ဆရာဦးစိန်ဝင်း (born 1933, died 2006)
အသက်၇၃ မှာ ကျန်းမာရေး ကောင်း နေတုန်း ရုတ်တရက် နေမကောင်းဖြစ် ဆုံးပါးသွားတယ်။ အသက်ရှင်သေးရင်တော့ အခု အသက် ၈၆နှစ်ပေါ့။
.
တခါတလေ YTU နည်းပညာတက္ကသိုလ် ဆရာတွေ၊ ညွန်မှုး ညွန်ချုပ်တွေ၊ အရာရှိကြီးတွေ တွေ့ရင် အရမ်းစိတ်ပျက်တယ်။ သူငယ်ချင်း ပညာရေးဝန်ကြီးဌာန. DG ဖြစ်နေသူကို သွားတွေ့တော့.. ဘတ်ဂျတ်ကိစ္စပဲ အရေးတကြီး ကိုင်တွယ်နေတာ တွေ့တယ်။ ပညာရေး ဆိုင်ရာ အဆောက်အဦ၊ သင်ကြား ထောက်ကူပစ္စည်း တင်ဒါကိစ္စနဲ့ပဲ အလွန်ကြိုးစား လုပ်ကိုင်နေတာ သနားမိတယ်။ တက္ကသိုလ် ကျောင်းဆရာတွေ ပညာရပ်တိုးတက်အောင် ငွေမသုံးကြဘူး တဲ့။
.
မနှစ်ကတော့ YTU နောက်ဆုံးနှစ်ကျောင်းသားတွေ Field တလလောက်ဆင်းပြီး Thisis စာတန်း မလုပ်မနေရ ပြုစုပြီးမှ ဘွဲ့ပေးတာ စတင်တယ်။ ကျနော် ငယ်စဉ် ၁၉၈၀ ဒီဇင်ဘာကျောင်းပိတ်ရင် တတိယနှစ်က စပြီး Field ဆင်းရပေမဲ့ ဌာနဆိုင်ရာက ချီးထုပ်ကျောင်းသား ဆိုပြီး Attendent လူရှိရှိ၊ မရှိရှိ လက်မှတ်ထိုးပေးတဲ့ စနစ်ဆိုး အစဖြစ်ပါတယ်။ အခုတော့ တက္ကသိုလ် ဆရာမတွေ အကြီးစား ကလေးထိန်း တွေဖြစ်နေကြတယ်။ ထားပါတော့။
.
လျှပ်စစ်ကျောင်းသားများ ရဲ့ ဆရာများစွာထဲ ဆရာဦးစိန်ဝင်း နဲ့ ဆရာ ဒေါက်တာစန်းတင့် ၂ယောက်ကို ၂၀၀၀ပြည့် စင်ကာပူ တိုပါးရိုး ဘုန်းကြီးကျောင်းမှာ ပထမဆုံး ဆရာကန်တော့ပွဲ လုပ်ကြတယ်။ ဆရာဦးစိန်ဝင်း ကို USA ဆန်ဖရန်စစ္စကို RIT ဆရာပူဇော်ပွဲ သွားဖို့ ဘယ်လိုပြောပြော ဆရာကငြင်းဆန်တယ်။ စင်ကာပူ လာတာတောင် သူကိစ္စတွေ ရှိလို့ လာတာ။ အမေရိကား မှာ ဘာမှလုပ်စရာမရှိ၊ MS မက်ဆာချူးဆက် နေတုန်းက အစိုးရစကောလား မပူပင်ရပဲ နေခဲ့၊ လျှောက်လည်၊ နှစ်များစွာ ပျော်ခဲ့ပြီးသား အမေရိကား မသွားပါရစေနဲ့ ငြင်းဆန်တယ်။
.
ဒေါက်တာစန်းတင့် တယောက်ပဲ ၂၀၀၀ပြည့်နှစ် San Frsnsisco သွားပြီး ၊ လော့အိန်ဂျယ်၊ နယူးယောက်၊ ဝါရှင်တန် စတဲ့ မြို့ကြီးများစွာ ပျင်းအောင် လှည့်လည်ခဲ့ရတယ်။
.
§========
ထပ်ဖြည့် ရေးပါရစေ
စစ်အစိုးရလက်ထက် မှာ ဝန်ကြီး ရာထူးရသူတွေကတော့ အတော်ကံဆိုးသူတွေပဲ၊ အပယ်လွတ်အောင် သူတို့.. မနည်း ကုသိုလ်လုပ်ရပါမယ်။ ပညာရေးစနစ်ကို ဖျက်ဆီးတဲ့နေရာမှာ စစ်အာဏာရှင်အလိုကျ လုပ်ခဲ့ရလို့ အဲဒီကံဆိုးသူ ဝန်ကြီးများကို သနားမိတယ်။ (my view)
.
ဆရာဦးစိန်ဝင်းလို Good Attitude စကောလား၊ သမ္မာဓိရှိသူတွေ ကြံကြံခွှုံကြောင့်. အင်းစိန် RIT အင်းစိန်ဝင်းခြံကြီး ရောင်းစားမခံရတာပါ။ ..အခုထိ သမ္မာဓိကြီးတဲ့ ဆရာကြီးတွေကို အင်ဂျင်နီယာကောင်စီ ပျိုးထောင်သူများအဖြစ် နေရာပေးရပါမယ်။
.
ဆရာဦးစိန်ဝင်း ဟာ သမ္မာဓိကြီးတယ်။ အကျင့်သီလကောင်းတယ်၊ ပညာဥာဏ်ကြီးတယ်၊ မာနမကြီးဘူး၊ ကြက်ကြော်ထုပ်ကိုင် စာမေးပွဲမဖြေနိုင်လို့ လာတွေ့တဲ့ တပည့်ကို..ခင်ဗျား အပေါက်ဝ အထုပ် ချိတ်ထား၊ လူပဲ ဝင်လာခဲ့ လို့ ပြော ပြီး လက်ခံတွေ့ဆုံ တာပါ။ ကျောင်းပြီး BE ဘွဲ့ရများ သင်္ဘောသားများ လာကန်တော့ရင်တော့ အထုပ်ချန်ထားလို့ မပြောပါဘူး။ လက်ဆောင် လက်ခံပါတယ်။
.
သူ့ ဆရာသက်တမ်း ကျောင်းသားတယောက် သူ့ဘာသာကို၊ အမည်နဲ့ ခုံအမှတ်ရေး ဘာတလုံးမှ မဖြေတော့ Grade 1 ပေးရတယ်။ တခြားဘာသာတွေနဲ့ ပျှမ်မျှ Grade3 ရတော့ နှစ်တိုင်းအောင်သွားတယ်။ Finsl အထိ အဲဒီလိုလုပ်တာ Grade 0 (zero) ပေးပစ်လိုက်တာ ပါချုပ်က ဆရာဦးစိန်ဝင်းကို Grade1 ပေးဖို့ ခေါ်တွေ့တယ်။ တဘာသာ Grade 0 ဆိုင် ကျန်တဲ့ ၇ဘာသာ Grade5 ဂုဏ်ထူးရလဲ စာမေးပွဲ တနှစ်ကျပါတယ်။ အကျိုးကြောင်းပြောပြပြီး ဒီလူငယ် အလုပ်ခွင်ဘဝ တိုးတက်စေချင်လို စာမေးပွဲ ချလိုက်ရတာပါ လို့ ပါချုပ်ကို ရှင်းပြတယ်။ အဲဒီလူငယ် ဖိုင်နယ်မှာ ကျသွားတယ်။ နောက်နှစ်တော့ စာဖြေလို့ ဘွဲရသွားတယ်။ သင်္ဘောသားဖြစ်သွားပြီး လာကန်တော့ကြောင်း ပြောပြပါတယ်။
.
US တက္ကသိုလ်ကျောင်းသား ကတည်းက မိမိဖာသာ ရေဒီယိုလုပ်တယ်။ အဲဒီခေတ်က ၁၉၅၅လောက်က ရေဒီယို ပိုင်တဲ့ခေတ်ပါ။
RIT အီလက်ထရွန်းနစ် ကျောင်းသားတွေရဲ့ SPARK (နောက်ပိုင်း Dr.ဝင်းတင် ဦးဆောင်တဲ့ အသင်းကိုလဲ ဆရာဦးစိန်ဝင်း စတင်ခဲ့တာပါ။ လျှပ်စစ် EP ကျောင်းသားတွေအတွက် မိုးကြိုး လျှပ်စစ်အသင်းကိုလဲ ဆရာဦးစိန်ဝင်းတို့ စတင်ခဲ့တာပါ။ နောက်ပိုင်း မိုးကြိုး လုပ်ငန်းတွေမှာ ပညာရှင် ဆရာဦးကလဲမင့် အရေးပါလာတော့ လူတော်လူကောင်း ဆရာဦးကလဲမင့် အကြောင်းလဲ ရေးချင်ပါသေးတယ်။ မိုးကြိုး မှာတော့ ဆရာနောက်ဆုံးအချိန်ထိ ကူညီလုပ်ပေးသွားပါတယ်။
.
ရေကူးခြင်းကို ဝါသနာပါပေမဲ့ အသက်၆၅ကျော်လာတော့ လမ်းလျှောက်တာ အကောင်းဆုံး လို့ ပြောတယ်။ မနက်တိုင်း လမ်းလျှောက်တယ်။ ငယ်စဉ်က တက္ကသိုလ်များ ရေကူးကန် ကူးတယ်။ ငပလီမှာ စကူဗာဒိုက်ဗင် ရေငုတ် အာဏဝါဗေဒ ဝါသနာပါတယ်။ လှေလှော်ရွက်တိုက်လဲ ဝါသနာပါတယ်။
.
အင်းယားကန် အနားမှာ ခြံကြီးနဲ့ နေတော့ မျိုးရိုးက ပညာရှင် ငွေကြေးမပူပင်ရသူပါ။ အိမ်ရှေ့မှာ ပေ ၁၀၀လောက် ကြိုးနဲ့ ဆွဲရင် ခေါင်းလောင်းမြည်ပြီး ဆရာဦးစိန်ဝင်းကိုယ်တိုင် ထွက်ကြိုပါတယ်။
.
သူ့ သားသမီးတွေလည်း မိဘ လူတော်လူကောင်း ဆိုတော့ ဆရာဝန်၊ ပညာရှင်တွေ ဖြစ်လာပါတယ်။ သူ့အစ်ကိုကြီး ရန်ကုန်ကလေးဆေးရုံအုပ်ကြီး ဦးတင်ဦး ဖြစ်ပြီး၊ ညီအစ်ကို (၃ဦး ထင်တယ်) သမာဓိကြီးတဲ့ ပညာရှင်ကြီး ၃ဦးစလုံး ၂၀၀၆ မှာပဲ ရှေ့ဆင့်နောက်ဆင့် ကွယ်လွန်သွားပါတယ်။
.
ရေးမကုန်ပါ။ အဲဒီလို ဆရာကြီးတွေနဲ့ သွားလာရတာ ငွေမချမ်းသာပေမဲ့ စိတ်ချမ်းသာပါတယ်။ တခါတလေ စားဝါးဖို့ ခရိုနီတွေ လက်ကိုင်ဒုတ်ဖြစ်နေတဲ့ ဆရာကြီးတချို့.. ချမ်းသာကြီးပွား ကုမဏီပိုင်ရှင် သူဌေးကြီး ဖြစ်နေပေမဲ့ မကြာခင် အဲဒီလို လူတွေလဲ ပြောင်းလဲလာတော့မယ် လို့ ယုံကြည်ပါတယ်။
ရှည်သွားပါပြီ။ မြတ်ဆရာ ဦးစိန်ဝင်းလို ဆရာတွေ အများကြီးရှိပါကြောင်း...
===========
.
ဆရာဦးစိန်ဝင်း ကတော့ တကယ့်ကျောင်းဆရာပဲ၊ သူ့ ကိုယ်ရေး တမျက်နှာ ကို အထူးသဖြင့် ဆရာ့ချစ်ဇနီးသည်ကို မေးမြန်းပြီး၊ တခြားမိတ်ဆွေတွေ ရဲ့ အီးမေးများ (ဆန်ဖရန်စစ္စကိုက ဆရာဦးလှမင်း ၊ ကိုအောင်မြင့်ဦး၊ ဦးလှကြည် စတဲ့မိတ်ဆွေများ ရဲ့ အီးမေးများ)၊ ဆရာကြီးကိုယ်တိုင် ပြောပြချက်များကို အခြေ ခံ ပြီး ပြုစုခဲ့တာပါ။
.
ကျနော် ဆရာဦးစိန်ဝင်းကို စင်ကာပူတခွင် လိုက်ပို့ဆောင်ပေး ရာမှာ ကျနော်အလုပ်လုပ်တဲ့ CSM, ယခု Global Foundry အစိုးရပိုင်တဲ့ ဆီမီးကွန်ဒတ်တာ စက်ရုံထဲ Clean Room ဝတ်စုံ ဝတ်ဆင် လိုက်ပြ ခဲ့ ဖူးတယ်။ ကျနော် RIT Final 1984 မှာ တခြားဘာသာ အားလုံး အောင်ပေမဲ့ ဆရာဦးစိန်ဝင်း ရဲ့ ခက်ခဲတဲ့ ဘာသာ အမှတ်၄၀ တောင်မရလို့ တနှစ်ကျဖူးလိုက်တယ်။ နောက်နှစ် Ec 1985 ဖြစ်သွာတယ်။ ဆရာကတော့ စာမေးပွဲ မဖြေနိုင်သူကို ချမယ်။ မော်ဒရေးရှင်းအဖွဲ့က ကျသူများလို့ အမြဲ အအောင်ပေးရတယ်။ အခုခေတ်လဲ ကျသူ များနေဆဲပါပဲ။
.
နောင် တခေတ် YTU ဆရာများလည်း လစာ၊ ပညာရေး အခွင့်လမ်း ၊ ပညာသင်ဆု များစွာ ရရှိကြပါစေ၊ ရအောင်လဲ အစိုးရ ဘတ်ဂျတ် တွေ ရကြပါစေ၊ နောက်ဆုံး မိမိဖာသာ ကြိုးစားပြီး အမေရိကန် ပညာသင်ဆု Master, PhD ပညာသင်ဆုတွေ မိမိဖာသာ ရရှိအောင် ကြိုးစား ရရှိဖို့ မျှော်လင့်ပါတယ်။
.
ဆရာကြီး ဦးစိန်ဝင်းက မျိုးဆက်သစ် သားသမီးများကို ပညာတတ် ဖြစ်ရုံသာမက၊ သူလိုပဲ ဘုရားတရား နဲ့ နေတတ်အောင် ပျိုးထောင်ပေးခဲ့တာ သတိထားမိပါတယ်။
MZA
31March 2019
.
ပုံ
၁။ ဆရာဦးစိန်ဝင်း တမျက်နှာ Bio
၂။ မတ်လ ၂၀၁၉ မြန်မာအင်ဂျင်နီယာကောင်စီ မှ ဂုဏ်ထူးဆောင် ပြည်ထောင်စုဝန်ကြီး ၁၀ယောက် ပုံများ။ .. ပညာထူးချွန်မှု ဦးစားမပေးပဲ အာဏာ-ငွေ ထူးချွန်သူများ ဓာတ်ပုံတွေ အပေါ်ထိပ်ကို ရောက်နေတဲ့ ပုံဖြစ်ပါတယ်။
No comments:
Post a Comment