အမေရိကန်သမ္မတအိုဘားမားစတိုင် အင်ဒိုနီးရှားခေါင်းဆောင် (၂၀၁၈)

အမေရိကန်သမ္မတအိုဘားမားစတိုင် အင်ဒိုနီးရှားခေါင်းဆောင် (၂၀၁၈)
မြန်မာနိုင်ငံ သမ္မတများ နဲ့ အင်ဒိုနီးရှား … လက်ရှိ မြန်မာနိုင်ငံ ကတော့ ပြုပြင်ပြောင်းလဲရေး ၂၀၁၁ မှာ ဦးသိန်းစိန် (စစ်ဗိုလ်ချုပ်ဟောင်း) တက်ပါတယ်။ ၂၀၁၅ ရွေးကောက်ပွဲမှာ ဒေါ်အောင်ဆန်း စု ကြည် ခေါင်း ဆောင် တဲ့ အင်အယ်ဒီ ပါတီ အပြတ် အသတ် အနိုင် ရရှိ ပြီး၊ သမ္မတ ဦး ထင် ကျော် ဖြစ် လာပါတယ်။ အာဏာ အပြည့် ရှိ တဲ့ သမ္မတ အထက် က ဒေါ် အောင် ဆန်း စု ကြည် ပဲ ခေါင်း ဆောင် ပါတယ်။ ၂နှစ် အကြာမှာ ပြည်သူ့ လွှတ်တော် ဥက္ကဌ ဦးဝင်းမြင့် နိုင်ငံ တော် သမ္မတ ဖြစ်လာ ပါတယ်။ ဒေါ် အောင် ဆန်း စု ကြည် က စစ်တပ် နဲ့ အာဏာ ခွဲဝေ အုပ်ချုပ် ရတဲ့ အခြေခံ ဥပဒေ အရ၊ စစ်တပ် က အစိုးရ ကို ထိန်းကြောင်း တဲ့ ၂၅% တပ်မတော်သား များ ပါဝင်တဲ့ အစိုးရ အဖွဲ့ကို ခေါင်းဆောင် ရတဲ့ အခါ အထူးသဖြင့် ရဲတပ်ဖွဲ့၊ တရားရေးဌာန၊ ထွေအုပ်ဌာန စတဲ့ ပြည်တဲရေးဌာန ကို စစ်တပ်က ကိုင်တွယ်ထားပါတယ်။ တိုင်းရင်းသား လက်နက်ကိုင် များကလဲ မြန်မာနိုင်ငံ ရဲ့ ၃ပုံတစ်ပုံ နယ်မြေတွေကို ကြီးစိုးထား ပါတယ်။ ငြိမ်းချမ်းရေး လဲ ခက်ခဲ ပါတယ်။
.
အင်ဒိုနီးရှား နိုင်ငံသမ္မတ ကတော့ အာဏာ အပြည့် အ၀ ရှိပါတယ်။ စစ် တပ်က အစိုးရအဖွဲ့ နဲ့ လွှတ်တော် က လုံးဝ ထွက်ခွာ သွားပေမဲ့ စစ်တပ် ကြဇာ ရှိနေဆဲ ဖြစ်ပါတယ်။ ၂၀၁၄ ရွေးကောက် ပွဲမှာ ပြည်သူလက်ခံတဲ့ စစ်ဗိုလ်ချုပ်ဟောင်း များနဲ့ ပြိုင်ရလေ့ ရှိပါတယ်။

အင်ဒိုနီးရှားနိုင်ငံတွင်  ၅နှစ်တစ်ကြိမ် သမ္မတရွေးကောက်ပွဲ လုပ်ပါတယ်။ အမေရိကန်နိုင်ငံကဲ့သို့ ပါတီများက သမ္မတလောင်းကို ရွေးချယ်ရပတယ်။ ပြည်သူလူထု မဲဆန္ဒခံယူပွဲလုပ်ပြီး၊ မဲတစ်ဝက်ကျော်ရသူကို သမ္မတအဖြစ် ရွေးခံရပါတယ်။ သို့မဟုတ်ရင် မဲအများဆုံးရတဲ့ ထိပ်ဆုံး၂ဦး ထပ်ပြိုင်ရပါတယ်။ မြန်မာသမ္မတ ရွေးပွဲမှာ တစ်မူထူးပါတယ်။ ဒု-သမ္မတ(၃)ဦးကို စစ်တပ်နှင့်လွှတ်တော်၂ခုက ရွေးပြီး ထိုအထဲမှ တစ်ယောက်ကို မဲပေးရွေးစနစ်ပါ။ ပြည်သူများက သမ္မတ တိုက်ရိုက် ရွေးချယ်ခွင့်မရှိပါ။ တရုပ်နိုင်ငံ ပုံစံ သမ္မတရွေးကောက်ပွဲဖြစ်ပါသည်။

မြန်မာနိုင်ငံ ဖွဲ့စည်းအုပ်ချုပ်ပုံ အခြေခံ ဥပဒေ မှာ စစ်တပ် ၂၅% ပါဝင်မှုကို ပြင်လို့ မလွယ်အောင် ရေးဆွဲ ထားလို့၊ ဒေါ်အောင် ဆန်း စု ကြည် က သမ္မတ အထက် က အုပ် ချုပ် နေရတဲ့ အခြေ အနေ ဖြစ် ပါတယ်။
.
.
အင် ဒို နီး ရှား နိုင်ငံ နဲ့ သမ္မတ ဂျိုကိုဝီ
၎နှစ် အကြာမှာ အင်ဒိုနီး ရှား နိုင်ငံ ရဲ့ စီးပွားရေး အတွက် သမ္မတ သစ် အနေနဲ့ အင်ဖရာ စထရပ်ချာ Infra-Structures တွေကိုပဲ အဓိက ထား ပြုပြင် ပြောင်းလဲ ပါတယ်။ အဂတိ တိုက်ဖျက်ရေး အားပေး ပြီး၊ အဂတိ လိုက်စား သူများနဲ့ အတူ တွဲလုပ် နိုင်သူ ဖြစ်တဲ့ အတွက် နိုင်ငံ တော် ဘဏ္ဍာ များကိုး ၊ ဒေါ်လာ ဘီလျံ များစွာ ကုန်ကျတဲ့ စီမံ ကိန်း ကြီးများ ကို အလေလွင့် မရှိ အောင်၊ အဂတိနည်းပါး အောင် လုပ်ဆောင်မှု များ ဖြစ်ပါတယ်။
.
သမ္မတ အနေ နဲ့ အခြေခံ အဆောက်အဦ များဖြစ်တဲ့ လမ်းတံတား၊ လေဆိပ်၊ ရေနံပိုက်လိုင်း၊ လျှပ်စစ်၊ မြို့ပြ ဖွံ့ဖြိုးရေး၊ ကျေးလက်ဖွံ့ဖြိုးရေး လုပ်ငန်းများ လုပ်ဆောင်ရာမှာ နိုင်ငံခြား ရင်းနှီးမြှတ် နှံမှု များစွာ လာရောက်ဖို့ ကြိုးစားရ ပါတယ်။ အဝေးပြေး လမ်းမ ကြီးများ၊ အမြန် ရထားလမ်းများ၊ လေဆိပ်များ၊ သင်္ဘောဆိပ်များ ကို ပြည်သူလူထု အချေတင် ပြောဆိုတဲ့ နည်းလမ်း နဲ့ အကြံ ဥာဏ် ရယူ လုပ် ဆောင် ပါတယ်။
.
အခွန်လွတ်ငြိမ်းခွင့် ဥပဒေကို သေချာစွာ ညှိနှိုင်း အကြံဥာဏ် ယူပြီးတော့ အတည်ပြုပါတယ်။ အခွန် လွတ်ငြိမ်းခွင့် ပေးပြီးတဲ့ နောက်မှာ သွင်းကုန်၊ ထုတ်ကုန်များ ဥပဒေများကို လက်တွေ့ အကောင်ထည် ဖော်ပါတယ်။ ဒီ အခွန် လွတ်ငြိမ်း ခွင့် ဥပဒေက အင်ဒိုနီးရှား သမိုင်းမှာ အကြီးအကျယ်ဆုံး အောင်မြင်တဲ့ ဥပဒေဖြစ်ပါတယ်။ အင်ဒိုနီးရှား နိုင်ငံသား သူကြွယ်များစွာ ရဲ့ အမေရိကန်ဒေါ်လာ ၃၆၆ ဘီလျံ နဲ့ ညီမျှတဲ့ အင်ဒိုနီးရှား ငွေများစွာ အခွန်လွတ်ငြိမ်းငွေ များ အဖြစ် ပေါ်ထွက်လာ ပါတယ်။ တနည်း အားဖြင့် ငွေမဲ များစွာ ငွေဖြူများအဖြစ် တရားဝင် ဖြစ်လာ စေပါတယ်။ အဲ ဒီ ငွေများကို နိုင်ငံ သူကြွယ်များ တရားဝင် အခွန်ဆောင်ပြီး စီးပွားရေး လုပ်ငန်းများစွာ လွတ်လပ်စွာ လုပ်နိုင် လာပါတယ်။
.
နိုင်ငံခြား ရေးရာ ပေါ်လစီမှာ အင်ဒိုနီးရှား လွတ်လပ်စွာ ဆုံးဖြတ်နိုင်ရေး ကို ကာကွယ်တဲ့ မူဝါဒ ဖြစ်ပါတယ်။ တရားမ၀င် ငါးဖမ်း သင်္ဘောများ၊ မူးရစ်ဆေးဝါး ရောင်းဝယ်သူများကို သေဒဏ်ပေးမှု ကို သြစကြေးလျ၊ ပြင်သစ် စတဲ့ အစိုးရများက သူတို့ နိုင်ငံသား များ ပြစ်ဒဏ် ပေးခံရလို့ ၀င်ရောက် ဖိအားပေးမှု ခံရပါတယ်။ သမ္မတ ဂျို ကို ၀ီ ရဲ့ ပြည် သူ လူထု ထောက်ခံ မှု က မြင့် မား နေဆဲ ဖြစ်ပါတယ်။ ဒါကြောင့် ၂၀၁၉ သမ္မတ ရွေး ကောက် ပွဲ မှာ ပြန်လည် အရွေး ခံ ရမယ် လို့ ရေ ပန်း စား နေဆဲ ဖြစ်ပါ တယ်။
.
.
သမ္မတ ဂျို ကို ၀ီ ရဲ့ သမ္မတ ဘ၀၊ ခယောင်းလမ်း
သူဟာ လူဦးရေ ၅သိန်း ရှိတဲ့ ရှေးဟောင်း Surakarta မြို့တွင် မှာ မွေးဖွားလာတဲ့ အခြေခံ လူတန်းစား တစ်ဦး ဖြစ်ပါတယ်။ သစ်တော အင်ဂျင်နီယာ ဘွဲ့ ရရှိပြီး၊ ကိုယ်ပိုင် ပရိဘောက လုပ်ငန်း လုပ်ကိုင်ရာမှာ အောင်မြင်ခဲ့ပါတယ်။ အနောက်နိုင်ငံ၊ ဥရောပ အထူးသဖြင့် ဂျာမဏီ နိုင်ငံကို မကြာခဏ သွားလာရင်း မိမိ မြို့တော် ကိုလဲ အလားတူ တိုးတက် စေလိုတဲ့ စေတနာ၊ စိတ်ထားများ တဖွား ဖွား ပေါ်ပေါက် ခဲ့ပါတယ်။ Surakarta မြို့တော်ဝန် အဖြစ် ရွေး ကောက်ပွဲ အောင်နိုင်ခဲ့ပြီး မြို့တော်ဝန် ဖြစ်လာပါတယ်။ ၈နှစ်ကျော် ရှေးဟောင်း မြို့ လေးကို ကမ္ဘာ့ အသိအမှတ် ပြု မြို့လေး အဖြစ် အောင်မြင်စွာ လုပ်ဆောင် နိင်ခဲ့ပါတယ်။
.
ဂျာကာတာ မြို့တော် ၀န် အဖြစ် ထပ်မံ အရွေးခံရပြီး တနှစ် အကြာမှာ နာမည်ကြီး PDI ပါတီရဲ့ ခေါင်းဆောင် (သမ္မတဟောင်း) မဂါဝတီ Megawati Sukarnoputri  က သူ့ကို သမ္မတ လောင်းအဖြစ် ရွေးချယ် ပါတယ်။ ၂၀၁၄ အင်ဒိုနီးရှား သမ္မတ ရွေးကောက်ပွဲ မှာ စစ်တပ် နာမည်ကောင်းရှိသူ သူကြွယ် ဗိုလ်ချုပ်ကြီးဟောင်း ပရာဗိုဝို ကို အကြိတ် အနယ် ယှဉ်ပြိုင်ပြီး အနိုင်ရရှိခဲ့ပါတယ်။ အင်ဒိုနီးရှားမှာ ပထမဆုံး အခြေခံ လူတန်းစား သမ္မတ ဖြစ်ပါတယ်။ ယခင် သမ္မတများကတော့ စစ်တပ်နဲ့ နိုင်ငံရေးသြဇာ အသိုင်းအ၀ိုင်း Elite များသာ ဖြစ်ခဲ့ပြီး၊ ဂျို ကို ၀ီ ကတော့ ပြည်သူ လူထု ကြားက ပေါ် ထွက် လာသူ သမ္မတ ဖြစ်ပါတယ်။

သမ္မတ ဂျို ကို ၀ီ အစိုးရက အထူးသဖြင့် ပြည်သူ လူထု အကြား သွားလာ၊ အကြံဥာဏ် ရယူ၊ လူထုနဲ့ အတူ၊ ပြည်သူနဲ့ အတူ လုပ်ကိုင်နိုင်ခြင်း၊ အဂတိ ထူပြောတဲ့ အင်ဒိုနီးရှား အစိုးရ ယန္တရားကြီး နဲ့ စီးပွားလုပ် ငန်း ရှင်ကြီးများကို သဟာဇာတ ဖြစ်အောင်၊ တနည်းအားဖြင့် လူတွေကို ပြုပြင် ပြောင်းလဲ ဖို့ သူကိုယ်တိုင် နဲ့ သူ့ မိသား စု က စံပြ နမူနာ အဖြစ် နေထိုင်၊ ကျင့်ကြံ အုပ်ချုပ် ခြင်း ဖြစ်ပါတယ်။ သူ့ရဲ့ သားသမီး၊ ဆွေမျိုး များကို အစိုးရ တင်ဒါ၊ ကန်ထရိုက်များ မလုပ် ကိုင်ကြခြင်း က အလွန် အရေးကြီး တဲ့ အဂတိ တိုက်ဖျက် ရေး ဖြစ်ပါတယ်။
.
.
///////// ၂၀၁၄ ဆောင်းပါး ၂ပုဒ် /////////
အမေရိကန်သမ္မတအိုဘားမားစတိုင် အင်ဒိုနီးရှားခေါင်းဆောင် (၂၀၁၄)
JOKOWI ပိုစတာဖြစ်ပါသည်။ အင်ဒိုနီးရှား၊ လက်ရှိ ဂျာကာတာမြိုတော်ဝန် ဂျိုကိုဝီ ဟု လူသိများပြီး၊ အင်ဂျင်နီယာတစ်ဦးလဲ ဖြစ်ပါသည်။

လောလောဆယ် ၁၃ ဇန္နဝါရီ ၂၀၁၄ ဂျာကာတာ ရေလွှမ်းမိုးကာ အိမ်ပေါင်း ၇ထောင်ကျော် ရေမြုတ်နေပြီး၊ လူပေါင်း ၂၅၀၀၀ ရေဘေးဒုက္ခရောက်နေပါသည်။  “ ရေဆီးတားတွေ ပြင်ဖို့ ယန္တရားကြီးတွေနှင့် လုပ်နေပါတယ်။ မြစ် ၁၃ခု မြို့ထဲစီးဝင်တဲ့ ရေတွေဖြစ်ပါတယ်။ ရေရှည်မှာ ဒါမျိုးမဖြစ်အောင် အနီးနားက သစ်လုပ်ငန်းများက သစ်တောခုတ်လှဲများ ရပ်ဆိုင်းပြီး စိမ်းလန်းတဲ့ သစ်တောဖြစ်ဖို့ အစိုးရ၏ အကူညီလိုပါတယ်။  မြို့သူမြို့သားများလဲ မြောင်းများ မပိတ်ဆို့ဖို့ အမှိုက်စနစ်တကျပစ်ဖို့ လိုပါတယ်…” ဟု မြို့တော်ဝန် ဂျိုကိုဝီ ကပြောပါသည် ။  ဒါတွေ လုပ်ဖို့ ဂျာကာတာမြို့အဖွဲ့နှင့်မရပါ၊ ဗဟိုအစိုးရလည်း ပူးပေါင်းလုပ်ဆောင်ပေးဖို့ လိုကြောင်း ပြောပါသည်။ ရေစုတ်ပန့်များစွာ အလုပ်လုပ်လျှက်ရှိကြောင်း၊ ဂျာကာတာ မြို့နယ်ပေါင်း ၃၁ ခုမှာ ရေကြီးနေကြောင်း၊ ဂျာကာတာ ရဲဌာနမှ သတင်းထုတ်ပြန်ပါတယ်။

သူ့ကို ဂျာဗားကျွန်းအလယ်က လူဦးရေ၅သိန်းခန့်ရှိသော ရှေးဟောင်ြး

JOKOWI ပိုစတာဖြစ်ပါသည်။ အင်ဒိုနီးရှား၊ လက်ရှိ ဂျာကာတာမြိုတော်ဝန် ဂျိုကိုဝီ ဟု လူသိများပြီး၊ အင်ဂျင်နီယာတစ်ဦးလဲ ဖြစ်ပါသည်။

လောလောဆယ် ၁၃ ဇန္နဝါရီ ၂၀၁၄ ဂျာကာတာ ရေလွှမ်းမိုးကာ အိမ်ပေါင်း ၇ထောင်ကျော် ရေမြုတ်နေပြီး၊ လူပေါင်း ၂၅၀၀၀ ရေဘေးဒုက္ခရောက်နေပါသည်။  “ ရေဆီးတားတွေ ပြင်ဖို့ ယန္တရားကြီးတွေနှင့် လုပ်နေပါတယ်။ မြစ် ၁၃ခု မြို့ထဲစီးဝင်တဲ့ ရေတွေဖြစ်ပါတယ်။ ရေရှည်မှာ ဒါမျိုးမဖြစ်အောင် အနီးနားက သစ်လုပ်ငန်းများက သစ်တောခုတ်လှဲများ ရပ်ဆိုင်းပြီး စိမ်းလန်းတဲ့ သစ်တောဖြစ်ဖို့ အစိုးရ၏ အကူညီလိုပါတယ်။  မြို့သူမြို့သားများလဲ မြောင်းများ မပိတ်ဆို့ဖို့ အမှိုက်စနစ်တကျပစ်ဖို့ လိုပါတယ်…” ဟု မြို့တော်ဝန် ဂျိုကိုဝီ ကပြောပါသည် ။  ဒါတွေ လုပ်ဖို့ ဂျာကာတာမြို့အဖွဲ့နှင့်မရပါ၊ ဗဟိုအစိုးရလည်း ပူးပေါင်းလုပ်ဆောင်ပေးဖို့ လိုကြောင်း ပြောပါသည်။ ရေစုတ်ပန့်များစွာ အလုပ်လုပ်လျှက်ရှိကြောင်း၊ ဂျာကာတာ မြို့နယ်ပေါင်း ၃၁ ခုမှာ ရေကြီးနေကြောင်း၊ ဂျာကာတာ ရဲဌာနမှ သတင်းထုတ်ပြန်ပါတယ်။

သူ့ကို ဂျာဗားကျွန်းအလယ်က လူဦးရေ၅သိန်းခန့်ရှိသော ရှေးဟောင်းမြို့တော် Surakarta မြို့တွင် ၁၉၆၁ မွေးဖွားခဲ့ပါသည်။ ယခု ၅၂ နှစ်အရွယ်ဖြစ်သည်။ ၁၉၈၅  သစ်တောဆိုင်ရာ၊ အင်ဂျင်နီယာဘွဲ့ရရှိပြီး နောက်ပိုင်း ကုမ္ပဏီအလုပ်၊ အိမ်ထောင်ပရိဘောဂ စီးပွားရေးလုပ်ငန်းများ အောင်မြင်စွာ လုပ်ခဲ့ပါသည်။  ဆူကရာတာမြို့ဝန် ရာထူး အတွက် သူ့ကို ယှဉ်ပြိုင်စေရာမှာ အနိုင်ရရှိပြီး ၂၀၀၆ ဆူကရာတာမြို့ဝန်ဖြစ်လာပါသည်။ သာမန် လုပ်ငန်းရှင်တစ်ဦး မြို့ဝန်တာဝန်ကို ထမ်းဆောင်နိုင်ပါ့မလား သံသယဖြစ်ခဲ့ကြသည်။ လက်ရှိ အင်ဒိုနီးရှားသမ္မတ ယူဒိုယိုနို မြို့ဝန်လုပ်ခဲ့ဖူးသော မြို့လည်းဖြစ်ပါသည်။ သူတာဝန်ယူပြီး မကြာခင် သူ့၏ အရည်အချင်များကို တွေ့လာရပါသည်။ သူ လုပ်ငန်းရှင်အဖြစ် ဥရောပမြို့တော်တော်များများကို ရောက်ခဲ့စဉ်က  ထိုမြို့များ၏ ဖွံ့ဖြိုးရေး လုပ်ဆောင်မှု နမူနာများစွာအတုယူပြီ ဆူကရာတာမြို့အတွက် သင့်လျှော်အောင် ကော်ပီ လုပ်ဆောင်စေပါသည်။ သူ နိုင်ငံခြား သွားလာနေစဉ်ကာလ သူများနိုင်ငံမှာ ဘယ်လိုလုပ်ကိုင်သည်ဆိုတာ သေသေချာချာ လေ့လာ၊ ဆည်းပူးခဲ့ပါသည်။ ထိုကဲ့သို့လေ့လာပြီး မှတ်တမ်းတင်မှုများသည် သူကိုယ်တိုင် မြို့တော်ဝန် ဖြစ်လာချိန်တွင် လက်တွေ့ကျင့်သုံး၊ အကောင်ထည်ဖေါ်နိုင်ခဲ့ပါသည်။ သူသည် ယခင် အင်ဒိုနီးရှားခေါင်းဆောင်များလို ဟိတ်ဟန်မရှိ၊ ပုံစံခြားနားပါသည်။ ပြည်ထုနှင့် တွေ့ဆုံပွဲများတွင် လူငယ်များက ဂျိုကိဝီ လက်ကိုဆွဲပြီး သူတို့ခေါင်းပေါ်တင်ကြပါသည်။ အင်ဒိုနီးရှားစတိုင် လူငယ်တွေက လူကြီးကိုလေးစားကြောင်း ပြခြင်းဖြစ်သည်။

● ဆူရာကာတာမြို့ဝန်အဖြစ် မှတ်တမ်းတင်လုပ်ဆောင်မှုများ

– သူ့မိသားစုကို မြိုတော်၏ ကန်ထရိုက်တွင် လုံးဝ၊ တင်ဒါမဆွဲခိုင်းပါ။ အဂတိလိုက်စားမှုမရှိ၊ သန်ရှင်းခြင်း။

– မြို့၏ ရိုးရာမပျက် ဈေးကြီးတည်ထောင်ပေးခြင်း၊ ဈေးဆိုင်များမှာ ရှေးဟောာင်းပစ္စည်းဆိုင်၊ အိမ်သုံးပစ္စည်းဆိုင်များပါဝင်ပါသည်။

– မြို့လည်ခေါင် လမ်းမတွေကြား လူများလမ်းလျှောက်ဖို့ ၃မီတာကျယ်ပြီး၊ ၇မီတာရှည် လမ်းကိုတည်ဆောက်ပေးခြင်း

– မြို့၏ ပန်းခြံကြီးနှစ်ခုကို စည်ပင်သာယာ၊ လှပအောင် အပမ်းဖြေစခန်းအဖြစ် ပြုပြင်တည်ဆောက်ခြင်း

– မြို့ထဲမှ သစ်ပင်၊ သစ်ကိုင်းများ ခုတ်ခြင်းကို ဥပဒေဖြင့်တင်းကျပ်စွာ ထိန်းချုပ်ခြင်း

– “ဂျာဗားစိတ်ဓါတ်” ဆိုင်းဘုတ်နှင့် ဂျာဗာကျွန်းယဉ်ကျေးမှုကို မြှင့်တင်ပြီး၊ ကမ္ဘာလှည့်ခရီးသွားလုပ်ငန်း တိုးတက်စေခြင်း

– မြို့ကို ဆွေးနွေးပွဲများ၊ ကွန်ဗင်းရှင်းများ၊ ပြပွဲများ၊ ကြော်ငြာပွဲများ ဗဟိုအဖြစ် မြှင့်တင်ပေးခြင်း

– သူကိုယ်တိုင် မြို့အနှံ့အပြားအရောက်သွားပြီး၊ ဒေသခံလူများ၏ လိုအပ်ချက်နှင့် အပြစ်တင်ခြင်းကို ကိုယ်တိုင်နားထောင်ခြင်း

– ကျန်းမာရေးအာမခံ ထားခြင်းကို မြို့သူ၊ မြို့သား အားလုံး ပါဝင်စေခြင်း၊

– မြို့လူထု သယ်ယူပို့ဆောင်ရေးအတွက် ၂ထပ်၊ ဘတ်စ်ကားကြီးများ၊ မိုနို ရထားလမ်းများ ပြေးဆွဲစေခြင်း

– Solo Techno Park စက်မှုဇုံတစ်ခု တည်ဆောက်ပြီး အင်ဒိုနီးရှားလုပ်၊ မော်တော်ကားများကို မြှင့်တင်ပေးခြင်း တို့ဖြစ်ပါသည်။

“Solo: The Spirit of Java”  ဆိုင်းဘုတ် အောင်မြင်စွာ၊ လုပ်ဆောင်ခဲ့ပါသည်။ မြို့ထဲမှာရှိသော အဟောင်းပစ္စည်း၊ ဈေးဆိုင်အားလုံး မြို့ပြင် ဥယဉ်တခုဆီရွှေ့ခြင်းကို တဖြေးဖြေး၊ ညင်သာစွာ ရွှေ့ပြောင်းပေးခဲ့ပါသည်။ မြို့ကြီးများအင်္ဂျါနှင့် အညီ မြို့လည်မှာ သစ်ပင်များ စိမ်းစိမ်း၊ စိုစို စိုက်ထားဖို့ နေရာများကို ဖန်တီးခဲ့ပါသည်။ မြို့လည်ခေါင်လည်း ပြန်လည် စိမ်းလန်းစိုပြေ လာပါသည်။ မြို့ကမ္ဘာ့အဆင့်မီ ပြုပြင်ပြောင်းလဲရေးအတွက် စီးပွားရေးသမားများပါဝင်လာရာတွင် မမှန်ကန်သော ရင်းနှီးမြှတ်နှံမှုများကို မြို့ကန်ထရိုက်လုပ်ငန်းများမှ ထုတ်ပယ်ပစ်ပါသည်။ မကြာခင် ၂၀၀၆ခုနှစ်မှာ ဆူကရာတာမြို့ကို ကမ္ဘာ့ယဉ်ကျေးမှုအမွေခံမြို့များအဖွဲ့အစည်း Organization of World Heritage Cities ၏ အသင်းဝင်အဖြစ် လက်ခံခဲ့ပါသည်။ ထို့နောက် ကမ္ဘာ့အဖွဲ့အစည်း၏ ပွဲတော်ကြီးများ ဆူကရာတာမြို့မှာ ကျင်းပခဲ့ပါသည်။ ၂၀၀၈မှာ ကမ္ဘာတေးဂီတပွဲတော်ကြီးကို ကျင်းပနိုင်ခဲ့ပါသည်။ မြို့၏ သမိုင်းဝင်မှတ်တမ်းတင်နေရာများကို မြှင့်တင်ပေးပြီး၊ အသုံးမကျတဲ့နေရာများကို ဘူတိုဇာနှင့် တိုက်ဖျက်ဖို့ ဆုံးဖြတ်ချက်များစွာ ချမှတ်ခဲ့ပါသည်။

ဂျိုကိုဝီ ၏ စတိုင်မှာ “Can-do” လုပ်နိုင်ပါသည်.. ဆိုသည့်အတိုင်း၊ အောင်မြင်စွာ မြို့ရပ်မိဘများနှင့် ပူးပေါင်းလုပ်ဆောင်ခဲ့ပါသည်။ အထူးသဖြင့် လူငယ်များ၏ တခဲနက် လုပ်အားပေးမှုများ တွေ့ရပါသည်။ မြို့ရပ်လူထု ရွေးကောက်တင်မြှောက် ခံထားသူများ သွေးစည်းစေပြီး၊၊ လက်တွေ့လုပ်ဆောင်ရာတွင်လဲ အောင်မြင်ပါသည်။ သူကိုယ်တိုင် အခက်အခဲများကို ပါဝင်၊ ကျော်လွှားဆောင်ရွက်ပါသည်။ ၂၀၁၁ ခုနှစ် မြို့တော် မြူနီစပါယ်က လျှပ်စစ်ဓါတ်အား ကော်ပိုရေးရှင်းကို ဓါတ်အားခငွေ ကန်ဒေါ်လာ တစ်သန်းနီးပါး အကြွေး ပေးစရာရှိပါသည်။ ခရစ်စမတ်ပွဲကို တမြို့လုံး ပျော်ရွှင်စွာ ဆင်နွဲနေသည့် ညမှာ အစိုးရလျှပ်စစ်ကော်ပိုရေးရှင်းက မီးဖြတ်တောက်လိုက် ပါသည်။ မြို့ မြူနီစပယ်အဖွဲ့က အကြွေးပေးဖို့ ချက်ချင်းဆုံးဖြတ်ပြီး ထိုကဲ့သို့ အတင်းအကြပ် အကြွေးတောင်းတာမျိုး နိုင်ငံတော်လျှပ်စစ်ကော်ပိုရေးရှင်းက နောက်နောင်မလုပ်ဖို့၊ မြို့သူမြို့သားများဖက်ကလည်း ပြန်ကြည့်သင့်ကြောင်း ကန့်ကွက်စာထုတ်ပါသည်။ ဒေါ်လာတစ်သန်းနီးပါး အင်ဒိုနီးရှားငွေများ အထုပ်ပေါင်းရာနှင့်ချီ စုဆောင်းပြီး၊ လျှပ်စစ်ဓါတ်အားကော်ပိုရေးရှင်း ရုံးကို  မြို့တော်ဝန် ဂျိုကိုဝီ ကိုယ်တိုင် သွားပေးခဲ့ပါသည်။ ပြဿနာများ ခေါင်းခံစရာရှိလျှင် ကိုယ်တိုင် ဝင်ရှင်းပေးသူ ဖြစ်ပါသည်။

● ဂျာကာတာမြို့ဝန်အဖြစ် ရွေးခံရခြင်း

၂၀၁၂ ခုနှစ်တွင် လူဦးရေ ၁၀သန်းရှိသော ဂျာကာတာမြို့ဝန် ရာထူးကို လက်ရှိမြို့တော်ဝန်နှင့် ယှဉ်ပြိုင်ရာ အနိုင်ရရှိပြီး၊ အရွေးခံရပါသည်။ သူ၏မြို့ ဆူကရာတာမြို့ဝန် ရာထူးကိုလဲ  မဲပေါင်း  ၉၀%ဖြင့် ဒုတိယသက်တမ်း ဆက်အရွေးခံရသည့်အတွက် ဆူကရာတာမြို့ဝန်ရာထူးကို လက်ထောက်ဖြစ်သူ လွှဲပေးပါသည်။ အင်ဒိုနီးရှားနိုင်ငံ၏ မြို့တော်ကြီး ဂျာကာတာကို ပြုပြင်ပြောင်လဲဖို့ ပိုအရေးကြီးပါသည်။

ယခု ဂျာကာတာမြို့ဝန်အဖြစ် ရွေးကောက်ခံရပြီး၊ တာဝန်ထမ်းဆောင်နေစဉ်မှာလဲ ဘာမှထူးခြားစွာ မလုပ်ခဲ့ပါဘူး။ တခုပဲ..သူ့၏ ပွင့်လင်းမြင်သာ စတိုင်ဖြစ်တဲ့ မြို့ရပ်၊ လူထုများနဲ့ ထိတွေ့ရ လမ်းကြားတွေထိသွာပြီး၊ စကားပြော၊ သူတို့၏ တိုင်တန်းချက်များကို နားထောင်ခြင်းကို ဆူကရာတာမြို့ဝန် လုပ်ခဲ့စဉ်ကအတိုင်းပါပဲ။ ဒီနည်းနှင့် လူများ အလုပ်လုပ်ချင်စိတ်ကို အားပေးလှို့ဆော်ပါသည်။ ရာထူးလက်ခံပြီး ရက်၁၀၀ အကြာမှာ ဂျာကာတာပိုစ် သတင်းစာကြီးက အရည်ချင်းရှိသူဖြစ်ကြောင်း၊ ထောက်ခံရေးသားပါသည်။ သူ့၏နည်းလမ်း၊ ပုဂ္ဂိုလ်ရေး၊ လုပ်ငန်းပေါ်လစီနှင့် လူထုဆီထိအောင် သွားရောက်ခြင်းသည် အလွန်ထိရောက်ကြောင်း၊ သူ၏ အခမဲ့ကျန်းမာရေးပေါ်လစီ၊ အခမဲ့ပညာရေးပေါ်လစီများ၊ ဂျာကာတာမှာ မြေအောက်လှိုင်ဂူ ကားလမ်းကြီးဖောက်ရန်၊ မြို့တွင်း ကားကြပ်မှုအတွက် မြို့ထဲဝင်တဲ့ကားများ အခွန်ကောက်ခြင်း ERP စနစ် စတဲ့လုပ်ငန်းတွေမှာ အခက်ခဲများရှိသော်လည်း ကျေနပ်ကြောင်း၊ ဂျာကာတာမြို့သားများ၏ မှန်ကန်သော ရွေးချယ်မှုဖြစ်ကြောင်း ချီးကျူးခဲ့ပါသည်။ ဂျာကာတာမှာ ကျန်းမာရေးအာမခံ ၂၀၁၂ စီမံကိန်းအကောင်ထည်ဖေါ်ရာ လူကြိုက်များလှပြီး ဆေးရုံများစွာက ပါဝင်လျှောက်ထားကြသည်။ လူများစွာ ပါဝင်ပြိး ဆေးကုသမှုခံယူခြင်းကြောင့် စရိတ် ၇၀% ပိုပြီးကုန်ကျလာသည်။ ဆင်းရဲသားများကို အဓိကထား အခမဲ့ဆေးကုခြင်းကို လူလတ်တန်းစားတွေလည်း ဝင်ပြီးတန်းစီ၊ ကုသခံယူသည်။ နောက်ဆုံး လူတစ်ဦးစီ တန်းစီနေသော နေရာကို ဒေါ်လာ၁၅ နှုန်းနှင့် တန်းစီရောင်းစား သည်အထိ ဖြစ်လာသောကြောင့် ဝိုင်းအပြစ်တင်နေကြပါသည်။ မြိုတော်ဝန်ကတော့ ခုခံပြောဆိုပြီး ယုံကြည်မှုနှင့် ဆက်လုပ်ဆောင်လျှက်ရှိပါသည်။ သူက ဂျာကာတာမြို့၏ အုပ်ချုပ် ဗျူရိုကရက်ရေးအရာရှိကြီးများ ကို စောင့်ကြည့်နေသည်ဟု ဆိုပါသည်။ နာမည်ကျော် အဂတိလိုက်စားလှသော အင်ဒိုနီးရှားမှာ ရာထူးအရှိန်နှင့် ငွေချမ်းသာအောင် မလုပ်သူ၊ သန့်ရှင်းသူအဖြစ် နာမည်ကျော်ပါသည်။ ၁၅နှစ်တာ အင်ဒိုနီးရှားနိုင်ငံ ပြုပြင်ပြောင်းလဲမှုမှာ ဒီနှစ် သန့်ရှင်း၊ ပွင့်လင်းသူ၊ အဂတိမလိုက်စားသူအဖြစ် သူ့ပါတီခေါင်းဆောင် မဂ္ဂါဝတီ ထက်ပင် လူကြိုက် အလွန်များနေပါသည်။

၂၀၀၈ ခု အင်ဒိုနီးရှားနိုင်ငံ သမိုင်း အကောင်းဆုံးမြို့တော်ဝန် (၁၀)ဦးစာရင်းဝင် ဖေါ်ပြခံရပါသည်။ ၂၀၁၁ သမ္မတယူဒိုယိုနို၏ ဂုဏ်ထူးဆောင်ဆုကို ရရှိခဲ့ပါသည်။ ၂၀၁၂ တွင် ကမ္ဘာ့ရာဇဝတ်မှု ထူပြောသောမြို့ကို ကမ္ဘာ့အဆင့်မြို့အဖြစ် ပြောင်းလဲနိုင်သည့်အတွက် 2012 World Mayor Prize ကမ္ဘာ့မြို့တော်ဝန် တတိယဆုကို ရရှိခဲ့ပြီး၊ ၂၀၁၃ The City Mayors Foundation လစဉ်ကမ္ဘာ့အကောင်းဆုံး မြို့တော်ဝန်ဆုကိုလဲ ရရှိခဲ့ပါသည်။

● အင်ဒိုနီးရှားသမ္မတရွေးကောက်ပွဲ ၂၀၁၄

လာမည့် ၂၀၁၄ ဇူလိုင်မှာ အင်ဒိုနီးရှား သမ္မတရွေးကောက်ပွဲ ရှိပါသည်။ လက်ရှိသမ္မတ ယူဒိုယိုနို သည် စစ်ဗိုလ်ချုပ်ဟောင်း တစ်ဦးဖြစ်ပြီး၊ ၂၀၁၄၊ ၂၀၀၉ ရွေးကောက်ပွဲ၂ခုစလုံးကို Democratic Party ပါတီနှင့် အနိုင်ရရှိခဲ့သူဖြစ်ပါသည်။ အင်ဒိုနီးရှားနိင်ငံကို ပွင့်လင်းမြင်သာတဲ့ စနစ်အဖြစ် ပြုပြင်ပြောင်းလဲပြီး၊ အဂတိတိုက်ဖြက်သူအဖြစ် နာမည်ရပါသည်။ ယခင်သမ္မတရွေးပွဲ ၂ကြိမ် အနိုင်ရခဲ့သူ၊ ယခု ၂၀၁၄ တွင် အနားယူရမည် ဖြစ်ပါသည်။ သူ့၏ပါတီက သမ္မတလောင်း မကြေငြာသေးပါ။ သမ္မတရွေးကောက်ပွဲ ၆လကျော် မျှသာ လိုပါတော့သည်။

အင်ဒိုနီးရှားနိုင်ငံတွင်  ၅နှစ်တစ်ကြိမ် သမ္မတရွေးကောက်ပွဲ လုပ်ပါသည်။ အမေရိကန်နိုင်ငံကဲ့သို့ ပါတီများက သမ္မတလောင်းကို ရွေးချယ်ရပါသည်။ ပြည်သူလူထု မဲဆန္ဒခံယူပွဲလုပ်ပြီး၊ မဲတစ်ဝက်ကျော်ရသူကို သမ္မတအဖြစ် ရွေးခံရပါသည်။ သို့မဟုတ်ရင် မဲအများဆုံးရတဲ့ ထိပ်ဆုံး၂ဦး ထပ်ပြိုင်ရပါသည်။ မြန်မာသမ္မတ ရွေးပွဲမှာ တစ်မူထူးပါသည်။ ဒု-သမ္မတ(၃)ဦးကို စစ်တပ်နှင့်လွှတ်တော်၂ခုက ရွေးပြီး ထိုအထဲမှ တစ်ယောက်ကို မဲပေးရွေးစနစ်ပါ။ ပြည်သူများက သမ္မတ တိုက်ရိုက် ရွေးချယ်ခွင့်မရှိပါ။ တရုပ်နိုင်ငံ ပုံစံ သမ္မတရွေးကောက်ပွဲဖြစ်ပါသည်။

လက်ရှိဂျာကာတာမြို့ဝန် ဂျိုကိုဝီ ၏ ပါတီမှာ Indonesian Democratic Party – Struggle ဖြစ်ပါသည်။ ပါတီခေါင်းဆောင်မှာ ယခင်သမ္မတဟောင်း မဂ္ဂါဝသီ ဖြစ်ပါသည်။ သူမက  “၂ကြိမ်တိုင်တိုင် သမ္မတရွေးပွဲမှာ ရှုံးထားသည့်အတွက် ဒီတစ်ကြိမ်မှာ အသက်လဲ ၆၇နှစ်ရှိပြီဖြစ်လို့ ဝင်မပြိုင်တော့ပါဘူး..နောက်တက်လာတဲ့ ငယ်ရွယ်သူကို ပါတီကရွေးပါမယ်” ဟု ဖြေပါသည်။  လောလောဆယ် သူ့တို့ပါတီက ဂျာကာတာမြို့ဝန် ဂျိုကိုဝီ လူကြိုက်များလျှက်ရှိပါသည်။ မူဆလင်ဘာသာဝင် ဂျိုကိုဝီ ၏ လူတန်းစားခွဲခြားမှု မရှိကြောင်းကို သူရွေးထားသော လက်ထောက် ဂျာကာတာမြို့တော်ဝန်ကို ကြည့်ပါ။ ခရစ်ယန်၊ တရုပ်အနွယ် Ahok ဆိုသူ၊ လူမျိုးရေးခွဲခြားမှုများကို ခံစားနေရသူဖြစ်ပါသည်။ ဂျိုကိုဝီ သမ္မတအရွေးခံလျှင် Ahok  ဂျာကာတာမြို့ဝန် ဖြစ်မည်။
.
အင်ဒိုနီးရှားတွင် အစိုးရ၏ အဂတိတိုက်ဖျက်ရေး KPK အဖွဲ့ရှိပါသည်။ မကြာခဏ အရေးယူမှုများနှင့် အဂတိပြဿနာ ကျဆင်းမသွားပဲ၊ ပိုဆိုးလာသလို ဖြစ်နေပါသည်။ ဂီတနှစ်သက်သော ဂျိုကိုဝီ လက်ခံယူလိုက်သည့် လက်ဆောင် Metallica တေးဂီတအဖွဲ့က လက်မှတ်ထိုးပြီး ပေးခဲ့သော လျှစ်စစ် ဘော့စ်ဂီတာ တစ်လက်  ရှိပါသည်။ KPK အဖွဲ့က သိမ်းဆည်းလိုက်ပြီး ပြတိုက်မှာ လူထုကို ပြသထားပါသည်။ ဂျိုကိုဝီ က သူ့ကို သမ္မတ ဖြစ်ဖို့မြှင့်တင်နေသူများကို ..” ကျွန်တော့်ဘဝဟာ ရိုးစင်းလှပြီး ဘာမှထူးခြားမှုမရှိတဲ့အတွက် သမ္မတအဖြစ် မထိုက်တန်ပါဘူး … ဟု ပြောဆိုပါသည်။
.
နှစ်အနည်းငယ်အတွင်း ဂျိုကိုဝီ လူကြိုက်များလာခြင်းဖြစ်ပါသည်။ သူ့ကို သမ္မတအရွေးမခံရလျှင်လဲ ယိုယွင်းနေသော အင်ဒိုနီးရှားမြို့တော် ဂျာကာတာကို ကမ္ဘာ့အဆင့် ပြုပြင်မည့် ပုဂ္ဂိုလ်ဖြစ်ပါသည်။  မြန်မာပြည် မြို့ကြီးများ မန္တလေး၊ ပုဂံ၊ မော်လမြိုင်၊ တောင်ကြီး၊ မုံရွာ စတဲ့မြို့များမှာ  ဂျိုကိုဝီ ကဲ့သို့သော အရည်ချင်းရှိသူများစွာ ရှိပါသည်။ ဂျိုကိုဝီ ကဲ့သို့ မြိုတော်ဝန်များစွာ မြန်မာပြည်တွင် ပေါ်ထွက်လာဖို့.. မျှော်လင့်ပါသည်။
.
.
လူထုကြားကခေါင်းဆောင်၊ အင်ဒိုနီးရှားသမ္မတသစ်နဲ့မိသားစု
(မိုးမခ) အောက်တိုဘာ ၂၅၊ ၂၀၁၄
“ဂျိုကိုဝီယိုဒို” –  လက်သမား၊ ပရိဘောကအရောင်းအဝယ်လုပ်သူ၊ သစ်တောအင်ဂျင်နီယာကျောင်းဆင်းတစ်ဦးဟာ အင်ဒိုနီးရှားက စစ်ဗိုလ်ချုပ်တွေကြီးစိုးတဲ့ စနစ်ကိုတော်လှန်ဖို့ အရှေ့တောင်အာရှရဲ့ ဒီမိုကရေစီနိုင်ငံကြီးရဲ့ သမ္မတအဖြစ် ကျမ်းသစ္စာကျိန်ဆိုပါတယ်။ ကျမ်းကျိန်ပွဲကို စင်ကာပူနိုင်ငံက ဝန်ကြီးချုပ်လီရှန်လုန်း တက်ရောက်နှုတ်ဆက်ပါတယ်။ မြန်မာနိုင်ငံလည်း ကြိုဆိုရပါမယ်။ ထိုင်းနိုင်ငံခေါင်းဆောင် စစ်ဗိုလ်ချုပ်ကြီး၊ အင်ဒိုနီးရှားသမ္မတသစ်၊ မလေးရှား၊ စင်ကာပူ၊ တရုပ်၊ အမေရိကန် စတဲ့ မြန်မာနိုင်ငံရေးကို လွမ်းမိုးတဲ့ အနီနားအဖြစ်အပျက်တွေပါ။

လူထု စိတ်ဝင်စားစရာကောင်းတာ တခုကတော့ သမ္မတဇနီးသည်၊ သမ္မတ သားသမီးများအကြောင်းဖြစ်ပါတယ်။ ယခင်သမ္မတ ယူဒိုယိုနိုနဲ့ဇနီးသည်ဟာ စစ်ဗိုလ်ချုပ်ဟောင်းဖြစ်ပြီး၊ အင်ဒိုနီးရှား လူ့မလိုင်လောကရဲ့၊ မြျှောက်စားမှုကြောင့် အဆောင်ယောင်၊ ခမ်းနားစွာနေထိုင်ကြပါတယ်။ မနေချင်လဲမရပါဘူး။ ဒီနေရာရောက်လာသူတိုင်း ဒီလိုအိမ်၊ အစောင့်ရှောက်နဲ့ထည်ထည်ဝါဝါနေရတော့ ရှောင်လွဲလို့မရပါဘူး။ သူတို့သားသမီးတွေကတော့ စိန်နားကပ်အရောင်နဲ့ပါးပြောင်..ဆိုသလို စီးပွားရေးလုပ်ငန်းရှင်ကြီးတွေက ပြေးကပ်၊ မြှောက်ပင့်တော့ သားသမီးများလည်း ထိပ်တန်းအဝတ်အစား၊ ကားကြီးတွေ၊ လေယာဉ်ကြီးတွေနဲ့ သွားလာလှုပ်ရှားကြပါတယ်။ အခု သမ္မတအသစ် ဇနီးမောင်နှံကို ကြည့်လိုက်ရင် ရိုးသားစွာ နေထိုင်တဲ့၊ ပြည်သူ့ကြားကခေါင်းဆောင်ဖြစ်ကြောင်း မြင်တာနဲ့သိနိုင်ပါတယ်။ 

သူက ဘယ်လိုအပြောင်းလဲများ လုပ်မလဲဆိုတာ စောင့်ကြည့်ရပါမယ်။ လွန်ခဲ့တဲ့ ၁၀နှစ်က မြို့တော်ဝန်ရွေးကောက်ခံရပြီး သူတို့မြို့ငယ်လေး ဆူရာကာတာမြို့ Surakarta ကို ကမ္ဘာ့ထိပ်တန်းမြို့အဖြစ်ပြောင်းလဲစေခဲ့သူဖြစ်ပါတယ်။ လာဘ်စားသူများနဲ့ လာဘ်မစားပဲ ၊ လာဘ်စားသူများကို အပြစ်မတင်ပဲ ပူပေါင်းလုပ်ဆောင်နိုင်သူ ခေါင်းဆောင်အဖြစ် အားလုံးက လက်ခံကြပါတယ်။ ၂၀၁၃မှာ အင်ဒိုနီးရှားမြို့တော် ဂျာကာတာမြို့ဝန်အဖြစ် အရွေးခံရပြီး ၂၀၁၄မှာ လျှင်မြန်စွာနဲ့ သမ္မတရွေးကောက်ပွဲအတွက် လူစာရင်းတင်သွင်းခံရပါတယ်။ မြှင့်တင်ပေးသူကတော့ အင်ဒိုနီးရှားခေါင်းဆောင် ဆူကာနို ရဲ့ သမီးဖြစ်သူ မဂါဝတီ ဖြစ်ပါတယ်။ သူတို့နှစ်ဦးက သမ္မတရွေးပွဲမှာ ဗိုလ်ချုပ်ကြီးဟောင်း ပရာဗိုမို နဲ့အကြိတ်အနယ်ယှဉ်ပြိုင် အနိုင်ရရှိခဲ့ခြင်းဖြစ်ပါတယ်။

သမ္မတရဲ့ သားဖြစ်သူ Gibran Rakabuming ၂၇နှစ်အရွယ်ကတော့ သူတို့မြို့ငယ်လေး ဆူရာကာတာမြို့လေးမှာ မာဇဒါကားငယ်လေးကို စီးပြီး၊ သူ့ရဲ့ စီးပွားရေးလုပ်ငန်း၊ သူ့ရဲ့ မင်္ဂလာဆောင်ပွဲလုပ်ဖို့ အလုပ်များနေဆဲဖြစ်ပါတယ်။ သူဟာ စင်ကာပူနဲ့သြစတြေးလျှားတွေမှာ ပညာသင်ကြား၊ ဘွဲ့ရရှိခဲ့သူဖြစ်ပါတယ်။ သူ့အဖေ ဆူရာကာတာမြို့တော်ဝန်ဖြစ်တုန်းကလေည်း အစိုးရလုပ်ငန်းတွေမှာ ဝင်မပါခဲ့ဘူး။ သူ့ဖာသာပဲ နေထိုင်လုပ်ကိုင်ပါတယ်။ အခု သူ့အဖေ နိုင်ငံတော်သမ္မတကြီး ဖြစ်သွားတော့ သူနေထိုင်ကျ ပုံစံအတိုင်း မဖြစ်တော့ဘူးဆိုတာ သိလာပါတယ်။ လုံခြုံရေးနဲ့သူ့အဖေဂုဏ်သိက္ခာတွေက ရှိသေးတော့ အနေအထိုင် ဆင်ခြင်ရပါတော့မယ်။ ဇိမ်ခံကားစီး၊ အချွေအရံနဲ့ ခမ်းနားစွာ နေမဲ့ပုံစံတော့ မဟုတ်ပါဘူး။ 

“ဘာမှမပြောင်းလဲဖူးလို့ပဲ မျှော်လင့်ပါတယ်။ ကျနော်စီးပွားရေးလုပ်ငန်းနဲ့ နေထိုင်သွားလာမှုများက ကျနော်အဖေ မြို့တော်ဝန်ကာလအတိုိင်း အတူတူပဲမဟုတ်လား”.. လို့ပြောပါသေးတယ်။ 

ဒါပေမဲ့ ပြောင်းလဲရပါမယ်။

ဖခင်ဖြစ်သူ သမ္မတဂျိုကိုဝီယိုဒို ကို သူရဲ့သားကြီးဖြစ်သူနဲ့အတူ မီဒီယာဓါတ်ပုံ၊ သတင်းတွေမှာ မမြင်တွေ့ရသလို၊ ဒုတယသမီးဖြစ်သူ Kahiyang Ayu ၂၃နှစ် နဲ့ အငယ်ဆုံးသားဖြစ်သူ Kaesang Pagerep ၁၈နှစ်တို့နဲ့လည်း သမ္မတရွေးကောက်ပွဲ ခရီးစဉ်တွေမှာ အတူမတွေ့ရပါဘူး။ သမီးဖြစ်သူကတော့ သူတို့မြို့က ဆူရာကတာတက္ကသိုလ်ကျောင်းသူ ဖြစ်ပြီး၊ သားအငယ်ဆုံး ၁၈နှစ်ကတော့ စင်ကာပူမှာကျောင်းတက်နေပါတယ်။ သူ့အဖေ သမ္မတအဖြစ် ကျမ်းကျိန်တယ်ဆိုပေမဲ့ သူကတော့ ဘာမှမထူးပါဘူးလို့ ဆိုပါတယ်။ 

“ဘာမှမပြောင်းလဲပါဘူး။ ကျောင်းကသူငယ်ချင်းတွေကလည်း ကျနော့်အဖေ သမ္မတဖြစ်တာနဲ့ ပေါင်းသင်းဆက်ဆံရေး ဘာမှမထူးပါဘူး။ ဒီလိုပဲ ဆက်ပြီးဖြစ်နေမယ်မျှော်လင့်ပါတယ်” ..လို့ စင်ကာပူမှကျောင်းတက်နေတဲ့ အငယ်ဆုံးသားက ပြောပါတယ်။

ဂျိုကိုဝီယိုဒို ရဲ့ သားသမီး၃ဦးဟာ သာမန်လူများအဖြစ်ကြီးပြင်းလာစေခဲ့ပါတယ်။ စီးပွားရေးအောင်မြင်ပေမဲ့လဲ ချမ်းသာကြွယ်ဝသူများလို့ ခမ်းနားထည်ဝါစွာ မနေထိုင်ပဲ၊ သာမန်လူများလို့ အေးဆေးစွာနေထိုင်လာတဲ့ အသိုင်းဝိုင်းမှာပဲ ကြီးပြင်းစေခဲ့ပါတယ်။ မြို့တော်ဝန်အဖြစ် ၁၀နှစ်ကျော် လုပ်ကိုင်စဉ်မှာလဲ မိသားစုကို အစိုးရလုပ်ငန်းများနဲ့ ဝေးဝေးပဲ နေစေခဲ့ပါတယ်။

ဂျိုကိုဝီယိုဒို ရဲ့ ဇနီးသည်ဖြစ်သူ  အီရီယာနာ Iriana ကိုယ်တိုင်လည်း ဘယ်သောအခါမှာ အဆင့်မြင့်၊ တော်ဝင်လက်ပွေ့အိတ်များ ကိုင်ဆောင်လေ့မရှိသလို၊ သူမအဝတ်အစားအများစုဟာ ဂျာကတာ၊ ရှော့ပင်စင်တာများက ဝယ်ယူခြင်းဖြစ်ပါတယ်။ နိုင်ငံခြားမြို့တော်ကြီးများက ဝယ်ယူ၊ ဝတ်ဆင်တာမျိုးမဟုတ်ပါဘူး။ သူမကို အနီးနား၊ ပတ်ဝန်းကျင်က ရှော့ပင်စင်တာများမှာပဲ ဈေးဝယ်သွားနေတာကို သိမ်နီးနားချင်းတွေက သတိထား၊ တွေမိကြပါတယ်။ အခြား အစိုးရအရာရှိ ကတော်ကြီးများလို အခမ်းအနားကြီး၊ ဧည့်ခံပွဲကြီးများမှာ ခမ်းနားကြီးကျယ်စွာ တက်ရောက်နေခြင်းမရှိပါဘူး။ ဒါမျိုးပွဲလမ်းသဘင်တွေကိုလည်း သူမ တတ်နိုင်သမျှ ရှောင်ရှားလေ့ရှိပါတယ်။ 

“ကျမယောင်္ကျားက ရိုးရှင်းစွာ နေထိုင်၊ သွားလာတာ ရှင်တို့တွေ့ကြတာပဲ၊ ကျမ သူ့နဲ့လိုက်ဖက်အောင်ပဲ နေပါတယ်။ ဖက်ရှင်၊ ဝတ်ကောင်းစားလှတွေထက် သက်တောင့်သက်သာရှိတဲ့ အဝတ်အစားမျိုးကို သဘောကျ၊ ဝတ်ဆင်ချင်ပါတယ်” ..လို့ သမ္မတကတော်ဖြစ်လာတဲ့ အီရီယာနာ က ပြောပါတယ်။

မြန်မာနိုင်ငံအကြောင်း ဆက်ကြည့်ရင်၊ လက်ရှိသမ္မတဦးသိန်းစိန်ရဲ့ ရိုးရှင်းစွာနေထိုင်ပုံ၊ သူ့ဇနီးသည်နဲ့ သမီးများ လူ့မြင်ကွင်းမှာမတွေ့ရခြင်း၊ အခမ်းအနားကြီးများမှာ မတွေ့ရခြင်းတွေက မြန်မာ့ခေါင်းဆောင်တစ်ဦး နိုင်ငံကိုပြုပြင်ပြောင်းလဲစေနိုင်တဲ့ အရည်အချင်းတွေဖြစ်လို့ အားရစရာကောင်းပါတယ် (လို့ ဆိုရမလားပဲ)။  အင်ဒိုနီးရှားသမ္မတသစ် ဂျိုကိုဝီယိုဒို တက်၃နှစ်ကျော် စောစီးစွာ မြန်မာနိုင်ငံရဲ့ ဂုဏ်ပကာသနာကင်းစွာ နေထိုင်တဲ့ နိုင်ငံခေါင်းဆောင်ဖြစ်ပါတယ်လို့များ ပြောချင်ကြမလားတော့ မသိပါ။

ဗိုလ်ချုပ်ကြီးဘဝနဲ့ နှစ်ပေါင်းများစွာ နေထိုင်ခြင်းကြောင်း စစ်ဗိုလ်ချုပ်များရဲ့ စရိုက်များကတော့ ရှိနေမှာပါပဲ။ သားသမီး၊ မိသားစုများလည်း အင်ဒိုနီးရှားသမ္မတကြီးရဲ့ မိသားစုလို လူပရိသတ်ကြားမှာ သွားလာဝံ့မှာတော့ မဟုတ်ပါဘူး။ 

ဆင်းရဲတဲ့ နိုင်ငံနဲ့ညီလျှော်အောင် နိုင်ငံခေါင်းဆောင်များက အဆောင်အယောင်တွေ လျှော့ချနေကြပါတယ်။ လူတွေလည်း ခေါင်းဆောင်များပုံစံ လိုက်လေ့ရှိပါတယ်။ အင်ဒိုနီးရှား ဒီမိုကရေစီစနစ်ဟာ အခု ၂၀၁၄မှာတော့ အရှေ့တောင်အာရှမှာ ထိပ်တန်းဖြစ်ပါတယ်။ ပြုပြင်ပြောင်းလဲနေတဲ့အင်ဒိုနီးရှားနိုင်ငံရဲ့ ပြည်သူများရဲ့ ဝင်ငွေ GDP per Capital ဟာ ၃နှစ်အတွင် ၂ဆ 100% လောက် Us$4300 အထိ တက်သွားပါတယ်။ 

ဗီယက်နမ်ပြုပြင်ပြောင်းလဲကတော့ နှေးကွေးစွာနဲ့ US$4700 ကို ၂၅% တိုးတက်လာပါတယ်။ မြန်မာနိုင်ငံကတော့ ၅၀% US$1700 အထိတက်လာပါတယ်။ လက်ရှိမြန်မာနိုင်ငံဟာ အရှေ့တောင်အာရှနဲ့ကမ္ဘာမှာ အဆင်းရဲ၊ မွဲတေဆုံး အောက်ဆုံးအခြေအနေက အနည်းငယ်လွတ်မြောက်လာတာကို တွေ့ရပါတယ်။

 အင်ဒိုနီးရှားမှာ အာဇာနီသမ္မတဆူကာနိုရဲ့ သမီးဖြစ်သူ မဂါဝတီ ထက်များစွာ ဂုဏ်သိက္ခာကြီးတဲ့ မြန်မာခေါင်းဆောင် ဒေါ်အောင်ဆန်းစုကြည် ရှိနေခြင်းဟာ မြန်မာနိုင်ငံရဲ့ အားသာချက်တစ်ခု ဖြစ်ပါတယ်။ မြန်မာ့ ခေါင်းဆောင်များ နိုင်ငံခေါင်းဆောင်အဆင့်ကနေ ရပ်ကွက်ကျေးရွာ၊ အိမ်ထောင်ခေါင်းဆောင်အထိ မိမိဂုဏ်သိက္ခာ၊ မျိုးရိုးနဲ့ နိုင်ငံနဲ့လူမျိုး တိုးတက်ရေးအတွက် ကိုယ်တိုင်ပဲ၊ ရိုးရှင်းစွာ၊ အဂတိနည်းပါးစွာ နေထိုင်ကြဖို့ မျှော်လင့်ပါတယ်။

Reference
Indonesia New President’s Life Style  25 oct 2014, JAKATA POST/ASIA NEWS NETWORK
.
//////// End of 2014 Article - ၂၀၁၄ ဆောင်းပါး၂ပုဒ် အဆုံးသပ် ////////
.
.

သမ္မတ ဂျို ကို ၀ီ လုပ်ဆောင်မှု များ
စီးပွားရေး မှာ တိုင်းပြည် GDP တိုးတက်နှုန်း ၂၀၁၅ အစပိုင်းမှာ ၄.၉၂ % ရှိပါတယ်။ နောက်ပိုင်း ကျဆင်းသွားပေမဲ့ အန္တရယ်ဖြစ်စေမဲ့ ၄% အောက်ကို မကျအောင် ထိန်းထားပါတယ်။ ၂၀၁၇ မျာတော့ ၅.၂% တိုးတက်လာပြီး၊ ယခု ၂၀၁၈ ခုနှစ် မှာတော့ ၅.၈% ဖြစ်လာပါတယ်။  ၆% အထက် ဆိုရင် နိုင်ငံစီးပွားရေး အခြခိုင်မှာ ဖြစ်ပေမဲ့ အမေရိကန် နဲ့ တရုပ်နိုင်ငံ တို့ရဲ့ ကုန်သွယ်ရေး စစ်ပွဲကာလ ဖြစ်နေခြင်း၊ ၂၀၁၉ ရွေးကောက်ပွဲ အတွက် ပြင်ဆင်ခြင်း များက အစိုးရ စီးပွားရေး ပေါ်လစီ များကို ထိခိုက် မှာ ဖြစ်ပါတယ်။ အောက်ခြေ ပြည်သူလူထု အတွက် သိသိ သာသာ ပြောင်းလဲ တိုးတက်မှု မရှိ ပေမဲ့၊ အထက်တန်း နဲ့ အလယ်လတ်တန်း လူတန်းစားများ အတွက်တော့ သိသိ သာသာ အကျိုး ရရှိ လာပါတယ်။ နိုင်ငံ ရဲ့ ရေ ရှည် စီးပွား ရေး အဖြစ် လမ်း တံတား၊ လေဆိပ်၊ အဝေးပြေးကားလမ်း၊ အမြန်ရထားလမ်း၊ သင်္ဘောဆိပ် များကို ဦးစားပေး ဆောက်လုပ်ခြင်းက ကုန်ထုတ်လုပ်မှု စရိတ်များ ကျဆင်းပြီး၊ လူသုံးကုန်၊ စားသုံးကုန် ဈေးနှုန်း ကျဆင်းစေပါတယ်။
.
ရူပြား ငွေဈေးနှုန်း က သြဂုတ်-၂၀၁၅ မှာ US$1.00= Rp 14,000 နှုန်းထားကနေ ဒီဇင်ဘာ-၂၀၁၆ မှာ  Rp13.473/USD ဖြစ်လာပါတယ်။ အခု မေ-၂၀၁၈ မှာတော့ Rp 14,000 နှုန်းကို ပြန်လည် ရောက်ရှိလာပါတယ်။ ငွေဖောင်းပွ နှုန်း ကတော့ ဇွန်-၂၀၁၅ မှာ ၇.၂၆% ဖြစ်ပြီး၊ ၂၀၁၇ မှာ ၆.၇%၊  မေ-၂၀၁၈ မှာ ၇.၁၅% ဖြစ်ပါတယ်။ ရွေးကောက်ပွဲ နီးလာချိန် နိုင်ငံ စီးပွားရေး မတည်ငြိမ်မှု ဖြစ်လာ ပါတယ်။
.
စွမ်းအင် နဲ့ လျှပ်စစ် ပေါ်လစီ
ယခင် သမ္မတ Yudhoyono လက်ထက်မှာ အစိုးရ အရှုံးခံ ရောင်းချတဲ့ လောင်စာဆီ နဲ့ လျှပ်စစ် မှာ ဈေးနှုန်းမြှင့်တင် လိုက်တဲ့ အတွက် တတိုင်းပြည်လုံး မငြိမ်မသက်၊ ဆူပူမှုတွေ ဖြစ်ပေါ်လာခဲ့လို့ နဂိုအတိုင်း ပြန်ဈေးရှော့  ပေးလိုက်ရပါတယ်။ သမ္မတ ဂျို ကို ၀ီ လက်ထက် ၂၀၁၅ မှာ လောင်စာ ထောက်ပံ့ရေး အစီစဉ် သစ် ပေါ်လစီ ပြဌာန်းခဲ့မှုကို IMF ဥရောဘငွေကြေးအဖွဲ့ က ချီးကျူး ခဲ့ပါတယ်။ ဒီ ပေါ်လစီ အသစ်ကို လဲ တချို့ ဒေသများမှာ ဆန္ဒပြခဲ့ ပေမဲ့ အဲဒီ ဒေသများရဲ့ လမ်းတံတား၊ ပညာရေး၊ ကျန်းမာရေး များကို ပံ့ပိုး ပေးမှု နဲ့ ထိန်းချုပ် နိုင်ခဲ့ပါတယ်။ အင်ဒို နီးရှာ နိုင်ငံ က ရေနံ နဲ့ ဓါတ်ငွေ အမြောက် အများ ထွက်တဲ့ အတွက် လောင်စာဆီ နဲ့ လျှပ်စစ် ကို အစိုးရက များစွာ အရှုံးခံ ပံ့ပိုးနိုင် ပါတယ်။ အခြား အာစီယံ နိုင်ငံ များထက် ပိုပြီး ဈေးနှုန်း သက်သာ ပါတယ်။ ၂၀၁၅ လောင်စာဆီ အစိုးရ ထောက်ပံ့တဲ့ စီမံကိန်းက အစိုးရအပေါ် မထိ ခိုက်ပေမဲ့ အစိုးရပိုင် ရေနံကုမဏီကြီး ဖြစ်တဲ့ Pertamina ကိုတော့ အတော် ထိခိုက်သွားခဲ့ ပါတယ်။
.
.
ပင်လယ်ခရီးသွားလာ၊ စီးပွားရေး ပေါ်လစီ (Maritime)
ယခင် သမ္မတ Yudhoyono က အင်ဒိုနီးရှား ကို ကမ္ဘာ့  ပင်လယ်ခရီးသွား နိုင်ငံကြီး ဖြစ်ဖို့ ၊ သဘေ်ာများ၊ သင်္ဘောသားများ ၊ ကမ်းလွန်ရေနံများ နဲ့ မြှင့်တင်ပေးခဲ့ပါတယ်။ ကျွန်းပေါင်း တသောင်း ၇ထောင် ကျော် ဟာ ပင်လယ်ခရီးလမ်း နဲ့ ပဲ ဆက်သွယ် ရပါတယ်။ အိန္နိယ သမုဒ္ဒရာ နဲ့ ပစ္စဖိတ် သမုဒ္ဒရာ ကြီး ၂ခု ပေါ်မျာ ကျွန်းများ တည်ရှိပါတယ်။ ဒါကြောင့် အဲဒီ ကျွန်းစုများမှာ နိုင်ငံတော် အချုပ်အချာ အာဏာ ပိုင်စိုးဖို့ သမ္မတ ဂျို ကို ၀ီ လက်ထက်မှာ ဆက်လက် ကြိုးစား ရပါတယ်။ အဓိက ကျတဲ့ ဂျာဗား ကျွန်း ကြီးကို တခြား ကျွန်းများက ခရီးသွားလာ လွယ်ကူဖို့ သင်္ဘောဆိပ်များ။ ရေနက်ဆိပ်ကမ်းများ၊ လေဆိပ်များ၊ လမ်းတံတားများ၊ လျှပ်စစ်မီးများ ကို တည်ဆောက် ပေးရပါတယ်။ ငါးဖမ်း လုပ်ငန်းက အလွန် ကြီးမား တဲ့ လုပ်ငန်းကြီး ဖြစ်ပြီး၊ လောင်စာဆီ သယ်ဆောင်၊ ရောင်းဝယ် တဲ့ လုပ်ငန်းအတွက် သင်္ဘောအမြောက်အများ အသုံးပြုရပါတယ်။ ရေကြောင်းဆိုင်ရာ တရားမ၀င် ငါးဖမ်းခြင်း၊ လောင်စာဆီလုပ်ငန်း။ နယ်မြေလုံခြုံရေး အခက်ခဲ များစွာ သမ္မတ ဂျို ကို ၀ီ လက်ထက်မှာ လဲ ရှိနေ ဆဲ ဖြစ်ပါတယ်။
.
.
အင်ဖရာစထရပ်ချာ Infrastructure
အခြေခံ အဆောက်အဦ များဖြစ်တဲ့ လမ်းတံတား၊ လေဆိပ်၊ ရေနက်ဆိပ်ကမ်း၊ ရေနံပိုက်လိုင်း၊ လျှပ်စစ်၊ မြို့ပြ ဖွံ့ဖြိုးရေး၊ ကျေးလက်ဖွံ့ဖြိုးရေး လုပ်ငန်းများ၊ ဆည်မြောင်း၊ ရေကာတာများ လုပ်ဆောင်ရာ ၂၀၁၆ မှာ ဒေါ်လာ ၂၂ဘီလျံ သုံးစွဲခဲ့ပါတယ်။ အင်ဒိုနီးရှား သမိုင်းမှာ အမြင့်မားဆုံး ငွေကြေး စံချိန်တင် သုံးစွဲ ခြင်းဖြစ်ပါတယ်။  သုတေသန ပြုချက်များအရ အာစီယံနိုင်ငံများရဲ့ P.P.P  Public Private Partnership နိုင်ငံခြား ရင်းနှီးမြှတ်နှံ မှုများမှာ ဂျပန်နိုင်ငံ က ကြီးစီး နေရာက တရုပ်နိုင်ငံ ကလည်း ထိုးဖောက် ၀င်ရောက်လာ ပါတယ်။ တချို့ နိုင်ငံများ မှာ တရုပ်နိုင်ငံ ရဲ့ China Debt Trap ဆိုတဲ့ ဈေးပိုများတဲ့ ရင်းနှီးမြှတ်နှံမှု အကြွေးဒဏ် ခံနေရပါတယ်။ အာစီယံ အချက်အလက် များအရ အင်ဒိုနီးရှားကို အင်ဖရာစထရပ်ချာ နဲ့ အထွေထွေ P.P.P ရင်းနှီးမြှတ်နှံ ငွေ စုစုပေါင်းက ၂၀၁၃ အထိ ဂျပန် $53 billion နဲ့ တရုပ် $45 billion ရှိနေပါပြီ။

.

နိုင်ငံခြား ပေါ်လစီ နဲ့ မူးရစ်ဆေးဝါး ပေါ်လစီများမှာ
အခြားနိုင်ငံများ အထူးသဖြင့် အိမ်နီးခြင်း သြစတြေးလျ အပါဝင် နိုင်ငံကြီးများရဲ့ သြဇာ လွမ်းမိုးမှု မခံရအောင် သမ္မတ ဂျို ကို ၀ီ လက်ထက်မှာ ဆက်လက် လုပ်ဆောင် နေပါတယ်။ အထူးသဖြင့် မူးရစ်ဆေး သယ်ဆောင်၊ ဖြန့်ဖြူးမှု နိုင်ငံခြားသားများကို သေဒဏ် အပြစ်ပေးရာမှာ မကြာခဏ နိုင်ငံရေး ၀င်ရောက် စွတ်ဖက် ခံနေရပါတယ်။ သမ္မတ ဂျို ကို ၀ီ က မူးရစ် ရောင်းသူများကို  pro-death penalty stance ဆိုတဲ့ သေဒဏ် ပေးခြင်း ဥပဒေ အသစ် ထပ်မံ ထုတ် ပြန်ပါတယ်။ ပြင်သစ်၊ ဘရာဇီး၊ နယ်သာလန်။ သြစတြေးလျ နိုင်ငံသားများကို သူတို့အစိုးရ များက ကန့်ကွက်ပေမဲ့ သေဒဏ် ပေးခဲ့ ပါတယ်။ လက်ရှိ သေဒဏ် ချခံရသူ ၁၃၀ ဦး ရှိ ပါတယ်။ ဒါကတော့ အမျိုး သားရေး မှာ မူးရစ် ဆေးဝါးကို အထူး ဂရုပြု တိုက် ဖျက်ခြင်း ဖြစ် ပါတယ်။
.
.
နိဂုံး (အင်ဒိုနီးရှား သမ္မတ ဂျို ကို ၀ီ)
မိသားစု က ရိုးရှင်းစွာ နေထိုင်ပါတယ်။ သားသမီး များ က စင်ကာပူ နဲ့ သြစတြေးလျား မှာ ပညာ ဆက်လက်သင်ကြတယ်။ ဆွေမျိုးများ စီးပွားရေး လုပ်ပေမဲ့ ၊ အစိုးရ ကန်ထရိုက်၊ တင်ဒါများ ကို ရှောင်ရှား ကြပါတယ်။ သားနှစ်ယောက် နဲ့ သမီးငယ် ၃ယောက် ရှိပါတယ်။
.
ဂျို ကို ၀ီ တေးဂီတကို နှစ်ခြိုက် တဲ့ သူဖြစ်ပြီး၊ ရော့ ခ် တေးဂီတ ပိုမို စိတ်ဝင် စားသူ ဖြစ်ပါတယ်။ သမ္မတ မဖြစ်ခင်က ကမ္ဘာကျော်  Metallica တေးဂီတ အဖွဲ့က တန်ဖိုးကြီးလှတဲ့ ဂီတာ တလက် လက်ဆောင်ပေးပါတယ်။ အင်ဒိုနီးရှား အဂတိတိုက်ဖျက်ရေး အဖွဲ့ PKP က သတ်မှတ်တန်ဖိုး ထက် များပြားတဲ့ အတွက် သိမ်းဆည်းပြီး အဂတိတိုက်ဖျက်ရေး ပြခန်းမှာ ပြည်သူတွေကို ပြသထားပါတယ်။ ၂၀၁၇ ခုနှစ်မှာ ဒိန်းမတ် ၀န်ကြီးချုပ် အင်ဒိုနီးရှားကို အလည်လာပြီး သမ္မတ ဂျို ကို ၀ီ ကို Metallica Master of Puppets vinyl box တေးဂီတ ပစ္စည်း လက်ဆောင် ပေးခဲ့ ပါတယ်။ အဲဒီ ပစ္စည်း အတွက် သမ္မတ ဂျို ကို ၀ီ က အခွန်ငွေ 11 million rupiah (US$ 7850 = ကျပ် ၅၆သိန်း) ပေးဆောင် လိုက်ရပါတယ်။
.
မြန်မာနိုင်ငံ ထက် အင်ဒိုနီးရှား နိုင်ငံက အစစ အရာရာ မှာ သာလွန် နေပါတယ်။ ဒါပေမဲ့ အခြေခံ လူတန်းစားမှာတော့ အများကြီး မသာပါဘူး။ တစ်ဦးချင်း ၀င်ငွေက ၃ဆလောက်ပဲ ကွာပါတယ်။ (GDP per capital per year, Indonesia $3362 vs Myanmar $1212)၊ အင်ဒိုနီးရှားက ၁၉၉၈ ကတည်းက မြန်မာထက် ၁၂နှစ် စောပြီး ပြုပြင်ပြောင်းလဲ ခဲ့တာကြောင့်ပါ။ လူသား အရင်း အမြစ် မှာတော့ မြန်မာ နိုင်ငံ က အင်အားကြီး၊ တရုပ် အိန္နိယ တို့နဲ့ အိမ်နီးချင်း ဖြစ် နေလိုက ပိုပြီး အခွင့် အလမ်း ရှိ ပါတယ်။
.
အနာဂါတ် မြန်မာ ခေါင်းဆောင်များဟာ  ကိုယ့် မြို့။ ကိုယ့်ရွာ မှာ မြို့တော်ဝန်၊ စည်ပင်ဌာန အကြီးအကဲ များအဖြစ်က ထူးထူး ခြား ခြား တိုးတက် ဖွံ့ဖြိုးအောင် လုပ်နိုင်သူများ၊ လူငယ်များစွာ ပေါ်လာမယ် မျှော် လင့်ပါတယ်။ ရန်ကုန် မြို့တော် စည်ပင် ဥပဒေကို ကန့်ကွက်မှု များစွာ ပြန်လည် ပြင်ဆင်ပြီး အတည်ပြုလိုက် ပါပြီ။ ကော်မတီဝင် ၁၁ဦး မှာ ၆ဦးကို ရွေးကောက် တင်မြှောက်ပြီး၊ ၅ဦးကို အစိုးရက ရွေးချယ် ရမယ် ဖြစ်ပါတယ်။ အလားတူ မြို့တိုင်းမှာ စည်ပင် ဥပဒေများ နဲ့ ရွေးကောက်ခံ စည်ပင်အကြီးကဲ (အင်ဒိုနီးရှား သမ္မတ ဂျို ကို ၀ီ ကဲ့သို့) အစိုးရက မခန့်အပ်ပဲ ပြည်သူက ရွေးကောက် တင်မြှောက်မဲ့ စနစ် ဖြစ်လာရင် အနာဂါတ် မျိုးဆက်သစ် မြန်မာလူငယ် များ ပိုမို တိုးတက် ဖွံ့ဖြိုး လာမှာ ဖြစ်ပါတယ်။
.
ဇော်အောင် (မုံရွာ)
၂. ဇူလိုင်. ၂၀၁၈
.
.
.
ကိုးကား
၁။ ယခင် မိုးမခ ဆောင်းပါးများ
၂။ ၀ီကီ  https://en.wikipedia.org/wiki/Joko_Widodo