ကျနော်တို့ မြစ်ကြီးနားမြို့ မိဖ လူအားလုံးနီးပါး က ကန့်ကွက်တယ်။ အထပ်၅၀ (ပေ၅၀၀ မြင့်တဲ့ ရေလှောင်ကန်ကြီး.. တခုခုဖြစ်လို့) ရေတွေ ပြိုကျလာရင် တနာရီ မိုင်၁ရာကျော် နှုန်းနဲ့ ရေထုကြီး .. သြော်. ကချင်ပြည်နယ် မြို့တော်ကြီး မိနစ်၂၀အတွင်း မြုတ်သွားမယ်။ နာဂစ်မုန်တိုင်းမှာ လူ၂သိန်းသေတာက သဘာဝဘေးဒဏ်..မြစ်ဆုံရေကာတာကျိုးလို့. ရေကျော်လို့. ဖွင့်ချလိုက်လို့.. လူ၂သိန်းသေရင်..ဆောက်ဖို့..ဆုံးဖြတ်တဲ့.ရန်ကုန်၊ နေပြည်တော် နေထိုင်သူတွေက ဘာမှမဖြစ်ဖူးလေ.. အရင် ဦးသန်းရွှေခေတ် ဆုံးဖြတ်သူများ လာပ်ငွေ ယူကြမှာ သေချာပါတယ်။ ထားပါတော့။ .မြန်မာ့ဆက်သွယ်ရေး အင်ဂျင်နီယာဟောင်းကြီး. ဆရာ ဦးဟံသာမြင့် တို့က ရန်ကုန်သား ဆိုတော့. တမျိုးသားလုံး စီးပွားရေး နဲ့ ယှဉ်ပြီး စဉ်းစား..ဆိုတော့ အများစုက အမြင်တူပါတယ်။ ရှယ်လိုက်ပါတယ်။ ဒါပေမဲ့ ဆက်လုပ်မယ် မလုပ်ဖူး တော့ ဆရာဦးဟံသာမြင့် မရေးထားဘူး။ အမြင်တူ မှာမဟုတ်ပါ။.အမြင် မတူသူများ စုပေါင်း ဆွေးနွေးခြင်း. ဆုံဖြတ်မှုကို လိုက်နာခြင်း တွေက ဒီမိုကရေစီ ရဲ့ ကောင်းချက် ဖြစ်ပါတယ်။ အစိုးရ.မြစ်ဆုံရေကာတာ အဖွဲရဲ့ အစီရင်ခံစာလဲ ထွက်ပြီ လားမသိ။
.
ကျနော် ရေအားလျှပ်စစ် အမြန်လုပ်မဲ့ ဘက်တော် သားပါ။ ဧရာဝတီ မြစ်ကိုပိတ် ဆည်လုပ်မယ်ဆိုလဲ မြစ်ညှာ မှာ လုပ်ရင် ကချင်ပြည်နယ်သားတွေ.. သဘောတူနိုင်မယ်။ အကျိုးစီးပွား ရလာတဲ့ လျှပ်စစ် ၁၀% ပဲ မြန်မာအစိုးရက ရပြီး. ကချင်ပြည်နယ်အစိုးရက ဘယ်လောက်ရမှာလဲ..ဘာမှ ရေးမထားတဲ့ 'တဖက်သပ် စာချုပ်' က အဓိက ပြသနာ အကြီးဆုံးပါပဲ။
.
မြစ်ကြီးနား နဲ့..၂၁မိုင်ပဲ ဝေးတဲ့ မြစ်ဆုံ.. ကချင်ပြည်နယ်သားများ အသဲနှလုံး နေရာကို တရုပ် ကုမဏီထံ ရောင်းစားမဲ့အစား..မြစ် အညာဘက်မှာ စရိတ်ပိုကြီးပေမဲ့ ဆောက်လို့ ရပါတယ်။ မြစ်ဆုံဆည်ကို ထာဝရ ရပ်ဆိုင်းပေးကြပါ ခင်ဗျား။ . စစ်ကိုင်းရိုးမ. ငလျင်ကျောနဲ့လဲ နီးတယ်လေ။
.
မနေ့က မြန်မာတိုင်း အင်တာဗျူး ဖုန်းခေါ်လို့ ဒီအကြောင်း ပြောပြလိုက်တယ်။ ၂၀၂၀ မတိုင်မီ မြစ်ဆုံ ကိစ္စ ချပြမယ် မျှော်လင့်ကြောင်း။ ဒေါ်လာ သန်း၈၀၀ ကုန်သွားပြီ..နှစ်စဉ် ၄% အတိုးနဲ့ စာချုပ်နှောင့်နှေးခ တနှစ် ၅၅သန်း ပေးနေရကြောင်း. ဖတ်မိတယ်။..စဉ်းစားတယ်။ သူတို့ တောင်းတိုင်း. NLD အစိုးရသစ်က ပေးမှာ မဟုတ်ပါ။ လက်ရှိ ကမ္ဘာဘဏ်၊ ဂျပန် JICA, ဂျာမဏီ၊ အီးယူ၊ တောင်ကိုးရီးယား ချေးငွေတွေက နှစ်ရှည် 0.1% အတိုးပေးရပြီး၊ တရုပ်က အဲဒီကာလမှာ 4% အတိုးတောင်းသမျှ စာချုပ်ချုပ်ခဲ့တာတွေ..အဲဒီ စာချုပ် တာဝန်ရှိသူများ အသက်ရှင် သြဇာရှိနေဆဲ.. ဆိုတာတွေ စဉ်းစားနေမိပါတယ်။
ဇော်အောင် (မုံရွာ)
...
မိမိသုံးသပ်ချက် link
https://m.facebook.com/story.php?story_fbid=10156298737828472&id=755653471
.
Ref Data
https://en.m.wikipedia.org/wiki/Myitsone_Dam
.==============
.
သခင်သိန်းဖေ (သိန်းဖေမြင့်)ရဲ့ သား၊ NLD ဗဟိုအလုပ်အမှုဆောင် ဦးဟံသာမြင့် ရေးထားတဲ့ ဆောင်းပါး။
" ဧရာဝတီကို သိမ်မွှန်းလွန်းရင် ဗမာလူမျိုးကြီးကို ဗဟိုပြုတဲ့အတွင်းစိတ်တွေက ဖုံးမရပဲ ပေါ်လာခြင်းပဲလို့ ကျွန်တော်ခံစားရပါတယ်။ "
"ဧရာဝတီကို ကယ်တင်ရမှာလား ဧရာဝတီကို ထိန်းကွပ်ရမှာလား ရည်ရွယ်ချက်က ပီပြင်ဖို့လိုပါတယ်။ x x x ဆည်တွေဆောက်ရင် မြစ်ကြီးပျောက်သွားမယ်လို့ တကယ်ပဲ စိုးရိမ်နေကြသူတွေကို ဘာကြောင့်ပညာရှင်တွေက ရေငုံနှုတ်ပိတ်နေကြသလဲ။"
"ဧရာဝတီမို့လို့ ရေအားလျှပ်စစ်မထုတ်ရဘူး။ ဧရာဝတီမြစ်ပေါက်ဖွားရာ မြစ်လက်တက်နှစ်ခုမို့လို့ ဆည်မဆောက်ရဘူး။ ဒါထက်ပိုပြီး ဘယ်ဆည်မှ မဆောက်နဲ့တော့လို့ မျက်စိမှိတ်ပြီး ငြင်းနေတာ မသင့်ဘူးထင်ပါတယ်။ "
(ဒီလှိုင်းဂျာနယ် အတွဲ(၅) အမှတ် (၃၂)ထုတ်ဂျာနယ်ထဲက ဆောင်းပါး)
----------------------------------------------------------------------------------
မြစ်ဆုံစီမံကိန်းနှင့် ရေအားလျှပ်စစ်စီမံကိန်း
ဟံသာမြင့်
သြဂုတ်လ ၁၂ ရက်က နိုင်ငံတော်သမ္မတက ဧရာဝတီမြစ်ဆုံမြစ်ညာမြစ်ဝှမ်းရေအားလျှပ်စစ်စီမံကိန်းများလေ့လာစိစစ်သုံးသပ်ရေးကော်မရှင်ကိုဖွဲ့စည်းလိုက်ပါတယ်။ ကော်မရှင်ရဲ့ တာဝန်များထဲမှာ ကော်မရှင်ဟာ အကြုံပြုချက်၊သုံးသပ်ချက်များကို ပြန်လည်တင်ပြရာမှာ ဒေသခံပြည်သူများနှင့် လူမှုအဖွဲ့အစည်းများရဲ့ ဧရာဝတီမြစ်အပေါ်ရင်ထဲမှာ ခံစားအလေးထားသည့် ခံစားချက်များကို ထည့်သွင်းစဉ်းစားရမယ်လို့ ပါဝင်ပါတယ်။ ဧရာဝတီမြစ် ဟာ တစ်ပြည်လုံးနဲ့ ဆိုင်တာလို့ ဆိုကြလေတော့ ကျွန်တော်လဲ ဒေသခံပြည်သူတစ်ဦးပဲဖြစ်ပါတယ်။ ဒါကြောင့် ကျွန်တော့်ရဲ့ ခံစားချက် သဘောထားအမြင်များကို တင်ပြလိုက်ပါတယ်။
ဘယ်သူဘယ်အဖွဲ့အစည်းနဲ့မှ မပက်သက်ပါဘူး။ကျွန်တော့် တင်ပြချက်များဟာ ကျွန်တော်အလွန်လေးစားရင်းနှီးနေတဲ့ လုပ်ဖော်ကိုင်ဖက်များရဲ့ အမြင်နဲ့ ဆန့်ကျင်နေမယ်ဆိုတာလည်းသိပါတယ်။ ဒါပေမယ့် ပြောပါရစေ။
ကျွန်တော့်အသက်ဆယ်နှစ်ပြည့်မယ့် နွေရာသီကျောင်းပိတ်ရက်မှာ ပုဂံရက်သတ္တပတ်ဆိုတဲ့ ယဉ်ကျေးမှုဌာနက ကြီးမှူးတဲ့ ခရီးစဉ်ကို အဖေနဲ့ အတူလိုက်ခဲ့ရတယ်။ ပုဂံဘုရားတွေကို ဖူးရင်း ဧရာဝတီမြစ်ကို စတင်မြင်ဖူးပါတယ်။ အဲဒီအစီအစဉ်ကြီး အပြီး ပုဂံကနေ မြင်းမူကို သဘော်နဲ့၊ မြင်းမူကနေ မုံရွာကိုမီးရထားနဲပ ခရီးဆက်ပြီး မုံရွာရောက်တော့ ချင်းတွင်းမြစ်နဲ့ ကိုက်တစ်ရာလောက်သာဝေးတဲ့ ဦးလေးတို့အိမ်မှာ တည်းရလေတော့ ချင်းတွင်းမြစ်ကိုတွေ့ဖူးရပြန်ပါတယ်။ မုံ၇ွာက အပြန် မ္နလေးကို ရထားနဲ့အသွားတဲ့အခါကျတော့လဲ အင်းဝတံတားအောက်က ဧရာဝတီမြစ်ကိုထပ်ပြီး မြင်ရပြန်တာပေါ့။ မူလတန်းပထ၀ီဝင်ဘာသာထဲမှာ ဧရာဝတီမြစ်ထဲကို ချင်းတွင်းမြစ်က စီးဝင်တယ်ဆိုတာကို သင်ထပြီးသားဖြစ်ပေမယ့် အဲဒီတုန်းကတည်းက ကျွန်တော့်စိတ်ထဲမှာ ကျွန်တော်အရင်က မြင်ဖူးတဲ့ ပုဂံကမြစ်နဲ့ မုံရွာက
မြစ်က တစ်ဆက်တည်းဖြစ်ပြီး အင်းဝတံတားအောက်က မြစ်က မြစ်လက်တက်လို့ခံစားလိုက်ရတယ်။ မှားမှန်းတော့သိတယ်။ ခံစားရတာဆိုတော့ ဘယ်တတ်နိုင်မလဲ။
ဒါတင်မကပါဘူး။ ဆယ်တန်းလောက်ရောက်တော့ ရန်ကုန်တက္ကသိုလ်မှာ ရူပျေဒဆရာမလုပ်တဲ့ ကျွန်တော့်အမေက လွန်ခဲ့တဲ့ နှစ်သန်းပေါင်းများစွာက ဧရာဝတီမြစဟ်ဟာ စစ်တောင်းမြစ်နဲ့ တစ်ဆက်တည်းပဲလို့ နောက်တော့မှရေကြောင်းပြောင်းသွားလို့ အနောက်ဖက်ကို ကွေ့ပြီး ချင်းတွင်းနဲ့ သွားပေါင်းတာလို့ ပြောလိုက်တော့ ကျွန်တော့်ခံစားချက်က ယုတ``တိနဲပပေါင်းပြီး ပိုခိုင်သွားတာပေါ့။ အခုနောက်ပိုင်း ဧရာဝတီအကြောင်းရေးကြတာ ပြောကြတာ များပေမယ့် ချင်းတွင်းနဲ့ ဧရာဝတီဆုံတဲ့ မြစ်ဆုံရဲ့ အပေါ်ဘက်မှာ ဘယ်မြစ်ကပိုကြီးသလဲ (တစ်နှစ်အတွင်းဘယ်မြစ်ကရေပိုစီးလဲ) ဆိုတာ မပြောနိုင်ကြတော့ ပိုပြီးခံစားရပါတယ်။
ချင်းတွင်းကိုပိတ်ပြီးရေအားလျှပ်စစ်ထုတ်မယ့် ထမံသီစီမံကိန်းဆိုတာ ကျွန်တော်တို့ကြားဖူးနေတာ နှစ်ပေါင်းငါးဆယ်လောက်ရှိနေပါပြီ။ တိုင်းထွာလိုက်၊ဒီဇိုင်းထုတ်လိုက်လုပ်နေတာလဲ ဆယ်စုနှစ်သုံးခုလောက်ရှိနေပြီထင်ပါရဲ့။ ဘယ်သူမှ ကန့်ကွက်ကြတာလဲ မကြားခဲ့ဖူးပါဘူး။ မြန်မာနိုင်ငံရဲ့ အသည်းနှလုံးမဟုတ်လို့လား။ ချင်းတွင်းရဲ့ မြစ်လက်တက် ဥရုမြစ်လဲ ပျက်နေတာကြာပါပြီ။
ဘယ်သူမှ မအော်ကြပါဘူး။ မြစ်ကိုလာဖျက်နေတာ ဗမာပြည်ကတက်လာပြီး ရွှေတူး၊ကျောက်တူးနေတဲ့ ဗမာတွေမို့လို့ ထင်ပါရဲ့)။
ဧရာဝတီမြစ်ကြီးက မြန်မာနိုင်ငံရဲ့ အသည်းနှလုံးဆိုရင် သံလွင်တို့၊စစ်တောင်းတို့၊ ကုလားတန် တို့ကရောဘာတွေလဲ။ သရေခေတ္တရာယဉ်ကျေးမှုတို့ ပုဂံတို့ အင်းဝတို့ ဒေသတွေဆိုရင်သံလွင်မြစ်ဝက မုတ္တမတို့ သထုံတို့ စစ်တောင်းကမ်းပါးက တောင်ငူတို့ ပဲခူးမြစ်ဘေးက ဟံသာဝတီတို့ ဒဂုန်တို့ကတော့ မြို့ဟောင်းတို့ထားဝယ်တို့ ကကောအရေးမပါဘူးလား။ ဧရာဝတီမြစ်ကြီးအရေးပါတာမှန်ပါတယ်။ ဒါပေမယ့် ဧရာဝတီကို သိမ်မွှန်းလွန်းရင် ဗမာလူမျိုးကြီးကို ဗဟိုပြုတဲ့အတွင်းစိတ်တွေက ဖုံးမရပဲ ပေါ်လာခြင်းပဲလို့ ကျွန်တော်ခံစားရပါတယ်။ ကိုယ့်ခံစားချက်ကိုယ်ပြောတာပါ။ သူများတွေတော့မသိပါ။
ဧရာဝတီကို ကယ်တင်ကြလို့ အော်နေကြပြန်ပါပြီ။ တကယ်ဖြစ်နေတာက ဧရာဝတီကမှ ကယ်တင်ကြဖြစ်နေတာ မမြင်လို့ လား၊ ရေကြီးတာ၊သစ်တောတွေခုတ်ပြစ်လို့ဆိုတ မှန်ပုံရပါတယ်။
အင်္ဂလိပ်တွေ မြန်မာပြည်ကို သိမ်းကာစတုံးက ရေကြီးတော့လဲ ဒီလိုပဲပြောခဲ့တာပါပဲ။ ဒါပေမယ့် ကျွန်တော်မှတ်မိသမျှ သ်စတောတွေပြုန်းကုန်ရင် မိုးခေါင်မယ်လို့ ဆိုတာ မကြာသေးပါဘူး။ အခုတော့စံချိန်တင်တွေ တစ်ခုပြီး တစ်ခု ချိုးရင်းရွာချနေပါလား။ အယ်နှညိုလား လာနီညာလား ထားလိုက်ပါတော့။ မိုးလေ၀သပညာရပ်မှာ သေချာပေါက်ပြောလို့မရဘူးဆိုတာ သဘောပေါက်ပါတယ်။ သေချာပေါက်ပြောပြောနေတာ ခက်နေတာပါ။
ဧရာဝတီကို ကယ်တင်ရမှာလား ဧရာဝတီကို ထိန်းကွပ်ရမှာလား ရည်ရွယ်ချက်က ပီပြင်ဖို့လိုပါတယ်။ ဧရာဝတီက ရေကြီးချင်ရင်ကြီးလိုက် သောင်ထွန်းရင် ထွန်းလိုက်နဲ့နေတာကို ချိန်ညှိချင်ရင် လူသားတွေ အနေနဲ့ လုပ်လို့ရတာ လုပ်ခဲ့ကြတာက တာတမံတွေ ဆည်တွေ ဆောက်ဖို့ပါပဲ။ (သိကြားမင်းဆိုရင်တော့ တစ်မျိုးပေါ့) မိုးများတုန်းမှာ ရေလှောင်ထား မိုးမရွာတော့လွှတ်ပေးပေါ့. ဒါပေမယ့် အခုတော့ ဆည်တွေဆောက်ရင် မြစ်ကြီးပျောက်သွားမယ်လို့ တကယ်ပဲ စိုးရိမ်နေကြသူတွေကို ဘာကြောင့်ပညာရှင်တွေက ရေငုံနှုတ်ပိတ်နေကြသလဲ။
ရေအားလျှပ်စစ်အတွက်သုံးတဲ့ဆည်ဟာ စိုက်ပျိုးရေးအတွက်သုံးတဲ့ဆည်လို မဟုတ်ဘဲ သုံးသမျှရေဟာ ဒီမြစ်ထဲကို ပဲ ပြန်လွှတ်ရတယ်ဆိုတာကို ဘာကြောင့် မရှင်းနိုင်ရတာလဲ။ မြစ်ကမ်းပါးကို ရေတိုက်စားတယ်ဆိုတာ မြစ်ထဲမျာရေပြည့်ချိန်မှ ဖြစ်တာပါ။ အဲဒီအချိန်မှာ ရေအားလျှပ်စစ်ကြောင့်ဖြစ်ရတဲ့ ရေအနည်းအများပြောင်းလဲမှုဆိုတာ ရှိနေတဲ့ မြစ်ရေနဲ့စာရင်ဘာမှမပြောပလောက်ပါဘူး။ နွေရာသီရေနည်းနေချိန်မှာ ရေစီးမငိမ်
လို့ရေတိုက်စားရင်လဲ သောင်ခုံတွေကိုပဲ တိုက်စားမှာပါ။ မြစ်ဝကျွန်းပေါ်မှာ ဆားငန်ရေ၀င်မှာ စိုးရိမ်တယ်ဆိုတဲ့ ကိစ္စလည်းဒီသဘောပါပဲ။ ဆားငန်ရေ အဝေးဆုံး အများဆုံးဝင်တာ ဧရာဝတီမြစ်မကြီးမှာ
ရေအနည်းဆုံး အချိန်မှာပါ။ ဧရာဝတီ ရေအနည်းဆုံးဖြစ်နေကျကာလမှာ ရေချိုထပ်တိုးပေးရင် ဆားငန်ရေ၀င်တာ သက်သာသွားမယ်။ အခုတော့ ဘာကြောင့် ပြောင်းပြန်ပြောနေကြပါလိမ့်။
လူတွေကော သဘာဝတရားကို ဂရုမစိုက်သလိုနဲ့ လိုအပ်တဲ့တိုင်းတာမှု တွက်ချက်မှုတွေမပါဘဲ လိုအပ်တဲ့ အကာအကွယ်တွေမယူဘဲမြစ်ဆုံဆည်ကို တည်ဆောက်ခဲ့တာ ကျွန်တော်လဲ မကြိုက်ပါ။
အဲဒီတုန်းက EIA ကိုမြန်မာဘက် တာဝန်ယူလုပ်ခဲ့တဲ့ (အခုကွယ်လွန်သွားပြီဖြစ်တဲ့) ပုဂ္ဂိုလ်ဟာ ရင်းနှီးသူဖြစ်လို့ စကတည်းက မဟန်တာ သိခဲ့ပါတယ်။ နောက်ပိုင်းကိစ္စတွေကိုလည်းသိသင့်သလောက်
သိပါတယ်။ ဒါပေမယ့် ဧရာဝတီမို့လို့ ရေအားလျှပ်စစ်မထုတ်ရဘူး။ ဧရာဝတီမြစ်ပေါက်ဖွားရာ မြစ်လက်တက်နှစ်ခုမို့လို့ ဆည်မဆောက်ရဘူး။ ဒါထက်ပိုပြီး ဘယ်ဆည်မှ မဆောက်နဲ့တော့လို့ မျက်စိမှိတ်ပြီး
ငြင်းနေတာ မသင့်ဘူးထင်ပါတယ်။ ဧရာဝတီမြစ်လို ကမ္ဘာ့မြစ်ကြီးများ စာရင်းဝင်မြစ်ကိုမဆိုနဲ့ ဘီလူးချောင်းကို မိုးဗြဲဆည်မှာပိတ်ပြီး ရေအားလျှပ်စစ်ထုတ်နေတာ နှစ်၄၀ကျော်ခဲ့ပါပြီ။ အခုထက်ထိ လွိုင်ကော်
မြို့ကိုပါတ်ပြီး စိးဆင်းနေတုန်းပါပဲ။ လောပိတ ရေတံခွန်လဲရှိတုန်းပါပဲ။ ကယားပြည်နယ်က ပြည်နယ်သူ ၇၅ ရာခိုင်နှုန်းလောက်က ထင်းနဲ့ ထမင်းချက်နေရတုန်းပါပဲဒ အဲဒါက ပြသနာပါ။ အဲဒီလိုပြသနာတွေကို
သေသေချာချာထည့်မတွက်ဘဲ ဇွတ်ပြောနေရင်တော့ Intellectual Honesty မရှိကြဘူးလို့ ကျွန်တော်ခံစားရပါတယ်။
ကမ္ဘာ့ဘဏ်ဥက္ကဋ္ဌလုပ်ခဲ့တဲ့ ရောဘတ်မက္ကနာမာရဲ့ စကားတစ်ခုရှိပါတယ်။ You need a soft heart and a hard head to solve thedevelopment problems တဲ့။ နူးညံ့တဲ့နှလုံးသားရှိတာသိပ်ကောင်းပါတယ်။ ဒါပေမယ့် ပြသနာတွေကို ရှင်းရာမှာတော့ ခေါင်းမာမာနဲ့ပဲ လက်တွေ့ကျကျဖြေရှင်းဖို့လိုမယ်ထင်ပါရဲ့။
credit to the red
No comments:
Post a Comment