ထားပါသည်။ ယခု နို့စား၊ အသားစား နွားပေါင်းများစွာအနက် ဝါဂူး ဟုခေါ်သော အသားစားနွားအကြောင်း မြန်မာနိုင်ငံတွင် မွေးမြူပါက ဖြစ်နိုင်ဖွယ်ရှိသဖြင့် စိတ်ဝင်စားသူများအတွက် အကြမ်းဖျင်း ရေးလိုက်ပါသည်။
နွားအသားနှင့်နို့ထုတ်လုပ်ခြင်းသည် ဂျပန်၊ အမေရိကန်၊ ကနေဒါ၊ သြတြေးလျှား တို့တွင် စီးပွားဖြစ်ထုတ်လုပ်ကြသည်။ ကမ္ဘာအမဲသား အထုတ်လုပ်ဆုံးနိုင်ငံသည် အမေရိကန် ဖြစ်သည်။ မြန်မာ ဒုက္ခသည် အမြောက်အများ ၂၀၀၇ သံဃာ အရေးအခင်း နောက်ပိုင်း အမေရိကန် အစိုးရက မြန်မာ၊ကရင်၊ ချင်း၊ ကချင်၊ မွန် စသည့် တို့ကို ဒုက္ခသည် အဖြစ် သိန်းနှင့်ချီ လက်ခံ ခဲ့ရာ အမေရိကန် တက္ကဆက် ပြည်နယ် အမဲသား စက်ရုံများတွင် အလုပ်ကိုင် များစွာ ပေးခဲ့သည်။ ယခင်က ဗီယက်နမ် ဒုက္ခသည် အလုပ်သမား များ နေရာတွင် မြန်မာနှင့် အခြားနိုင်ငံ ဒုက္ခသည်များကို အစားထိုးခဲ့ ကြသည်။
.
အမဲသားသည် နိုင်ငံခြားတွင် ဈေးအကြီးဆုံး အသားတစ်ခုဖြစ်သည်။ ကြက်သားသည် ဈေးအချိုဆုံးဖြစ်သည်။ ငါးပုဇွန်များသည် ဈေးအလွန်ကြီးသလို၊ ဈေးချိုသော ရေငံငါးပုဇွန်များလည်း ရှိသည်။ နိုင်ငံခြားတွင် အမဲသားဈေးနှုန်းသည် ကြက်သားဈေးထက် အနည်းဆုံး ၂ဆမျှ ဈေးကြီးသည်။ ယခုရေးသားသည့် ဝါဂူး ဆိုသည့် အမဲသားမျိုးသည် စင်ကာပူ NTUC ကုန်တိုက်တွင်ပင် ရောင်းခဲသည်။ သာမန်စင်ကာပူနိုင်ငံသားများ ဈေးကြီးသဖြင့် မစားကြပါ။ အလွန်နူးညံ့ အရသာရှိသော အမဲသားဖြစ်သည်။ ထိုသို့ အရသာရှိပြီး၊ ကျန်းမာရေးနှင့်ညီညွတ်အောင် အထူးမွေးမြူရသည်။
.
နွားတစ်ကောင် မျိုးစေ့ပင်လျှင် ဒေါ်လာ ၆၅၀ ဈေးရှိသည်။ ထိုမျိုးစေ့ကို နွားမတစ်ကောင် သားအိမ်တွင့် ထည့်ပေးရသည်။ အကောင်ကြီးသဖြင့် မြန်မာ သာမန်နွားမသားအိမ်တွင် ထည့်ပါက၊ ရိုးရိုးမွေးနိုင်မည်မဟုတ်၊ ဗိုက်ခွဲမွေးရမည်ဖြစ်သောကြောင့် အရွယ်အစား ကြီးမားသော မြန်မာနွားမအမျိုးတွင် သားန္ဓေမျိုးစေ့တည့်ရမည်။
အမဲသား (နွားသား) ကမ္ဘာ့ပေါ်တွင် အများဆုံး၊ မွေးမြူထုတ်လုပ်သော နိုင်ငံမှာ အမေရိကန်ဖြစ်သည်။ ဘရားဇီး၊ တရုပ်၊ အာဂျင်တီးနား၊ သြစကြေးလျားတို့ အဆင့်ဆင့်ရှိသည်။ Production (%) U.S. 18.7% Brazil 12.9% China 11.6% Argentina 5.0% Australia 3.6% Russia 3.2% Others 45.1% .. etc. မြန်မာနိုင်ငံတွင် နွားကို သတ်စားရန်မွေးမြူခြင်းမရှိ၊ လယ်ထွန်ရန်မွေးရင်း သဘာဝအတိုင်း နွားငယ်လေးများ နှစ်စဉ် တစ်ကောင်စီ မွေးဖွားလာသည်။ နွားတစ်ကောင်၏ ပျမ်းမျှအသက်မှ ၁၅နှစ်ဖြစ်ပြီး တစ်နှစ်သားဆိုလျှင် လယ်ထွန်ခိုင်းလို့ရပြီဖြစ်သည်။ သားစပ်ရန်လည် ရပြီဖြစ်သည်။ နို့စားနွားမများမှာ နို့ထွက်သီးသန့် မွေးမြူရပြီး သာမန်နွားထက် ပိုပြီးဈေးကြီးသည်။ နို့ထွက်ကောင်းရန် အစာကို စနစ်တကျကြွေးရသည်။ သာမန်အားဖြင့် အသားစား နွားများသည် ၂၄လ (၂နှစ်) အကြာတွင် ရောင်းချ၊ ဝင်ငွေ စတင်ရရှိနိုင်သည်။ နို့စားနွားမလည်း ၁နှစ်ကျော်တွင် နွားနို့စတင်ရရှိသည်။ အသား၊ နို့ အကောင်းဆုံး၊ အထွက်ဆုံး ဖြစ်ရန် နည်းပညာများဖြင့် ကြွေးမွေး၊ ထိန်းသိမ်းရပေသည်။
.
ဝါဂူး နွားများသည် အအေးပိုင်း ရာသီဥတုကို ကြိုက်နှစ်သက်သောကြောင့် ကချင်ပြည်၊ တောင်တန်း၊ ရှမ်းကုန်းမြေမြင့်များတွင် မွေးမြူရန် သင့်လျှော်သည်။ ကချင်ပြည်နယ်တွင် မွေးမြူနိုင်ပါက ယခုအခါ ထိုင်းနိုင်ငံသားများနီးပါ ဝင်ငွေကောင်းလာသော ယူနန်၊ တရုပ်လူမျိုးများကို အမဲသားရောင်းချနိုင်မည်ဖြစ်သည်။ နွားမွေးမြူရေးသည် လူအင်အားမလိုသော်လည်း၊ နွားများပြားစွာ မွေးလာပါက၊ ရင်းနှီးမှုကြီးသော သားသတ်စက်ရုံများ ကချင်ပြည်နယ်တွင် တည်ဆောက်လာမည်ဖြစ်သည်။ ထိုအခါ ပြည်နယ်သားများ အလုပ်ကိုင်ရရှိလာမည်၊ ဝင်ငွေလည်း တိုးလာပြီး ပြည်နယ်တွင် မူရစ်၊ ဘိန်းများ စိုက်ပျိုးနေခြင်းမှ ပိုမိုဝင်ငွေကောင်းသော သားသတ်စက်ရုံအလုပ်သမားများ ဖြစ်လာမည်။
.
.
● နို့စားနွားမ မွေးမြူရေး
ဝါဂူးနွားများအတွက် မြန်မာပြည်တွင် ပြောင်းကို ကျွေးမွေးပါက အစာဖိုး အလွန်သက်သာမည်ဖြစ်သည်။ မြန်မာနွားမျိုးကောင်းများနှင့် မျိုးစပ်ပြီး ၅ဆက်မျှ ကြာလျှင် မြန်မာပြည်ရာသီဥတုနှင့် ရောဂါများကို ခံနိုင်သော နွားမျိုးများရနိုင်ပါသည်။ မြန်မာနိုင်ငံ တိမွေးကု တက္ကသိုလ်မှ တိရိစ္ဆာန်မွေးမြူပညာရှင်များ လေ့လာရန်လိုသည်။
.
လောလောဆယ်တွင် မြန်မာနိုင်ငံအလယ်ပိုင်းတွင် နို့စားနွားမများစွာ နွားနို့အတွက် သီးသန့်မွေးမြူကြသည်။ အိမ်တစ်အိမ်တွင် တစ်ကောင်၊ ၂ကောင် မွေးထားပါက နေ့စဉ်နွားနို့ညစ်ရောင်းသည့် ဝင်ငွေရသဖြင့် အလွန်စီးပွားတွက်သားကိုက်သည်။ နွားမ ဈေးနှုန်းမှာ အလွန်ဈေးကြီးသည်။ နို့အထွက်ကောင်းနွားမသည် သိန်း၅၀အထက်တွင် ရှိနိုင်သည်။ သာမန် ခိုင်းနွားသည် ၁၀သိန်း၊ ၁၅သိန်းမျှသာရှိသော်လည်း နို့စားနွားမသည် အလွန်ဈေးကြီးသည်။ နို့စားနွားမ အကောင်း ရာချီပြီး မွေးရလောက်အောင် မြန်မာပြည်တွင် နွားနို့စက်ရုံ၊ နို့ဆီ၊ နို့မှုန့်စက်ရုံ မရှိသေးပါ။ ထို့ကြောင့် အမြောက်အမြား စီးပွားဖြစ် မထုတ်နိုင်သော်လည်း တနိုင်တပိုင် စီးပွားရေးလုပ်ငန်းအဖြစ် ကျေးလက်ဖွံ့ဖြိုးရေးအတွက် အလွန်ကောင်းသည်။
.
နိုင်ငံတော်မှ လယ်ယာစိုက်ပျိုးရေး၊ လယ်သမားများအား ငွေစိုက်ပေးပြီး နို့စားနွားမ လုပ်ငန်းထူထောင်ပေးနိုင်ပါက နိုင်ငံဆင်းရဲမွဲတေမှုမှ လျှင်မြန်စွာ လွတ်လာနိုင်ပါသည်။
.
နွားနို့ ကမ္ဘာ့ပေါက်ဈေးမှာ (၂၀၁၂ လက်လီဈေး) တစ်ဂါလန် အမေရိကန် ၈ဒေါ်လာ ပျှမ်းမျှဈေးပေါက်သည်။ ဘီယာ၊ အရက်ဈေးထက်ပင် ဈေးကြီးသလိုရှိသည်။ အမြောက်အများဝယ်လျှင် တစ်ဂါလန် ၈ဒေါ်လာ (တနည်းအားဖြင့် တစ်ပိသာ ၃ဒေါ်လာ ကျသင့်ပါက၊ နွားနို့တစ်ခွက် (၃၀၀ ml) ကို 50cent (ကျပ်၅၀၀ခန့်) ပေးရမည်။ မဝယ်သောက်နိုင်ပါ။ သာမန်ဆင်းရဲသားများ နွားနို့ဝယ်သောက်ရန် မြန်မာပြည်တွင် လုံးဝမဖြစ်နိုင်ပါ။ နိုင်ငံတော်အစိုးရက အခမဲ့တိုက်ကြွေးပါမှ၊ မူလတန်းကျောင်းများတွင် တိုက်ကြွေးခြင်းဖြင့်သာ လုပ်ဆောင်နိုင်မည်။ (မှတ်ချက်- ကမ္ဘာ့ ဈေးနှုန်း ဇယားအရ ပုံမှန် အမြောက်အများဝယ်ပါက နွားနို့ ၁တန် ဈေနှုန်း အလွန်ဈေးချိုပါသည်။ သို့သော် သိုလှောင်စရိတ်၊ သယ်ပို့စရိတ်များ မြန်မာနိုင်ငံတွင် ဈေးကြီးနေပါသည်)။
.
နွားနို့ရဖို့အတွက် အလွန်ဈေးကြီးသော နို့စားနွားမများ ရင်းနှီးရမည်။ နွားသည် တော်တန်ရုံ နာမကျန်းဖြစ်ခဲသော်လည်း သိန်း၅၀ခန့်တန်သောကြောင့် သေဆုံး၊ ထိခိုက်မှုရှိပါက နစ်နာလှပါသည်။ သြစကြေးလျားတွင် AWA သြစတြေးလျား ဝါဂူးအဖွဲ့ ရှိပြီး မွေးမြူလိုသူများအား ငွေချေးပေးသည်။ နွားမွေးနည်း သင်တန်းပေးပြီး၊ ၈နှစ်အတွင်း အရင်းကျေသည့်အပြင် လုပ်အားခပါ ရရှိမည်။ ဒေါ်လာ ၂သိန်းခန့် (ကျပ်သိန်း၂၀၀၀) ဖြင့် စတင်ရင်းနှီးကာ နွားအကောင်း ၅၀၊ ၁၀၀ စတင်မွေးမြူနိုင်မည်။ တစ်နှစ်ကြာလျှင် နွားနို့ရမည်။
နွားဈေးကြီးသဖြင့် မမွေးနိုင်သော ဆင်းရဲသား မြန်မာတောင်သူလယ်သမားများအား သိုး၊ ဆိတ်၊ ကျွဲ များကို မွေးမြူစေခြင်းဖြင့် ဝင်ငွေရစေနိုင်သည်။ ကမ္ဘာနွားနို့၊ အမဲသား အများဆုံးထွက်သောနိုင်ငံများကို အောက်ပါဇယားတွင် ကြည့်နိုင်ပါသည်။ နွားမသတ်ရန် တားမြစ်ခဲ့သော အိန္နိယသည် နွားနို့ ကမ္ဘာပေါ်တွင် ဒုတိယအတွက်ဆုံးဖြစ်နေသည်။ တရုပ်၊ အိန္နိယ၊ ပါကစ္စတန် တို့သည် နို့အများဆုံး ထွက်သော သိုးနှင့်ဆိတ် နို့ထွက်နိုင်ငံများတွင် ထိပ်ဆုံး၁၀ခုတွင် ပါဝင်သည်။ မြန်မာနိုင်ငံသည် ကျွဲနို့အများဆုံးထွက်သောနိုင်ငံအဖြစ် အဆင့် ၆တွင် တွေ့နိုင်သည်။
ထို့ကြောင့် မြန်မာကလေးငယ်များအား နွားနို့မတိုက်နိုင်သော်လည်း ကျွဲနို့တိုက်ကျွေးနိုင်သည်ကို စာရင်းဇယားအရ သိရသည်။ ကျွဲနို့လည်း ဆင်းရဲသား၊ လယ်သမားများအတွက် ဈေးကြီးနေဦးမည်ပင်ဖြစ်သည်။
.
.
● သုံးသပ်ချက်
ကျေးလက်ဖွံ့ဖြိုးရေးနှင့် ဆင်းရဲမွဲတေမှုမှ လွတ်မြောက်ရေးအတွက် အဓိကလိုအပ်ချက်မှာ အလုပ်အကိုင်ဖြစ်သည်။ တောင်သူလယ်သမား၊ စိုက်ပျိုးရေးသမားများသည် မြန်မာလူဦးရေ၏ ၇၀% မျှ ဖြစ်နေပြီး အဆင်းရဲဆုံးလူတန်းစားလည်း ဖြစ်သည်။ ထိုလူများကို စိုက်ပျိုး၊ မွေးမြူရေးအပြင် Process Industry ဟုခေါ်သော ဆေးကြော၊ သန့်စင်၊ ထုတ်ပိုးပြီးမှ လူထုထံရောင်းချသော စက်ရုံငယ်လေးများစွာ လိုအပ်နေသည်။ သို့မှသာ မြန်မာ လယ်ယာ၊ သားငါး ထွက်ကုန်များ ပြည်ပထုတ်ရောင်းရာတွင် ဈေးပိုရမည်။ မျက်နှာပန်းလှမည်ဖြစ်သည်။
.
နွားနို့ထုတ်လုပ်ရန်အတွက် နွားမွေးမြူရေးလုပ်ငန်း လုပ်နိုင်သော်လည်း၊ မြန်မာကလေးများ နွားနို့အဟာရ သောက်နိုင်ရေးအတွက် မြန်မာအစိုးရသာလျှင် နိုင်ငံစီမံကိန်းအဖြစ် လုပ်ဆောင်ရပါမည်။ နိုင်ငံခြားမှ နွားနို့များကို ဈေးနှုန်းအသင့်တော်ဆုံး ရရှိအောင် ဝယ်ရမည်။ ကုလသမဂ္ဂအကူညီများလည်း နို့မှုန်များစွာ ရရှိမည်ဖြစ်သည်။ လောလောဆယ်တွင် နွားနို့ကို ပြည်တွင်းထုတ်လုပ်ရန် ငွေအရင်းနှီးမရှိသေးသော်လည်း နောက်၃နှစ်အကြာတွင် နိုင်ငံ မက်ကရိုစီးပွားရေးစနစ် အောင်မြင်လာပြီး၊ အစိုးရတွင် အခွန်ဝင်ငွေ များစွာရလာမည်။ ယခု 2% of GDP အခွန်ရနေသော်လည်း အမြတ်စွန်းများသော နိုင်ငံပိုင်၊ ပုဂ္ဂလိကပိုင် ကုမ္ပဏီများကို စနစ်တကျ အခွန်ကောက်နိုင်လာလျှင် ပတ်ဝန်းကျင်နိုင်ငံများကဲ့သို့ 35% of GDP မရလျှင်ပင်၊ 15% of GDP ရလာပါက မြန်မာနိုင်င တိုးတက်ဖို့ အလားအလာ အလွန်ကောင်းပေသည်။ နိုင်ငံတစ်နိုင်ငံ တိုးတက်ကြီးပွားဖို့ အခွန်ကောက်ခြင်း စနစ်တကျလုပ်ရန်လိုသကဲ့သို့ အခွန်ငွေကို စီမံခန့်ခွဲခြင်းသည် ပိုပြီး အရေးကြီးလှသည်။ Corruptio Index တိုးတက်လာမှသာ အခွန်ကောက်ခြင်း၊ အခွန်သုံးခြင်းတို့ တရားဥပဒေအတိုင်း အောင်မြင်လာမည်ဖြစ်သည်။
.
နောက်ဆုံး အနေဖြင့် ရေးလိုပါသည်။ ဆင်းရဲသော ပြည်သူ့သားသမီးငယ်များ နွားနို့သောက်နိုင်ဖို့၊ အဟာရပြည်ဝသော အနာဂါတ်မြန်မာမျိုးဆက်ဖြစ်လာရေးအတွက် National Plan အဖြစ် လုပ်ဆောင်မှ ရမည်ဖြစ်သည်။
.
.....///. End of ... နွားနို့နဲ့အရက်၊အချိုရည် (၁) .../// .....
.
.
နိဂုံး (နွားနို့၊နွားသား မွေးမြူရေးလုပ်ငန်းများ)
အချိုရည်နဲ့ အရက်၊ဘီယာ၊ စီးကရက် ထုတ်လုပ်သူ နဲ့ ရောင်းချသူ များသာ မြန်မာနိုင်ငံမှာ အလုပ်ဖြစ်နေတာလဲ သဘာဝ ကျပါတယ်။ အထိန်းအကွပ် မရှိသေးတဲ့ ဈေးကွက် စီးပွားရေးမှာ ရင်းနှီးမြှတ်နှံမှု ကော်မရှင်က သမ္မတဦးသိန်းစိန် လက်ထက်မှာ အထက်ပါ အချိုရည်၊ ဘီယာ၊ စီးကရက် စက်ရုံ အမြောက်အများ ခွင့်ပြုခဲ့လို့၊ အဲဒီ ကော်မရှင် ဥက္ကဌနဲ့ အဖွဲ့ဝင်များကို အပြစ်တင်ကြပါတယ်။ ဥက္ကဌ လုပ်ခဲ့သူ တစ်ဦးဆိုရင် သူ့ဇနီး၊ သားသမီးတွေ အားလုံး နဲ့ ပိုင်ဆိုင်မှု ငွေများကို အားလုံး နိုင်ငံခြား ပို့ထားပြီး သူကတော့ မြန်မာပြည်မှာ နေစရာအိမ်ခန်း တစ်ခု လိုအပ်လို့ ရောင်း-ငှား ပေးပါရန် လျှောက်ထားတဲ့ သတင်းတွေ ကြားနေရပါတယ်။ အခု ဒေါ်အောင်ဆန်းစုကြည် လိုမျိုး ဖြောင့်မတ်တဲ့ ခေါင်းဆောင် ဖြစ်လာချိန် အခက်ခဲကြားက ဈေးကွက်ကို ထိန်းနိုင်ဖို့ ကြိုးစာနေပါတယ်။
.
သမ္မတ ဦးသိန်းစိန် ခေတ်ကာလ ဒိန်းမတ်က နို့မှုန့်တွေ လာပေးပြီး၊ သူတို့နို့မှုန့်တွေ ရောင်းဖို့၊ စက်ရုံတည်ဖို့ ကြိုးစားခဲ့ပေမဲ့ မြန်မာနိုင်ငံက စီးပွားလုပ်ဖို့ Ease Of Doing Business အညွန်း မှာ ကမ္ဘာ့ ဘိတ်ဆုံး အဆင့်ရောက်နေတာ ၀န်ထမ်းဆိုးများရဲ့ အကျင့်ပျက်မှု ကြောင့် ဖြစ်ပါတယ်။ သမ္မတကြီးက နွားနို့ ပြောလိုက်တော့ တတိုင်းပြည်လုံး နွားနို့ရောဂါ ထခဲ့ကြတယ်။ စင်ကာပူ ရောက် မြန်မာများလည်း ၀ါဂူး နွားတွေ ကချင်တောင်သူတွေနဲ့ မွေးဖို့ စဉ်းစားတော့ ဂျပန် ၀ါဂူးနွား မျိုးတွေ ညာရောင်းမဲ့ ပုဂိုလ်တွေနဲ့ပေါင်းရိတ်စား ချင်သူများနဲ့ပဲ တွေ့ပြီး စိတ်ပျက်ရတယ်။ .. 'ဒိန်းမတ် အာထရာပက် ကုမီဏီကလည်း စက်ရုံ ရောင်းတော့ မြန်မာ တချို့ ၀ယ်သွားတာ ပါတယ်။ ဒါပေမဲ့ လူကြီးတွေ က ဈေးကြီးတဲ့ နွားနို့ထက် ၀ိုင်နဲ့Grand Royal ကို ပိုစိတ်ဝင်စား သလို၊ ကလေးတွေကလဲ ဈေးကြီးတဲ့ နွားနို့ထက် Coca, Papxi, Max အချိုရည်တွေ ပိုသောက်ချင်ကြတဲ့ မိုင်းဆက် Mindset ပြသနာက ရှိတယ်။ အလုပ်ကိုင် ကောင်းတွေ မရှိသေးတော့ ၀င်ငွေ မကောင်း၊ ၀င်ငွေ မကောင်းတော့ အဟာရပြက် နေကြတာ .. မြန်မာတနိုင်ငံလုံးပါ။ လူတစ်စု ပဲ အချမ်းသာကြီး ချမ်းသာနေပါတယ်။
.
မြန်မာနိုင်ငံ မှာ စိုက်ပျိုးမွေးမြူ ဖို့တော့ အလွန် သယံဇာတ နဲ့ ရေခံမြေခံ ကောင်းပါတယ်။ ဒါပေမဲ့ စိုက်ပျိုးမွေးမြူ ထုတ်ကုန်များ ဈေးကွက်ကို ၀င်နိုင်ဖို့ သိုလှောင်ရေး Storage Electricity မရှိပါ။ နွားနို့၊နွားသား အအေးခန်း လိုအပ်ပါတယ်။ စိုက်ပျိုးထွက်ကုန်များလဲ အလားတူပါပဲ။ သယ်ယူပို့ဆောင်ရေး လမ်းတံတားများ ပိုကောင်းလာပေမဲ့၊ ရန်ကုန်-မူဆယ် ကားလမ်းတလျှောက် နည်းအမျိုးမျိုးနဲ့ ကောက်ခံနေလို့ ထွက်ကုန်တွေ ဈေးကြီးရပါတယ်။ ကမ္ဘာ ဈေးအကြီးဆုံး သယ်ယူစရိတ် ဖြစ်နေပါတယ်။ တပတ်ရစ် ကုန်ကားကြီးများစွာ ဈေးသက်သာပေမဲ့ လမ်း-တံတား တွေလည်း ကျေးလက်ဒေသ ထိ မရောက်သေးပါဘူး။
.
အခု သမ္မတသစ် ဦးဝင်းမြင့် ဖြစ်လာပြီးချိန် အဂတိကော်မရှင် အနေနဲ့ တပ်မတော်ထောက်ခံ မှုအရ၊ ပိုမိုထိရောက်စွာ လုပ်နိုင်လာမယ် မျှော်လင့်ပါတယ်။ ရုတ်တရက် ပြောင်းလာတဲ့ တော်လှန်ရေး Revolution မဟုတ်ပဲ တဖြေးဖြေးပြောင်းလဲခြင်း Evolution ဖြစ်လို့ မကြေမနပ်သူ များစွာ ၊ စီးပွားအခက်ခဲ များစွာ ရှိနေဆဲပါ။ နွားနို့၊ နွားသား (အမဲသား) ကတော့ စက်မှုလယ်ယာ ပြောင်းလဲသွားတဲ့ မြန်မာနိုင်ငံ ကျေးဇူးရှင် နွားများ မရှိပေမဲ့ တပိုင်တနိုင် စနစ်တကျ နွား၊ ကြက်၊ ဘဲ၊ ငါး မွေးမြူခြင်းများကို နိုင်ငံတော်က ပံ့ပိုးလုပ်ပေးဖို့၊ ဥပဒေများ ပြဌာန်း ပြင်ဆင် နေဆဲ ဖြစ်ပါတယ်။ အခြေခံ တောင်သူများ ၀င်ငွေ တိုးတက်မှ၊ နွားနို့ လုပ်ငန်း တိုးတက်လာပြီး မြန်မာ ကလေးငယ်များ နွားနို့ သောက်နိုင်၊ အဟာရပြည့်၊ ဘောလုံးကန်နိုင် လာမဲ့ အချိန်ကို မျှော်လင့်နေပါတယ်။
.
ဇော်အောင်
၎. သြဂုတ်. ၂၀၁၈
.
.
ကိုးကားဆောင်းပါး (မိုးမခ)
http://moemaka.com/archives/35888http://moemaka.com/archives/36469.
2018 ယခု ဆောင်းပါး ၂ခု လင့်.. (ဖေ့ဘုတ်)
1.
https://goo.gl/h6awhR2.
https://goo.gl/JGXFFJ
