စက်မှု ဝန်ကြီးဌာန အစီရင်ခံစာ သြဂုတ် 2019

စက်မှုဝန်ကြီးဌာန အကြောင်း Aug.2019
တာဝန်သိ လွှတ်တော်ကိုယ်စားလှယ်များက လွှတ်တော်မှာ ရေးကြ၊ ပြောကြ၊ အဆိုတင်သွင်းကြတယ်။ NLD အစိုးရလက်ထက် စက်မှု ဝန်ကြီး အနားပေးခံရပြီး စီမံဘဏ္ဍာ ဌာနက Reform ဆက်လုပ်နေတယ်။ ဒုဝန်ကြီး အသစ် လူငယ်ပညာတတ် စီးပွား ပညာရှင် ကို ခန့်အပ်တာ ကြိုဆိုကြတယ်။
.
စက်မှု ဝန်ကြီးဌာန ဝန်ထမ်း၃၉ဝဝဝကျော် နဲ့
ရပ်န၊းစက်ရုံဝန်ထမ်း၁၀၀၀၀ကျော်၊ လစာ ပင်စင်စရိတ် နှစ်စဉ် ကျပ် 75 ဘီလျံပဲ ရှိတာ နည်းပါတယ်။ 2019-2020 ဘတ်ဂျတ်မှာ ကျပ် 300 ဘီလျံ ရယူထားတာ ဝန်ထမ်းစရိတ် နဲ့ (တရုပ်)အကြွေးဆပ် သုံးစွဲ နေတာပါ။
.
ဒီပို့စ် က ဦးဘိုကြည်(မြင်းခြံ) အမတ်ရဲ့ အစီရင်ခံစာ အကြောင်း အရှင်တေဇနိယ(မန်းတောင်ခြေ) ပို့စ် တင်ထားတာ ဖြစ်ပါတယ်။
.===========
.
အဆင်းရဲဆုံးနိုင်ငံနှင့်ဘီလျံနာသူဌေးကြီးများ
*******************************
စက်မှုဝန်ကြီးဌာနလက်အောက်မှာ
စက်ရုံပေါင်း(၁၁၃)ရုံရှိတယ်။

ပုဂ္ဂလိကနဲ့ဖက်စပ်(၅၇)ရုံ/နိုင်ငံပိုင်(၅၆)ရုံရှိတယ်။
နေ့စဉ်အရှုံးပေါ်နေတဲ့စက်ရုံ (၂၂)ရုံရှိတယ် ။

စက်မှုဝန်ကြီးဌာနမှာဝန်ထမ်း၃၉ဝဝဝကျော်ရှိတယ် ။
စက်ရုံဝန်ထမ်း၁၀၀၀၀ကျော်ဟာအလုပ်ရပ်ထားရတယ် ။
နှစ်စဉ်ဝန်ထမ်းလစာကျပ်(၅၀)ဘီလျံနဲ့
ပင်စင်လစာကျပ်(၂၅)ဘီလျံရှိတယ်။

၂၀၁၉/၂၀ဘဏ္ဌာနှစ်မှာစက်မှုဝန်ကြီးဌာနက
နိုင်ငံခြားအကြွေး၁၄၈ဘီလျံဆပ်ရမှာမို့
တစ်ရက်သန်း၄၀၀အကြွေးဆပ်နေရတဲ့သဘောဖြစ်တယ်။

အမှတ်(၁) မြင်းခြံသံမဏိစက်ရုံဟာ
ရင်းနှီးမြုပ်နှံငွေကျပ်(၁၇၉၅၀၀.၅)သန်းရှိတယ်။
၂၀၁၇/၁၈ဘဏ္ဌာနှစ်မှာ
ကျပ်(၂၅၀၉၀.၄၉၂)သန်း အရှုံးပေါ်ခဲ့တယ်။

မြင်းခြံသံမဏိစက်ရုံကို
၂၀၁၇ ခုနှစ် ဧပြီလမှာကျင်းပတဲ့
ပြည်ထောင်စုလွှတ်တော်ရဲ့ဆုံးဖြတ်ချက်အရ
ရပ်ဆိုင်းခဲ့တယ် ။

မြင်းခြံသံမဏိစက်ရုံကိုမြင်ခြံမြို့အနီး
ဆားခါးကျေးရွာရှိ မြေဧက ၅၇၄.၂ဧကပေါ်မှာ
တည်ဆောက်ထားခဲ့တယ်။
​
စစ်ထောက်ချုပ်ဒုဗိုလ်ချုပ်ကြီးသီဟသူရတင်အောင်မြင့်ဦး. စက်မှု(၁)ဝန်ကြီးဦးအောင်သောင်းတို့၏
ကြီးကြပ်မှုဖြင့်ဆောက်လုပ်ခဲ့ခြင်းဖြစ်တယ်။

၂၀၀၉ ခုနှစ်မှာ စတင်တည်ဆောက်၍
၂၀၁၂ ခုနှစ်မှာ စတင်ဖွင့်လှစ်နိုင်ခဲ့ပြီး
၂၀၁၇ ခုနှစ်မှာ လုပ်ငန်းရပ်နားခဲ့ရတယ်။

အမှတ်(၁၄) အကြီးစားစက်ရုံသာဂရဟာ
ရင်းနှီးမြုပ်နှံငွေကျပ်(၁၂၉၆၉၅.၃၂)သန်းရှိတယ်။
၂၀၁၇/၁၈ ဘဏ္ဌာနှစ်မှာကျပ်(၃၉၇၆.၃၄)သန်း
အရှုံးပေါ်ခဲ့တယ်။

အမှတ်(၅) အထည်စက်ရုံပခုက္ကူဟာ
ရင်းနှီးမြုပ်နှံငွေကျပ်(၇၇၂၀.၁၁၆)သန်းရှိတယ်
၂၀၁၇/၁၈ ဘဏ္ဌာနှစ်မှာ(၂၈၇၀.၁၂)သန်းအရှုံး
ပေါ်ခဲ့တယ်။

စက်မှုဝန်ကြီးဌာန တစ်ခုတည်းရဲ့
နိုင်ငံတော်ဘတ်ဂျက် အရှုံးပြငွေဟာ…
၂၀၁၅/၁၆ မှာကျပ်သန်းပေါင်း ၈၉၄၇၁
၂၀၁၆/၁၇ မှာကျပ်သန်းပေါင်း ၉၄၈၅၀
၂၀၁၇/၁၈ မှာကျပ်သန်းပေါင်း ၆၆၂၆၆
အရှုံးပေါ်ခဲ့တယ်။

သတိပညာနဲ့ဆင်ခြင်လိုက်တဲ့အခါ…
သူတို့မိသားစုကဘီလျံနာသူဌေးကြီးတွေဖြစ်ကုန်ပြီးတိုင်းပြည်ကတော့အကြွေးဗလဝနဲ့ဆင်းရဲကျန်ခဲ့တယ်…

အနာဂတ်အမိမြေမှာ
အများပိုင်ပစ္စည်းဥစ္စာသယံဇာတတွေကို
သူတို့စိတ်ထင်တိုင်းခိုးယူလို့မရအောင်
ပြတ်ပြတ်သားသားတားဆီးကာကွယ်ဖို့ရာ
မြန်မာနိုင်ငံသူ/သားတိုင်းတာဝန်ရှိပါတယ်……

လူယုတ်မာတို့ဘေး ထာဝရ ကင်းဝေးပါစေ

အရှင်တေဇနိယ(မန်းတောင်ခြေ)

(ကိုးကား)
ဦးဘိုကြည်(မြင်းခြံ)၏(၂၇ - ၈ -၂၀၁၉ )၌
လွှတ်တော်သို့တင်ပြချက်အစီရင်ခံစာ
https://m.facebook.com/story.php?story_fbid=2224025144362632&id=100002655031423

#
...........
.
စီးပွားရေးပညာရှင်နောက်တစ်ဦးကို
စက်မှုဝန်ကြီးဌာနတွင် ဒုဝန်ကြီး တာဝန်ပေး
==================
.
လူငယ်လဲဖြစ်၊ ပညာဥာဏ် တော်တတ်နေတာ ကောင်းပါတယ်။ လေးစားဂုဏ်ယူပါတယ်။ ခေါင်းဆောင်ရဲ့ စိတ်ဓါတ်ကို ပိုတန်ဖိုး ထားရပါမယ်။
...
အစဉ်လေးစားဂုဏ်ယူလျက်ပါ ကိုစိုင်း(ခေါ်)ဒေါက်တာမင်းရဲပိုင်ဟိန်း။ Undergraduate ကို Cornell မှာ Full Scholarship နဲ့ယူပြီး။ Masters နှစ်ခုကိုတပြိုင်တည်း Yale မှာလုပ်။ Ph.D နှစ်ခုကိုလည်း (Ph.D in Sociology and Economics) တပြိုင်တည်း University of Wisconsin-Madison ကနေပြီးလာပြီး တိုင်းပြည်တိုးတက်အောင်ကြိုးစားနေတဲ့အကိုကြီးပါ။ ဘာသာစကား (၈) မျိုးကိုကျွမ်းကျွမ်းကျင်ကျင် ရေးတတ်၊ဖတ်တတ်၊ ပြောနိုင်တဲ့ ပုဂ္ဂိုလ်ပါ..ဆိုပဲ။
.
.
စက်မှု ဝန်ကြီးဌာန ဆိုတာ
မကြာခင် သမဝါယမ၊ ပြန်ကြားရေး ဌာနတွေလို ပုဂ္ဂလိက အများပိုင် လုပ်ငန်းများ အဖြစ် ပြောင်းလဲ နိုင်ချိန် မှာ ဖျက်သိမ်းရ မဲ့ ဝန်ကြီး ဌာန ပါ။ လောလောဆယ် ပုဂလိက မယူတဲ့ စက်ရုံများစွာ မြင်းခြံသံမဏိ ကဲ့သို့ စက်ရုံများ၊ ပွင့်ဖြူ၊ မိထ္တီလာ စတဲ့ ချည်မျှင်အထည်စက်ရုံ များ ၊ သာပေါင်း ပျော့ဖတ်စက်ရုံ၊ ပုသိမ်မှန်စက်ရုံ၊ စစ်တောင်းစက္ကူစက် စတဲ့ ရပ်နားထားတဲ့ ဝန်ထမ်းပေါင်း သိန်းချီ ရှိနေပါတယ်။ စက်မှု ဝန်ကြီးဌာန ရဲ့ နှစ်စဉ် ဘတ်ဂျတ် ကျပ်ဘီလျံ ၃၀၀ ကျော် (us$200 million per year) က ဝန်ထမ်း လစာ ချည်း ပဲ ဖြစ်ပါတယ်။
.
စက်ရုံနဲ့ ဝန်ထမ်းများကို မအားမလပ်အောင်၊ သန့်ရှင်းရေး၊ နေ့စောင့်၊ ညစောင့်၊ သင်တန်းအမျိုးမျိုး ပေးနေရပြီး ဠေံပစ်လို့ ရမဲ့ စက်ပစ္စည်း တွေကို တင်ဒါခေါ် ရောင်းချ နေရပါတယ်။ စက်ရုံ အားလုံး ဟာ အဟောင်းဈေးနဲ့ ရောင်းချပြီး ရင်းနှီးမြှတ်နှံ မဲ့ ကုမဏီ ရှာဖွေနေပါတယ်။ စက်မှု စီမံကိန်း အများစုက စီမံဘဏ္ဍာ ဝန်ကြီး ဌာနနဲ့ တွဲလုပ်ကိုင်ရလို့ စီမံဘဏ္ဍာ ဝန်ကြီး ဦးစိုးဝင်း က တွဲဖက် တာဝန် ယူ တယ် လို့ သမ္မတရုံး က သတင်းစာ ရှင်း ပါတယ်။
...
စက်မှု ဒုဝန်ကြီး အသစ်
ခေါင်းဆောင်ကောင်း ဖြစ်မယ် မျော်လင့်ပါတယ်။
.
.
နိဂုံး သုံးသပ်ရရင်
.
လွှတ်နော်ကိုယ်စားလှယ် က ပွင့်လင်းစွာ တင်ပြတဲ့ အစီရင်ခံစာမှာ ဝှက်ထားတဲ့ စီမံကိန်း ငွေတွေ၊ လုပ်ငန်းတွေ၊ အာဏာပိုင်တွေက ငှါးစား၊ ရောင်းစားထားတဲ့ စက်ရုံ.တိုက်တာ.အိမ်ခြံမြေ များစွာ ရှိနေမှာပါ။ ဒါတွေကို ဖော်ထုတ်ဖမု့ မလွယ်သေးပါ။ ရန်ကုန်မြို့ လယ်ခေါင်မှာ ဌာနဆိုင်ရာ အဆောက်အဦ ခြံဝင်းများကို ရာထူးကြီးငယ် အလိုက် အပိုင်ရသကဲ့သို့ ဆွေမျိုးဆက် ရယူ နေထိုင် ငှါးစား နေတာ အများကြီးပါ။ အဆိုးဆုံး ကတော့ ယခု us$ billion မီရထား ရှော့ပင်စင်တာ၊ ကွန်ဒို၊ ရုံးအဆောက်ဦ စီမံကိန်းကြီး ဖြစ်ပါတယ်။ ထားပါတော့။
.
စက်မှု ဝန်ကြီးဌာန အမြတ်စွန်း ရတဲ့ စက်ရုံနွေတော့ ပုဂလိက (or) ဦးပိုင်. MEC ယူသွားပြီး၊ မြင်းခြံ သံမဏိ စက်ရုံကို စီမံကိန်းတွေ ပြစား နေတာ နှစ်အတော်ကြာပါတယ်။ ချီးထုပ်ကြီး နံစော်လာချိန် မှ စက်မှု ဝန်ကြီး ဌာနကို ပြန်လွှဲ ပေးတယ်။ Gun Shoot ဆိုတဲ့ (စိတ်တိုနေတဲ့) တပ်မတော်သား. ခြေကျိုး ဒုက္ခသည်များစွာ. . အပြစ်နဲ့ အရပ်ဖက်ပြောင်းခံရသူ.  ရဲ့ နားခိုရာ ဖြစ်တယ်။ ဒီစက်ရုံ ကြီးက ဟိုး..ဦးမေဝင်း မ.တ.လ ခေတ်ကတည်းက အီတလီ နိုင်ငံ ကနေ အသစ်ချက်ချွတ် ဝယ်ယူထားတယ်။ န.ဝ.တ ခေတ်လည်း ပြစား၊  န.အ.ဖ ခေတ်လဲ လည်းမပြီး။ .ဦးသိန်းစိန် ၅နှစ် အစိုးရ မှာတော့ စက်မှု ဝန်ကြီးဌာန ပေါက် ပြန်ရောက်လာပြီး ဂွင်တွေ ပျောက်ကုန်တယ်။ ကန်ထရိုက်တာ က အေရှားဝေါ (စတီဖင်လော) ကုမဏီ တဲ့။ အထက်မြန်မာပြည် ကားဟောင်း အားလုံး မြင်ခြံမှာ သံရည်ကြိုဖို့ ရောက်နေတယ်။ ကိုးရီးယားက ဖိကြိတ်သံတွေလဲ ဝယ်ပြီး အရည်ကြိုဖို့ လုပ်နေတယ်။ သံပိုက်ကအစ မော်တော်ကား အထိ ထုတ်ဖို့ အီတလီကို ပညာတော်သင် အများအပြား စေလွှတ်တယ်။ ပညာတော်သင် ခရီးက ပြန်လာသူ အားလုံးနီးပါး အလုပ်ထွက်ကြတယ်။ စက်ပစ္စည်း ကွန်တိန်နာ ရာချီပြီး မဖွင့်ဖော်ပဲ နှစ်ပရိစယျ များစွာ မိုးလေ ဒဏ်ကြောင့် ပျက်စီးမေကြတာ.. အခုထိ အကြွေး ကျပ် 179 ဘီလျံ နဲ့ နှစ်စဉ် ကျပ် 25 ဘီလျံ ရှုံးနေ ပါတယ်။
.
ဒီအကြောင်း ဆောင်းပါး ရေးဖူးတယ်။ အခု မြင်းခြံ အမတ် ဦးဘိုကြည် ထပ်မံ အစီရင်ခံစာ ရေးတယ်။ တင်ပြတယ်။ ငယ်ရွယ် လန်းဆန်းတဲ့ လူငယ် (World Class) မြန်မာ ပညာရှင်များကို လစာ စရိတ် ထိုက်တန်စွာ ပေးပြီး ခေါ်ယူရမယ်။ အခု ဒုဝန်ကြီး န်ုန်ုင် @မင်းရဲပိုင်ဟိန်း က အစခရီး ဖြစ်တယ်။
.
စက်မှု ဝန်ကြီး ဌာန ဝန်ထမ်း လစာစရိတ် နဲ့ ပင်စင် ကျပ် 75 ဘီလျံ ဆိုတာ မြင်းခြံ တစ်ခုတည်း ဖြစ်မယ်။ စုစုပေါင်း ဝန်ထမ်း 5 သောင်း ကို တလ 2 သိန်း ဆိုရင် တနှစ် 24 သိန်း ကုန်မယ်။ အားလုံးအတွက် လစာချည်းပဲ သိန်းပေါင်း 24 x 50000=ကျပ်ဘီလျံ 120 ကုန်မယ်။ ဒါကြောင့် စက်မှု ဝန်ကြီးဌာန ဘတ်ဂျတ် ကျပ် 300 ဘီလျံမှာ တဝက်က ဝန်ထမ်းလစာနဲ့ပင်စင်၊ အခြားတဝက်က အကြွေးပြန်ဆပ်ငွေ ဖြစ်မှာပါ။
.
ဒါတွေ (ချီးထုပ်ကြီး 3ခု.. မြင်းခြံ သံမဏိ၊ သာဂရအကြီးစားစက်ရုံ၊ ပခုကူ အထည်စက်) တွေကို ရှင်ရမှာပါ။

စက်မှု ဝန်ကြီးဌာန သာမက ပိုလျံဝန်ထမ်း သိန်းချီ ပြသနာ. 2021 နောက်ပိုင်း 2nd state reform ဖြစ်လာပါမယ်။ ပိုလျံဝန်ထမ်းများစွာ ရော်ကြေးပေး ပင်စင်ပေးခံရလို့ ဆူပူကြဦးမယ်။ အစိုးရလုပ်ငန်းတွေ ကော်ပိုရိတ် လုပ်တာ အောင်မြင်ပါစေ ဆုတောင်းတယ်။ စက်မှု ဒုဝန်ကြီး အသက်41 နှစ် စီးပွါး ပညာရှင် နဲ့ စီမံဘဏ္ဍာ ဌာန ဆက်လုပ်ကြမယ်။ လောလောဆယ် စက်မှု ဘတ်ဂျတ်ငွေ (မှန်းချေ) ကျပ် 300b လောက် ကလဲ ရပ်ထားတဲ့ စက်ရုံတွေရဲ့ ဝန်ထမ်းလစာ နဲ့ အကြွေးပြန်ဆပ် တာတွေပဲ.. ကုန်ကျနေရတယ်။
TSP Industry
29.8.2019
.
.
Ref Link
စက်မှု ဒုဝန်ကြီးခန့်အပ်
https://m.facebook.com/story.php?story_fbid=10156769255398472&id=755653471

2017 ဆောင်းပါး
https://engrmyanmar.blogspot.com/2017/03/blog-post_19.html?m=1