Mech Ko Lay is with Aung Kyaw San.
Pyi Moe Pyae Sone
1 hr ·
1 hr ·
ဦးသိန်းစိန် အစိုးရလက်ထက် မြန်မာနိုင်ငံမှာ လုပ်ဆောင်ဖို့ စီစဉ်ခဲ့တဲ့ ကျောက်မီးသွေးစက်ရုံ စီမံကိန်းတွေဟာ အနည်းဆုံး ၁၁ ခုကနေ အများဆုံး ၁၅ ခုလောက်အထိ ရှိခဲ့တာ တွေ့ရပါတယ်။
စိတ်ဝင်စားစရာကောင်းတဲ့ အခြေအနေနဲ့ ပြည်သူလူထု အကြားမှာ မေးခွန်းတစ်ခုကတော့ အရင်အစိုးရက လုပ်ခဲ့တဲ့ ကျောက်မီးသွေး လျှပ်စစ်ဓာတ်အားပေးစက်ရုံ စီမံကိန်းတွေကို လူထုရွေးကောက်ထားတဲ့ အစိုးရလက်ထက်မှာ ပြန်လည်လုပ်ဆောင်မယ်လို့ လေသံပစ်လာခဲ့တာပါ။ ဒီလို ပြောကြားခဲ့သူတွေကတော့ လျှပ်စစ်နှင့်စွမ်းအင် ၀န်ကြီးဌာနက အမြဲတမ်းအတွင်းဝန် ဦးထိန်လွင်နဲ့ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းတို့ပဲ ဖြစ်ပါတယ်။
အရင် USDP အစိုးရက လုပ်ဆောင်ဖို့ ကြံရွယ်ခဲ့ပေမယ့် ပြည်သူလူထုက လက်မခံလို့ ပြည်သူလူထု အလိုကျ ဆက်လက်လုပ်ဆောင်မှု မပြုတဲ့ ဒီလိုကျောက်မီးသွေး လျှပ်စစ်ဓာတ်အားပေး စက်ရုံတွေကို ပြည်သူရွေးတဲ့ NLD အစိုးရက လုပ်ဆောင်မယ်ဆိုရင် လူထုက လက်ခံနိုင်မလားဆိုတာ မေးခွန်းထုတ်စရာပါ။
ဒီစီမံကိန်းတွေ ကြံခဲ့တယ်
အရင် USDP အစိုးရက လုပ်ဆောင်ဖို့ ကြံရွယ်ခဲ့တဲ့ စီမံကိန်းတွေကို လေ့လာမယ်ဆိုရင် ကွမ်းခြံကုန်းမှာ တည်ဆောက်မယ့် ကျောက်မီးသွေးစက်ရုံ စီမံကိန်းကို Asia World ရဲ့ လက်ခွဲ ကောင်းမြတ်သောမြေ ကုမ္ပဏီနဲ့ တည်ဆောက်ဖို့စီမံကိန်း၊ ရန်ကုန်တိုင်းဒေသကြီး ထန်းတပင်မှာ တည်ဆောက်မယ့် ကျောက်မီးသွေးစက်ရုံ စီမံကိန်းကို ထူးကုမ္ပဏီနဲ့ တရုတ်က Huaneng Lancang ကုမ္ပဏီ၊ ကျောက်တန်းမှာ တည်ဆောက်မယ့် ကျောက်မီးသွေး စက်ရုံစီမံကိန်းကို Daimond Palace နဲ့ နိုင်ငံခြားကုမ္ပဏီတွေ ပူးပေါင်းခြင်း၊ သီလ၀ါမှာ တည်ဆောက်မယ့် သီလ၀ါ ကျောက်မီးသွေးစက်ရုံ စီမံကိန်းကို Toyo Thai ကုမ္ပဏီ၊ ဧရာဝတီတိုင်းမှာ တည်ဆောက်မယ့် ငရုတ်ကောင်း ကျောက်မီးသွေးစက်ရုံ စီမံကိန်းကို Ta Ta Power ကုမ္ပဏီ၊ ရှမ်းပြည်နယ် အရှေ့ ပိုင်း ကျိုင်းတုံမှာ တည်ဆောက်မယ့် စက်ရုံစီမံကိန်းကို Lumpoondum ကုမ္ပဏီနဲ့ စစ်ကိုင်းတိုင်းဒေသကြီး ကလေးဝမှာ တည်ဆောက်မယ့် ကျောက်မီးသွေးစက်ရုံ စီမံကိန်းကို ISDN နဲ့ Tun Thwin ကုမ္ပဏီတွေက အကောင်အထည်ဖော်ဖို့ လုပ်ဆောင်တယ်လို့ ၂၀၁၄ ခုနှစ် စက်တင်ဘာ ၁ ရက်ထုတ် Weekly Eleven သတင်းစာမှာ ဖော်ပြခဲ့ပါတယ်။
ဒါ့အပြင် မွန်ပြည်နယ်၊ ရေးမြို့နယ် အံဒင်ကျေးရွာမှာ တည်ဆောက်မယ်ဆိုတဲ့ ကျောက်မီးသွေး လောင်စာသုံး လျှပ်စစ်ဓာတ်အားပေးစက်ရုံ စီမံကိန်း၊ ရခိုင်ပြည်နယ် ကျောက်ဖြူဒေသမှာ တည်ဆောက်မယ့် မဂ္ဂါဝပ် ၆၆၀ ထွက်ရှိမယ့် ကျောက်မီးသွေးစက်ရုံ စီမံကိန်းတွေ ရှိခဲ့ပါတယ်။
ဒါ့အပြင် တနင်္သာရီတိုင်း ဒေသကြီးမှာ ဆိုရင်လည်း ၂၀၁၄ ခုနှစ် မတ်လ ၂၈ ရက်မှာ ကျင်းပတဲ့ တနင်္သာရီတိုင်းဒေသကြီး လွှတ်တော်မှာဆိုရင် တနင်္သာရီတိုင်း ဒေသကြီးအတွင်း လုပ်ဆောင်မယ့် ကျောက်မီးသွေး လျှပ်စစ်ဓာတ်အားထုတ် စီမံကိန်း စုစုပေါင်း ခြောက်ခုရှိနေပြီး မဂ္ဂါဝပ် ၅၀၀၀ ကျော် ထုတ်မယ်လို့ ဆိုခဲ့ပါတယ်။ ဒီစီမံကိန်းခြောက်ခုမှာ ဆောင်ရွက်ပြီးတဲ့ စီမံကိန်း တစ်ခုက ကော့သောင်းမြို့မှာ သန်းဖြိုးသူက တည်ဆောက်ခဲ့တဲ့ ရှစ်မဂ္ဂါဝပ် ထွက်ရှိမယ့် ကျောက်မီးသွေးစက်ရုံနဲ့ မြိတ်မြို့မှာ တည်ဆောက်မယ့် ကျောက်မီးသွေးစက်ရုံ စီမံကိန်း (၅၀ မဂ္ဂါဝပ်)၊ လောင်းလုံမြို့နယ်၊ ရမ္မဇူဒေသမှာ 24 Hour Mining ကုမ္ပဏီက တည်ဆောက်မယ့် ၅၀၀ မဂ္ဂါဝပ် ထုတ်မယ့် ကျောက်မီးသွေးစက်ရုံ စီမံကိန်း၊ ဘုတ်ပြင်းမြို့နယ်၊ ပြည်ကြီးမဏ္ဍိုင်မြို့နယ်ခွဲ၊ မလက်တိုဒေသမှာ 24 Power Industry and Development ကုမ္ပဏီက တည်ဆောက်မယ့် ၅၀၀ မဂ္ဂါဝပ် x ၄ =၂၀၀၀ မဂ္ဂါဝပ်၊ မြိတ်မြို့နယ် တနင်္သာရီမြစ်၊ မော်ကြီးပတ်ဝန်းကျင် ဒေသမှာ Ratchaburi Electricity Generaty Holding ကုမ္ပဏီနဲ့ Blue Energy Enviroment အဖွဲ့က တည်ဆောက်မယ့် ၂၆၄၀ မဂ္ဂါဝပ်ထုတ် ကျောက်မီးသွေးစက်ရုံ စီမံကိန်းနဲ့ ဧရာဟင်္သာ ကုမ္ပဏီက တနင်္သာရီတိုင်း အတွင်းက မြိတ်၊ ထားဝယ်နဲ့ ဘုတ်ပြင်းမှာ ကနဦး စူးစမ်းလေ့လာဖို့ တင်ပြခဲ့တဲ့ စီမံကိန်းတွေ ရှိနေတယ်လို့ ၂၀၁၄ ခုနှစ် မတ် ၃၁ ရက်ထုတ် Weekly Eleven သတင်းစာမှာ ဖော်ပြခဲ့ပါတယ်။
အရင်အစိုးရလက်ထက် ကျောက်မီးသွေးကနေ လျှပ်စစ်စွမ်းအင်ထုတ်ဖို့ ကြံရွယ်ခဲ့တဲ့ စီမံကိန်းတွေက ထွက်ရှိမယ့် ပမာဏကို လေ့လာမယ်ဆိုရင် ကွမ်းခြံကုန်းမြို့နယ် အတွင်းက စုစုပေါင်း မဂ္ဂါဝပ် ၃၂၇၀ ထုတ်လုပ်ဖို့ လျာထားခဲ့တဲ့ ကျောက်မီးသွေးစက်ရုံ၊ ထန်းတပင်မြို့နယ်က မဂ္ဂါ၀ပ်၂၇၀ ထွက်မယ့်စက်ရုံ၊ သီလ၀ါ အထူးစီးပွားရေးဇုန်က မဂ္ဂါဝပ် ၃၀၀ ထွက်ရှိမယ့်စက်ရုံ၊ ကျောက်တန်းမြို့နယ်က မဂ္ဂါဝပ် ၇၀၀ ထွက်ရှိမယ့် စက်ရုံ၊ ဧရာဝတီတိုင်း ဒေသကြီးအတွင်း ငရုတ်ကောင်းမြို့နယ်ခွဲမှာ တည်ဆောက်မယ့် မဂ္ဂါဝပ် ၁၂၈၀ ထုတ်မယ့်စက်ရုံ၊ စစ်ကိုင်းတိုင်းဒေသကြီး၊ ကလေးဝမြို့နယ်မှာ တည်ဆောက်မယ့် မဂ္ဂါဝပ် ၂၇၀ ထွက်ရှိမယ့် ကျောက်မီးသွေးစက်ရုံ၊ ရှမ်းပြည်နယ်အရှေ့ပိုင်း ကျိုင်းတုံမြို့နယ်မှာ တည်ဆောက်မယ့် မဂ္ဂါဝပ် ၆၀၀ ထွက်ရှိမယ့်စက်ရုံ၊ ကျောက်ဖြူက မဂ္ဂါဝပ် ၆၆၀ နဲ့ တနင်္သာရီတိုင်း ဒေသကြီးအတွင်းမှာ တည်ဆောက်ဖို့ ကြံဆောင်ခဲ့တဲ့ စီမံကိန်းငါးခုက ထွက်ရှိမယ့် မဂ္ဂါဝပ် ၅၀၀၀ ကျော် စတဲ့ပမာဏတွေ အလွန်များပြား ကြီးမားနေတာကို တွေ့ရပါတယ်။
ဒီလို ကြီးမားတဲ့ စီမံကိန်းပမာဏတွေဟာ လူထုက လက်မခံမှုကြောင့် လက်တွေ့မှာ မဖြစ်ခဲ့သလို အရင်အစိုးရ ကတည်းက ပြောခဲ့တဲ့ Clean-Coal Technology နဲ့ ကျောက်မီးသွေးကလည်း လျှပ်စစ်ဓာတ်အား ထုတ်လုပ်မှာကိုလည်း လူထုက လက်ခံယုံကြည်လာအောင် လုပ်ဆောင်နိုင်မှု မရှိခဲ့တာ တွေ့ရပါတယ်။
လက်ရှိအစိုးရ လက်ထက်မှာ ဆိုရင်လည်း လူထုက လက်မခံတဲ့ ကျောက်မီးသွေးကနေ လျှပ်စစ်ဓာတ်အား ထုတ်လုပ်မှုတွေအတွက် လုပ်ဆောင်မယ်ဆိုရင် NLD အစိုးရ အနေနဲ့ ဘယ်လိုနည်းလမ်း ရှာမှာလဲဆိုတာ စိတ်ဝင်စားစရာပါ။
ကျောက်မီးသွေးက သေဘေး
ဟားဘတ်တက္ကသိုလ်နဲ့ ဂရင်းပိစ်အဖွဲ့ရဲ့ အရှေ့တောင်အာရှက ကျောက်မီးသွေးနဲ့ စွမ်းအင်ထုတ်တဲ့ နိုင်ငံတွေမှာ ကျန်းမာရေး ထိခိုက်မှုကို ဆန်းစစ်တဲ့ သုတေသနအရ ၁၀၀၀ မဂ္ဂါဝပ်ထုတ်တိုင်း လူ ၆၀၀ သေတယ် ဆိုတာကို အခိုင်အမာ ထုတ်ပြန်ထားပြီး အင်ဒိုနီးရှားနိုင်ငံမှာ ကျောက်မီးသွေးကြောင့် ပြည်တွင်းမှာ တစ်နှစ်ကို လူ ၆၈၀၀၀ ကျော် သေကြေတယ်။ သူ့နိုင်ငံကထုတ်တဲ့ အဆိပ်တွေကြောင့် နယ်စပ်ထိစပ်တဲ့ ဒေသတွေက ၇၀၀၀၀ ကျော် သေကြရတယ်လို့ အခိုင်အမာ ဆိုထားတယ်လို့ ပေါင်းကူးက ဒေါက်တာ ကျော်သူက ပြောထားပါတယ်။
မြန်မာနိုင်ငံမှာ ကျောက်မီးသွေးကနေ ၂၀၃၀ ပြည့်နှစ်မှာ ၇၉၄၀ မဂ္ဂါဝပ်အထိ ထုတ်လုပ်ဖို့ ကြံရွယ်ထားတာဖြစ်ပြီး ဟားဘတ်တက္ကသိုလ်နဲ့ ဂရင်းပိစ်အဖွဲ့ရဲ့ လေ့လာချက်အရဆိုရင် မြန်မာနိုင်ငံမှာ တစ်နှစ်ကို လူဦးရေ ၄၀၀၀ ကျော်လောက် အသက်ပေးရမယ့် အနေအထားလို့ တွက်ဆရမှာပါ။ ဒီလို ၂၀၃၀ ပြည့်နှစ်မှာ စွမ်းအင်မူဝါဒအရ ကျောက်မီးသွေးကနေ ၇၉၄၀ မဂ္ဂါဝပ်အထိ ထုတ်လုပ်လာလို့ ဖြစ်လာမယ့် ဘေးထွက်ဆိုးကျိုးကြောင့် ပြည်သူတွေ သေကြေပျက်စီးမှုဖြစ်ရင် ဘယ်သူက တာဝန်ယူမလဲဆိုတာ စိတ်ဝင်စားစရာပါ။
ဒီလို အခြေအနေမျိုးမှာ NLD အစိုးရအနေခပြု စဉ်းစားနဲ့ အရြေမှာ အချက်နှစ်ချက် ရှိပါတယ်။ ကျောက်မီးသွေး လျှပ်စစ်ဓာတ်အားပေး စက်ရုံတွေကို လုပ်ဆောင်ဖို့ ကြိုးပမ်းလာမယ့် NLD အစိုးရဟာ Clean-Coal Technology အောင်မြင်လို့ တိုင်းပြည်အတွက် လိုအပ်တဲ့ အခြေခံ အဆောက်အအုံ လျှပ်စစ်မီးရအောင် လုပ်ပေးနိုင်တဲ့ စိုးရအြဖစ်သွားမလား။ နှစ်စဉ်လူပေါင်းများစွာ သေကျေအောင် ကျောက်မီးသွေးစက်ရုံတွေ တည်ခဲ့တဲ့ အစိုးရ ဖြစ်သွားမလားဆိုတဲ့ အခြေခံ အချက်နှစ်ချက်ပေါ် မူတည်စားရပြီး စဉ်းမှာ ဖြစ်ပါတယ်။
ကျောက်မီးသွေးတွေ လုပ်နေတယ်
မြန်မာနိုင်ငံမှာ လေ့လာမယ်ဆိုရင် ရှမ်းပြည်နယ်တောင်ပိုင်း ပင်လောင်းမြို့နယ်မှာရှိတဲ့ တီကျစ်ကျောက်မီးသွေး စက်ရုံနဲ့ ကျောက်မီးသွေးတွင်းဟာ မြန်မာနိုင်ငံမှာ အကြီးဆုံးထနဲ့ ပမဦးဆုံး လည်ပတ်တဲ့ စက်ရုံဖြစ်ပါတယ်။ ၂၀၀၁ ခုနှစ်က စတင်အကောင်အထည် ဖော်ခဲ့တဲ့ တီကျစ်ကျောက်မီးသွေးသုံး လျှပ်စစ်ဓာတ်အားပေး စီမံကိန်းဟာ ကျေးရွာတွေနဲ့ မီတာ ၆၀ ခန့်သာ ကွာဝေးပြီး ဒီစီမံကိန်းကြောင့် ရေထု၊ လေထု ညစ်ညမ်းမှုတွေကို ရပ်ဆိုင်ခဲ့ကြရသလို တီကျစ် ကျောက်မီးသွေး စက်ရုံဟာလည်း သတ်ထားတဲ့မှတ် စံချိန်စံညွှန်း ပြည့်မီခြင်း မရှိလို့၂၀၁၄ ခုနှစ် သြဂုတ်လမှာ စီမံကိန်း ရပ်ဆိုင်းခဲ့ပေမယ့် လက်ရှိအချိန်မှာ တရုတ်ကုမ္ပဏီ တစ်ခုနဲ့ စီမံကိန်း ဆက်လက် လုပ်ဆောင်နေပါတယ်။
ဒီလို ကျောက်မီးသွေး လျှပ်စစ်စက်ရုံတွေအပြင် မြန်မာနိုင်ငံမှာ ကျောက်မီးသွေးသုံးပြီး လည်ပတ်နေရုံက တဲ့ စက်၁ရုံလောဝ က်ရှိပြီး ကျောက်ဆည်မှာဆို သံတော်မြတ်၊ Myanmar Conch၊ အေသုံးလုံး၊ ကျားခေါင်း၊ ဆင်မင်း(၂)၊ မြန်မာဆင်၊ တီကျစ်မှာဆို ပတ္တမြားနဂါး၊ ပင်းပက်မှာ ကမ္ဘောဇ၊ ပြည် ညောင်မှာ ရွှေတောင်နဲ့ နောင်ချိုမှာ ငွေရည်ပုလဲ။ ဒီစက်ရုံတွေက သဘာဝဓာတ်ငွေ့အစား ကျောက်မီးသွေး သုံးနေတယ်လို့ သတ္တုတွင်း ပညာရှင်ဖြစ်တဲ့ ဦးစောမိုးမြင့်က ပြောကြားတယ်လို့ ၂၀၁၆ ခုနှစ် နိုဝင်ဘာ ၂၃ ရက်ထုတ် 7Day ဂျာနယ်မှာ ဖော်ပြခဲ့ပါတယ်။
တကယ်ဆိုရင် မြန်မာနိုင်ငံမှာ လုပ်ဆောင်ဖို့ ကြိုးပမ်းနေတဲ့ ကျောက်မီးသွေးစက်ရုံ စီမံကိန်းတွေ အားလုံးဟာ လက်ရှိမှာဆိုရင် ဆက်လက် လုပ်ဆောင်နိုင်မှု မရှိသေးဘဲ လူထုရဲ့ ကန့်ကွက်မှု၊ ဆန္ဒပြမှု၊ လက်မခံနိုင်မှုတွေကို မီဒီယာတွေ အားလုံးက တခဲနက် ဖော်ပြကြလို့ စီမံကိန်းအားလုံးနီးနီးဟာ ရပ်ဆိုင်းထားပြီ ဖြစ်သလို အစိုးရ အနေနဲ့လည်း Clean-Coal Technology နဲ့ဆာင် လုပ်ပေါမယ်လို့ ဘယ်လောက်ပဲပြောပြော လူထုလက်ခံလာနိုင်အောင် လုပ်ဆောင်နိုင်မှုတော့ မရှိသေးပါဘူး။
ဒီလိုလူထု လက်ခံလာနိုင်အောင် လုပ်ဆောင်နိုင်မှု မရှိသေးပေမယ့် မြန်မာနိုင်ငံအတွက် လျှပ်စစ်မီး အလုံအလောက် ရရှိရေး ၂၀၃၀ စီမံချက်မှာဆိုရင် ကျောက်မီးသွေးကနေ ၃၃ ရာခိုင်နှုန်း ရယူဖို့အထိ အစိုးရက စီစဉ်ထားပါတယ်။ လက်ရှိအချိန် လျှပ်စစ်ဓာတ်အား ထုတ်လုပ်မှု အနေအထားကို လေ့လာကြည့်မယ်ဆို ရေအားလျှပ်စစ် ကဏ္ဍက ၃၁၈၅ မဂ္ဂါဝပ်နဲ့ ၆၁ရာခိုင်နှုန်း၊ သဘာဝဓာတ်ငွေ့ ကဏ္ဍက ၁၈၂၉ မဂ္ဂါဝပ်နဲ့ ၃၅ ရာခိုင်နှုန်း၊ ကျောက်မီးသွေးကနေ ၁၂၀ မဂ္ဂါဝပ်နဲ့ နှစ်ရာခိုင်နှုန်း ထုတ်လုပ်နေပြီး၂၀၃၀ ပြည့်နှစ်မှာ ရေအားလျှပ်စစ် ထုတ်လုပ်မှုက ၈၈၉၆ မဂ္ဂါဝပ်နဲ့ ၃၈ ရာခိုင်နှုန်း၊ ကျောက်မီးသွေးကနေ လျှပ်စစ်ဓာတ်အား ထုတ်လုပ်မှု ၇၉၄၀ မဂ္ဂါဝပ်နဲ့ သဘာဝဓာတ်ငွေ့ကနေ ၄၇၂၅ မဂ္ဂါဝပ်နဲ့ ၂၀ ရာခိုင်နှုန်းအထိ ထုတ်လုပ်သွားမယ်လို့ လျှပ်စစ်နှင့်စွမ်းအင် ၀န်ကြီးဌာနက ဒုတိယ၀န်ကြီး (ငြိမ်း) ဦးအောင်သန်းဦးရဲ့ Ovower Geer View of Pneration, Transmission and Distribution စာတမ်းမှာ ဖော်ပြထားပါတယ်။ လက်ရှိပြန်လည် သုံးသပ်နေတဲ့ စွမ်းအင်မူဝါဒမှာ ကျောက်မီးသွေးကနေ လျှပ်စစ်စွမ်းအင် ရယူရေးဟာ ရာခိုင်နှုန်း ၃၀ ၀န်းကျင်မှာပဲ ဆက်ရှိနေနိုင်ပါတယ်။
ကျောက်မီးသွေးရဲ့ ဆိုးကျိုးတွေဟာဆိုရင် ဖန်လုံအိမ်ဓာတ်ငွေ့ ထုတ်လွှင့်တာ၊ လေလွင့်ပြာချော်တွေ ထုတ်လွှင့်တာ၊ အက်ဆစ်မိုး ရွာသွန်းတာ၊ ရေအမြောက်အမြား သုံးစွဲရတာ၊ သယ်ယူပို့ဆောင်ရေး စများတာ၊ စွန့်ပစ်ရေပူကြောင့် ရေသယံဇာတတွေ ပျက်စီးတာ၊ အလိုအလျောက် မီးလောင်မှုတွေ ဖြစ်ပွားတာ၊ ကာဗွန်မိုနောက်ဆိုဒ် တန်ချိန် ၇၂၀ ထွက်ရှိမယ်ဆိုရင် ခေါင်းကိုက်ဝေဒနာနဲ့အတူ အသက်အန္တရာယ်ကို ထိခိုက်နိုင်တာ၊ အာဆင်းနစ်၊ ခဲ၊ ကတ်မီယန်ဒြပ်ပါးတွေက နှလုံး၊ ဆီးလမ်းကြောင်း၊ အာရုံကြောရောဂါ၊ ဦးနှောက်ရောင်ရောဂါ၊ ကျောက်ကပ်၊ အဆုတ်ကင်ဆာ၊ သွေးတိုး၊ အမြင်နဲ့ အာရုံကြော ပျက်စီးမှုတွေကို ဖြစ်စေနိုင်တယ်လို့ ဆိုပါတယ်။ ဒီလိုဆိုးကျိုးတွေနဲ့ အစိုးရနဲ့ တိုင်းပြည်ရဲ့ လိုအပ်ချက်မှာ NLD အစိုးရ လက်ထက်မှာ ဆက်လက်လုပ်မယ့် ကျောက်မီးသွေး စီမံကိန်းတွေဟာ ပြည်သူလူထုရဲ့ ကျောက်မီးသွေး စီမံကိန်း လက်မခံလိုမှုနဲ့ မီဒီယာတွေရဲ့ ပူးပေါင်းပါဝင်မှုကြောင့် အားလုံးပျက်ကုန်မလား ဆိုတာနဲ့၊ လူထုအစိုးရရဲ့ Clean-Coal Technology နဲ့ လုပ်ဆောင်မယ် ဆိုတာကို ပြည်သူတွေ လက်ခံနိုင်အောင် လုပ်ဆောင်ပြီး မီဒီယာကနေချပြတဲ့ ပူးပေါင်းပါဝင်မှုတွေကြောင့် ၂၀၃၀ လျှပ်စစ်စွမ်းအင် စီမံကိန်းကျာက်မီးသွေးကကေနေ လျှပ်စစ်ရရှိရေး မျှော်မှန်းချက် ၃၃ ရာခိုင်နှုန်းအပြည့် ဆက်ထုတ်ဖို့ ကြိုးပမ်းလာမလား ဆိုတာကိုတော့ စောင့်ကြည့်ရဦးမှာ ဖြစ်ပါတယ်။
ကျောက်မီးသွေး စီမံကိန်းတွေ မဖြစ်မနေ အကောင်အထည် ဖော်ချင်တယ်ဆိုရင်
ရေအားလျှပ်စစ် စီမံကိန်းကို လက်မခံလိုတဲ့ ပြည်သူလူထုကြောင့် ရေအားကနေလည်း လျှပ်စစ်ဓာတ်အား ထုတ်လုပ်မရတဲ့ အခြေအနေမှာ မြန်မာနိုင်ငံ တိုးတက်ရေးအတွက် လျှပ်စစ်စွမ်းအင်ကလည်း အရေးပါနေပါတယ်။ ဒီလိုခအနေအမြှော ပြန်ပြည့်မြဲ စွမ်းအင်ဖြစ်တဲ့ နေအား(ဆိုလာ)နဲ့ လေအားလျှပ်စစ်ကနေလည်း လက်ရှိအစိုးရအနေနဲ့ စွမ်းအင်လိုအပ်ချက်ရဲ့ ရာခိုင်နှုန်း လာက်၂၀ ပေဲ မျှော်မှန်းထားနိုင်တာ ဖြစ်ပါတယ်။ သဘာဝဓာတ်ငွေ့ကနေ ထုတ်လုပ်ဖို့မှာလည်း ဓာတ်ငွေ့သိုက် အသစ်တွေကထွက်မှ ရရှိမယ့် အနေအထားမှာ အစိုးရအနေနဲ့ ကျောက်မီးသွေးကနေ လျှပ်စစ်ဓာတ်အား ထုတ်လုပ်ရေးကိုလည်း မဖြစ်မနေ လုပ်ချင်နေတဲ့ အခြေအနေပါ။
ဒီလိုလုပ်မယ်ဆိုရင် မြန်မာနိုင်ငံရဲ့ ပကတိ အခြေအနေကို ပြန်လည် လေ့လာဖို့ကလည်း လိုအပ်ပါတယ်။
မြန်မာနိုင်ငံရဲ့ လေထုဟာ အသက်ရှူဖို့ကို အန္တရာယ်ရှိနေပြီး ကမ္ဘာ့လေထု အညစ်ညမ်းဆုံး နိုင်ငံတွေ စာရင်းမှာ အဆင့် (၁၇) မှာ ရှိနေတယ်လို့ ကမ္ဘာ့ကျန်းမာရေး အဖွဲ့အစည်း (WHO) က ၂၀၁၆ ခုနှစ် စက်တင်ဘာလကုန်မှာ ထုတ်ပြန်တဲ့ ကမ္ဘာလုံးဆိုင်ရာ လေထုညစ်ညမ်းမှုနဲ့ ရောဂါဘယ အကဲဖြတ်ချက် အစီရင်ခံစာမှာ ဖော်ပြထားပါတယ်။ ကမ္ဘာ့နိုင်ငံပေါင်း ၁၈၈ နိုင်ငံကို အကဲဖြတ်ရာမှာ ဆော်ဒီအာရေးဗီးယားက လေထုအညစ်ညမ်းဆုံး အဆင့် (၁) ဖြစ်ပြီး မြန်မာ့အိမ်နီးချင်း တရုတ်က အဆင့် (၁၆) ပါ။
စက်မှုလုပ်ငန်းတွေ ဖွံ့ဖြိုးမှုနည်းပါးတဲ့ မြန်မာနိုင်ငံဟာ တောင်တွေ ပြုန်းတီးခဲ့တာနဲ့ သစ်တောတွေ တရားမ၀င် ခုတ်လှဲခဲ့မှုတွေ ခိုးထုတ်ခဲ့မှုတွေကြောင့် အိမ်နီးချင်းတရုတ်နဲ့ ကပ်လျက် အညစ်ညမ်းဆုံး ဖြစ်ခဲ့တာ ဖြစ်ပါတယ်။
ဒီလို ညစ်ညမ်းမှုကြောင့် မြန်မာနိုင်ငံတွင် တစ်နှစ်ကို လူပေါင်း နှစ်သောင်းကျော် သေဆုံးမှုဟာ လေထုညစ်ညမ်းမှုနဲ့ ပတ်သက်နိုင်တယ်လို့ WHO ရဲ့ အချက်အလက်တွေက ဆိုပါတယ်။ လေထုမှာ မီးခိုး၊ အမှိုက် စတဲ့ ညစ်ညမ်းစေတဲ့ ဒြပ်ပါဝင်မှုပမာဏ ၁၀ နဲ့ အောက်ဆိုရင် လူသားတွေအတွက် အန္တရာယ်မရှိလို့ သတ်မှတ်ပြီး ၇၀ နဲ့ အထက်ကို လုံးဝမလုံခြုံဘူးလို့ သတ်မှတ်ထားပါတယ်။ မြန်မာနိုင်ငံရဲ့ မြို့ပြလေထုဟာ မီးခိုး၊ အမှိုက် စတဲ့ ညစ်ညမ်းစေတဲ့ ဒြပ်ပါဝင်မှု ပမာဏ ပျမ်းမျှ ၅၇ ရှိပြီး ရန်ကုန်မြို့ဟာ လေထုညစ်ညမ်းမှု အလွန်များပြား နေတယ်လို့ ဆိုပါတယ်။ ရန်ကုန်မြို့မှာ အသက်ရှုဖို့အတွက် အန္တရာယ်ကင်းတဲ့ သန့်စင်တဲ့ လေထုဟာ ၁၄ ရာခိုင်နှုန်းကျော်သာရှိလို့ အလွန်နိမ့်ပါးနေတယ်လို့ ဆိုပါတယ်။
ရန်ကုန်မြို့ရဲ့ လေထုညစ်ညမ်းမှု အခြေအနေအရ ကျောက်မီးသွေးကနေ လျှပ်စစ်ဓာတ်အား ထုတ်လုပ်မှု စီမံကိန်းတွေဟာ မဖြစ်သင့်တော့တာ တွေ့ရှိရမှာဖြစ်လို့ လူဦးရေ ခုနစ်သန်းကျော် နေထိုင်နေတဲ့ ရန်ကုန်မြို့မှာ လေထုညစ်ညမ်းအောင်သာ ထပ်ပြီးလုပ်မယ်ဆိုရင် ပြည်သူတွေ ဒုက္ခရောက်ဖို့ပဲ ရှိတော့မယ့် အခြေအနေပါ။ ရန်ကုန်မြို့ရဲ့ လေထုညစ်ညမ်းမှု အခြေအနေဟာ ကျောက်မီးသွေး လျှပ်စစ်ဓာတ်အားပေး စက်ရုံတင်မက အခြားစက်မှုလုပ်ငန်းတွေကိုပါ မတိုးချဲ့သင့်တော့တဲ့ အနေအထား တစ်ရပ်ကို ညွှန်းဆိုနေပါတယ်။
တကယ်ဆိုရင် ကျောက်မီးသွေး စီမံကိန်းတွေကို ပြည်နယ်နဲ့ တိုင်းဒေသကြီး အားလုံးက လက်မခံချင်ပါဘူး။ လက်ရှိမှာဆိုရင် ကျောက်မီးသွေးစက်ရုံ စီမံကိန်းတွေ လုပ်ဆောင်ဖို့ အရင်အစိုးရ ကြံဆောင်ခဲ့တဲ့ ဒေသတွေကို ပြန်ကြည့်မယ်ဆိုရင် ရန်ကုန်၊ တနင်္သာရီ၊ မွန်၊ ဧရာဝတီ၊ ရခိုင်၊ စစ်ကိုင်းတိုင်း စတဲ့ဒေသတွေမှာ ကျောက်မီးသွေးစက်ရုံတွေ တည်ခဲ့ဖို့ စိတ်ကူးခဲ့တာ တွေ့ရပါတယ်။
ပြည်သူ့အစိုးရအနေနဲ့ ကျောက်မီးသွေးကနေ ရလာမယ့် လျှပ်စစ်စွမ်းအင်တွေကို National Grid ဆီ ပို့ဖို့အတွက်လည်း အဆင်ပြေမယ်။ ပြည်တွင်းက ကျောက်မီးသွေးတွေကလည်း သုံးလို့ အဆင်မပြေလို့ ပြည်ပက ကျောက်မီးသွေးတွေ သုံးရမှာဖြစ်လို့ သယ်ယူပို့ဆောင်မှုလည်း လွယ်ကူမယ်။ လူနေရွာတွေ၊ အိမ်ခြေတွေနဲ့လည်း လုံလောက်တဲ့ အကွာအဝေးမှာ ရှိရမယ်။ သန့်စင်တဲ့ လေထုလည်း ရှိနေရမယ်ဆိုတဲ့ အချက်အလက်တွေနဲ့ တိုက်စစ်မယ်ဆိုရင် ဧရာဝတီတိုင်းဒေသကြီးက ပြည်သူတွေနဲ့ အလှမ်းကွာတဲ့ နေရာတွေနဲ့ တနင်္သာရီတိုင်း ဒေသကြီးက ကျွန်းစုတွေ အပေါ်မှာပဲ လုပ်နိုင်ဖို့ ရှိပါတယ်။ ဒါပေမယ့် ဒီလိုနေရာတွေမှာ လုပ်ဆောင်ဖို့ စီစဉ်ထားတဲ့ အရင်စီမံကိန်းတွေက ဒေသခံတွေအတွက် အဖိုးမဖြတ်နိုင်တဲ့ လှပတဲ့ ကမ်းခြေနေရာတွေ၊ လူနေထူထပ်တဲ့ နေရာတွေဆိုတာ တွေ့ရပါတယ်။ ဒီလို သဘာဝအခြေခံ ခရီးသွားလုပ်ငန်းအတွက် အရေးပါပြီး ပြည်သူလူထုအတွက် ၀င်ငွေအမြောက်အများ ရရှိနေတဲ့ နေရာတွေမှာ ဆက်လက် မလုပ်ဆောင်ဖို့တော့ လိုအပ်ပါမယ်။
ဥပမာအားဖြင့် ထင်မြင်ချက်တစ်ခုကို ပြောရရင် အစိုးရအနေနဲ့ ကျောက်မီးသွေးကနေ လျှပ်စစ်စွမ်းအင် ထုတ်ဖို့အတွက် ရှေ့ပြေးစီမံကိန်းအဖြစ် မဂ္ဂါဝပ် ၅၀၀ လောက်ထုတ်နိုင်မယ့် Pilot Project နှစ်ခုကို ဧရာဝတီတိုင်း ဒေသကြီးနဲ့ တနင်္သာရီတိုင်း ဒေသကြီးမှာ ခရိုနီတွေမပါတဲ့ ဂျပန်ရဲ့ အကူအညီနဲ့ အစိုးရက ဦးဆောင်ပြီး လုပ်ပေးသင့်ပါတယ်။
အရင်အစိုးရ လက်ထက်တုန်းက ရွေးချယ်ခဲ့တဲ့ ငရုတ်ကောင်းလို လှပတဲ့ နေရာမျိုးကို ရှောင်ရှားပြီး ဒေသခံပြည်သူလူထုကို မထိခိုက်နိုင်တဲ့ နေရာမှာ ခရိုနီမပါဘဲ ဂျပန်နိုင်ငံရဲ့ အကူအညီနဲ့ မဂ္ဂါဝပ် ၅၀၀ လောက် ထုတ်နိုင်မယ့် စက်ရုံတည်မယ်။ ဂျပန်ရဲ့ Clean-Coal Technology နဲ့ လုပ်ဆောင်မှုဟာ ဒေသခံလူထုကို ထိခိုက်နိုင်မှု အနည်းဆုံး ဖြစ်စေတယ် ဆိုတာကို အစိုးရအနေနဲ့ လူထုကို ပွင့်လင်းစွာ ချပြပြီး လုပ်ဆောင်မယ်ဆိုရင် လာမယ့် နှစ်နှစ်လောက် အတွင်းမှာ ဧရာဝတီတိုင်းဟာ လျှပ်စစ်မီး အများစု သုံးနိုင်တဲ့ အခြေအနေ ဖြစ်လာပါမယ်။ မြန်မာနိုင်ငံရဲ့ စပါးကျီဖြစ်ပြီး အလုပ်လုပ်နိုင်တဲ့ အသက်အရွယ်က လူငယ်တွေများတဲ့ ဒေသမှာ လျှပ်စစ်မီးသာရရင် စက်မှုလယ်ယာ ဖွံ့ဖြိုးလာပြီး ဧရာဝတီတိုင်း ဒေသကြီးဟာ မြန်မာနိုင်ငံမှာ လက်ရှိအစိုးရ သက်တမ်းအတွင်း တဟုန်ထိုး တိုးတက်လာနိုင်တဲ့ဒေသ ဖြစ်လာမယ့် အခြေအနေ ဖြစ်ပါတယ်။
အလားတူပဲ မြန်မာ့လျှပ်စစ်ဓာတ်အား လုံးဝမရသေးတဲ့ တနင်္သာရီတိုင်း ဒေသကြီးမှာ လက်ရှိမြင့်မားလွန်းတဲ့ ဓာတ်အားခကို အတိုင်းအတာ တစ်ခုအထိ လျှော့ချနိုင်ဖို့အတွက် ဦးသိန်းစိန်အစိုးရ လက်ထက်မှာ စီမံခဲ့တဲ့ စီမံကိန်းခြောက်ခုထဲက ဒေသခံလူထု ထိခိုက်မှု နည်းပါးတဲ့ နေရာမှာ ထိခိုက်နိုင်မှုနှုန်း နည်းပါးတဲ့ Clean-Coal Technology ကို ဂျပန်နဲ့ မြန်မာအစိုးရက မဂ္ဂါဝပ် ၅၀၀ လောက်ထွက်မယ့် Pilot Project အဖြစ် လုပ်ပေးလိုက်မယ်ဆိုရင် လျှပ်စစ်မီး လုံးဝမရသေးတဲ့ ဒေသတစ်ခုအတွက် ထွက်ပေါက်တစ်ခု ရလာမှာ ဖြစ်ပါတယ်။
တနင်္သာရီတိုင်း ဒေသကြီးက ပြည်သူတွေအနေနဲ့ သဘာဝဓာတ်ငွေ့ ငါတို့ဆီက ထွက်နေရက်သားနဲ့ ဘာလို့ကျောက်မီးသွေး လုပ်မလဲလို့ မေးခွန်းထုတ်လာမယ် ဆိုရင်တော့ လက်ရှိသဘာဝ ဓာတ်ငွေ့တွေက ပြည်ပကို အကုန်ရောင်းချထားပြီး ဖြစ်သလို မမြင်တွေ့ရဘဲ စမ်းသပ်ရှာဖွေရတဲ့ သဘာဝဓာတ်ငွေ့ကနေ အချိန်အများကြီး ထိုင်စောင့်မလား ဆိုတာပါပဲ။ သဘာဝဓာတ်ငွေ့ မသေချာ၊ ကျောက်မီးသွေးကို လက်မခံဘူး ဆိုရင်တော့ တနင်္သာရီမြစ်ကနေ လျှပ်စစ်ဓာတ်အား ထုတ်ဖို့ပဲ ကျန်ပါတော့တယ်။ တနင်္သာရီမြစ်ကနေ လျှပ်စစ်မီး မထုတ်ချင်ဘူး ဆိုရင်တော့ ရွေးချယ်စရာဟာ ကျောက်မီးသွေးပဲ ကျန်တော့မယ်ဆိုတာ ငြင်းစရာရှိမယ် မထင်ပါဘူး။ တခြားစွမ်းအင် အရင်းအမြစ်အဖြစ် နေအားနဲ့ လေအားက ရနိုင်ပေမယ့်လည်း တနင်္သာရီတိုင်း ဒေသကြီးမှာ ကျောက်မီးသွေးမိုင်းတွေ ရှိနေတာကို ပြန်သုံးသပ်ဖို့ လိုအပ်ပါတယ်။
ဒီလို အရင်အစိုးရလက်ထက် ကျောက်မီးသွေးထုတ်ဖို့ ပြင်ဆင်ခဲ့တဲ့အထဲက ဧရာဝတီတိုင်းဒေသကြီးနဲ့ တနင်္သာရီတိုင်းဒေသကြီးတို့ကို အကြံပြုရတာက ကျောက်မီးသွေးကနေ လျှပ်စစ်စွမ်းအင် မဖြစ်မနေထုတ်ဖို့ ပြင်ရတော့မယ့် လက်ရှိအစိုးရအတွက် ပြည်သူလူထု ထိခိုက်နိုင်မှု အနည်းဆုံး နေရာကိုသာ လုပ်ဆောင်စေလိုခြင်း ဖြစ်ပါတယ်။ ရန်ကုန်တိုင်းဒေသကြီးမှာ ကျောက်မီးသွေး လျှပ်စစ်ဓာတ်အားပေးစက်ရုံ လုံးဝမလုပ်ဖို့ တောင်းဆိုရမှာဖြစ်ပြီး ကျောက်မီးသွေး လျှပ်စစ်ဓာတ်အားပေး စက်ရုံကို ဘယ်ဒေသမှာ တည်မလဲ ဆိုတာကိုတော့ လူထုအစိုးရကပဲ ဆုံးဖြတ်ရမှာ ဖြစ်ပါတယ်။
လက်ရှိ လူထုအစိုးရအနေနဲ့ ကျောက်မီးသွေးကနေ လျှပ်စစ်ဓာတ်အားထုတ်ဖို့ ပြည်သူလူထုကို စွဲဆောင်မယ်ဆိုရင် အရင်အစိုးရတုန်းကလို ရန်ကုန်၊ တနင်္သာရီ၊ မွန်၊ ဧရာဝတီ၊ ရခိုင်၊ စစ်ကိုင်းတိုင်း စတဲ့ ဒေသတွေမှာ ကျောက်မီးသွေး စီမံကိန်းတွေ ဆက်လုပ်မယ်ဆိုရင် ပွင့်လင်းမြင်သာမှု မရှိစွာ လုပ်ဆောင်တာတွေ၊ ပြည်သူလူထုကို နားလည်ယုံကြည် လက်ခံလာအောင် မပြောဘဲ လုပ်ဆောင်တာတွေ အလားတူ လိုက်မလုပ်ဖို့ လိုအပ်မှာ ဖြစ်ပါတယ်။ ဒါ့အပြင် လူထုမနစ်နာအောင် လိုအပ်သလို နေရာကောင်းတွေမှာ ရွှေ့ပြောင်းပေးတာ၊ ထိုက်သင့်တဲ့ လျော်ကြေးတွေ ပေးအပ်တာ စတာတွေကိုလည်း လုပ်ဆောင်ရမှာ ဖြစ်ပါတယ်။
ဘယ်လိုအခြေအနေ ဖြစ်နေပါစေ မြန်မာနိုင်ငံမှာ ကျောက်မီးသွေး လျှပ်စစ်ဓာတ်အားပေး စက်ရုံတွေကို လုပ်ဆောင်ဖို့ ကြိုးပမ်းလာတော့မယ့် လူထုအစိုးရအနေနဲ့ လူထုရဲ့ ဆန္ဒကိုလည်း တစ်ဖက်မှာ အလေးအနက်ထားဖို့ လိုအပ်မှာ ဖြစ်သလို တစ်ဖက်မှာလည်း တိုင်းပြည်တိုးတက်ဖို့ အတွက် လိုအပ်နေတဲ့ လျှပ်စစ်စွမ်းအင် ရရှိရေးအတွက် အစွမ်းကုန် လုပ်ဆောင်ပေးဖို့ လိုအပ်မှာ ဖြစ်ပါတယ်။
လက်ရှိမှာဆိုရင် နိုင်ငံတော်ရဲ့ စွမ်းအင်မူဝါဒကို ပြင်ဆင်ဖို့ ကြိုးပမ်းနေတာဖြစ်ပြီး လျှပ်စစ်မီးမရရှိတဲ့ နေရာတွေမှာ လျှပ်စစ်မီးရရှိမယ်ဆို ကိုယ့်နည်းကိုယ့်ဟန်နဲ့ စီးပွားရေး အခွင့်အလမ်းတွေ လုပ်ကိုင်နိုင်မယ် ဆိုတာနဲ့ ပြည်ပလုပ်ငန်းရှင်တွေကလည်း လမ်းပန်းဆက်သွယ်ရေး ကောင်းမွန်ပြီး လျှပ်စစ်မီးရရှိမယ်ဆို ရင်းနှီးမြှုပ်နှံလိုစိတ် ဖြစ်လာမယ်ဆိုတာ၊ လက်ရှိအစိုးရ အနေနဲ့ ပြည်သူလူထုကို လမ်းပန်းဆက်သွယ်ရေးနဲ့ လျှပ်စစ်မီးရရှိဖို့ ဆောင်ရွက်ပေးမှာ ဖြစ်တယ်လို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဧပြီ ၂၅ ရက်က စွမ်းအင်မူဝါဒ ညှိနှိုင်းအစည်းအဝေးမှာ ပြောခဲ့ပါတယ်။
တိုင်းပြည်တိုးတက်ဖို့လည်း စွမ်းအင်လိုအပ်တယ်။ အစိုးရကလည်း ကျောက်မီးသွေးကနေ လျှပ်စစ်ထုတ်မယ်။ ပြည်သူလူထုကလည်း ကျောက်မီးသွေးရော၊ ရေအားလျှပ်စစ်ရောကို လက်မခံနိုင်ဘူးဆိုတဲ့ အခြေအနေမှာ လူထုက ရွေးကောက်ထားတဲ့ လူထုအစိုးရ အနေနဲ့ ဘယ်လိုပုံစံနဲ့ ဆက်လက်လုပ်ဆောင်မလဲ ဆိုတာကိုတော့ စောင့်ကြည့်ရမှာဖြစ်ပြီး သမိုင်းတရားခံ မဖြစ်ရအောင် အကောင်းဆုံး လုပ်ဆောင်ဖို့ ကြံဆောင်ရမှာ ဖြစ်ပါတယ်။
လူထု အစိုးရ လက်ထက်မှာ တိုင်းပြည်လည်း တိုးတက်ချင်တယ်။ လိုအပ်တဲ့ စွမ်းအင် အတွက်ကျ ရေအားကိုလည်း မလုပ်ရဘူး။ ကျောက်မီးသွေးကလည်း မထုတ်ပါနဲ့လို့ ဆက်ပြီးကန့်ကွက်နေမယ် ဆိုရင်တော့ တိုင်းပြည်တိုးတက်ဖို့ဆိုတာ စာရွက်ပေါ်က စကားအိပ်မက်သာ ဖြစ်နေမှာပါ။
Writer:
ဖြိုးဝေ (Eleven Media)
.
.M Zaw Aung ကျနော်တို့ အင်ဂျင်နီယာ ဦးနှောက်တွေက နိုင်ငံရေး၊ စီးပွားရေး ၊ ဘာသာရေး ဦးနှောက်တွေရဲ့ အောက်မှာပဲ ပြားနေရတာပါ။ ဆရာဝန်တွေ၊ သိပံပညာရှင်တွေလဲ အလားတူပဲ နိုင်ငံရေး၊ စီးပွားရေး ၊ ဘာသာရေး တွေအောက်မှာပဲ နေရပါတယ်။ ကျောက်မီးသွေးကို ဦးသိန်းစိန် အစိုးရကလဲ ကြောက်တယ်။ ဒီတော့ ဒေါ်အောင်ဆန်းစုကြည် အစိုးရက ဆက်လုပ်မလား ..
ဖြိုးဝေ (Eleven Media)
.
.M Zaw Aung ကျနော်တို့ အင်ဂျင်နီယာ ဦးနှောက်တွေက နိုင်ငံရေး၊ စီးပွားရေး ၊ ဘာသာရေး ဦးနှောက်တွေရဲ့ အောက်မှာပဲ ပြားနေရတာပါ။ ဆရာဝန်တွေ၊ သိပံပညာရှင်တွေလဲ အလားတူပဲ နိုင်ငံရေး၊ စီးပွားရေး ၊ ဘာသာရေး တွေအောက်မှာပဲ နေရပါတယ်။ ကျောက်မီးသွေးကို ဦးသိန်းစိန် အစိုးရကလဲ ကြောက်တယ်။ ဒီတော့ ဒေါ်အောင်ဆန်းစုကြည် အစိုးရက ဆက်လုပ်မလား ..
ဇူကာဘတ်၊ ဘီလ်ဂိတ် တို့ထက် တော်တဲ့ တီထွင်ပညာရှင်တွေ အများကြီး ရှိပေမဲ့ သူတို့၂ဦးက နိုင်ငံရေး၊ စီးပွားရေး ၊ ဘာသာရေး ခေါင်းဆောင်တွေကို ကျေနပ်စေတဲ့ အစွမ်းရှိတယ်။ အောင်မြင်တယ်။ ရေတို ကြည့်ရင် ကျောက်မီးသွေး၊ ရေအား က ငွေသက်သာပြီး၊ LNG အရမ်းဈေးကြီးတယ်။ တခါတလေ ဈေးကြီးပေမဲ့ ကွန်ပြူတာတခု ၀ယ်သုံးရတဲ့ ဘီလ်ဂိတ်ငယ်စဉ် ဘ၀ လိုပါပဲ။ ကျောက်မီးသွေးကို အင်အယ်ဒီ အစိုးအသိမကြွယ်သေးတဲ့ ထိန်းရခက်တဲ့ လူတွေ ဆူပူအောင် လုပ်မဲ့ အခြေအနေ ရှိတယ်။ ဒါကြောင့် မလုပ်ချင်ပါ။ လူတွေကို အသိပေးနိုင်ချိန်၊ (သို့မဟုတ်) ထိန်းနိုင်ချိန် ထိ စောင့်ပါလိမ့်မယ် (မိမိ အမြင်သာ ဖြစ်ပါသည်)။
.
