Grand Royal အရက် (ကုမဏီအကြီးစား) နဲ့ Genius ဉာဏ်ကြီးရှင်ကော်ဖီ(ကုမဏီအလတ်စား)

 ပြည်ပပို့ကုန်ချော

Grand Royal အရက် (ကုမဏီအကြီးစား)

Genius ဉာဏ်ကြီးရှင်ကော်ဖီ(ကုမဏီအလတ်စား)

=====================

.

ကုမဏီဥက္ကဌဦးအောင်မိုးကျော်

.

ပြည်တွင်း ကုန်ကြမ်း ဇကွဲ၊ တင်လဲရည်၊ ပုလောပီနမ် များနဲ့ ထုတ်လုပ်ပြီး ပြည်တွင်း/ပြည်ပဈေးကွက် ၂ခုစလုံးကို အရည်အသွေး (Quality) တတန်းစားထဲ ထုတ်လုပ်ဖြန့်ဖြူးနေတဲ့ မြန်မာ့ပြည်တွင်းဖြစ် နိုင်ငံခြားအရက် အဆင့်ရှိတဲ့ Grand Royal အရက်လုပ်ငန်း ဖြစ်ပါတယ်။

.

မြန်မာအရက် များစွာ နိုင်ငံတကာအဆင့် စက်ကြီးများနဲ့ ထုတ်နေလို့ Quality စိတ်ချရပါပြီ။ ပြည်ပက လာတဲ့ တရားမဝင် ကုန်များကို ပြိုင်ဖို့ပဲ ခက်ပါတယ်။ မြန်မာ မန္တလေးရမ် တံဆိပ်က အရည်သွေးကောင်း တံဆိပ်တခုပါ။ 

.

အခွန်ငွေ ကျပ်ဘီလျံ ၁၉၀ (US$ 150 million)  ပေးေ၁ာင်နေပြီး နိုင်ငံတော်သမတ ကိုယ်တိုင် ပေးအပ်တဲ့ ထိပ်တန်းအခွန်ဆောင် ကုမဏီ ၄၅ ခုမှာ နှစ်စဉ် ထိပ်ဆုံးက အမြဲ ပါဝင်ပါတယ်။ 

.

New Watch သတင်းဌာနမှ စနစ်တကျပြင်ဆင်ပြီး အမေးအဖြေ အင်တာဗျူးမှာ ကုန်ပစ္စည်း တံဆိပ်တခု ဘယ်လို ကမ္ဘာ့အဆင့်မီ 

...အရည်အသွေးနဲ့ ဈေးကွက်ရှာခြင်း

...ထုတ်လုပ်ခြင်း

...တရားမဝင်ကုန်ပစ္စည်းတွေကို ယှဉ်ပြိုင်ဖို့ခက်ခြင်း

...ထွေအုပ်/FDA/အခွန်ဌာန (Level Play Field)

...စင်ကာပူအစိုးရဆောင်ရွက်ချက် (Tax 20% per litter)

...မှန်ကန်တဲ့ဈေးကွက်ပြိုင်ဆိုင်မှု Level Play Field အတွက် နယ်စပ်မှာထိန်းချုပ်ဖို့ခက်ပေမဲ့ ဥပဒေစိုးမိုးတဲ့ မြို့ကြီးတွေမှာတော့ ထိန်းချုပ်လို့ ဖြစ်နိုင်ကြောင်း ..စသဖြင့် ကုမဏီဥက္ကဌ ဦးအောင်ကျော်မိုးက ပွင့်လင်းစွာ ပြောပြသွားပါတယ်။ 

.

...ကိုဗစ်ကာလ မှာ လက်သန့်ဆေး ထုတ်လုပ်ခြင်းကို ဦးစားပေး ခဲ့ပါတယ်။ 

link (12 min)

https://www.facebook.com/343551955682612/posts/3177250175646095/

.

.

ဦးငွေထွန်း (ကော်ဖီ လုပ်ငန်းရှင်)

.

အလွန်ကြိုးစားတဲ့ ဉာဏ်ကြီးရှင်ကော်ဖီ တံဆိပ်ပိုင်ရှင် ဦးငွေထွန်းကို The Voice (Viewer) က တွေ့ဆုံမေးမြန်းတာ မိမိလိုရာဆွဲမေးတဲ့ ပုံစံပါ။ တကယ်တော့ ဘယ်လုပ်ငန်းမဆို ရင်းနှီးတွေက နံပါတ်(၁) မဟုတ်တာကို The Vouce (Viewer) က သူ့အမြင် အရင်း အရေးကြီးဆုံးလို့ ပိတ်ပြောပြီး ဘယ်လို အရင်းရှာရမယ်ဆိုတဲ့ မေးခွန်းကို စီးပွားအောင်မြင်သူ ဦးငွေထွန်းက လှပစွာ ရှောင်ပတ် ဖြေသွားပါတယ်။ 

.

ဘယ်လုပ်ငန်းမဆို 

၁။ ဦးဆောင်သူရဲ့ အရည်အချင်းက နံပါတ်(၁) ထားရပါတယ်။ ပထမဆုံး အချိန်ယူ Plan လုပ်ဖို့ အချိန်ပေးရပါတယ်။ 

၂။ ဈေးကွက်ရှာခြင်း နဲ့

၃။ အရည်အသွေးကောင်းခြင်း တပြိုင်ထဲလုပ်ရပါတယ်။ 

အဲဒီ နံပါတ် ၁။ ၂။ ၃ တို့ကို ၂နှစ်၊ ၃နှစ် လုပ်ရင်း ပြုပြင်ရင်းနဲ့ နံပါတ်(၄) ဖြစ်တဲ့ အရင်းအနှီးက အလိုအလျှောက် ရလာပါတယ်။ 

.

အရင်းအနှီးဟာ နံပါတ်(၄) အဆင့်မှာပဲ ရှိပါတယ်။ ဒီဗီဒေယိုမှာ The Voice က မေးရင်း သူထင်တာ ပြောနေတာတွေ ကျော်ပြီး (ဖြတ်တောက်ပြီး) ဦးငွေထွန်း ပြောတာတွေပဲ နားထောင်ရင် အချိန်ကုန်သက်သာမယ်။ ပိုအကျိုးရှိမယ် မြင်ပါတယ်။ 

.

အခုခေတ်က အဆက်အသွယ်ကောင်းလို့ တင်ဒါအလုပ်ရတာမျိုး အလွန်နဲသွားပါပြီ။ မိမိက ဆပ်ကွန်းပေးပြီးလုပ်ရရင် ဖို့ အမြတ်နည်းသွားတဲ့ခေတ်ပါ။  မိမိတကယ်လုပ်နိုင်မှ အမြတ်ရတဲ့ခေတ် ဖြစ်နေပါပြီ။ လုပ်ငန်းရှင် အရည်အချင်းကောင်းရမဲ့ ခေတ်ရောက်နေပါပြီ။ 

My Personal View. 

link 45 min

https://www.facebook.com/LivingColorMediaCoLtd/videos/654235312105899/

.

.

မှတ်ချက်ချရရင်

.

အရက်ဘီယာ၊ အချိုရည် လုပ်ငန်းဟာ အလွန်အမြတ်အစွန်းကြီးမားတဲ့ ပြည်တွင်း/ပြည်ပ ဈေးကွက်ကြီး ဖြစ်ပါတယ်။ ကမ္ဘာ့ နံပါတ်(၁) ပုလောပီနမ် Casava Chip ရောင်းချတဲ့နိုင်ငံက အိမ်နီးခြင်း ထိုင်းနိုင်ငံဖြစ်ပြီး ပုလောပီနမ် us$ billions နှစ်စဉ် တရုပ်ပြည် အရက်စက်ရုံများအတွက် Export လုပ်နေပါတယ်။ မြန်မာပြည်က အရက် ကုန်ထုတ်လုပ်ငန်း အခြေခံ ကုန်ကြမ်းများ အလွန်ပေါပါတယ်။ ပုလောပီနမ် စိုက်ပျိုးနိုင်ပေမဲ့ Chip ထုတ်တဲ့ စက်ရုံ (မှိုမတက်ရန်) လိုပါတယ်။ တည်ငြိမ်တဲ့ လျှပ်စစ်ရှိမှ ဆိုတော့ ရန်ကုန်မှာပဲ ကုန်ထုတ်စက်ရုံများ ရှိနေရပါတယ်။ 

.

လက်ရှိ မြန်မာပြည်တွင်းဖြစ် ကမ္ဘာ့အဆင့် ကုန်ချောကတော့ အရက်( Grand Royal) နဲ့ မြန်မာဘီယာ(Myanmar Beer) တို့ဖြစ်တယ်။ 

.

ယခင်အစိုးရလက်ထက် နိုင်ငံခြားက အရက်၊ ဘီယာ၊ အချိုရည်၊ ဆေးလိပ် ကုမဏီကြီးများစွာကို ရင်းနှီးမြှတ်နှံမှု ပါမစ်ပေးပြီး အခွန်၅နှစ်အထက် လွတ်ငြိမ်းခွင့်ပြုခဲ့သူများကတော့ ကျိကျိတက် ချမ်းသာနေကြောင်း။ နောင် ထိုကဲ့သို့ မဖြစ်ဖို့ အင်အယ်ဒီအစိုးရ လိုမျိုး အခွန်စည်းကြပ်ဖို့ ထွေအုပ်၊ FDA၊ အခွန်ဌာန ဝန်ထမ်းများကို ၃လတကြိမ် ဘောနပ်စ် ဆုကြေးကောင်းကောင်းပေးပြီး၊ အဂတိလုပ်ရင် ဖမ်းဆီး ဒဏ်ပေးတဲ့ ဆုပေးဒဏ်ပေးစနစ် (တရုပ်၊ ဗီယက်နမ် နိုင်ငံများလို) အကောင်ထည်ဖော်ဖို့ လုပ်နေကြပါတယ်။ 

.

မြန်မာနိုင်ငံဟာ Tax per GDP အခွန်ကောက်နှုန်း 7% သာရှိပေမဲ့ ယခင် ၅နှစ်က 2% လောက်ပဲ ရှိရာက ၄ဆ တိုးတက်လာပါတယ်။ မူးယစ်နဲ့ တရားမဝင်ငွေမဲများကို ငွေဖြူဖြစ်ဖို့ သိန်း၁ထောင်အောက် 3% , သိန်း၃သောင်းအထက် 15% အခွန်ကောက်စနစ်နဲ့ ငွေမဲများကို ဆွဲဆောင်နေပါတယ်။ 

.

သယံဇာတကုန်ကြမ်းများ ကျောက်စိမ်း၊ Gas, ကြေးနီ၊ နိကယ်၊ ရှားပါသတ္တု၊ သစ်မျိုးစုံ၊ ကျွဲနွား၊ ငါးပုဇွန် ၊ လယ်ယာ/မွေးမြူရေး ထုတ်ကုန်ကြမ်းများစွာ အထူးသဖြင့် တရုတ်နိုင်ငံကို တင်ပို့ပါတယ်။ ကျောက်စိမ်းကုမဏီများက အခွန် ~ us$600 million , ဓါတ်ငွေ့မှ အခွန် ~ us$2000 million Grand Royal အရက် တခုတည်းမှ အခွန် us$150 million ရရှိပါတယ်။ 

.

စီးပွားရေးမှာ တရားသောယှဉ်ပြိုင်မှုက အလွန်ခက်ခဲပါတယ်။ စီးပွားရေးသမားများမှာ Corrupt အဂတိ အများဆုံးပါ။ မိမိ မဆုံးရှုံးရေးအတွက် ဌာနဆိုင်ရာ လုပ်ပိုင်ခွင့်ရှိသူများနဲ့ ညှိနှိုင်းလုပ်ကိုင်ရလို့ပါ။ "တရား သော ယှဉ်ပြိုင်ခြင်း" တိုးတက်အောင် အစိုးရခေါင်းဆောင်ကောင်း ပျိုးထောင်စနစ် အင်အယ်ဒီအစိုးရက ကြိုးစာားလုပ်ဆောင်နေပါတယ်။

ဖတ်ရှု နားဆင်သူများ ကျန်းမာရွှင်လန်းပါစေ။

ဇော်အောင်

TSP(Export Production)

15-8-2020

.

.

ပုံ ဂျော်နီဝေါကား Red Level အဆင့် Grand Royal ရွှေ တပုလင်း ကျပ်၈ထောင် us$6.00 per litter